LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 18-martdagi 170-sonli “Tovar xomashyo birjalari faoliyatiga ilg‘or axborot texnologiyalarini keng joriy etish va elektron tijorat faoliyatini izchil rivojlantirish bo‘yicha qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
Davlat strategik zaxirasini shakllantirishda O‘zbekiston Respublikasi Vazirlar Mahkamasi xuzuridagi Davlat zaxiralarini boshqarish qo‘mitasi bilan “O‘zbekneftgaz” AJ korxonalari o‘rtasidagi hisob-kitob mexanizmini tartibga solish, shuningdek budjetdan mablag‘lari xarajatlarini qisqartirish maqsadida Vazirlar Mahkamasi qaror qiladi:
1. Vazirlar Mahkamasining 2004-yil 5-fevraldagi 57-son qarori (O‘zbekiston Respublikasi QHT, 2004-y., 2-son, 10-modda) bilan tasdiqlangan Moddiy-texnika resurslari strategik turlarini sotishning maxsus tartibi to‘g‘risida nizomga ilovaga muvofiq o‘zgartirish va qo‘shimcha kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari G‘.I. Ibragimov, O‘zbekiston Respublikasi Bosh vazirining o‘rinbosari — “O‘zagrotexsnoatxolding” AJ boshqaruvi raisi N.S. Otajonov, “O‘zbekneftgaz” AJ boshqaruvi raisi A.S. Sultonov, O‘zbekiston Respublikasi Vazirlar Mahkamasi huzuridagi Davlat zaxiralarini boshqarish qo‘mitasi raisi M.M. Kurbonov zimmasiga yuklansin.
“O‘zbekiston Respublikasi Vazirlar Mahkamasi huzuridagi Davlat zaxiralarini boshqarish qo‘mitasi va uning idoraviy mansub muassasalari davlat strategik zaxirasi resurslarini to‘ldirish va yangilash uchun avtomobil benzini, aviakerosin va dizel yoqilg‘isini “O‘zneftmahsulot” AJning neftni qayta ishlash zavodlari bilan to‘g‘ridan to‘g‘ri shartnomalar asosida qonun hujjatlariga muvofiq aniqlanadigan belgilangan narxlar bo‘yicha sotib oladilar”.
“Neft bazalari tomonidan davlat ehtiyojlari uchun qishloq xo‘jaligi mahsulotlari yetishtirish hajmi uchun dizel yoqilg‘isi qishloq xo‘jaligi istemolchilariga transport vositalari uchun benzin, dizel yoqilg‘isi va gaz ishlatganlik uchun olinadigan soliq hisobga olingan holda belgilangan chakana narxlar bo‘yicha, yetkazib berilgan resurslar haqi 60 kun mobaynida to‘liq to‘lanishi sharti bilan, 60 foiz haqi oldindan to‘langan holda sotiladi”.