O‘zbekiston Respublikasining “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risida”gi, “Birjalar va birja faoliyati to‘g‘risida”gi qonunlari, O‘zbekiston Respublikasi Prezidentining 2018-yil 23-maydagi PF-5446-son “Budjet mablag‘laridan foydalanish samaradorligini tubdan oshirish va iqtisodiy jinoyatlarga qarshi kurashish mexanizmlarini takomillashtirish chora-tadbirlari to‘g‘risida”gi Farmoni va O‘zbekiston Respublikasi Vazirlar Mahkamasining 2017-yil 23-iyundagi 419-son “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi to‘g‘risidagi nizomni tasdiqlash haqida”gi qaroriga muvofiq O‘zbekiston Respublikasi Xususiylashtirilgan korxonalarga ko‘maklashish hamda raqobatni rivojlantirish davlat qo‘mitasi va O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:

1. O‘zbekiston Respublikasi Davlat mulkini boshqarish davlat qo‘mitasining hamda O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2009-yil 13-oktabrdagi 01/19-18/24, 43-son qarori (ro‘yxat raqami 2038, 2009-yil 6-noyabr) (O‘zbekiston Respublikasi qonun hujjatlari to‘plami, 2009-yil, 46-son, 501-modda) bilan tasdiqlangan Birja a’zolari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bo‘yicha ichki nazorat qoidalariga ilovaga muvofiq o‘zgartirish va qo‘shimchalar kiritilsin.

2. Mazkur qaror rasmiy e’lon qilingan kundan e’tiboran uch oy o‘tgach kuchga kiradi.

1. 1-bandda:

uchinchi xatboshidagi “O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi” degan so‘zlar “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi” degan so‘zlar bilan almashtirilsin;

o‘n uchinchi xatboshi quyidagi tahrirda bayon etilsin:

“maxsus vakolatli davlat organi — O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti;”;

quyidagi mazmundagi xatboshilar bilan to‘ldirilsin:

“yuqori mansabdor shaxslar — chet davlatning qonun chiqaruvchi, ijro etuvchi, ma’muriy yoki sud organida yoxud xalqaro tashkilotda doimiy, vaqtincha yoki maxsus vakolat bo‘yicha tayinlanadigan yoki saylanadigan, tashkiliy-boshqaruv funksiyalarni bajaradigan va yuridik ahamiyatga ega bo‘lgan harakatlarni amalga oshirishga vakolat berilgan shaxslar;

operatsiyalarni to‘xtatib turish — mijozning topshiriqnomalari ijrosini to‘xtatib turish;

terrorchilik faoliyatida ishtirok etayotgan yoki ishtirok etishda gumon qilinayotgan shaxs — terrorchilik faoliyatida ishtirok etayotgan yoxud ishtirok etishda gumon qilinayotgan, terrorchilik faoliyatini amalga oshirayotgan yoxud amalga oshirishda gumon qilinayotgan tashkilotning bevosita yoki bilvosita mulkdori bo‘lgan yoxud uni nazorat qilayotgan jismoniy yoki yuridik shaxs, shuningdek terrorchilik faoliyatida ishtirok etayotgan yoxud ishtirok etishda gumon qilinayotgan jismoniy shaxsning yoxud tashkilotning mulkidagi yoki nazorati ostidagi yuridik shaxs;

ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxs — O‘zbekiston Respublikasi tomonidan tan olingan, ommaviy qirg‘in qurolini tarqatishini oldini olishga qaratilgan BMT Xavfsizlik Kengashining rezolyutsiyalari hamda boshqa xalqaro-huquqiy hujjatlari bilan belgilangan jismoniy yoki yuridik shaxs;

Ro‘yxat — terrorizmga, ommaviy qirg‘in qurolini tarqatishga qarshi kurashishni amalga oshiruvchi davlat organlari va O‘zbekiston Respublikasining boshqa vakolatli organlaridan taqdim etilayotgan ma’lumotlar, shuningdek chet davlatlarning vakolatli organlari va xalqaro tashkilotlaridan rasmiy kanallar orqali taqdim etilayotgan ma’lumotlar asosida maxsus vakolatli davlat organi tomonidan tuzilgan terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxati.”.

