Kadrlar tayyorlash milliy dasturini amalga oshirish, ta’limning belgilangan standartlari va zamonaviy talablariga javob beradigan darsliklar va o‘quv adabiyotlarining yangi avlodini shakllantirish, shuningdek akademik litseylar va kasb-hunar kollejlari uchun o‘quv va o‘quv-metodik adabiyotlarni muntazam ravishda nashr etish, yangilab borish uchun zarur shart-sharoitlar yaratish maqsadida Vazirlar Mahkamasi qaror qiladi:

1. O‘zbekiston Respublikasi Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi Uzluksiz ta’lim tizimi uchun yangi o‘quv dasturlari, darsliklar va o‘quv qo‘llanmalari yaratishga tayyorgarlik ko‘rish, ularni qayta ko‘rib chiqish va yaratishni muvofiqlashtirish hamda nazorat qilish bo‘yicha Hukumat komissiyasi tomonidan 2001—2006-yillarda akademik litseylar va kasb-hunar kollejlari uchun darsliklar va o‘quv adabiyotlarining yangi avlodini yaratish dasturi ishlab chiqilganligi ma’lumot uchun qabul qilinsin.

2. Quyidagilar:

darsliklar va o‘quv adabiyotlarining yangi avlodini tayyorlash va nashr etish jadvali 1-ilovaga* muvofiq;

akademik litseylar va kasb-hunar kollejlari uchun 2002-yilda nashr etiladigan darsliklar va o‘quv qo‘llanmalari ro‘yxati 2-ilovaga* muvofiq tasdiqlansin.

O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi 1-ilovaga muvofiq tasdiqlangan 2006-yilgacha nashr etiladigan darsliklar miqdoridan kelib chiqqan holda joriy yilda nashr etish mo‘ljallangan darsliklar va o‘quv adabiyotlarining aniq ro‘yxatini har yili aniqlasin va ko‘rib chiqish uchun Hukumat komissiyasiga kiritsin.

3. Uzluksiz ta’lim tizimi uchun yangi o‘quv dasturlari, darsliklar va o‘quv qo‘llanmalari yaratishga tayyorgarlik ko‘rish, ularni qayta ko‘rib chiqish va yaratishni muvofiqlashtirish hamda nazorat qilish bo‘yicha Hukumat komissiyasi:

mualliflarni yuqori malakali olimlar, amaliyotchilar va mutaxassislardan tanlov asosida tanlanishiga;

darsliklar qo‘lyozmalarining ta’limning belgilangan standartlariga va zamonaviy metodik talablarga muvofiqligi yuzasidan mustaqil ekspertizadan o‘tkazilishi tashkil etilishiga;

o‘quv va metodik adabiyotlarni tayyorlashning, shu jumladan masofadan turib o‘qitishda foydalanish uchun multimediya tizimlari, kompyuter texnologiyalari va boshqa zamonaviy usullaridan keng foydalanilishiga alohida e’tiborni qaratsin.

4. O‘zbekiston Respublikasi Moliya vazirligi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi, O‘zbekiston matbuot va axborot agentligi bilan birgalikda:

darsliklar aholining turli tabaqalari uchun mumkin qadar arzon bo‘lishini ta’minlovchi narxlarni shakllantirish maqsadida darsliklarning yangi avlodini tayyorlayotgan va nashr etayotgan nashriyotlarga soliq imtiyozlari va preferensiylar berish yuzasidan bir oy muddatda Vazirlar Mahkamasiga takliflar kiritsin;

2002-yildan boshlab o‘rta maxsus, kasb-hunar ta’limi ta’lim muassasalarining kutubxona fondini 15 foizga to‘ldirib borish uchun har yili budjet mablag‘lari ajratishni nazarda tutsin.

5. Belgilab qo‘yilsinki, akademik litseylar va kasb-hunar kollejlari uchun darsliklarning yangi avlodini yaratish xarajatlarini mablag‘ bilan ta’minlash Kadrlar tayyorlash milliy dasturini bajarish bo‘yicha tadbirlarni ro‘yobga chiqarish uchun nazarda tutilgan davlat budjeti mablag‘lari hisobidan amalga oshiriladi.

6. O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi, O‘zbekiston matbuot va axborot agentligi, Tashqi ishlar vazirligi hamda Tashqi iqtisodiy aloqalar vazirligi bilan birgalikda darsliklar va o‘quv adabiyotlarining yangi avlodini yaratish va nashr etishni mablag‘ bilan ta’minlash uchun chet el grantlari hamda imtiyozli kreditlar jalb etilishini ta’minlasinlar.

7. O‘zbekiston matbuot va axborot agentligi, “Sharq” aksiyadorlik kompaniyasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi buyurtmanomalariga muvofiq akademik litseylar va kasb-hunar kollejlari uchun darsliklarning to‘liq nashr qilinishini ta’minlasinlar.

9. Akademik litseylar va kasb-hunar kollejlari uchun darsliklarni sotish O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markaziga yuklansin.

10. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi Moliya vazirligi bilan birgalikda darsliklar aholining barcha tabaqalari uchun mumkin qadar arzon bo‘lishini ta’minlash maqsadida o‘quv adabiyotlari narxlarining shakllantirilishi ustidan muntazam ravishda qat’iy nazorat o‘rnatsin.

11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari H.S. Karomatov va R.S. Azimov zimmasiga yuklansin.