O‘zbekiston Respublikasi Fanlar akademiyasining ilmiy va moddiy-texnika bazasini yanada mustahkamlash va rivojlantirish maqsadida Vazirlar Mahkamasi qaror qiladi:
1. Vazirlar Mahkamasining “O‘zbekiston Respublikasi Fanlar akademiyasining 60 yilligini nishonlash to‘g‘risida” 2003-yil 28-oktabrdagi 470-son qaroriga muvofiq O‘zbekiston Respublikasi Iqtisodiyot vazirligi, Moliya vazirligi, Davlat mulki qo‘mitasi, “Davarxitektqurilish” qo‘mitasi, Fanlar akademiyasi ishtirokida tuzilgan maxsus komissiya tomonidan Fanlar akademiyasining asosiy fondlari xatlovdan o‘tkazilganligi hamda sotiladigan va hisobdan chiqariladigan mol-mulkning ro‘yxati belgilanganligi ma’lumot uchun qabul qilinsin.
O‘zbekiston Respublikasi Fanlar akademiyasining ko‘chmas mulk birjasi orqali belgilangan tartibda sotiladigan obyektlari ro‘yxati 1-ilovaga muvofiq tasdiqlansin.
O‘zbekiston Respublikasi Fanlar akademiyasi ikki oy muddatda maxsus komissiya tomonidan xatlovdan o‘tkazish natijalariga ko‘ra aniqlangan mol-mulkni hisobdan chiqarish va sotish bilan bog‘liq chora-tadbirlar belgilangan tartibda amalga oshirilishini ta’minlasin.
2. O‘zbekiston Respublikasi Fanlar akademiyasining muassasalari 1-ilovada ko‘rsatilgan obyektlarni, shuningdek xatlov natijalariga ko‘ra aniqlangan priborlar, asbob-uskunalar va boshqa moddiy boyliklarni sotishdan oladigan tushumlar bo‘yicha daromad (foyda) solig‘i to‘lashdan ozod qilinsin, tushadigan mablag‘lar O‘zbekiston Respublikasi Fanlar akademiyasining moddiy-texnika bazasini mustahkamlashga, birinchi navbatda, ilmiy-texnika va laboratoriya asbob-uskunalari xarid qilishga maqsadli yo‘naltirilsin.
Oldingi tahrirga qarang.
O‘zbekiston Respublikasi Moliya vazirligi tushadigan mablag‘lar Fanlar akademiyasining moddiy-texnika bazasini mustahkamlash uchun yo‘naltirilgan holda maqsadli foydalanilishi ustidan nazorat o‘rnatsin. Mablag‘lardan boshqa maqsadlarda foydalanish hollari aniqlangan taqdirda boshqa maqsadlarda foydalanilgan mablag‘lar qonunchilikda belgilangan tartibda budjet daromadiga olib qo‘yilsin.
(2-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
3. O‘zbekiston Respublikasi Iqtisodiyot vazirligi Moliya vazirligi bilan birgalikda 2005-yildan boshlab Fanlar akademiyasining 2-ilovaga muvofiq obyektlarini qurish va rekonstruksiya qilish loyihalarini ularning ustuvorligidan kelib chiqib hamda har yili ajratiladigan kapital qo‘yilmalar limitlari doirasida O‘zbekiston Respublikasining investitsiya dasturiga kiritish to‘g‘risida Fanlar akademiyasining takliflarini belgilangan tartibda ko‘rib chiqsin.
4. O‘zbekiston Respublikasi Moliya vazirligi 2004-yilda va keyingi yillarda tasdiqlanadigan budjet parametrlari doirasida O‘zbekiston Respublikasi Fanlar akademiyasiga:
eksperimental yer uchastkalariga ishlov berish uchun zarur traktor texnikasi, Fanlar akademiyasining tadqiqot muassasalari tomonidan seysmologik, biologik, arxeologik, geologik-geofizik ilmiy ekspeditsiyalar o‘tkazish uchun maxsus va yuk avtotransporti xarid qilish;
Fanlar akademiyasining ilmiy-tadqiqot muassasalari binolari, inshootlari, muhandislik-kommunikatsiya tarmoqlarini mukammal ta’mirlash;
zamonaviy laboratoriya asbob-uskunalari, priborlar va fan ehtiyojlari uchun yadro yoqilg‘isi xarid qilish uchun mablag‘ ajratishni nazarda tutsin.
Oldingi tahrirga qarang.
5. Moliya vazirligi Fanlar akademiyasi bilan birgalikda Fanlar akademiyasining milliy boylik hisoblangan nodir ilmiy qurilmalari, maxsus obyektlari va inshootlari, muzeylari va kutubxonalari ta’minotiga har yili zarur mablag‘lar ajratilishini nazarda tutsin.
(5-band O‘zbekiston Respublikasi Vazirlar Mahkamasining 2006-yil 2-oktabrdagi 207-sonli qarori tahririda — O‘R QHT, 2006-y., 40-son, 396-modda)
Oldingi tahrirga qarang.
6. Tashqi iqtisodiy aloqalar, investitsiyalar va savdo vazirligi hamda O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi Fanlar akademiyasining ilmiy-tadqiqot muassasalarini zamonaviy ilmiy-texnika asbob-uskunalari bilan jihozlash uchun grantlar, xorijiy mamlakatlar, xalqaro tashkilotlar va moliyaviy tashkilotlarning beg‘araz yordamini jalb qilishda Fanlar akademiyasiga ko‘maklashsin.