2. 3-bandda:

ikkinchi xatboshi “va terrorizmni moliyalashtirishga” degan so‘zdan keyin “yoki ommaviy qirg‘in qurolini tarqatishni moliyalashtirishga” degan so‘zlar bilan to‘ldirilsin.

to‘rtinchi xatboshi quyidagi tahrirda bayon etilsin:

“jinoiy faoliyatdan olingan daromadlarni legallashtirishga va terrorizmni moliyalashtirishga oid tavakkalchiliklarni aniqlash, baholash, hujjatlashtirish va ularni kamaytirish;”.

3. 4-bandda:

uchinchi xatboshi quyidagi tahrirda bayon etilsin:

“benefitsiar mulkdorlarni identifikatsiyalash, ularning shaxsini tekshirish va ko‘chmas mulk oldi-sotdisi faoliyatini amalga oshirishda foydalaniladigan pul mablag‘lari va boshqa mol-mulkning kelib chiqishini aniqlash bo‘yicha mumkin bo‘lgan chora-tadbirlar qo‘llash;”;

beshinchi xatboshi quyidagi tahrirda bayon etilsin:

“ichki nazoratni amalga oshirish davomida aniqlangan shubhali operatsiyalar to‘g‘risidagi axborotlarni (hujjatlarni) maxsus vakolatli davlat organiga o‘z vaqtida taqdim etish;”;

oltinchi xatboshi quyidagi tahrirda bayon etilsin:

“Ro‘yxatga kiritilgan shaxslar ishtirokidagi operatsiyalarni to‘xtatib turish va to‘xtatib turilgan kunning o‘zida bunday operatsiyalar haqida maxsus vakolatli davlat organini xabardor qilish;”;

o‘n ikkinchi xatboshida “baholash” degan so‘zdan keyin “, hujjatlashtirish” degan so‘z bilan to‘ldirilsin;

quyidagi mazmundagi xatboshilar bilan to‘ldirilsin:

“yuqori mansabdor shaxslar va ularning yaqin qarindoshlari amalga oshirayotgan operatsiyalarini chuqur monitoring qilish;

Ro‘yxat bilan solishtirish orqali operatsiya ishtirokchilari orasida terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslarni aniqlash.”.

4. 6-bandning beshinchi va sakkizinchi xatboshilaridagi, 10-banddagi, 13-bandning sakkizinchi xatboshisidagi, 15-bandning ikkinchi xatboshisidagi, 32¹-banddagi, 33-bandning ikkinchi xatboshisidagi, 34-bandning birinchi xatboshisidagi, 35-banddagi, 36-bandning birinchi xatboshisidagi va 38-banddagi “Departamentga” degan so‘z “maxsus vakolatli davlat organiga” degan so‘zlar bilan almashtirilsin.

5. 11-bandning to‘rtinchi va beshinchi xatboshilaridagi “Departamentga” va “Departamentning” degan so‘zlar tegishlicha “maxsus vakolatli davlat organiga” va “maxsus vakolatli davlat organining” degan so‘zlar bilan almashtirilsin.

6. 14-banddagi “Departament” degan so‘z “maxsus vakolatli davlat organi” degan so‘zlar bilan almashtirilsin.

7. Quyidagi mazmundagi 16²-band bilan to‘ldirilsin:

“16². Mijozni lozim darajada tekshirish bo‘yicha ko‘riladigan chora-tadbirlar quyidagilarni o‘z ichiga olishi shart:

tegishli hujjatlar asosida mijozning va u qaysi shaxslar nomidan ish ko‘rayotgan bo‘lsa, o‘sha shaxslarning shaxsini hamda vakolatlarini tekshirish;

mijozning benefitsiar mulkdorini identifikatsiyalash;

mijoz tomonidan amalga oshiriladigan amaliy ish munosabatlari va operatsiyalarni ularning bunday mijoz va uning faoliyati to‘g‘risidagi ma’lumotlarga muvofiqligini tekshirish maqsadida doimiy asosda o‘rganish o‘tkazish.

