O‘zbekiston Respublikasi Prezidentining “Maktabgacha ta’lim tizimini yanada rag‘batlantirish va rivojlantirish chora-tadbirlari to‘g‘risida” 2018-yil 5-apreldagi PQ-3651-son qarorining ijrosini ta’minlash maqsadida Vazirlar Mahkamasi qaror qiladi:

1. Ma’lumot uchun qabul qilinsinki, O‘zbekiston Respublikasi Prezidentining 2018-yil 5-apreldagi PQ-3651-son qarori bilan tasdiqlangan Maktabgacha ta’lim sohasida davlat-xususiy sheriklik to‘g‘risidagi nizomga muvofiq:

davlat-xususiy sherikchilikning oilaviy nodavlat maktabgacha ta’lim muassasalarini moddiy-texnik va uslubiy jihatdan ta’minlash shakli asosida tashkil etilgan oilaviy nodavlat maktabgacha ta’lim muassasalari faoliyati uchun litsenziya olish talab etilmaydi;

50 nafargacha bolani tarbiyalashni nazarda tutuvchi oilaviy nodavlat maktabgacha ta’lim muassasalarini moddiy-texnik va metodik jihatdan ta’minlash shaklidagi davlat-xususiy sheriklik loyihasi xususiy sherikning tashabbusi bilan, tanlov o‘tkazilmay va taqdim etilgan hujjatlarni o‘rganish asosida, ular bilan to‘g‘ridan to‘g‘ri muzokaralar o‘tkazish orqali amalga oshiriladi;

2. Oilaviy nodavlat maktabgacha ta’lim tashkilotlari to‘g‘risida nizom 1-ilovaga muvofiq tasdiqlansin.

3. Vazirlar Mahkamasining 2011-yil 7-yanvardagi 6-son qarori (O‘zbekiston Respublikasi QT, 2011-y., 1-son, 3-modda) bilan tasdiqlangan Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatiga 3-ilovaga muvofiq qo‘shimcha kiritilsin.

4. O‘zbekiston Respublikasi Maktabgacha ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Abduhakimov va O‘zbekiston Respublikasi maktabgacha ta’lim vaziri A.V. Shin zimmasiga yuklansin.

1. Mazkur Nizom oilaviy nodavlat maktabgacha ta’lim tashkilotlarining maqsadi va vazifalarini, ularning faoliyatini tashkil etish, moddiy-texnik va uslubiy jihatdan ta’minlash, moliyalashtirish, ularni boshqarish tartibini belgilaydi.

2. Oilaviy nodavlat maktabgacha ta’lim muassasalari o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi Maktabgacha ta’lim vazirligi imzolagan davlat-xususiy sheriklik to‘g‘risida bitimga, boshqa qonun hujjatlariga, shuningdek, ushbu Nizomga amal qiladi.

3. Oilaviy nodavlat maktabgacha ta’lim tashkiloti faqat davlat-xususiy sheriklikning oilaviy nodavlat maktabgacha ta’lim tashkilotlarini moddiy-texnik va metodik jihatdan ta’minlash shakli asosida tashkil etiladi.

4. Oilaviy nodavlat maktabgacha ta’lim tashkiloti yakka tartibdagi tadbirkor shaklida faoliyat yuritadi va bank hisob raqamiga, o‘z nomi ko‘rsatilgan muhrga ega bo‘ladi.

5. Quyidagilar oilaviy nodavlat maktabgacha ta’lim tashkilotlarining maqsadi hisoblanadi:

6. Quyidagilar oilaviy nodavlat maktabgacha ta’lim tashkilotlarining vazifalari hisoblanadi:

ta’lim-tarbiya jarayoniga zamonaviy ta’lim dasturlari va texnologiyalarini joriy etish;

bolalarning hayotini muhofaza qilish va sog‘lig‘ini mustahkamlash;

bola shaxsini sog‘lom va yetuk, maktabda o‘qishga tayyorlangan tarzda shakllantirish;

bolalarning intellektual, axloqiy, estetik va jismoniy rivojlanishini ta’minlash;

bolalarda xalqimizning yuksak ma’naviyati va insonparvarlik an’analariga sadoqat tuyg‘ularini shakllantirish.

