O‘zbekiston Respublikasida turizmni rivojlantirish sohasida amalga oshirilayotgan islohotlarga muvofiq Buxoro, Samarqand, Xiva va Shahrisabz shaharlarida sayyohlik faoliyati xavfsizligini samarali ta’minlash va sayyohlik xizmatlari ko‘rsatish uchun zarur shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligi, Axborot texnologiyalari va kommunikatsiyalarini rivojlantirish vazirligi, Turizmni rivojlantirish davlat qo‘mitasi hamda Buxoro, Samarqand, Xorazm va Qashqadaryo viloyatlari hokimliklari tomonidan ishlab chiqilgan Buxoro, Samarqand, Xiva va Shahrisabz shaharlarida xavfsiz turizmni ta’minlash konsepsiyasi 1-ilovaga* muvofiq ma’qullansin.
Oldingi tahrirga qarang.
(2-bandning birinchi xatboshisi O‘zbekiston Respublikasi Vazirlar Mahkamasining 2020-yil 7-iyuldagi 429-sonli qaroriga asosan chiqarilgan — Qonun hujjatlari ma’lumotlari milliy bazasi, 08.07.2020-y., 09/20/429/1039-son)
Oldingi tahrirga qarang.
(2-bandning birinchi xatboshisi O‘zbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari ma’lumotlari milliy bazasi, 08.07.2020-y., 09/20/429/1039-son)
Buxoro, Samarqand, Xiva va Shahrisabz shaharlarida xavfsiz turizmni ta’minlash konsepsiyasining (keyingi o‘rinlarda Konsepsiya deb ataladi) asosiy yo‘nalishlarini bosqichma-bosqich amalga oshirish bo‘yicha “yo‘l xaritalari”ni ishlab chiqish hamda ularning sifatli bajarilishini ta’minlash bo‘yicha ekspert guruhlarini bir hafta muddatda tashkil etsin;
2018-yil 1-yanvargacha Konsepsiyaning asosiy yo‘nalishlarini bosqichma-bosqich amalga oshirish bo‘yicha “yo‘l xaritalari”ni tasdiqlasin;
Konsepsiyaning asosiy yo‘nalishlarini amalga oshirish uchun xalqaro moliya institutlari va xorijiy hukumat tashkilotlarining mablag‘larini hamda texnik ko‘maklashish mablag‘larini, shuningdek, qonun hujjatlarida taqiqlanmagan boshqa manbalarni jalb qilsin;
fuqarolik jamiyati institutlari, ommaviy axborot vositalari, ilmiy doiralar vakillari va xorijiy ekspertlarni keng jalb etgan holda uchrashuvlar, seminarlar, davra suhbatlari hamda matbuot anjumanlari o‘tkazilishini tashkil etsin.
3. 2017 — 2020-yillarda Buxoro, Samarqand, Xiva va Shahrisabz shaharlarida xavfsiz turizmni ta’minlash konsepsiyasini amalga oshirishga doir tashkiliy chora-tadbirlar dasturi (keyingi o‘rinlarda Dastur deb ataladi) 3-ilovaga* muvofiq tasdiqlansin.
* 1 — 3 ilovalar rus tilidagi matnda berilgan.
Oldingi tahrirga qarang.
videokuzatuv, ogohlantiruvchi aloqa tizimlarini joriy etish va qo‘shimcha svetoforlarni joylashtirish uchun — O‘zbekiston Respublikasi Ichki ishlar vazirligining Moddiy-texnik bazani rivojlantirish, xodimlarni ijtimoiy rag‘batlantirish va boshqa xarajatlar maxsus fondi mablag‘lari va Raqamli texnologiyalarni rivojlantirish jamg‘armasi mablag‘lari;
(3-bandning uchinchi xatboshisi O‘zbekiston Respublikasi Vazirlar Mahkamasining 2023-yil 28-dekabrdagi 688-sonli qarori tahririda — Qonunchilik ma’lumotlari milliy bazasi, 29.12.2023-y., 09/23/688/0996-son)
Oldingi tahrirga qarang.
telekommunikatsiya tarmoqlarini qurish va o‘tkazish, ma’lumotlarga ishlov berish markazlarini tashkil etish uchun — Raqamli texnologiyalarni rivojlantirish jamg‘armasi mablag‘lari va qonun hujjatlarida taqiqlanmagan boshqa manbalar.
(3-bandning to‘rtinchi xatboshisi O‘zbekiston Respublikasi Vazirlar Mahkamasining 2023-yil 28-dekabrdagi 688-sonli qarori tahririda — Qonunchilik ma’lumotlari milliy bazasi, 29.12.2023-y., 09/23/688/0996-son)
4. Vazirliklar, idoralar va boshqa tashkilotlar rahbarlari zimmasiga Konsepsiyaning asosiy yo‘nalishlari va Dasturda nazarda tutilgan tadbirlarning o‘z vaqtida, sifatli va samarali amalga oshirilishi uchun shaxsiy mas’uliyat yuklansin.
