“Oʻztadbirkoreksport” aksiyadorlik jamiyati faoliyati samaradorligini yanada oshirish, uning barqaror moliyaviy va iqtisodiy rivojlanishini ragʻbatlantirish, buning asosida kichik biznes va xususiy tadbirkorlik, dehqon va fermer xoʻjaliklariga ularning mahsulotlarini eksport qilishda samarali yordam koʻrsatishni taʼminlash, respublika hududlarida eksport faoliyatiga yangi ishtirokchilarni jalb etish, shuningdek, mahsulotlarni eksportga yetkazib berishni kengaytirish maqsadida:

1. Oʻzbekiston Respublikasi Tashqi savdo vazirligi va Iqtisodiyot vazirligining xorijda “Oʻztadbirkoreksport” AJning keng joylashishini taʼminlashga yoʻnaltirilgan chora-tadbirlarni amalga oshirish, chet el hamkorlari sonini kengaytirish, “Oʻztadbirkoreksport” AJ nomini aksiyadorlik jamiyati koʻrinishidagi “Oʻztreyd” ixtisoslashtirilgan tashqi savdo kompaniyasiga (keyingi oʻrinlarda “Oʻztreyd” AJ) oʻzgartirish yoʻli orqali tashqi bozorlarda ishonchli va barqaror kompaniya imidjini shakllantirish taklifiga rozilik berilsin.

2. “Oʻztreyd” AJ faoliyatining asosiy vazifalari va yoʻnalishlari etib quyidagilar belgilansin:

kichik biznes va xususiy tadbirkorlik subyektlari, dehqon va fermer xoʻjaliklari tomonidan ishlab chiqarilayotgan mahsulotlarga tashqi bozorlardagi talab va taklifni tizimli oʻrganish va buning asosida tayyor raqobatdosh mahsulotni ishlab chiqarishga buyurtmalarni joylashtirish boʻyicha takliflarni ishlab chiqish;

kichik biznes va xususiy tadbirkorlik subyektlari, dehqon va fermer xoʻjaliklarining mahsulotlarini eksportga yoʻnaltirish, ular tomonidan ishlab chiqarilayotgan mahsulotlarni sotish boʻyicha yangi bozorlarni izlash va oʻzlashtirish;

kichik biznes va xususiy tadbirkorlik subyektlari, dehqon va fermer xoʻjaliklari bilan birgalikda zamonaviy ishlab chiqarishlar, issiqxonalar, muzlatish kameralari, keyinchalik ularni eksport qilish maqsadida qishloq xoʻjaligi mahsulotlarini saralash, qadoqlash va qayta ishlash boʻyicha quvvatlarni tashkil etish;

eksportga moʻljallangan mahsulotlarni sertifikatlash, reklama tadbirlarini oʻtkazish, ularning xalqaro yarmarkalar va koʻrgazmalarda ishtirok etishini tashkillashtirish, mahsulotlarni eksport qilishda axborot va konsultativ qoʻllab-quvvatlash masalalari boʻyicha dehqon va fermer xoʻjaliklariga kichik biznes va xususiy tadbirkorlik subyektlari tomonidan yordam koʻrsatilishini taʼminlash;

kichik biznes va xususiy tadbirkorlik subyektlari, dehqon va fermer xoʻjaliklari buyurtmalariga koʻra respublikada ishlab chiqarilmaydigan texnologik uskuna, butlovchi va ehtiyot qismlar, xom ashyo va materiallarni belgilangan tartibda yetkazib berishni amalga oshirish.

3. “Oʻztreyd” AJning boshqaruv xodimlari cheklangan soni 39 nafardan iborat ijro etuvchi apparati tuzilmasi 1-ilovaga muvofiq maʼqullansin.

4. “Oʻztreyd” AJ va mazkur qarorning 2-ilovasiga* muvofiq uning tarkibiga kiruvchi tashkilotlarga oʻz mahsulotlarini eksportga yetkazib berishni amalga oshirayotgan, oʻzlari ishlab chiqargan mahsulotlarni eksport qilayotgan korxonalar uchun qonun hujjatlarida nazarda tutilgan soliq imtiyozlari va preferensiyalari joriy etilsin.