7. Oilaviy nodavlat maktabgacha ta’lim tashkilotlari:

ota-onalar bilan kelishuv bo‘yicha qo‘shimcha xizmatlar ko‘rsatish (shu jumladan o‘qituvchilar, murabbiylar, tibbiyot xodimlarini taklif qilish);

tarbiyalanuvchilar sonidan kelib chiqib 4 nafargacha tarbiyachi va yordamchilarni yollash;

davlat maktabgacha ta’lim tashkilotlari uchun belgilangan tartibda tashkilotning rahbari va xodimlarining malakasini oshirish;

xizmatlar ko‘rsatishdan tushgan mablag‘lar hisobiga tarbiyachi va uning yordamchisi ishini qo‘shimcha ravishda rag‘batlantirish;

foyda olish huquqiga ega.

8. Oilaviy nodavlat maktabgacha ta’lim tashkilotlari ta’lim faoliyatini o‘ziga tegishli uyda (turar joy), bitim muddati davomida amal qilish sharti bilan notarial tasdiqlangan ishonchnoma yoki davlat organlaridan ro‘yxatdan o‘tgan ijara shartnomasi asosida yoxud qonunchilikda belgilangan boshqa asoslarga ko‘ra foydalanish mumkin bo‘lgan turar va noturar joylarda amalga oshirish huquqiga ega.

Oilaviy nodavlat maktabgacha ta’lim tashkilotlari faoliyatini amalga oshirish uchun litsenziya talab etilmaydi.

9. Oilaviy nodavlat maktabgacha ta’lim tashkilotining muassislari yakka tartibdagi tadbirkor bo‘ladi.

10. Oilaviy nodavlat maktabgacha ta’lim tashkilotlariga kirish joyida fuqarolarni oilaviy nodavlat maktabgacha ta’lim tashkiloti haqida ma’lumotlardan xabardor qilish maqsadida axborot peshlavhasi o‘rnatiladi.

Unda tuman (shahar) maktabgacha ta’lim bo‘limlariga Yagona interaktiv davlat xizmatlari portalidan foydalangan holda berilgan xabarnoma va uning qabul qilinganligi to‘g‘risida tasdiqnoma nusxalari davlat-xususiy sheriklik to‘g‘risidagi bitim nusxasi, pedagog va tibbiyot xodimlarining diplomlari nusxalari, Oilaviy nodavlat maktabgacha ta’lim tashkilotlarining ish tartibi va boshqa hujjatlarning nusxalari joylashtiriladi.

11. Oilaviy nodavlat maktabgacha ta’lim tashkilotida 3 yoshdan 7 yoshgacha bo‘lgan 7 — 50 nafar bolalarga tarbiya berilishiga yo‘l qo‘yiladi.

12. Oilaviy nodavlat maktabgacha ta’lim tashkiloti tashkil etilishi rejalashtirilayotgan uyda bolalarning sog‘lom o‘sishi va tarbiya olishlari uchun zarur shart-sharoitlar bo‘lishi, bino va inshootlar yong‘in xavfsizligi hamda sanitariya-epidemiologiya xizmatining sanitariya qoidalari, normalari va gigiyena normativlariga mos bo‘lishi lozim.

13. Oilaviy nodavlat maktabgacha ta’lim tashkiloti shaklidagi davlat-xususiy sheriklik loyihasini amalga oshirish uchun xususiy sherik (yakka tartibdagi tadbirkor shaklida) davlat sherigiga ariza bilan murojaat qiladi.

Xususiy sherikning loyihani amalga oshirish to‘g‘risidagi arizasi davlat sherigi tomonidan ariza tushgan kundan boshlab 15 kun ichida ko‘rib chiqiladi.

Loyihani amalga oshirish maqsadga muvofiqligi to‘g‘risida qaror qabul qilingan taqdirda, davlat sherigi va xususiy sherik o‘rtasida yetti kun ichida bitim tuziladi.

Davlat-xususiy sheriklik to‘g‘risida tuzilgan bitimlarning yagona reyestri Maktabgacha ta’lim vazirligi tomonidan yuritiladi.

Oilaviy nodavlat maktabgacha ta’lim tashkiloti tuman (shahar) maktabgacha ta’lim bo‘limlariga Yagona interaktiv davlat xizmatlari portalidan foydalangan holda berilgan xabarnomani qabul qilinganligi haqida tasdiqnomani olgan kundan boshlab ta’lim faoliyatini amalga oshirish huquqiga ega bo‘ladi. Bunda, oilaviy nodavlat maktabgacha ta’lim tashkiloti xabarnomaga quyidagi hujjatlar nusxasini ilova qiladi:

davlat-xususiy sheriklik bitimi;

yong‘in nazorati organlarining mavjud binolar va xonalarning yong‘in xavfsizligi talablariga mosligi haqidagi xulosasi;

sanitariya-epidemiologiya nazoratining mavjud binolar va xonalarning gigiyena qoidalari, normalari va normativlariga mosligi haqidagi xulosasi;

sog‘liqni saqlash organlari bilan tuzilgan shartnoma.

