Tadbirkorlik faoliyatini jadal rivojlantirish, elektrotexnika mahsulotlari ishlab chiqarish boʻyicha yangi korxonalar barpo etish va ishlab turganlarini modernizatsiyalash jarayoniga mintaqa korxonalarini keng koʻlamda jalb etish uchun qoʻshimcha ravishda qulay shart-sharoitlarni taʼminlash maqsadida:

1. Oʻzbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida” 2017-yil 13-fevraldagi PQ-2772-sonli qaroriga ilovaga muvofiq qoʻshimcha kiritilsin.

2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov va “Oʻzeltexsanoat” AK boshqaruvi raisi F.X. Boqiyev zimmasiga yuklansin.

Oʻzbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida” 2017-yil 13-fevraldagi PQ-2772-sonli qarorining 4-bandi kuyidagi mazmundagi xatboshi bilan toʻldirilsin:

“Oʻzbekiston Respublikasi Vazirlar Mahkamasi huzuridagi xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha Idoralararo kengashga, zarurat boʻlganda, 4, 5 va 6-ilovalardan yangi investitsiya loyihalarini chiqarib tashlash va ularga qoʻshib qoʻyish boʻyicha tuzatishlar kiritish, shuningdek, Dasturga kiritilgan investitsiya loyihalarining asosiy parametrlarini aniqlashtirish huquqi berilsin”.