(6-band O‘zbekiston Respublikasi Vazirlar Mahkamasining 2006-yil 2-oktabrdagi 207-sonli qarori tahririda — O‘R QHT, 2006-y., 40-son, 396-modda)
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Azizxo‘jayev zimmasiga yuklansin.
Oldingi tahrirga qarang.
T/r | Bino va inshootlar nomi | Qavatlar soni | Bino maydoni (ming m2) | Obyekt joylashgan joy |
1. | Amaliy lazer fizikasi instituti binosi | 4 | 0,96 | Toshkent shahri, Naqqoshlik ko‘chasi, 1 |
2. | Seysmologiya institutining Geografiya bo‘limi binosi | 2 | 1,0 | Toshkent shahri, Astronomiya ko‘chasi, 85 |
3. | Issiqlik fizikasi bo‘limining Maxsus konstruktorlik byurosi binosi | 2 | 0,6 | Toshkent shahri, Krasnodon tor ko‘chasi, 25 |
4. | Fanlar akademiyasining Ta’mirlash-qurilish boshqarmasi binosi | 1 | 0,3 | Toshkent shahri, Akademiklar shaharchasi, Hojiboyev ko‘chasi, 62 |
6. | Genetika va o‘simliklar eksperimental biologiyasi institutining Sun’iy iqlim yaratish laboratoriyasi korpusi | 3 | 6,1 | Toshkent viloyati, Qibray tumani, Yuqori-Yuz mahallasi |
8. | Yadro fizikasi institutining fiziklar uyi | 2 | 2,03 | Toshkent shahri, Mirzo Ulug‘bek tumani, Ulug‘bek shaharchasi, Robiyaxonim ko‘chasi, 2 |
9. | Genetika va o‘simliklar eksperimental biologiyasi institutining mexanika ustaxonasi | 3 | 1,3 | Toshkent viloyati, Qibray tumani, Yuqori-Yuz mahallasi |
10. | “Akademasbob” IIChB elektron platolar sexi binosi, tutash hudud bilan birgalikda | 1 | 0,36 | Toshkent shahri, Hojiboyev ko‘chasi, 70 |
11. | “Fizika-Quyosh” IIChBning qurilishi tugallanmagan klubi | 2 | 2,72 | Parkent tumani, “Quyosh” obyektining turar joy shaharchasi |
13. | Yadro fizikasi institutining qurilishi tugallanmagan Radiokimyo korpusi | 3 | 15,0 | Toshkent shahri, Mirzo Ulug‘bek tumani, Ulug‘bek shaharchasi |
14. | Til va adabiyot institutining muzlatgich markazi | 1 | 0,72 | Toshkent shahri, Mirzo Ulug‘bek tumani, I.Mo‘minov ko‘chasi, 9 |
15. | Fanlar akademiyasi kapital qurilish boshqarmasining “Kislovodsk” moduli | 1 | 0,9 | Toshkent shahri, Mirzo Ulug‘bek tumani, Hojiboyev ko‘chasi, 62 |
16. | “Akademta’minot” korxonasining yog‘ochni qayta ishlash sexi | 1 | 0,12 | Toshkent shahri, Mirzo Ulug‘bek tumani, Hojiboyev ko‘chasi, 62 |
17. | Fanlar akademiyasi Ta’mirlash-qurilish boshqarmasining yog‘och arralash sexi | 1 | 1,49 | Toshkent shahri, Mirzo Ulug‘bek tumani, Hojiboyev ko‘chasi, 62 |
18. | Energetika va avtomatika institutining ombori | 1 | 0,21 | Toshkent shahri, F.Xo‘jayev ko‘chasi, 29 |
19. | Genetika va o‘simliklar eksperimental biologiyasi institutining oziq-ovqat va sanoat mollari do‘koni | 1 | 0,7 | Toshkent viloyati, Qibray tumani, Yuqori-Yuz mahallasi |
20. | O‘simlik moddalari kimyosi instituti oshxonasining “Shabada” paviloni | 1 | 0,35 | Toshkent shahri, H.Abdullayev ko‘chasi, 77 |
21. | Zoologiya institutining yog‘och shchitli kottejlari (3 ta) | 1 | 0,15 | Toshkent shahri, A.Niyozov ko‘chasi, 1 |
Jami | 42,93 |
(1-ilova O‘zbekiston Respublikasi Vazirlar Mahkamasining 2009-yil 7-sentabrdagi 256-sonli qarori tahririda)
T/r | Obyektlar nomi | Qurilishi boshlanadigan va tugatiladigan yil | Kapital mablag‘lar hajmi, mln so‘m |
I. Yildan yilga o‘tayotgan obyektlar, hammasi | 1 617 | ||
shu jumladan: | |||
1. | Asosiy kutubxonaning kitob ombori | 1998 — 2006 | 1 557 |
2. | Ma’mun akademiyasining laboratoriyasi | 2000 — 2005 | 60 |
II. Yangidan boshlanayotgan qurilish, hammasi | 1 960 | ||
shu jumladan: | |||
1. | Sharqshunoslik institutini rekonstruksiya qilish | 2004 — 2007 | 1 960 |
Jami | 3 577 |