Quyidagi hujjatlar davlat sherigi tomonidan tegishli davlat organlari va tashkilotlardan mustaqil ravishda, shu jumladan “Elektron hukumat” tizimi idoralararo integratsiyalashuv platformasi orqali so‘rab olinadi:

guvohnoma nusxasi;

oilaviy nodavlat maktabgacha ta’lim tashkilotida tarbiyaviy-ta’lim faoliyatini olib borayotgan pedagogika xodimi oliy yoki o‘rta maxsus pedagogik ma’lumotiga ega ekanligini tasdiqlovchi hujjat.

14. Oilaviy nodavlat maktabgacha ta’lim tashkilotida ta’lim mazmuni maktabgacha ta’limga qo‘yiladigan davlat talablariga asosan ishlab chiqilib, O‘zbekiston Respublikasi Maktabgacha ta’lim vazirligi tomonidan tasdiqlangan yoki tavsiya qilingan dasturlar bilan belgilanadi.

Oilaviy nodavlat maktabgacha ta’lim tashkiloti o‘z (mualliflik) dasturlaridan foydalanishga haqlidir. Ushbu dasturlarni tasdiqlash tartibi O‘zbekiston Respublikasi Maktabgacha ta’limi vazirligi tomonidan belgilanadi.

Oilaviy nodavlat maktabgacha ta’lim tashkilotlarining o‘z (mualliflik) dasturlarida milliy, etnik va diniy adovatni targ‘ib etishga qaratilgan buzg‘unchilik g‘oyalarini aks ettirilishiga yo‘l qo‘yilmaydi.

15. Oilaviy nodavlat maktabgacha ta’lim tashkilotining ish tartibi va bolalarning tashkilotda bo‘lish vaqti ota-onalarning istak va talablaridan kelib chiqib muassis tomonidan belgilanadi.

9 soatli;

4 soatli.

Oilaviy nodavlat maktabgacha ta’lim tashkiloti joylashgan hududda yashaydigan aholi talablaridan kelib chiqib, nodavlat maktabgacha ta’lim tashkilotida 6 kunlik ish haftasi ham joriy etilishi mumkin.

16. Oilaviy nodavlat maktabgacha ta’lim tashkilotida bolalarning ovqatlanishi O‘zbekiston Respublikasi Sog‘liqni saqlash vazirligi tomonidan tasdiqlangan sanitariya qoidalari, normalari va gigiyena normativlari asosida amalga oshiriladi.

17. Oilaviy nodavlat maktabgacha ta’lim tashkiloti tarbiyalanuvchilariga tibbiy yordam ko‘rsatish sog‘liqni saqlash organlarining shartnoma asosida maxsus biriktirilgan tibbiyot xodimlari tomonidan amalga oshiriladi.

Tibbiyot xodimlari oilaviy nodavlat maktabgacha ta’lim tashkiloti xodimlari bilan birgalikda bolalarning hayoti, sog‘lig‘i va jismoniy rivojlanishi, davolash-profilaktika tadbirlari o‘tkazilishi, sanitariya qoidalari, normalari va gigiyena normativlariga, ovqatlanish rejimi va sifatiga rioya qilinishi uchun javob beradilar. Oilaviy nodavlat maktabgacha ta’lim tashkiloti xodimlarini tibbiy ko‘rikdan o‘tkazish shartnoma asosida amalga oshiriladi.

18. Oilaviy nodavlat maktabgacha ta’lim tashkilotiga bolalarni qabul qilish jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeyidan qat’i nazar, tegishli tibbiy xulosa asosida amalga oshiriladi.

Oilaviy nodavlat maktabgacha ta’lim tashkilotiga bolalarni qabul qilish va muassasadan chiqarish tartibi oilaviy nodavlat maktabgacha ta’lim tashkilotining qarori bilan amalga oshiriladi.

Oilaviy nodavlat maktabgacha ta’lim tashkilotidagi bolalar soni 7 nafardan kam bo‘lmasligi va 50 nafardan oshmasligi lozim.

