O‘zbekiston Respublikasi Prezidentining “Zamonaviy energiya samarador va energiya tejaydigan texnologiyalarni yanada joriy etish chora-tadbirlari to‘g‘risida” 2017-yil 23-avgustdagi PQ-3238-sonli qaroriga muvofiq va O‘zbekiston Respublikasi iqtisodiyotining barcha tarmoqlarida energiya samaradorligini yanada rag‘batlantirish maqsadida:

1. O‘zbekiston Respublikasi Prezidentining ba’zi qarorlariga ilovaga muvofiq qo‘shimchalar kiritilsin.

2. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2008-yil 24-iyuldagi PQ-927-sonli qarori bilan tasdiqlangan Xorijiy investitsiyalar va kreditlarni jalb qilish hamda o‘zlashtirish tartibi to‘g‘risidagi Nizomda:

a) 2-bandining beshinchi xatboshi “zamonaviy energiya samarador va energiya tejaydigan texnologiyalarni, energoservis shartnomalariga muvofiq qayta tiklanadigan energiya manbalarini rivojlantirish sohasidagi texnologiyalarni joriy etish bo‘yicha loyihalar” so‘zlari bilan to‘ldirilsin;

b) 1-ilovadagi:

3-bandi quyidagicha mazmundagi xatboshi bilan to‘ldirilsin:

“zamonaviy energiya samarador va energiya tejaydigan texnologiyalarni joriy etish hisobiga energiyani tejash salohiyati va energetika resurslarini iqtisod qilish hamda boshqa sarf-xarajatlarni baholash;

zamonaviy energiya samarador va energiya tejaydigan texnologiyalarni joriy etish hisobiga energetikaning asosiy fondlarini yangilash va obyektlar quvvatini oshirish salohiyati”;

4.3-bandining ikkinchi xatboshidagi “texnik qayta jihozlash” so‘zlaridan keyin “shu jumladan, energiyani tejash va energetika resurslaridan foydalanish samaradorligini oshirish chora-tadbirlarini ro‘yobga chiqarish” so‘zlari bilan to‘ldirilsin;

5-bandi quyidagicha mazmundagi xatboshp bilan to‘ldirilsin:

“zamonaviy energiya samarador va energiya tejaydigan texnologiyalarni joriy etish hisobiga energetika resurslarini va boshqa sarf-xarajatlarni iqtisod qilishning kutilayotgan hajmi”.

2. O‘zbekiston Respublikasi Prezidentining 2017-yil 28-apreldagi PQ-2934-sonli qarori bilan tasdiqlangan O‘zbekiston Respublikasi Iqtisodiyot vazirligi to‘g‘risidagi Nizomning 8-bandi “v” kichik bandidagi oltinchi xatboshi “shu jumladan, energoservis hamkorligi to‘g‘risidagi bitimlar asosida” so‘zlari bilan to‘ldirilsin.