Chiqindilar bilan bogʻliq ishlarni amalga oshirish tizimini yanada rivojlantirish, chiqindilarni qayta ishlashda yuqori texnologiyalar qoʻllanilgan ishlab chiqarishlarni rivojlantirishga toʻgʻridan-toʻgʻri investitsiyalarni amalga oshirayotgan xorijiy investorlar uchun qulay investitsiya muhitini yaratish, ushbu sohaga xorijiy investitsiyalar va zamonaviy texnologiyalarni jalb etish maqsadida:

1. Oʻzbekiston Respublikasi Prezidentining “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi 2005-yil 11-apreldagi PF-3594-son Farmonida:

a) 2-bandning ikkinchi xatboshisi “va chiqindilar bilan bogʻliq ishlarni amalga oshirish” soʻzlari bilan toʻldirilsin;

b) ilovaga quyidagi mazmundagi 22-band qoʻshilsin:

“22. Chiqindilar bilan bogʻliq ishlarni amalga oshirish”.

2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.