19. Oilaviy nodavlat maktabgacha ta’lim tashkilotida o‘quv yili joriy yilning 2-sentabridan boshlanadi va keyingi yilning 1-iyuniga qadar davom etadi. 1-iyundan 1-sentabrgacha bo‘lgan davr tashkilotda sog‘lomlashtirish davri hisoblanadi.

20. Oilaviy nodavlat maktabgacha ta’lim tashkilotida bolalar, ota-onalar yoki ularning o‘rnini bosuvchi shaxslar (keyingi o‘rinlarda ota-onalar deb ataladi), pedagog xodimlar ta’lim-tarbiya jarayonining qatnashchilari hisoblanadi.

21. Oilaviy nodavlat maktabgacha ta’lim tashkiloti bolalarni qabul qilishda ota-onalarni o‘z ustavi, kun tartibi, ta’lim-tarbiya dasturlari va boshqa hujjatlar bilan tanishtirishi shart.

22. Oilaviy nodavlat maktabgacha ta’lim tashkiloti bilan ota-onalar o‘rtasidagi o‘zaro munosabatlar ushbu tashkilotning ustavi hamda shartnoma bilan tartibga solinadi. Ota-onalar bilan tuzilgan shartnoma bolalarning ushbu tashkilotda bo‘lish vaqtini, ta’lim-tarbiya jarayonini tashkil etishda tomonlarning huquqlari, majburiyatlari hamda javobgarligini o‘z ichiga oladi.

23. Oilaviy nodavlat maktabgacha ta’lim tashkiloti O‘zbekiston Respublikasi Maktabgacha ta’lim vazirligi bilan tuzilgan bitimga asosan tarbiyalanuvchilar umumiy sonining 70 foizi miqdorida ijtimoiy ko‘makka muhtoj oilalarning farzandlarini va maxsus kontingentlarni o‘qitish, ular uchun kamida 3 yil davomida ota-onalar to‘lovining imtiyozli hajmlarini (shu joydagi davlat maktabgacha ta’lim tashkilotlari uchun belgilangan hajmlardan oshmaydigan miqdorlarda) belgilaydi. Bunda, boquvchisini yo‘qotgan ayollar farzandlarini o‘qitish bepul amalga oshiriladi.

24. Ota-onalar quyidagi huquqlarga ega:

o‘z bolalari uchun ta’lim-tarbiya shakllarini, oilaviy nodavlat maktabgacha ta’lim tashkilotida ta’lim berish tilini tanlash;

oilaviy nodavlat maktabgacha ta’lim tashkilotida bolalarga ta’lim-tarbiya berish uchun zarur shart-sharoitlar yaratilishini hamda bolaning shaxsiga nisbatan hurmat bilan munosabatda bo‘lishni talab qilish;

oilaviy nodavlat maktabgacha ta’lim tashkiloti bilan tuzilgan shartnoma shartlarida belgilangan tartibda kun davomida o‘ziga qulay bo‘lgan vaqtda bolalarni maktabgacha ta’lim tashkilotidan olib ketish;

ota-onalar qonun hujjatlariga va shartnomaga muvofiq boshqa huquqlarga ham ega bo‘lishlari mumkin.

25. Quyidagilar ota-onalarning majburiyatlari hisoblanadi:

oilaviy nodavlat ta’lim tashkiloti bilan tuzilgan shartnomaga muvofiq ota-onalar badalini o‘z vaqtida to‘lash;

oilaviy nodavlat ta’lim tashkilotida bolaga berilgan ta’lim-tarbiyani mustahkamlash uchun zarur shart-sharoitlar yaratish.

Ota-onalar qonun hujjatlariga va shartnomaga muvofiq boshqa majburiyatlar ham olishlari mumkin.

26. Oilaviy nodavlat maktabgacha ta’lim tashkiloti tarbiyalanuvchisi va xodimlari o‘rtasidagi munosabatlar o‘zaro hamkorlik, bolaning shaxsini hurmat qilish va unga shaxsiy xususiyatlariga muvofiq rivojlanishi uchun erkinlik berish asosida olib boriladi.

27. Oilaviy nodavlat maktabgacha ta’lim tashkilotida tegishli oliy yoki o‘rta maxsus pedagogik ma’lumotli shaxslar pedagogik faoliyat bilan shug‘ullanish huquqiga ega.

