O‘zbekiston Respublikasi Prezidentining “Yoshlar — kelajagimiz” Davlat dasturi to‘g‘risida” 2018-yil 27-iyundagi PF-5466-son Farmoniga muvofiq, shuningdek, yoshlarni biznes bilan shug‘ullanishga faol jalb qilish hamda ularning tadbirkorlik faoliyatini har tomonlama qo‘llab-quvvatlash maqsadida Vazirlar Mahkamasi qaror qiladi:
Oldingi tahrirga qarang.
1. “Yoshlar — kelajagimiz” Davlat dasturi doirasida davlat-xususiy sheriklik shartlarida “Yosh tadbirkorlar” kovorking markazlari va “Yoshlar mehnat guzari” komplekslarini qurish hamda faoliyatini tashkil etish tartibi to‘g‘risidagi nizom ilovaga muvofiq tasdiqlansin.
(1-band O‘zbekiston Respublikasi Vazirlar Mahkamasining 2021-yil 11-martdagi 132-sonli qarori tahririda — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
3. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov zimmasiga hamda Vazirlar Mahkamasining Madaniyat, san’at va yoshlar siyosati masalalari axborot-tahlil departamentiga yuklansin.
Oldingi tahrirga qarang.
(ilova belgisi O‘zbekiston Respublikasi Vazirlar Mahkamasining 2021-yil 11-martdagi 132-sonli qarori tahririda — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
1. Mazkur Nizom “Yoshlar — kelajagimiz” Davlat dasturi (keyingi o‘rinlarda Davlat dasturi deb ataladi) doirasida davlat-xususiy sheriklik shartlarida “Yosh tadbirkorlar” kovorking markazlari va “Yoshlar mehnat guzari” komplekslarini qurish hamda faoliyatini tashkil etish tartibini belgilaydi.
davlat-xususiy sheriklik — xususiy investitsiyalarni jalb qilish, resurslarni birlashtirish maqsadida davlat sherigi va xususiy sherikning aniq muddatga “Yosh tadbirkorlar” kovorking markazlari va “Yoshlar mehnat guzari” komplekslarini qurish hamda faoliyatini tashkil etishdagi o‘zaro samarali hamkorligi;
davlat-xususiy sheriklik loyihasi — “Yosh tadbirkorlar” kovorking markazlari va (yoki) “Yoshlar mehnat guzari” komplekslarini qurish hamda faoliyatini tashkil etish bo‘yicha investitsiyaviy, innovatsion, infratuzilmaviy va boshqa tadbirlar majmui;
davlat-xususiy sheriklik to‘g‘risida bitim (keyingi o‘rinlarda bitim deb ataladi) — davlat sherigi va xususiy sherikning huquqlari, majburiyatlari va javobgarligini, shuningdek, davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik o‘rtasida tuzilgan yozma shartnoma;
tadbirkorlik subyektlari — Davlat dasturi doirasida tadbirkorlik va daromad keltiradigan mehnat faoliyati bilan shug‘ullanish istagida bo‘lgan yoshlar tadbirkorligi subyektlari (18 yoshga to‘lgan va 30 yoshdan oshmagan yoshlar), 50 foiz va undan ko‘proq muassislari yoshlardan iborat bo‘lgan tadbirkorlik subyektlari, shuningdek, yaratiladigan ish o‘rinlarining 70 foizidan kam bo‘lmagan qismini 5 yil davomida yoshlarni ish bilan ta’minlash uchun taqdim etish majburiyatini o‘z zimmasiga oladigan tadbirkorlik subyektlari, jumladan, xorijiy investorlar;
xususiy sherik — davlat-xususiy sheriklik to‘g‘risida bitim tuzgan yoki bitim tuzish istagini bildirgan tadbirkorlik subyektlari;
“Yosh tadbirkorlar” kovorking markazlari (keyingi o‘rinlarda kovorking markazlari deb ataladi) — yoshlar tadbirkorligi subyektlariga imtiyozli shartlarda binolar, ofis texnikasi va sarflash materiallarini ijaraga berish, ularni Internet jahon axborot tarmog‘i bilan ta’minlash, shuningdek, yoshlarning biznes tashabbuslari, startaplari, g‘oyalari va loyihalarini amalga oshirishga boshqacha ko‘mak berish, jumladan, biznes rejalar ishlab chiqish, maslahat, yuridik, buxgalteriya va boshqa xizmat turlarini ko‘rsatish, forumlar, mahorat darslari va seminarlar tashkil etishga mo‘ljallangan majmua;
“Yoshlar mehnat guzari” komplekslari (keyingi o‘rinlarda mehnat guzarlari deb ataladi) — chakana savdo va maishiy xizmatlar ko‘rsatish faoliyatini tashkil etish uchun tadbirkorlik subyektlariga imtiyozli shartlarda ijaraga joy ajratish orqali yoshlarni ish bilan ta’minlashga mo‘ljallangan majmua.
