O‘zbekiston Respublikasi Prezidentining 2018-yil 13-apreldagi PF-5415-son “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi Farmoni va 2018-yil 13-apreldagi PQ-3666-son “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi qaroriga muvofiq, buyuraman:

1. O‘zbekiston Respublikasi adliya vazirining 2013-yil 1-fevraldagi 29-mh-son buyrug‘i bilan tasdiqlangan Mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini tayyorlash, yuridik-texnik rasmiylashtirish va huquqiy ekspertizadan o‘tkazish tartibi to‘g‘risidagi yo‘riqnomaga (ro‘yxat raqami 2420, 2013-yil 1-fevral) (O‘zbekiston Respublikasi qonun hujjatlari to‘plami, 2013-y., 5-son, 65-modda) ilovaga muvofiq o‘zgartirishlar va qo‘shimcha kiritilsin.

2. Mazkur buyruq davlat ro‘yxatidan o‘tkazilsin va bu haqda Hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Yuridik xizmatlarning faoliyatini muvofiqlashtirish boshqarmasi hamda Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishini va “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da hamda O‘zbekiston Respublikasi Qonun hujjatlari ma’lumotlari milliy bazasida nashr etilishini ta’minlasin.

4. Mazkur buyruq rasmiy e’lon qilingan kundan e’tiboran kuchga kiradi.

5. Mazkur buyruqning ijrosini nazorat qilish vazir o‘rinbosari M. Istamov zimmasiga yuklansin.

1. Muqaddima quyidagi tahrirda bayon etilsin:

“Mazkur Yo‘riqnoma O‘zbekiston Respublikasining “Normativ-huquqiy hujjatlar to‘g‘risida”gi Qonuni, O‘zbekiston Respublikasi Prezidentining 2018-yil 13-apreldagi PF-5415-son “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi Farmoni hamda O‘zbekiston Respublikasi Prezidentining 2018-yil 13-apreldagi PQ-3666-son “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi qaroriga muvofiq mahalliy davlat hokimiyati organlari tomonidan qabul qilinadigan normativ-huquqiy hujjatlar loyihalarini (bundan buyon matnda loyiha deb yuritiladi) tayyorlash, yuridik-texnik rasmiylashtirish va huquqiy ekspertizadan o‘tkazish tartibini belgilaydi.

Mazkur Yo‘riqnoma Qoraqalpog‘iston Respublikasi Jo‘qorg‘i Kengesi va Vazirlar Kengashi tomonidan qabul qilinadigan normativ-huquqiy hujjatlar loyihalariga nisbatan tavsiyaviy tusga ega.”.

2. 3-band quyidagi tahrirda bayon etilsin:

“Mahalliy davlat hokimiyati organlari normativ-huquqiy tusdagi qarorlarni qabul qilishdan oldin loyihani tegishliligi bo‘yicha Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari hamda tuman (shahar) adliya bo‘limlariga (bundan buyon matnda hududiy adliya organlari deb yuritiladi) huquqiy ekspertizadan o‘tkazish uchun taqdim qilishi shart.

Mahalliy davlat hokimiyati organining yuridik xizmati xodimi loyihalarni tegishli hududiy adliya organiga huquqiy ekspertizadan o‘tkazish uchun kiritilishini ta’minlaydi.”.

3. Quyidagi mazmundagi 3¹ va 3²-bandlar bilan to‘ldirilsin:

“3¹. Normativ-huquqiy hujjatlar loyihalari mahalliy davlat hokimiyati organlari tomonidan O‘zbekiston Respublikasi Yagona interaktiv davlat xizmatlari portaliga jamoatchilik muhokamasi o‘tkazilishi uchun joylashtirilishi lozim.

3². Huquqiy ekspertiza yakuni bo‘yicha hududiy adliya organining ijobiy xulosasi mavjudligi mahalliy davlat hokimiyati organlari tomonidan normativ-huquqiy hujjatlarni qabul qilishning majburiy sharti hisoblanadi.”.