Mijozni lozim darajada tekshirish bo‘yicha yuqorida ko‘rsatib o‘tilgan choralarni ko‘rish bilan birga, mijoz yoki benefitsiar mulkdor sifatida qatnashayotgan yuqori mansabdor shaxslarga nisbatan birja a’zolarining xodimlari:

yuqori mansabdor shaxsning mavqeyi to‘g‘risidagi ma’lumotlarni tekshirish va o‘tkazilayotgan operatsiyadagi pul mablag‘lari yoki boshqa mol-mulkni manbalarini aniqlash bo‘yicha oqilona choralarni ko‘rishi;

yuqori mansabdor shaxs bilan amaliy ish munosabatlariga faqatgina rieltorlik tashkilotlarining rahbariyati ruxsati bilan kirishishi;

amaliy ish munosabatlarini monitoring qilib borishi lozim.”.

8. 25-bandda “Departament” degan so‘z “maxsus vakolatli davlat organi” degan so‘zlar bilan almashtirilsin.

9. 26-bandda:

ikkinchi xatboshi quyidagi tahrirda bayon etilsin:

“Ro‘yxatga kiritilgan shaxslar yoxud Ro‘yxatga kiritilgan shaxsning nazoratidagi shaxslar yoki Ro‘yxatga kiritilgan tashkilotning bevosita yoxud bilvosita mulkdori yoki nazorat qiluvchi shaxslar;”;

quyidagi mazmundagi xatboshi bilan to‘ldirilsin:

“yuqori mansabdor shaxslar va ularning yaqin qarindoshlari.”.

10. 29¹-bandning birinchi xatboshisi “va terrorizmni moliyalashtirish” degan so‘zlardan keyin “yoki ommaviy qirg‘in qurollarini tarqatishni moliyalashtirish” degan so‘zlar bilan to‘ldirilsin.

11. 32-band quyidagi tahrirda bayon etilsin:

“32. Birja a’zolari operatsiyalarni amalga oshirishda ularning ishtirokchilari identifikatsiya ma’lumotlarini Ro‘yxat bilan solishtirishlari shart.

Pul mablag‘lari yoki boshqa mol-mulk bilan bog‘liq operatsiyalar kechiktirilmasdan va oldindan xabar qilinmasdan to‘xtatilishi lozim, agarda:

mijoz yoki operatsiya qatnashchilaridan birining barcha identifikatsiya ma’lumotlari Ro‘yxatga kiritilgan shaxsning ma’lumotlari bilan to‘liq mos kelsa;

operatsiya qatnashchilaridan biri Ro‘yxatga kiritilgan shaxs nomidan yoki uning topshirig‘iga binoan faoliyat ko‘rsatayotgan bo‘lsa;

operatsiyani amalga oshirishda foydalanayotgan pul mablag‘lari yoki boshqa mol-mulk to‘liq yoki qisman Ro‘yxatga kiritilgan shaxsga tegishli bo‘lsa;

operatsiya qatnashchisi bo‘lgan yuridik shaxs Ro‘yxatga kiritilgan jismoniy yoki yuridik shaxsning mulkida yoki nazorat ostida bo‘lsa.

Ro‘yxatga kiritilgan shaxsning operatsiyasi to‘xtatib turilganda birja a’zolari maxsus vakolatli davlat organiga bu haqida xabar yuborishi lozim.

Birja a’zolari to‘xtatilgan operatsiyani o‘tkazishni tiklashni va ishga solmay to‘xtatib qo‘yilgan mol-mulkdan foydalanishga ruxsat berishni Terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan shaxslarning operatsiyalarini to‘xtatib turish, pul mablag‘larini yoki boshqa mol-mulkini ishga solmay to‘xtatib qo‘yish, ishga solmay to‘xtatib qo‘yilgan mol-mulkidan foydalanishga ruxsat berish va operatsiyalarini tiklash tartibi to‘g‘risidagi nizomda (ro‘yxat raqami 2833, 2016-yil 11-oktabr) belgilangan tartibda amalga oshiradi.”.

12. 36¹ va 40-bandlaridagi “Departament” degan so‘z “maxsus vakolatli davlat organi” degan so‘zlar bilan almashtirilsin.

13. Mazkur o‘zgartirish va qo‘shimchalar O‘zbekiston respublika tovar-xomashyo birjasi va Respublika universal agrosanoat birjasi bilan kelishilgan.