3. Davlat sherigi va xususiy sherikning kovorking markazi va (yoki) mehnat guzarini o‘zaro manfaatdorlikda tashkil etish bo‘yicha takliflari davlat-xususiy sheriklik to‘g‘risida bitim tuzish uchun asos hisoblanadi. Mazkur bitim namunasi Davlat-xususiy sheriklikni rivojlantirish agentligi bilan kelishiladi.
4. Ushbu Nizom tasdiqlangunga qadar kovorking markazlari va mehnat guzarlari tashkil etish maqsadida bo‘sh turgan yer uchastkalarini va bo‘sh turgan davlat mulki obyektlarini bepul asosda olgan tadbirkorlik subyektlari bilan davlat-xususiy sheriklik to‘g‘risida bitim tuzish ushbu Nizomga muvofiq amalga oshiriladi.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
6. Kovorking markazlari va mehnat guzarlarini qurishga yo‘naltiriladigan mablag‘lar xususiy sherikning soliq solinadigan bazasidan chegirib tashlanadi.
7. “Yoshlar — kelajagimiz” Davlat dasturi doirasida davlat-xususiy sheriklik shartlarida “Yosh tadbirkorlar” kovorking markazlari va “Yoshlar mehnat guzari” komplekslarini qurish hamda faoliyatini tashkil etish ushbu Nizomga 1-ilovaga muvofiq sxema bo‘yicha amalga oshiriladi.
8. Davlat-xususiy sheriklik shartlari asosida kovorking markazlari yoki mehnat guzarlarini qurish (joylashtirish) istagini bildirgan xususiy sherik tuman (shahar) hokimligiga ariza bilan murojaat qiladi.
a) yuridik shaxslar uchun — davlat ro‘yxatidan o‘tkazilganligi to‘g‘risidagi guvohnoma, jismoniy shaxslar uchun — pasport nusxasi;
b) kovorking markazi yoki mehnat guzarini qurish (joylashtirish) uchun rejalashtirilayotgan yer uchastkasi yoki davlat mulki bo‘lgan bo‘sh turgan obyekt to‘g‘risidagi ma’lumotlar;
v) yer uchastkasiga (binoga) bo‘lgan huquq davlat ro‘yxatidan o‘tkazilganligi haqidagi guvohnoma (agar kovorking markazi yoki mehnat guzari xususiy sherikning mulki negizida tashkil qilish bilan bog‘liq bo‘lsa);
g) zaruratga ko‘ra, kovorking markazi yoki mehnat guzarini qurish uchun eskiz loyihaviy taklif hujjatlari.
9. Davlat-xususiy sheriklik loyihasini amalga oshirish bo‘yicha tuman (shahar) hokimliklariga tushgan arizalar ikki ish kunida quyidagilarga asosan ko‘rib chiqiladi:
taklif etilayotgan davlat-xususiy sheriklik loyihasi hisob-kitoblarining asoslanganligi hamda iqtisodiy samaradorligi;
davlat-xususiy sheriklik loyihasini amalga oshirishda xususiy sherikning moliyaviy holati, xususan o‘z mablag‘lari va (yoki) u tomonidan jalb etilgan kreditlar va boshqa manbalar hisobiga amalga oshirilishining ta’minlanishi;
kovorking markazlari tuman (shahar) markazida, mehnat guzarlari esa ishsiz yoshlar soni ko‘p bo‘lgan aholi punktlarida tashkil etilishi.