5. “Oʻztreyd” AJga:

oziq-ovqat uni va bugʻdoyni konsignatsiya shartlarida, oziq-ovqat bugʻdoyidan foydalanishning tasdiqlangan balansi hajmlari doirasida “Oʻztreyd” AJning xorijdagi savdo uylari manziliga tushirish;

istisno tariqasida, jumladan, kichik biznes va xususiy tadbirkorlik subyektlari, dehqon va fermer xoʻjaliklari mahsulotlarini (yangi meva va sabzavot mahsulotlaridan tashqari) bank kafolatlari yoki siyosiy va tijorat xavflaridan eksport shartnomalarini sugʻurtalash polislarini taqdim etmasdan, respublika tashkilotlarining umumlashtirilgan ulushi bilan bir qatorda, savdo uyining ustav fondidagi “Oʻztreyd” AJning 51 foizdan kam boʻlmagan ulushini hisobga olgan holda konsignatsiya shartlarida eksport qilinadigan mahsulotlarni savdo uylari manzillariga tushirishga ruxsat etilsin.

6. “Oʻzagroeksportbank” aksiyadorlik tijorat banki va Kichik biznes va xususiy tadbirkorlik subyektlarining eksportini qoʻllab-quvvatlash jamgʻarmasiga “Oʻztreyd” AJ va uning tarkibiga kiruvchi tashkilotlarga aylanma mablagʻlarni shakllantirish va qonun hujjatlarida belgilangan tartibda kichik tadbirkorlik subyektlarining eksportoldi moliyalashtirilishini amalga oshirish uchun imtiyozli kredit liniyalarini ajratish tavsiya etilsin.

7. Muddati oʻtgan debitorlik va kreditorlik qarzlarini qisqartirish va budjetga boʻlgan toʻlovlar intizomini mustahkamlash respublika komissiyasi (R.S. Azimov) qayta tashkil etilayotgan “Oʻzmarkazimpeks” AJ va “Oʻzinterimpeks” AJ tashqi savdo kompaniyalarining imkonsiz debitorlik va kreditorlik qarzlarini qisqartirish boʻyicha takliflarni bir oy muddatda koʻrib chiqsin va Oʻzbekiston Respublikasi Vazirlar Mahkamasiga kiritsin.

8. Oʻzbekiston Respublikasi Tashqi savdo vazirligi zimmasiga “Oʻztreyd” AJ davlat aksiyalari paketi boʻyicha aksiyadorlik funksiyalari yuklatilsin.

9. “Oʻztreyd” AJ Toshkent shahri, Mirobod tumani, Islom Karimov koʻchasi, 1-uyga joylashtirilsin.

10. Oʻzbekiston Respublikasi Tashqi savdo vazirligi:

ikki oy muddatda ularning aktivlarini keyinchalik “Oʻztreyd” AJning ustav fondini shakllantirish uchun oʻtkazgan holda “Oʻzmarkazimpeks” AJ va “Oʻzinterimpeks” AJ tashqi savdo kompaniyalarini qayta tashkil etish jarayonlarini belgilangan tartibda yakunlasin;

belgilangan tartibda “Oʻztadbirkoreksport” ITSKni tugatish boʻyicha zarur chora-tadbirlarni koʻrsin;

Adliya vazirligi va boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

11. Oʻzbekiston Respublikasi Prezidentining ayrim qarorlariga 3-ilovaga* muvofiq oʻzgartish va qoʻshimchalar kiritilsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. “Yeso Natural Samarqand” MCHJ