5. O‘zbekiston Respublikasi Ichki ishlar vazirligining Buxoro, Samarqand, Xorazm va Qashqadaryo viloyatlari ichki ishlar boshqarmalari tuzilmalarida boshliqlari bir vaqtning o‘zida viloyat ichki ishlar boshqarmalari boshliqlarining o‘rinbosarlari hisoblanadigan xavfsiz turizmni ta’minlash boshqarmalarini (keyingi o‘rinlarda boshqarmalar deb ataladi) tashkil etish to‘g‘risidagi taklifiga rozilik berilsin.
bevosita sayyohlik namoyishi obyektlari va infratuzilmasi hududlarida jamoat tartibini saqlash, huquqbuzarliklarning barvaqt oldini olish va jinoyatchilikka qarshi kurash borasida ichki ishlar organlari faoliyatini tashkil qilish;
xavfsiz turizmni ta’minlash sohasida ichki ishlar organlari faoliyatini axborot-texnik qo‘llab-quvvatlash, ular o‘rtasida muvofiqlashtirilgan o‘zaro hamkorlikni yo‘lga qo‘yish va qat’iy nazorat qilish;
sayyohlik namoyishi obyektlari va infratuzilmasi hududlarida yuzaga keladigan tezkor va jinoiy holatlarni tizimli tahlil qilish, sayyohlarga nisbatan sodir etiladigan huquqbuzarliklar sabablari va sharoitlarini aniqlash hamda ularni bartaraf etish yuzasidan manzilli chora-tadbirlar ko‘rish.
Buxoro, Samarqand, Xorazm va Qashqadaryo viloyatlari ichki ishlar boshqarmalari tuzilmalaridagi boshqarmalar belgilangan shtatlar soni doirasida tashkil etiladi;
boshqarmalarning shaxsiy tarkibi lavozimlari tanlov asosida yuqori malakali, birinchi navbatda, xorijiy tillarni biladigan mutaxassislar bilan ta’minlanadi;
boshqarmalar xodimlari (xizmatchilari) uchun ularning lavozim maoshining 10 foizi miqdorida har oylik ustama belgilanadi;
Oldingi tahrirga qarang.
mazkur qaror bilan boshqarmalar uchun belgilangan jamlash tartibi, talablar, imtiyoz va preferensiyalar O‘zbekiston Respublikasi Ichki ishlar vazirligi Transport va turizm obyektlarida xavfsizlikni ta’minlash departamentining Xavfsiz turizm boshqarmasiga hamda respublikaning boshqa hududlarida tashkil etiladigan xavfsiz turizmni ta’minlash boshqarmalariga tatbiq etiladi.
(6-bandning beshinchi xatboshisi O‘zbekiston Respublikasi Vazirlar Mahkamasining 2023-yil 30-yanvardagi 37-sonli qarori tahririda — Qonunchilik ma’lumotlari milliy bazasi, 31.01.2023-y., 09/23/37/0063-son)
O‘zbekiston Respublikasi Ichki ishlar vazirligining xarajatlar smetasi va shtat jadvaliga o‘zgartirishlar kiritsin;
boshqarmalarning bevosita joylarda xavfsiz turizmni ta’minlash vazifalarini bajaradigan xodimlarini (xizmatchilarini) “Elektr tarjimon” dasturiy ta’minoti va elektron axborot tizimlari ma’lumotlar bazasidan foydalanish imkonini beradigan shaxsiy planshet kompyuterlari bilan ta’minlasin.
8. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Dasturning xavfsiz turizmni ta’minlash sohasida axborot-kommunikatsiya texnologiyalarini joriy etish nazarda tutilgan tadbirlarining tizimli monitoringini va sifatli amalga oshirilishini ta’minlasin hamda ularning amalga oshirilayotgan “Xavfsiz shahar” yagona apparat-dasturiy kompleks loyihasiga mos kelishiga alohida e’tibor qaratsin.
9. O‘zbekiston Respublikasi Ichki ishlar vazirligi bir oy muddatda Buxoro, Samarqand, Xorazm va Qashqadaryo viloyatlari ichki ishlar boshqarmalarining xavfsiz turizmni ta’minlash boshqarmalari tuzilmalarini va ular to‘g‘risidagi nizomlarni tasdiqlasin, shuningdek, ularning malakali mutaxassislar bilan butlanishini ta’minlasin.
10. Mazkur qarorning bajarilishini nazorat qilish O‘zbekiston Respublikasi Ichki ishlar vaziri P.R. Bobojonov, Axborot texnologiyalari va kommunikatsiyalarini rivojlantirish vaziri vazifasini bajaruvchi Sh.X. Shermatov va Turizmni rivojlantirish davlat qo‘mitasi raisi A.A. Abduhakimov zimmasiga yuklansin.