10. Ariza ushbu Nizomning 8-bandi talablari buzilgan holda berilgan bo‘lsa yoki uni ko‘rib chiqish vaqtida 9-band talablariga javob bermagan taqdirda, hujjatlar ariza beruvchiga bir ish kuni mobaynida qaytariladi.
Taqdim etilgan arizada talablar buzilganligi haqidagi bildirishnoma yozma shaklda, shu jumladan, elektron axborot tizimi orqali xususiy sherikka yetkaziladi (jo‘natiladi). Bildirishnomada qanday talablar buzilganligi, qonun hujjatlarining aniq normalari va xususiy sherik ko‘rsatilgan talablar buzilishini bartaraf etib, hujjatlarni tuman (shahar) hokimligiga takroran ko‘rib chiqish uchun taqdim etishi mumkin bo‘lgan muddat ko‘rsatiladi.
Xususiy sherik talablar buzilishini bartaraf etishga va hujjatlarni takroran ko‘rib chiqish uchun taqdim etishga haqli bo‘lgan muddat yozma yoki elektron bildirishnoma olingan kundan boshlab uch ish kunidan kam bo‘lishi mumkin emas.
Kamchiliklar bartaraf etilib takror taqdim etilgan ariza qabul qilingan kundan boshlab ushbu Nizomning 9-bandida belgilangan tartibda qayta ko‘rib chiqiladi.
Oldingi tahrirga qarang.
11. Kovorking markazlari va mehnat guzarlarini qurish uchun aholi punktlari tarkibiga kiradigan yer uchastkalari O‘zbekiston Respublikasining Yer kodeksi va “Davlat-xususiy sheriklik to‘g‘risida”gi Qonunida belgilangan tartibda ajratiladi.
(11-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
(12 — 17-bandlar O‘zbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.07.2022-y., 09/22/375/0618-son)
18. Kovorking markazlari va mehnat guzarlarini qurish uchun davlat mulki bo‘lgan bo‘sh turgan obyektlar (keyingi o‘rinlarda obyekt deb ataladi) beriladi.
19. Tuman (shahar) hokimligi ikki ish kuni mobaynida kovorking markazi yoki mehnat guzari qurilishi uchun obyektni xususiy sherikka “nol” xarid qiymati bo‘yicha berishni tashkil etish maqsadida O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasining (keyingi o‘rinlarda Davlat raqobat qo‘mitasi deb ataladi) hududiy bo‘linmasiga tegishli materiallarni yuboradi.
20. Davlat raqobat qo‘mitasining hududiy bo‘linmasi tegishli materiallarni olgan vaqtdan boshlab uch ish kuni mobaynida obyektni balansda saqlovchiga (keyingi o‘rinlarda balansda saqlovchi deb ataladi) mulkni Buxgalteriya hisobi milliy standartlariga muvofiq inventarizatsiyadan o‘tkazish to‘g‘risidagi yozma talabni yuboradi.
21. Balansda saqlovchi o‘n ish kunidan ortiq bo‘lmagan muddatda obyekt bo‘yicha inventarizatsiya o‘tkazadi va Davlat raqobat qo‘mitasining hududiy bo‘linmasiga:
inventarizatsiya komissiyasi a’zolari va rahbari tomonidan imzolangan obyektni inventarizatsiya qilish hujjatlarini;
kadastr hujjatlari, shu jumladan, kadastr xaritasi (rejasi) va huquqni o‘rnatuvchi boshqa hujjatlarni (agar mavjud bo‘lsa);
yer uchastkasiga, erosti boyliklariga va boshqa tabiiy resurslarga bo‘lgan huquqni tasdiqlovchi hujjatlarni;
balansda saqlovchining jamiyat ro‘yxatdan o‘tkazilgan joy bo‘yicha soliq organi tomonidan tasdiqlangan balansini;
Davlat raqobat qo‘mitasi tomonidan tasdiqlangan shakl bo‘yicha obyektning pasportini, fotosuratlarni (kamida to‘rtta) ilova qilgan holda taqdim etadi.