2. “Yeso Natural Qashqadaryo” MCHJ

3. “Sevaz Androniks” MCHJ

4. “Inter Agro Fresh Parkent” MCHJ

5. “Inter Agro Frozen Kokand” MCHJ

6. “Inter Textile Mills” MCHJ

7. “Pastdargom Tikuvchi” MCHJ

8. “Andijon Toʼquvchi” MCHJ

9. “Oqdaryo Mevalari” MCHJ

10. “Kitob Mevalari” MCHJ

11. “Inter Garden Kokand” MCHJ

12. “Inter Grape” MCHJ

13. “Parkent Packing” MCHJ

14. “Milk foods” MCHJ

15. “Inter milk” MCHJ

16. “Markaz Invest” MCHJ

1. Oʻzbekiston Respublikasi Prezidentining 2011-yil 19-iyuldagi “Xalqaro shartnomalarni tasdiqlash toʻgʻrisida”gi PQ-1581-son qarorining 3-bandi uchinchi xatboshisidagi “Oʻztadbirkoreksport” AJ” va “Tashqi iqtisodiy aloqalar, investitsiyalar va savdo vazirligi” soʻzlari tegishincha “Oʻztreyd” AJ” va “Tashqi savdo vazirligi” soʻzlari bilan almashtirilsin.

2. Oʻzbekiston Respublikasi Prezidentining 2011-yil 25-avgustdagi “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida”gi PQ-1604-son qarorining 7 va 8-bandlari oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2016-yil 16-martdagi PQ-2507-son qarori bilan tasdiqlangan Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasining ustav kapitali hajmini oshirish uchun qoʻshimcha badallar kirituvchi Jamgʻarma taʼsischilari roʻyxatining 5-bandidagi “Oʻztadbirkoreksport” AJ” soʻzlari “Oʻztreyd” AJ” soʻzlari bilan almashtirilsin.

4. Oʻzbekiston Respublikasi Prezidentining 2016-yil 7-apreldagi “Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “Oʻzagroeksport” tashqi savdo kompaniyasini tashkil etish toʻgʻrisida”gi PQ-2515-son qarori 3-bandining toʻrtinchi xatboshisi chiqarib tashlansin.

5. Oʻzbekiston Respublikasi Prezidentining 2015-yil 31-dekabrdagi “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tuzilmasini maqbullashtirish va faoliyati samaradorligini yanada oshirish chora-tadbirlari toʻgʻrisida“gi PQ-2463-son qarori rus tilidagi matnida:

a) 2-bandda:

ikkinchi xatboshisi quyidagi tahrirda bayon etilsin:

“o reorganizatsii vneshnetorgovix kompaniy AO “Uzmarkazimpeks” i AO “Uzintreimpeks”, sozdav na ix baze AO “Uztadbirkoreksport”, s vozlojeniyem na nego funksii po okazaniyu sodeystviya subyektam malogo biznesa i chastnogo predprinimatelstva, a takje dexkanskim i fermerskim xozyaystvam v realizatsii ix produksii na eksport”;

quyidagi mazmundagi uchinchi xatboshi bilan toʻldirilsin:

“o likvidatsii SVTK OOO “Uztadbirkoreksport””;

uchinchi va toʻrtinchi xatboshilar tegishli ravishda toʻrtinchi va beshinchi xatboshilar deb hisoblansin;

b) 3-bandda:

ikkinchi xatboshidagi “Uztadbirkoreksport” soʻzi “Uztreyd” soʻzi bilan almashtirilsin;

uchinchi xatboshida:

“AO “Uztadbirkoreksport” soʻzlari “AO “Uztreyd” soʻzlari bilan almashtirilsin;

“SVTK OOO “Uztadbirkoreksport” soʻzlari chiqarib tashlansin;

v) 4-banddagi ikkinchi xatboshi chiqarib tashlansin;

g) 5-bandidan “AO “Uztadbirkoreksport” i” soʻzlari chiqarib tashlansin;

d) 7-bandidan “AO “Uztadbirkoreksport” i” soʻzlari chiqarib tashlansin;

e) 3-ilova oʻz kuchini yoʻqotgan deb hisoblansin.

6. Oʻzbekiston Respublikasi Prezidentining 2016-yil 14-dekabrdagi “Oʻzbekiston Respublikasi Vazirlar Mahkamasining ijro etuvchi tuzilmasini tasdiqlash toʻgʻrisida”gi PQ-2679-son qarorining rus tilidagi matni 12-ilovasining “Kuriruyemie aksionernie obshestva, organizatsii, predpriyatiya i territorii” boʻlimi 2-bandidagi “AO “Uztadbirkoreksport” soʻzlari “AO “Uztreyd” soʻzlari bilan almashtirilsin.