4. 6-banddagi “adliya boshqarmalarida” degan so‘zlar “hududiy adliya organlarida” degan so‘zlar bilan almashtirilsin.

5. 54-bandning oltinchi xatboshisi quyidagi tahrirda bayon etilsin:

“loyihaning jamoatchilik muhokamasidan o‘tkazilganligi va uning natijalari haqidagi ma’lumotlar;”.

6. VIII bobning nomidagi “adliya boshqarmasida” degan so‘zlar “hududiy adliya organida” degan so‘zlar bilan almashtirilsin.

7. 68 va 85-bandlardagi “adliya boshqarmasiga” degan so‘zlar “hududiy adliya organiga” degan so‘zlar bilan almashtirilsin.

8. 69-band quyidagi tahrirda bayon etilsin:

“69. Xalq deputatlari viloyat, tuman, shahar Kengashlarining normativ-huquqiy hujjatlari loyihalari mazkur Kengashlar sessiyalari o‘tkazilishidan kamida besh kun oldin hududiy adliya organiga taqdim etiladi.

Hududiy adliya organlari tomonidan huquqiy ekspertizadan o‘tkazilmagan xalq deputatlari viloyat, tuman, shahar Kengashlari qarorlarining loyihalari Kengash muhokamalariga kiritilmaydi.”.

9. 70-banddagi “adliya boshqarmasining” va “adliya boshqarmasiga” degan so‘zlar tegishlicha “hududiy adliya organining” va “hududiy adliya organiga” degan so‘zlar bilan almashtirilsin.

10. 71-bandda:

birinchi xatboshisidagi “adliya boshqarmalari” degan so‘zlar “hududiy adliya organi” degan so‘zlar bilan almashtirilsin;

beshinchi xatboshisi quyidagi tahrirda bayon etilsin:

“ma’lumotnomada loyihaning jamoatchilik muhokamasidan o‘tkazilganligi va uning natijalari to‘g‘risidagi ma’lumotlar aks ettirilmagan bo‘lsa.”.

11. 72-bandning birinchi xatboshisidagi “Adliya boshqarmalari” degan so‘zlar “Hududiy adliya organlari” degan so‘zlar bilan almashtirilsin.

12. 73 va 74-bandlardagi “adliya boshqarmalari” degan so‘zlar “hududiy adliya organlari” degan so‘zlar bilan almashtirilsin.

13. 81-bandning oltinchi xatboshisidagi hamda 83-bandning beshinchi xatboshisidagi “adliya boshqarmasi” degan so‘zlar “hududiy adliya organi” degan so‘zlar bilan almashtirilsin.

14. 84-band quyidagi tahrirda bayon etilsin:

“84. Ushbu Yo‘riqnomaning 81 va 83-bandlarida ko‘rsatilgan xulosalar ikki nusxada tuzilib, hududiy adliya organining mas’ul xodimi tomonidan imzolanadi va hududiy adliya organi rahbari yoki uning birinchi o‘rinbosari tomonidan tasdiqlanadi.

Xulosalarning bir nusxasi mazkur Yo‘riqnomaning 4, 4² va 5-ilovalarida keltirilgan shaklga muvofiq kuzatuv xati bilan tegishli mahalliy davlat hokimiyati organiga yuboriladi.”.

15. 87-bandda:

birinchi xatboshisidagi “Adliya boshqarmalarida” degan so‘zlar “Hududiy adliya organida” degan so‘zlar bilan almashtirilsin;

ikkinchi xatboshisidagi “adliya boshqarmalarining” degan so‘zlar “hududiy adliya organining” degan so‘zlar bilan almashtirilsin.

16. 4¹-ilova o‘z kuchini yo‘qotgan deb topilsin.

17. 1 — 5-ilovalar mazkur o‘zgartirishlar va qo‘shimchaning ilovasiga muvofiq tahrirda bayon etilsin.