22. Inventarizatsiya balansda saqlovchi tomonidan oraliq balans tuzilgan sanada o‘tkaziladi, bunda balansning har bir qatori tegishli inventar ro‘yxatlari bilan tasdiqlangan bo‘lishi kerak.
23. Inventarizatsiya hujjatlari Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat mulki obyektlarini xaridor tomonidan investitsiyaviy va ijtimoiy majburiyatlar qabul qilinishi sharti bilan “nol” xarid qiymati bo‘yicha sotish tartibi to‘g‘risidagi nizomda belgilangan tartib asosida tuziladi, inventarizatsiya komissiyasi raisi va a’zolari tomonidan imzolanadi.
24. Balansda saqlovchi va xususiy sherik o‘rtasida inventarizatsiya hujjati tuzilgach, ikki ish kuni mobaynida obyektni topshirish-qabul qilish hujjati uning balansi qiymati ko‘rsatilgan holda imzolanadi.
25. Obyektni topshirish-qabul qilish hujjati imzolangach va xususiy sherik tomonidan davlat boji to‘langanligini tasdiqlovchi hujjat taqdim etilgach besh ish kuni mobaynida Davlat raqobat qo‘mitasining hududiy bo‘linmasi xususiy sherikka “tasarruf etish huquqisiz” belgisi bilan egalik qilish huquqi uchun davlat orderini beradi.
26. Bitimning amal qilish muddati tugagandan so‘ng xususiy sherik o‘z majburiyatlarini va bitim shartlarini bajargan taqdirda, davlat sherigi tomonidan taqdim etilgan ma’lumot bo‘yicha Davlat raqobat qo‘mitasining hududiy bo‘linmasi xususiy sherik tomonidan egalik qilish huquqi uchun davlat orderining asl nusxasi taqdim etilgan kundan boshlab besh ish kunidan oshmaydigan muddatda qabul qiluvchi komissiyaning hujjati, shuningdek, audit xulosasi asosida “tasarruf etish huquqi bilan” belgisini qo‘yadi.
27. Xususiy sherik o‘z majburiyatlarini va bitim shartlarini bajargan taqdirda obyekt xususiy sherikka mulk huquqi asosida rasmiylashtiriladi.
kovorking markazlari yoki mehnat guzarlari foydalanishga topshiriladigan va ishga tushiriladigan muddatlar;
qurilish loyiha-smeta hujjatlarini tayyorlash, pudrat ishlari uchun shartnomalar tuzish muddatlari, qurilishni moliyalashtirish manbalari, amalga oshirish jadvallari, qurilishning borishi ustidan texnik nazorat qilish tartibi;
davlat-xususiy sheriklik loyihasi bajarilishi ustidan monitoring olib borish tartibi va u qay darajada bajarilganligiga berilgan baho;
davlat-xususiy sheriklik loyihasini amalga oshirish jarayonida ko‘rsatiladigan xizmatlar sifatiga qo‘yiladigan talablar;
xususiy sherik tomonidan o‘z majburiyatlarini bajarish jarayoni to‘g‘risida hisobotlar taqdim etish tartibi va muddatlari;
davlat sherigi va xususiy sherik o‘rtasida bitim tuzish bilan bog‘liq xavf-xatarlarni taqsimlash tartibi va shartlari;
davlat sherigi tomonidan xususiy sherikka davlat-xususiy sheriklik loyihasini amalga oshirish uchun beriladigan obyektga egalik qilish va undan foydalanish tartibi;
kovorking markazlari yoki mehnat guzarlaridan foydalanish, unga texnik xizmat ko‘rsatish, uni loyihalashtirish, qurish, qayta qurish, ta’mirlash, modernizatsiyalash tartibi;
bitimning amal qilish muddati tugagandan keyin bitimni ijro etish jarayonida yaratilgan obyektga va boshqa mulkka doir huquqlarni taqsimlash tartibi;
bitimni bekor qilish tartibi, shuningdek, bitimni muddatidan oldin bekor qilish natijasida yetkazilgan zararlarning o‘rnini to‘ldirish yoki qoplash tartibi;
xususiy sherik tomonidan majburiyatlar bajarilmasligi yoki tegishlicha bajarilmasligi uchun sanksiyalar;
30. Bitimni imzolashga tayyorlash uchun davlat sherigi xususiy sherikka bitim loyihasi matnini taqdim etadi.
31. Agar zarurat bo‘lsa, davlat sherigi va xususiy sherik o‘rtasida bitim qoidalarini kelishib olish maqsadida muzokaralar o‘tkaziladi.
32. Bitim davlat sherigi va xususiy sherik o‘rtasida ikki nusxada, tomonlarning har biri uchun bittadan nusxada imzolanadi.
34. Bitim o‘ttiz yilgacha bo‘lgan muddatga imzolanadi. Bitim, agar unda boshqacha tartib belgilangan bo‘lmasa, tomonlar imzolagan vaqtdan boshlab kuchga kiradi va bitim muddati tugashigacha yoki bekor qilinishigacha amal qiladi.
davlat sherigining talabi bo‘yicha — davlat sherigi va xususiy sherikning shartnoma asosidagi munosabatlariga doir kovorking markazlari va (yoki) mehnat guzarlarini qurishni (joylashtirishni) tartibga solish to‘g‘risidagi qonun hujjatlari o‘zgarishi munosabati bilan;
Ushbu bandning to‘rtinchi va beshinchi xatboshilarida nazarda tutilgan hollarda sud orqali bekor qilinadi.
xususiy sherikdan bitim shartlarini bajarish jarayoni to‘g‘risida bitimda belgilangan muddatlarda hisobot olishga;
bitim shartlarini bajarish jarayoni ustidan monitoring olib borish va davlat-xususiy sheriklik loyihalari amalga oshirilishini baholashga;
qonun hujjatlariga va bitim shartlariga rioya etilishi ustidan monitoring olib borish doirasida aniqlangan qonunbuzarliklar bartaraf etilishini talab qilishga;
bitim shartlari xususiy sherik tomonidan buzilgan taqdirda, bitimning sud tartibida bekor qilinishini talab qilishga;
davlat-xususiy sheriklik loyihasining amalga oshirilishini moliyalashtirishda ishtirok etishga haqli.
Oldingi tahrirga qarang.
xususiy sherikka kovorking markazi yoki mehnat guzarini qurish uchun o‘ziga doimiy foydalanish huquqi bilan ajratilgan yer uchastkasini bitimda belgilangan muddatga ijaraga berish yoki davlat mulki bo‘lgan bo‘sh turgan obyektni “nol” xarid qiymatida belgilangan muddatlarda, tartibda va shartlarda taqdim etishi;
(39-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)
kovorking markazlari va mehnat guzarlarini muhandislik kommunikatsiyalariga, jumladan, elektr, gaz va suv ta’minoti tarmoqlariga ulash va ulashni tuman (shahar)lar mahalliy budjetlarining qo‘shimcha manbalari hisobidan ta’minlashi;
xususiy sherikning mulki negizida tashkil etilgan kovorking markazlari va mehnat guzarlarining mavjud imtiyozlardan foydalanishini ta’minlashi;
xususiy sherikga soliq imtiyozlari va qonun hujjatlarida nazarda tutilgan boshqa preferensiyalar taqdim etilishida ko‘maklashishi;
Oldingi tahrirga qarang.
