Oʻzbekiston Respublikasi Prezidentining 2017-yil 10-apreldagi PF-5005-son “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2012-yil 16-fevraldagi 41-son “Toshkent shahri va Toshkent viloyatida doimiy propiska qilinishi lozim boʻlgan shaxslar — Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi qaroriga muvofiq buyuraman:

1. Oʻzbekiston Respublikasi ichki ishlar vazirining 2012-yil 1-maydagi 71-son buyrugʻi (roʻyxat raqami 2358, 2012-yil 4-may) (Oʻzbekiston Respublikasi qonun hujjatlari toʻplami, 2012-y., 19-son, 210-modda) bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 4-bandda:

birinchi xatboshi quyidagi tahrirda bayon etilsin:

“4. Qonun kuchga kirgunga qadar, yaʼni 2011-yil 15-sentabrgacha oldi-sotdi, hadya, ayirboshlash shartnomalari asosida, qonun hujjatlariga muvofiq meros va xususiylashtirish asosida, sud qaroriga koʻra, shuningdek Vazirlar Mahkamasining 2012-yil 16-fevraldagi 41-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomga hamda mazkur Yoʻriqnomaga muvofiq uy-joy olgan fuqarolar Roʻyxatning 1-bandiga asosan propiska qilinadi.”.

ikkinchi xatboshidagi “xorijga chiqish-kelish va fuqarolikni rasmiylashtirish boʻlimiga (keyingi oʻrinlarda XChKvaFRB deb yuritiladi)” degan soʻzlar “Migratsiya va fuqarolikni rasmiylashtirish boʻlimiga (keyingi oʻrinlarda MvaFRB deb yuritiladi)” degan soʻzlar bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

sakkizinchi xatboshi quyidagi tahrirda bayon etilsin:

“Roʻyxatning 1 va 8-bandlari asosida Toshkent shahrida va Toshkent viloyatida doimiy propiska qilingan fuqarolarning qarindoshlari Roʻyxatning 2-bandi asosida doimiy propiska qilinadi.”.

2. 5-bandda:

birinchi xatboshi quyidagi tahrirda bayon etilsin:

“5. Qonun kuchga kirgunga qadar, yaʼni 2011-yil 15-sentabrgacha doimiy propiska qilingan shaxslarning toʻgʻri shajara boʻyicha birinchi va ikkinchi darajali qarindoshlari ularning turar joy maydoniga Roʻyxatning 2-bandi boʻyicha doimiy propiska qilinadi.”;

ikkinchi xatboshi chiqarib tashlansin;

uchinchi — oʻn birinchi xatboshilar tegishlicha ikkinchi — oʻninchi xatboshilar deb hisoblansin;

ikkinchi xatboshi quyidagi tahrirda bayon etilsin:

“Mazkur bandning birinchi xatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:”;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar (nusxalari olinib, asli qaytariladi);”;

oʻninchi xatboshidan “notarial tasdiqlangan” degan soʻzlar chiqarib tashlansin.

3. 6-band quyidagi mazmundagi ikkinchi xatboshi bilan toʻldirilsin:

“Tarbiyalash, davolash va boshqa muassasalardagi yetim bolalar, ota-onalarining qarovisiz qolgan bolalar, shuningdek qariyalar uylaridagi shaxslar koʻrsatib oʻtilgan muassasalar tomonidan berilgan turar joyga Roʻyxatning 3-bandi boʻyicha doimiy propiska qilinadi.”;

ikkinchi — oʻn uchinchi xatboshilar tegishlicha uchinchi — oʻn uchinchi xatboshilar deb hisoblansin;

uchinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

vasiylikdagi (homiylikdagi) fuqaroning tugʻilganlik toʻgʻrisidagi guvohnomasi, shuningdek vasiylik yoki homiylikni tasdiqlovchi hujjatlar (nusxalari olinib, asli qaytariladi);”;

oʻninchi xatboshi quyidagi tahrirda bayon etilsin:

“Vazirlar Mahkamasining 2014-yil 22-sentabrdagi 269-son qarori bilan tasdiqlangan Oʻzbekiston Respublikasida vasiylik va homiylik toʻgʻrisidagi nizomga muvofiq vasiylik va homiylik tuman yoki shahar hokimining qarori bilan belgilanadi. Vasiylik va homiylik vasiy yoki homiy tayinlanishga muhtoj boʻlgan shaxs yashayotgan joyda, agar shaxsning muayyan yashash joyi boʻlmasa, vasiy yoki homiy yashayotgan joyda belgilanadi.”.

4. 7-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

tugʻilganlik toʻgʻrisidagi guvohnomalari (nusxalari olinib, asli qaytariladi);”;

oʻn birinchi xatboshi quyidagi tahrirda bayon etilsin:

“vasiylik (homiylik)ni tasdiqlovchi hujjatlar (nusxalari olinib, asli qaytariladi);”.

5. 8-bandda:

birinchi xatboshi quyidagi mazmundagi ikkinchi jumla bilan toʻldirilsin:

“Toshkent shahrida yoki Toshkent viloyatida doimiy propiska qilinganidan soʻng bir yil ichida nikoh bekor qilingan taqdirda, er (xotin) Toshkent shahrida yoki Toshkent viloyatida olingan doimiy propiskani yoʻqotadi.”;

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar (nusxalari olinib, asli qaytariladi);”;

toʻqqizinchi xatboshi chiqarib tashlansin;

oʻninchi xatboshi toʻqqizinchi xatboshi deb hisoblansin;

quyidagi mazmundagi oʻninchi xatboshi bilan toʻldirilsin:

“Roʻyxatning 5-bandi asosida doimiy propiska qilinadigan fuqarolarning oldingi nikohidan yoki nikohsiz tugʻilgan farzandlari (oʻz oilasiga ega boʻlmagan) Roʻyxatning 2-bandi boʻyicha doimiy propiska qilinadilar.”.

6. 9-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”.

7. 10-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”.

8. 11-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

yettinchi xatboshidan “notarial tasdiqlangan” degan soʻzlar chiqarib tashlansin;

sakkizinchi va toʻqqizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”;

oʻninchi xatboshidagi “diplomning notarial tasdiqlangan nusxasi” degan soʻzlar “diplom (nusxasi olinib, asli qaytariladi)” degan soʻzlar bilan almashtirilsin.

9. 12-bandning uchinchi xatboshisi quyidagi tahrirda bayon etilsin:

“Roʻyxatning 8-bandiga kiradigan fuqarolar turar joy sotib olgandan keyin TShIIB MvaFRBga mazkur Yoʻriqnomaning 11-bandida koʻrsatilgan hujjatlarni taqdim etadi, bundan uy-joy mulkdorining (mulkdorlarining) turar joy maydoni berishi toʻgʻrisida arizasi (roziligi) mustasno.”.

10. 13-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi — toʻqqizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);

Oʻzbekiston Respublikasi Prezidenti Administratsiyasi rahbari, Oʻzbekiston Respublikasi Prezidenti maslahatchilari, Oʻzbekiston Respublikasi Prezidenti Administratsiyasi Moliya-xoʻjalik departamenti rahbari, Oʻzbekiston Respublikasi Oliy Majlisi Senati Raisi va Qonunchilik palatasi Spikeri (ular joyida boʻlmaganda — ularning oʻrinbosarlari), shuningdek tegishli ravishda Oʻzbekiston Respublikasi Bosh vazirining oʻrinbosarlari va Oʻzbekiston Respublikasi Vazirlar Mahkamasi Apparatining boshqaruvchisi tomonidan imzolangan Toshkent shahrida va Toshkent viloyatida doimiy propiska qilish toʻgʻrisidagi iltimosnoma;”.

11. 14-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

beshinchi xatboshidan “notarial tasdiqlangan” degan soʻzlar chiqarib tashlansin;

oltinchi va yettinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”;

sakkizinchi xatboshi chiqarib tashlansin;

toʻqqizinchi xatboshi sakkizinchi xatboshi deb hisoblansin.

12. 15-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”;

toʻqqizinchi xatboshidan “,shuningdek lavozimga tayinlash toʻgʻrisida buyruqdan koʻchirma” degan soʻzlar chiqarib tashlansin;

quyidagi mazmundagi oʻninchi xatboshi bilan toʻldirilsin:

“Fuqaro Davlat xavfsizlik xizmati, prokuratura, Ichki ishlar vazirligi yoki adliya organlariga ishga qabul qilingan yoki oʻtkazilgan taqdirda ishga qabul qilinayotgan shaxsni (xodimni) doimiy propiska qilish toʻgʻrisidagi iltimosnoma (ishonchliligi kafolatlangan holda) koʻrsatib oʻtilgan organlar rahbarlarining oʻrinbosarlari tomonidan ham imzolanishi mumkin.;

oʻninchi xatboshi oʻn birinchi xatboshi deb hisoblansin.

13. 16-bandda:

ikkinchi xatboshidagi “XChKvaFRBga” qisqartmasi “MvaFRBga” qisqartmasi bilan almashtirilsin;

oltinchi xatboshidan “notarial tasdiqlangan” degan soʻzlar chiqarib tashlansin;

yettinchi va sakkizinchi xatboshilar quyidagi tahrirda bayon etilsin:

“uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);”.

14. 17-band quyidagi tahrirda bayon etilsin:

“17. Mazkur Yoʻriqnomaning 11-bandi oʻninchi xatboshisida (diplom nusxasidan tashqari), 13-bandi toʻqqizinchi xatboshisida, 14-bandi sakkizinchi xatboshisida va 15-bandining toʻqqizinchi xatboshisida nazarda tutilgan hujjatlar organlar yoki tashkilotlarning kadrlar xizmati tomonidan rasmiy aloqa yoʻllari (pochta yoki feldyegerlik xizmati) orqali fuqaroning vaqtincha (yoki rejalashtirilayotgan) yashash joyi boʻyicha TShIIB MvaFRBga yuboriladi. Hujjatlarni ariza beruvchining oʻzidan yoki boshqa shaxslardan qabul qilib olish taqiqlanadi.”.

15. 18-banddagi “XChKvaFRBga” qisqartmasi “MvaFRBga” qisqartmasi bilan almashtirilsin.

16. 19 va 20 bandlar quyidagi tahrirda bayon qilinsin:

“19. Davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari rahbarlari bildirishnomasi asosida TShIIB MvaFRB, agar ushbu fuqaroda doimiy propiska uchun boshqa asoslar mavjud boʻlmasa, fuqaroni belgilangan tartibda Toshkent shahri va Toshkent viloyatidan ilgarigi yashash joyiga yoki fuqaroning arizasiga koʻra boshqa mintaqaga propiskadan chiqaradi. Fuqaro Toshkent shahri va Toshkent viloyatidan propiskadan chiqishdan bosh tortgan taqdirda doimiy propiska mazkur Yoʻriqnomaning 7-ilovasiga muvofiq TShIIB boshligʻi tomonidan tasdiqlangan xulosa asosida bekor qilinadi.

Organ va tashkilotlar rahbarlari iltimosnomasi asosida Toshkent shahri yoki Toshkent viloyatida doimiy propiskaga ega boʻlgan shaxs, xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan boshqa organ va tashkilotlarga ishga oʻtgan taqdirda, uning propiskasi bekor qilinmaydi.

Buning uchun fuqaro bir oy muddat ichida, boshqa organ va tashkilotga oʻtganligi haqida ish joyidan berilgan maʼlumotni TShIIB MvaFRBga taqdim etishi lozim.

20. Roʻyxatning 2 (xotini yoki eri, oʻz oilasiga ega boʻlmagan voyaga yetgan bolalar hamda er-xotinning birgalikdagi va (yoki) ilgarigi nikohidan tugʻilgan yoxud nikohsiz tugʻilgan voyaga yetmagan bolalar, shuningdek farzandlikka olingan bolalar bundan mustasno), 3, 5, 9 — 12-bandlariga muvofiq Toshkent shahri va Toshkent viloyatida doimiy propiska qilingan fuqarolarning qarindoshlari Toshkent shahrida va Toshkent viloyatida doimiy propiska qilinmaydi.”.

17. Quyidagi mazmundagi 20¹-band bilan toʻldirilsin:

“20¹. Roʻyxatning 9 — 12-bandlari boʻyicha doimiy propiska qilingan fuqarolarning ular bilan bir vaqtda doimiy propiskani rasmiylashtirmagan oila aʼzolarini (eri, xotini, shuningdek oʻz oilasi boʻlmagan farzandlarini) Toshkent shahri va Toshkent viloyatiga doimiy propiska qilish, turar joy maydoni mulkdorining (mulkdorlarining) roziligi bilan tegishli ravishda Roʻyxatning 9 — 12-bandlari boʻyicha amalga oshiriladi.”.

18. 21 va 22-bandlar oʻz kuchini yoʻqotgan deb topilsin.

19. 23-banddagi, 25-bandning birinchi va ikkinchi xatboshilaridagi, 27-bandning ikkinchi xatboshisidagi, 29-bandning ikkinchi xatboshisidagi va 32-banddagi hamda 1, 3, 4, 5 va 7-ilovalardagi “XChKvaFRB” va “XChKvaFRBga” qisqartmalari tegishlicha “MvaFRB” va “MvaFRBga” qisqartmalari bilan almashtirilsin.

20. 24-band quyidagi tahrirda bayon etilsin:

“24. Roʻyxatning 2, 5, 9 — 11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar doimiy propiska qilingan (lavozimida turgan) kundan boshlab uch yil oʻtgandan keyin turar joy sotib olgan taqdirda, ular va ular bilan birga Roʻyxatning 2, 5, 9 — 11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar ushbu turar joyga Roʻyxatning 1-bandi boʻyicha doimiy propiska qilinadi.”.

21. 30-band quyidagi tahrirda bayon etilsin:

“30. Doimiy propiskani rasmiylashtirgan yoki bekor qilgan TShIIB MvaFRB haftasiga ikki marta joʻnab ketish va kelish toʻgʻrisidagi varaqlarni Toshkent shahar IIBB va Toshkent viloyati IIB Manzil maʼlumotlar byurolariga yuborib turishi shart.

TShIIB MvaFRB tomonidan joʻnab ketish va kelish toʻgʻrisidagi varaqlar bilan bir vaqtda bir nusxada statistika hisobi taloni tayyorlanadi (fuqaro boshqa mintaqadan propiska qilinganda, shuningdek boshqa mintaqaga propiska qilinganda) hamda kamida oyda bir marta hududiy statistika organlariga yuboriladi.”.

22. Mazkur oʻzgartirish va qoʻshimchalar Oʻzbekiston Respublikasi Davlat xavfsizlik xizmati, Bosh prokuraturasi va Tashqi ishlar vazirligi bilan kelishilgan.