Mahsulot ishlab chiqarish xarajatlarining qimmatlashganligi, chakana narxlar isloh qilinishi sababli aholiga beriladigan kompensatsiya to‘lovlari oshganligi munosabati bilan va xalq xo‘jaligi tarmoqlarining normal xo‘jalik faoliyatini ta’minlash uchun Vazirlar Mahkamasi qaror qiladi:

1. 1992-yil 1-yanvardan boshlab ko‘mir, neft, gaz qazib chiqaruvchi, gazni qayta ishlovchi sanoat, energetika tarmoqlari mahsulotlarining, yuk tashishlar, paxta ip va shtapel ip ulgurji narxlari va tariflarining cheklangan miqdorlari 1-ilovaga muvofiq belgilansin.

2. O‘zbekiston Davlat narxlar qo‘mitasi vazirliklar, idoralar, korxonalar va tashkilotlar bilan birgalikda mahsulotlarning tegishli guruhlariga yangi ulgurji narxlar va tariflar preyskurantlarini ishlab chiqsin va tasdiqlasin, ularning 1992-yil 1-yanvardan boshlab amal qilishini joriy etsin. 1992-yil 1-yanvardan boshlab ko‘rsatib o‘tilgan mahsulotlar va xizmatlarni realizatsiya qilish yangi narxlar va tariflar bo‘yicha amalga oshirilishini nazarda tutib, bu preyskurantlarning chiqarilishini hamda manfaatdor korxonalar va tashkilotlarga yetkazilishini ta’minlasin.

3. O‘zbekiston Respublikasi Davlat narxlar qo‘mitasiga respublikaga boshqa mintaqalardan mahsulotlarni rentabelli ishlab chiqarishni ta’minlamaydigan narxlar bo‘yicha xomashyo va moddiy-texnika resurslari yetkazib berilgan taqdirda tasdiqlangan narxlarga vazirliklar, idoralar, korxonalar va tashkilotlarning ta’limi bo‘yicha o‘zgartishlar kiritish yuklatilsin.

4. Vazirliklar, idoralar, konsernlar, korxonalar va tashkilotlar realizatsiya qilinadigan mahsulotlar va xizmatlarga yangi ulgurji narxlar va tariflarni 1992-yil 1-yanvardan boshlab joriy etish yuzasidan tezlik bilan chora-tadbirlar ko‘rsinlar.

5. Korxonalar, tashkilotlar, konsernlarga belgilab qo‘yilgan ulgurji narxlar va tariflar belgilangan mahsulotlar va xizmatlarni respublika tashqarisida Tomonlarning kelishuvi bo‘yicha realizatsiya qilishga ruxsat berilsin.

Vazirlar Mahkamasi tomonidan belgilanadigan ro‘yxat bo‘yicha xomashyo resurslarining respublikada qazib olinadigan va ishlab chiqariladigan muhim turlari (rangli va nodir metallar, gaz, nitron, kaprolaktam va boshqalar) respublika tashqarisiga faqat jahon narxlariga tatbiqan shartnoma narxlarida realizatsiya qilinishi kerak (2-ilova).

Nodir metallar

Mis

Rux

Metall kadmiy

Molibdenli sanoat mahsuloti

Ko‘mir

Gaz

Qora metallar prokati

Ikkilamchi alyuminiy

Qora metallar parchalari va chiqindilari

Yarqiroq rangdor toshlar

Granit va marmar bloklar

Konsentratsiyalangan qo‘rg‘oshin

Qo‘rg‘oshinli keklar

Mis toshqoli

Mis kuporosi

Sulfat kislota

Kaprolaktam

Nitron