O‘zbekiston Respublikasi Prezidentining “Avtomobil transportini boshqarish tizimini yanada takomillashtirish chora-tadbirlari to‘g‘risida” 2018-yil 6-martdagi PQ-3589-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirishlar va qo‘shimchalar kiritilsin.

2. Vazirliklar va idoralar o‘zlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi Favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

4. Vazirlar Mahkamasining “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, shuningdek kichik hajmli kemalardan xavfsiz foydalanish sohasida davlat nazoratini olib borish tartibi to‘g‘risidagi Nizomni tasdiqlash haqida” 2017-yil 19-sentabrdagi 744-son qarorida (O‘zbekiston Respublikasi QT, 2017-y., 9-son, 216-modda):

a) nomlanishi va 1 banddagi “kichik hajmli kemalardan” so‘zlari “kemalar, shu jumladan kichik hajmli kemalardan” so‘zlari bilan almashtirilsin;

b) qaror ilovasida:

nomlanishi, 1 va 4-bandlar, 5-bandning to‘qqizinchi xatboshi, 7-band, 9-bandning to‘rtinchi xatboshi, 14-bandning yettinchi xatboshi, 5-bobning nomlanishi va 42-bandning ikkinchi xatboshidagi “kichik hajmli kemalardan” so‘zlari “kemalar, shu jumladan kichik hajmli kemalardan” so‘zlari bilan almashtirilsin;

20-band, 21-bandning birinchi xatboshi, 33-band, 39-bandning birinchi xatboshi va 40-banddagi “kichik hajmli kemalar” so‘zlari “kemalar, shu jumladan kichik hajmli kemalar” so‘zlari bilan almashtirilsin;

5-bandning beshinchi xatboshi quyidagi tahrirda bayon etilsin:

“gidrotexnika inshootlari, kemalar, shu jumladan kichik hajmli kemalardan xavfsiz foydalanish, shuningdek, suv obyektlarida odamlar xavfsizligini ta’minlash yuzasidan samarali nazoratni amalga oshirish”;

14-bandning beshinchi xatboshi quyidagi tahrirda bayon etilsin:

“yuridik va jismoniy shaxslar tomonidan kichik hajmli kemalarni ro‘yxatdan o‘tkazish qoidalarini, bunday kemalardan va ular turadigan bazalardan (inshootlardan) foydalanish qoidalariga, shuningdek, kemachilikni tartibga soluvchi qoidalarga rioya etilishini nazorat qilish”;

39-bandda:

quyidagi mazmundagi uchinchi xatboshi qo‘shilsin:

“kemalarning belgilangan vazifalarga muvofiq ichki suv yo‘llarida xavfsiz suzishi, yo‘lovchilar va kema ekipajlarining hayoti va sog‘lig‘ini muhofaza qilish, ichki suv yo‘llarida tashiladigan yuklarning butligini ta’minlash, shuningdek, suv obyektlarining kemalar tomonidan ifloslantirilishining oldini olish”;

uchinchi xatboshi to‘rtinchi xatboshi deb hisoblansin;

41-banddagi “ular turadigan bazalardan (inshootlardan) foydalanish qoidalari” so‘zlaridan keyin “, shuningdek, kemachilikni tartibga soluvchi qoidalar” so‘zlari qo‘shilsin;

43-band quyidagi tahrirda bayon etilsin:

“43. Aholi va hududlarning tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, kichik hajmli kemalardan va ular to‘xtab turadigan bazalardan (inshootlardan) foydalanish qoidalari, shuningdek, kemachilikni tartibga soluvchi qoidalarni tekshirish natijalari belgilangan shakl bo‘yicha dalolatnoma yoki ma’lumotnoma tarzda rasmiylashtiriladi”;

44-band quyidagi tahrirda bayon etilsin:

“44. Ma’lumotnoma aholi va hududlarning tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, kichik hajmli kemalardan va ular to‘xtab turadigan bazalardan (inshootlardan) foydalanish qoidalari, shuningdek, kemachilikni tartibga solish qoidalari buzilmagan taqdirda tuziladi. Ma’lumotnomada tekshirish o‘tkazilganligi qayd etilib, o‘tkazilgan tekshirish bo‘yicha savollar ro‘yxati hamda biror-bir kamchilik aniqlanmaganligi ko‘rsatiladi.”;

46-band quyidagi taxrirda bayon qilinsin:

“46. Dalolatnoma aholi va hududlarni tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, kichik hajmli kemalardan va ular to‘xtab turadigan bazalardan (inshootlardan) foydalanish qoidalari, shuningdek, kemachilikni tartibga solish qoidalari buzilgan taqdirda tuziladi. Dalolatnoma tuzishda FVVning mansabdor shaxsi tomonidan reja-topshiriqda ko‘zda tutilgan har bir savol bo‘yicha mavjud holatdagi kamchiliklar, qonunchilik hujjatlarining nomi va me’yorlari bayon qilinadi”;

v) Nizom ilovasi quyidagi mazmunda bayon etilsin:

5. Vazirlar Mahkamasining “O‘zbekiston Respublikasi Favqulodda vaziyatlar vazirligining moddiy-texnika bazasini mustahkamlash hamda xodimlarini moddiy rag‘batlantirish chora-tadbirlari to‘g‘risida” 2017-yil 5-dekabrdagi 968-son qarorida:

a) 2-bandning ikkinchi xatboshi quyidagi taxrirda bayon etilsin:

“kemalarni, shu jumladan kichik hajmli kemalarni ro‘yxatdan (qayta ro‘yxatdan) o‘tkazish, kichik hajmli kemalarni texnik ko‘rikdan o‘tkazish, kemalarni qurishda, foydalanishda, qayta jihozlashda va ta’mirlashda ko‘rikdan o‘tkazishdan tushgan mablag‘larning 60 foizi miqdoridagi ajratmalar”;

b) 1-ilovaning 5-bandi ikkinchi xatboshi quyidagi tahrirda bayon etilsin:

“kemalarni, shu jumladan kichik hajmli kemalarni ro‘yxatdan (qayta ro‘yxatdan) o‘tkazish, kichik hajmli kemalarni texnik ko‘rikdan o‘tkazish, kemalarni qurishda, foydalanishda, qayta jihozlashda va ta’mirlashda ko‘rikdan o‘tkazishdan tushgan mablag‘larning 60 foizi miqdoridagi ajratmalar”.