Oliy yoki o‘rta maxsus pedagogik ma’lumotga ega bo‘lmagan (tegishli hududlarda oliy yoki o‘rta maxsus pedagogik ma’lumotli talabgorlar mavjud bo‘lmagan holatlarda) O‘zbekiston Respublikasi Maktabgacha ta’lim vazirligi tomonidan oilaviy nodavlat maktabgacha ta’lim yo‘nalishi bo‘yicha qayta tayyorlovdan o‘tkazilgan shaxslar ham pedagogik faoliyat bilan shug‘ullanish huquqiga ega.

Sud tomonidan yoki tibbiy xulosaga muvofiq bunday faoliyat bilan shug‘ullanishi taqiqlangan shaxslarning pedagogik faoliyat bilan shug‘ullanishiga yo‘l qo‘yilmaydi.

28. Oilaviy nodavlat maktabgacha ta’lim tashkilotining pedagoglari va boshqa xodimlari bilan mehnat shartnomalari tuzish va ularni bekor qilish qonun hujjatlariga muvofiq amalga oshiriladi.

29. Oilaviy nodavlat maktabgacha ta’lim tashkiloti rahbari belgilangan tartibda pedagog kadrlar sha’ni va qadr-qimmatini himoya qiladi, ilg‘or pedagogik va axborot texnologiyalari, mualliflik dasturlari, metodik qo‘llanmalar va didaktik materiallar joriy etilishi uchun shart-sharoitlar yaratadi.

30. Oilaviy nodavlat maktabgacha ta’lim tashkiloti xodimlarining huquq va imtiyozlari qonun hujjatlarida, ushbu tashkilotning ustavida, shuningdek, mehnat shartnomasida belgilanadi.

31. Oilaviy nodavlat maktabgacha ta’lim tashkilotining pedagog xodimlari quyidagi huquqlarga ega:

Oilaviy nodavlat maktabgacha ta’lim tashkilotini boshqarishda ushbu tashkilot ustavida belgilangan tartibda qatnashish;

o‘z kasbiy sha’ni va qadr-qimmatini himoya qilish;

qonun hujjatlariga muvofiq boshqa huquqlarga ham ega bo‘lishlari mumkin.

32. Oilaviy nodavlat maktabgacha ta’lim tashkilotining pedagog xodimlari quyidagilarga majbur:

ta’lim-tarbiya jarayoniga zamonaviy ta’lim dasturlarini tatbiq etish;

ilg‘or xorijiy tajribani hisobga olgan holda bolalarni har tomonlama intellektual, axloqiy, estetik va jismoniy rivojlantirish bo‘yicha o‘ziga yuklangan vazifalar doirasida shart-sharoitlar yaratish;

bolalarga yuqori professional darajada ta’lim-tarbiya berish orqali maktabgacha ta’lim sifatini oshirish;

pedagog axloq-odobiga rioya qilish, bolaning qadr-qimmatini hurmat qilish, bolalarni tazyiqdan himoya qilish, ularni mehnatga, ota-onaga hurmat, atrof-muhitga ehtiyotkorlik bilan munosabatda bo‘lish ruhida tarbiyalash;

o‘zining kasbiy ko‘nikmalarini va pedagogik mahoratini doimiy ravishda takomillashtirish.

Pedagog xodimlar qonun hujjatlariga muvofiq boshqa majburiyatlar ham olishi mumkin.

33. Oilaviy nodavlat maktabgacha ta’lim tashkilotini boshqarish muassis tomonidan amalga oshiriladi.

Oilaviy nodavlat maktabgacha ta’lim tashkiloti rahbari har chorakda kamida bir marta o‘z faoliyati to‘g‘risidagi hisobotni tuman maktabgacha ta’lim bo‘limiga taqdim etadi.

34. Oilaviy nodavlat maktabgacha ta’lim tashkiloti faoliyatini nazorat qilish muassis tomonidan, shuningdek, qonun hujjatlarida belgilangan tartibda vakolatli davlat organlari tomonidan amalga oshiriladi.

35. Oilaviy nodavlat maktabgacha ta’lim tashkilotlari tomonidan maktabgacha ta’limga qo‘yiladigan davlat talablarining va ta’lim-tarbiya dasturlarining bajarilishini nazorat qilish ushbu sohadagi vakolatli organ — O‘zbekiston Respublikasi Maktabgacha ta’lim vazirligi tomonidan amalga oshiriladi.