(39-bandning oltinchi xatboshisi O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan chiqarilgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Davlat sherigi zimmasida ushbu Nizomda va qonun hujjatlarida nazarda tutilgan boshqa majburiyatlar ham bo‘lishi mumkin.
davlat-xususiy sheriklik loyihasini taqdim qilish to‘g‘risidagi taklifni ko‘rib chiqish uchun davlat sherigiga taqdim etishga;
Oldingi tahrirga qarang.
kovorking markazlari va mehnat guzarlarini qurish (joylashtirish) uchun zamonaviy qurilish mahsulotlarini xarid qilish uchun imtiyozli kreditlar olish uchun murojaat qilishga;
(40-bandning uchinchi xatboshisi O‘zbekiston Respublikasi Vazirlar Mahkamasining 2021-yil 11-martdagi 132-sonli qarori tahririda — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Oldingi tahrirga qarang.
davlat sherigiga doimiy foydalanish huquqi bilan ajratilgan yer uchastkasini bitim amal qiladigan muddatga ijaraga olish yoki davlat mulki bo‘lgan bo‘sh turgan obyektni “nol” xarid qiymatida olish hamda ulardan foydalanishga;
(40-bandning beshinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)
bitim shartlari davlat sherigi tomonidan buzilgan taqdirda, uni sud tartibida bekor qilishni talab qilishga haqli.
a) kovorking markazlari va mehnat guzarlari qurilishini moliyalashtirish hamda O‘zbekiston Respublikasi Qurilish vazirligi tomonidan ishlab chiqilgan namunaviy loyihalar va talablarga muvofiq kelishilgan muddatlarda qurilishi va foydalanishga topshirilishini ta’minlashi;
Oldingi tahrirga qarang.
(41-bandning “b” kichik bandi O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan chiqarilgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
v) kovorking markazlari va mehnat guzarlarini saqlab turish xarajatlarini o‘z mablag‘lari hisobiga qoplashi;
d) kovorking markazlari va mehnat guzarlariga ish o‘rinlari umumiy sonining kamida 70 foizi miqdorida band bo‘lmagan yoshlarni ishga qabul qilish sharti bilan mustaqil ravishda tadbirkorlik faoliyatini tashkil etishi;
yoshlar tadbirkorligi subyektlariga, tadbirkorlarga imtiyozli shartlarda ofis xonalari va texnika, sarflash materiallarini ijaraga berishi, ularni Internet jahon axborot tarmog‘i bilan ta’minlashi;
yoshlarning biznes tashabbuslari, startaplari, g‘oyalari va loyihalarini amalga oshirishga boshqacha tarzda ko‘maklashishi, jumladan, biznes rejalar ishlab chiqish, maslahat, yuridik, buxgalteriya xizmatlari va boshqa xizmat turlarini ko‘rsatishi;
tadbirkorlik subyektlariga chakana savdo va maishiy xizmatlar ko‘rsatish faoliyatini tashkil etish uchun imtiyozli shartlarda ijaraga joy ajratishi;
band bo‘lmagan ishsiz yoshlarni foydali mehnat faoliyatiga o‘rgatishi hamda ularning bandligini ta’minlashga ko‘maklashishi shart.
Xususiy sherik zimmasida ushbu Nizomda va qonun hujjatlarida nazarda tutilgan boshqa majburiyatlar ham bo‘lishi mumkin.
42. Bitim amal qiladigan muddat tugamay turib xususiy sherik mulki bo‘lgan obyektning u tomonidan musodara qilinishiga yo‘l qo‘yilmaydi, xususiy sherik O‘zbekiston Respublikasi qonun hujjatlariga muvofiq almashtirilishi mustasno.
Oldingi tahrirga qarang.
(7-bob O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Oldingi tahrirga qarang.
(8-bob O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
65. Ushbu Nizom talablari buzilishida aybdor shaxslar qonun hujjatlarida belgilangan tartibda javob beradilar.
“Yoshlar — kelajagimiz” Davlat dasturi doirasida davlat-xususiy sheriklik shartlarida “Yosh tadbirkorlar” kovorking markazlari va “Yoshlar mehnat guzari” komplekslarini qurish hamda faoliyatini tashkil etish tartibi to‘g‘risidagi nizomga
1-ILOVA
1-ILOVA
Oldingi tahrirga qarang.
(nizomga 2-ilova O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2021-yil 11-martdagi 132-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.03.2021-y., 09/21/132/0202-son)