36. Oilaviy nodavlat maktabgacha ta’lim tashkilotlarini attestatsiyadan o‘tkazish, ularning faoliyatini vaqtincha to‘xtatib turish va to‘xtatish qonun hujjatlarida belgilangan tartibda amalga oshiriladi.

37. Oilaviy nodavlat maktabgacha ta’lim tashkilotiga mol-mulk qonun hujjatlarida belgilangan tartibda biriktiriladi.

Oilaviy nodavlat maktabgacha ta’lim tashkiloti o‘ziga biriktirilgan mol-mulkni va o‘ziga ajratilgan mablag‘lar hisobiga sotib olingan mol-mulkni qonun hujjatlariga muvofiq tasarruf etadi.

38. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, tuman (shahar) hokimliklari bilan birgalikda har yilgi mahalliy budjet mablag‘laridan iqtisod qilib qolingan mablag‘lar doirasida tashkil etiladigan yangi oilaviy nodavlat maktabgacha ta’lim muassasalari faoliyati uchun mo‘ljallangan mebel, ashyo va anjomlar bilan jihozlashga ko‘maklashadilar.

Maktabgacha ta’lim vazirligi maktabgacha ta’lim boshqarmalari orqali oilaviy nodavlat maktabgacha ta’lim tashkiloti faoliyati uchun zarur bo‘lgan o‘quv materiallari bilan davlat budjetidan ushbu xarajatlar uchun ajratilgan maqsadli mablag‘lar doirasida bepul ta’minlaydi. Mazkur jihozlar va o‘quv materiallaridan ehtiyotkorlik bilan foydalanish va ularning saqlanishiga oilaviy nodavlat maktabgacha ta’lim tashkiloti javob beradi.

39. Oilaviy nodavlat maktabgacha ta’lim tashkiloti faoliyati qonun hujjatlariga muvofiq muassisning mablag‘lari hamda O‘zbekiston Respublikasi Davlat budjeti hisobidan ajratiladigan subsidiyalar hisobidan moliyalashtiriladi.

40. Oilaviy nodavlat maktabgacha ta’lim tashkilotlariga quyidagi maqsadlar uchun O‘zbekiston Respublikasi Davlat budjetidan subsidiyalar ajratiladi:

yollangan (Toshkent shahri, Nukus shahri va viloyatlar markazlarida — 2 nafargacha, boshqa hududlarda — 4 nafargacha) tarbiyachi va yordamchi xizmatlarga tegishli toifa bo‘yicha qisqa muddatli yoki 9 soatlik davlat maktabgacha ta’lim tashkilotlari uchun belgilangan mehnatga to‘lanadigan haqqa teng shartlarda va hajmlarda ish haqi to‘lash;

davlat maktabgacha ta’lim tashkilotlari uchun belgilangan normativlar bo‘yicha ovqatlanish, yumshoq inventar va dori-darmonlarga ajratilayotgan miqdorlarda xarajatlarni qoplash;

boquvchisini yo‘qotgan ayollar farzandlarining ota-onalar badali to‘lovlarini tegishli hududdagi 9 soatlik davlat maktabgacha ta’lim tashkilotlari uchun belgilangan miqdorlarda qoplash.

41. Oilaviy nodavlat maktabgacha ta’lim tashkiloti qonun hujjatlarida taqiqlanmagan boshqa mablag‘lar hisobidan ham moliyalashtirilishi mumkin.

42. Oilaviy nodavlat maktabgacha ta’lim tashkilotida maktabgacha ta’lim tashkilotining asosiy faoliyati bilan bog‘liq bo‘lmagan tashkilotlarning, shu jumladan, siyosiy partiyalar va harakatlarning tashkil etilishiga va faoliyat ko‘rsatishiga yo‘l qo‘yilmaydi.

Oilaviy nodavlat maktabgacha ta’lim tashkilotidagi ta’lim va tarbiya dunyoviy xususiyatga ega bo‘ladi.

43. Oilaviy nodavlat maktabgacha ta’lim tashkiloti qonun hujjatlarida belgilangan tartibda tashkil etilishi, qayta tashkil etilishi, tugatilishi mumkin.

44. Oilaviy nodavlat maktabgacha ta’lim tashkilotining xalqaro hamkorligi, pedagog kadrlarning amaliyot o‘tashi va ularning malakasini oshirish qonun hujjatlariga muvofiq amalga oshiriladi.

Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatining IV bo‘limiga quyidagi mazmundagi 55¹-band qo‘shilsin: