Oʻzbekiston Respublikasining Bojxona kodeksi va Oʻzbekiston Respublikasining “Davlat bojxona xizmati toʻgʻrisida”gi Qonuniga muvofiq Oʻzbekiston Respublikasi Davlat bojxona qoʻmitasi qaror qiladi:

1. Tovarning bojxona qiymatiga va (yoki) bojxona toʻlovlariga tuzatishlar kiritishni toʻldirish tartibi toʻgʻrisidagi yoʻriqnoma ilovaga muvofiq tasdiqlansin.

2. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

Mazkur Yoʻriqnoma Bojxona kodeksi va Oʻzbekiston Respublikasining “Davlat bojxona xizmati toʻgʻrisida”gi Qonuniga muvofiq Oʻzbekiston Respublikasi bojxona chegarasi orqali olib oʻtiladigan tovarning bojxona qiymatiga va (yoki) bojxona toʻlovlariga tuzatishlar kiritish shakli, shuningdek uni toʻldirish tartibini belgilaydi.

1. Mazkur Yoʻriqnomada quyidagi asosiy tushunchalardan foydalaniladi:

bojxona qiymatiga va bojxona toʻlovlariga tuzatishlar kiritish (bundan buyon matnda BQBTT deb yuritiladi) — bojxona yuk deklaratsiyasida (bundan buyon matnda BYuD deb yuritiladi) koʻrsatilgan tovarning bojxona qiymati va (yoki) bojxona toʻlovlari boʻyicha maʼlumotlariga oʻzgartirish va (yoki) qoʻshimchalar kiritish uchun foydalaniladigan hujjat;

bojxona rasmiylashtiruvi boʻyicha mutaxassis (bundan buyon matnda mutaxassis deb yuritiladi) — deklarant yoki bojxona brokeri nomidan BQBTTni toʻldirish, imzolash va bojxona organlariga taqdim etish uchun vakolatli shaxs;

elektron BQBTT — mutaxassisning elektron raqamli imzosi (bundan buyon matnda ERI deb yuritiladi) bilan tasdiqlangan, “Tovarlarni elektron deklaratsiyalash” avtomatlashtirilgan axborot tizimi (bundan buyon matnda TEDAAT deb yuritiladi) vositasida taqdim etilgan elektron shakldagi BQBTT yoki qogʻoz shakldagi BQBTTning elektron tashuvchida taqdim etilgan elektron nusxasi.

2. BQBTT tovarning bojxona qiymati va (yoki) bojxona toʻlovlari boʻyicha maʼlumotlariga tuzatishlar kiritilayotgan BYuDning ajralmas qismi boʻlib hisoblanadi.

3. BYuD elektron shaklda taqdim etilganda, BQBTT ham elektron shaklda taqdim etiladi.

BYuD qogʻoz shaklda taqdim etilganda, BQBTT ham qogʻoz shaklida toʻrt nusxadan iborat A4 formatdagi varaqlarda taqdim etiladi va quyidagicha taqsimlanadi:

birinchi nusxa — bojxona organlari ish yigʻma jildlarida qoladi;

ikkinchi nusxa — shtatida mutaxassis boʻlgan bojxona brokeri yoki deklarant uchun;

uchinchi va toʻrtinchi nusxalar — deklarant uchun.

Agar BQBTT qogʻoz shaklda taqdim etilsa, mutaxassis bojxona organlariga oʻzining ERIsi bilan tasdiqlangan uning elektron nusxasini ham taqdim etadi.

4. BQBTT mazkur Yoʻriqnomaning 1-ilovasiga muvofiq BQBTT-1 asosiy shakl, ushbu Yoʻriqnomaning 7-bandida nazarda tutilgan holatlarda esa, mazkur Yoʻriqnomaning 2-ilovasiga muvofiq BQBTT-2 qoʻshimcha shakldan iborat. BQBTT-1 va BQBTT-2 varaqlari BYuDning varaqlariga mos ravishda taqsimlanadi.

Elektron BQBTT bojxona organlariga belgilangan format va tuzilishga muvofiq taqdim etilishi lozim.

5. BQBTT oʻzbek yoki rus tilida tushunarli toʻldirilgan boʻlishi lozim.

BQBTTda oʻchirishlar va boʻyashlar boʻlmasligi kerak. Tushunarsiz toʻldirilgan BQBTTlar bojxona organlari tomonidan rasmiylashtirish uchun qabul qilinmaydi.

6. BQBTT-1 bir yoki undan ortiq nomdagi (bir xil va aynan shunday Oʻzbekiston Respublikasi Tashqi iqtisodiy faoliyatining tovar nomenklaturasi (bundan buyon matnda TIF TN deb yuritiladi) boʻyicha oʻnta raqam darajasiga muvofiq tasniflanganda) tovarlarning koʻrsatkichlariga tuzatishlar kiritilayotgan maʼlumotlarni, agar bunday tovarlarga nisbatan bir xil va aynan shunday bojxona rejimi oʻrnatilgan boʻlsa, aks ettirish uchun foydalaniladi. BQBTT-1ning grafalarini toʻldirishning umumiy tartibi BYuDning tegishli grafalarini toʻldirish tartibi bilan oʻxshash boʻladi.

7. Birdan ortiq nomdagi tovarlarning koʻrsatkichlariga tuzatishlar kiritilganda, har biri yana ikki nomdagi tovarlarning maʼlumotlariga tuzatishlar kiritish imkoniyatini beradigan boʻlsa, BQBTT-2dan foydalaniladi.

BQBTT-2ning grafalarini toʻldirish tartibi BQBTT-1ning tegishli grafalarini toʻldirish tartibi bilan oʻxshash boʻladi.

8. BQBTTni rasmiylashtirish mutaxassis tomonidan taqdim etilgan kundan eʼtiboran uch ish kuni ichida bojxona organi tomonidan amalga oshiriladi.

9. Tovarning bojxona qiymatiga va (yoki) bojxona toʻlovlariga tuzatishlar kiritish quyidagi hollarda amalga oshirilishi mumkin:

bojxona rasmiylashtiruvi vaqtida;

tovar chiqarib yuborilganidan keyin.

10. Bojxona rasmiylashtiruvi amalga oshirilayotganda tovarning bojxona qiymatiga va (yoki) bojxona toʻlovlariga quyidagi hollarda tuzatishlar kiritiladi, agar:

deklarant yoki bojxona brokeri tomonidan maʼlum qilingan tovarning bojxona qiymatini aniqlash usuli va miqdori ularni tasdiqlash uchun taqdim etilgan hujjatlarga mos emasligi aniqlangan boʻlsa;

bojxona qiymati deklaratsiyasida tovarning maʼlum qilingan bojxona qiymati va (yoki) bojxona toʻlovlari miqdoriga taʼsir etgan texnik xatolar aniqlangan boʻlsa.

11. Tovar chiqarib yuborilganidan keyin uning bojxona qiymatiga va (yoki) bojxona toʻlovlariga quyidagi hollarda tuzatishlar kiritiladi, agar:

shartli chiqarib yuborilgan tovarga nisbatan uning uzil-kesil bojxona qiymati deklarantning yoki bojxona brokerining qoʻshimcha axboroti asosida aniqlansa yoxud deklarant yoki bojxona brokeri Bojxona kodeksining 321-moddasiga muvofiq bojxona organi tomonidan aniqlangan bojxona qiymatini qabul qilsa;

tovarni deklaratsiyalashda sodir etilgan, tovarning bojxona qiymatining va (yoki) bojxona toʻlovlarining miqdoriga taʼsir koʻrsatgan texnik xatolar aniqlangan boʻlsa;

hujjatlarning keyingi tekshiruvi paytida tovarning bojxona qiymatiga va (yoki) bojxona toʻlovlarining miqdoriga taʼsir koʻrsatgan notoʻgʻri deklaratsiyalash aniqlangan boʻlsa;

maʼlum qilingan bojxona qiymatining bojxona hududiga olib kirilgan yoki ushbu hududdan olib chiqilgan tovarning miqdori va (yoki) sifati kontrakt (shartnoma, kelishuv) shartlaridan chetga chiqishi tufayli tovarning haqiqiy qiymatiga mos emasligi bojxona deklaratsiyasini qabul qilish sanasida aniqlangan boʻlsa. Bojxona koʻzdan kechiruvi dalolatnomasi, shuningdek kontrakt (shartnoma, kelishuv) taraflari oʻrtasida kelishilgan, bojxona toʻlovlari undirilmaydigan tovar boʻyicha — tovarning miqdoriga oid eʼtiroz yoki bojxona toʻlovlari undiriladigan tovarlar boʻyicha — ekspertiza xulosasi tovarning mos emasligini tasdiqlovchi hujjatlar hisoblanadi;

bojxona toʻlovlarining summalari qaytarilishiga yoki qoʻshimcha toʻlanishiga olib keladigan yoki tovarning bojxona qiymati miqdoriga taʼsir koʻrsatgan boshqa asoslar yuzaga kelgan boʻlsa.

12. Agar tovarning bojxona qiymatiga va (yoki) bojxona toʻlovlariga tuzatishlar kiritish bojxona toʻlovlarini toʻlash boʻyicha qarzdorlikning paydo boʻlishiga olib kelgan boʻlsa, ana shu qarzdorlik summasiga qonun hujjatlarida belgilangan tartibda penya hisoblanadi.

13. Tovarning bojxona qiymatiga va (yoki) bojxona toʻlovlariga tuzatishlar kiritish qaysi tovarning bojxona qiymatiga va (yoki) bojxona toʻlovlariga tuzatishlar kiritilayotgan boʻlsa, faqatgina oʻsha tovarga nisbatan amalga oshiriladi.

14. Tovarning bojxona qiymatiga va (yoki) bojxona toʻlovlariga tuzatishlar kiritish deklarant yoki bojxona brokeri tomonidan bojxona organiga tovarning bojxona qiymatiga va (yoki) bojxona toʻlovlariga tuzatishlar kiritish shaklini taqdim etish orqali maʼlum qilinadi, bu shakl bojxona deklaratsiyasining ajralmas qismi boʻlib, uning maʼlumotlariga tovarning bojxona qiymati va (yoki) bojxona toʻlovlari boʻyicha tuzatishlar kiritiladi.

15. Agar deklarant yoki bojxona brokeri bojxona organi tomonidan tovarning bojxona qiymatiga va (yoki) bojxona toʻlovlariga kiritilgan tuzatishlarga rozi boʻlmasa, u tovarning bojxona qiymatiga va (yoki) bojxona toʻlovlariga tuzatishlar kiritishning bojxona organi tomonidan qayta hisob-kitob qilingan tovarlarning bojxona qiymati va (yoki) bojxona toʻlovlari koʻrsatilgan shaklini imzolamaslikka haqli. Bu hollarda deklarant yoki bojxona brokeri tovarning bojxona qiymatiga va (yoki) bojxona toʻlovlariga tuzatishlar kiritish sabablarini tushuntirib berishni bojxona organidan talab qilish huquqiga ega.

Deklarant yoki bojxona brokeri tomonidan bojxona organiga soʻrov yuborilishi deklarantni yoki bojxona brokerini bojxona toʻlovlarini toʻlashdan ozod etmaydi.

16. Bojxona rasmiylashtiruvi uchun hujjatlar qabul qilinganidan keyin bojxona organi tomonidan tovarning bojxona qiymatiga va (yoki) bojxona toʻlovlariga tuzatishlar kiritilishi ustidan deklarant yoki bojxona brokeri belgilangan tartibda shikoyat qilishi mumkin.

17. BQBTTdagi maʼlumotlarni maʼlum qilishda Bojxona yuk deklaratsiyasini toʻldirish tartibi toʻgʻrisidagi Yoʻriqnomada (roʻyxat raqami 2773, 2016-yil 6-aprel) koʻrsatilgan tasniflagichlardan foydalaniladi.

18. Mutaxassis tomonidan quyidagi grafalar toʻldiriladi: 1, 2, 3, 5, 7, 8, 11, 12, 13, 14, 15, 15a, 17, 17a, 20, 22, 23, 24, 31, 32, 33, 34, 35, 36, 37, 38, 40, 41, 42, 43, 44, 45, 46, 47, 50, 52, 54.

2, 7, 8, 24, 31, 32, 35, 40, 41, 50 va 52 grafalarda BYuDning tegishli grafalaridagi maʼlumotlar takrorlanadi.

19. Qolgan grafalar mutaxassis tomonidan quyidagi koʻrinishda toʻldiriladi:

Birinchi boʻlmada tuzatish kiritishning sakkiz raqamli kodi koʻrsatiladi — X/X/X/X/X/X/X/X.

Birinchi element tuzatish kiritish qaysi bosqichda amalga oshirilayotganligini koʻrsatadi:

1 — bojxona rasmiylashtiruvi vaqtida;

2 — tovar chiqarib yuborilganidan keyin.

Ikkinchi element BYuDda koʻrsatilgan maʼlumotlarga oʻzgartirishlar kiritish uchun asos boʻlgan sharoitlarni koʻrsatadi:

0 — BYuDda koʻrsatilgan maʼlumotlarga oʻzgartirishlar kiritish toʻgʻrisidagi deklarantning murojaati;

1 — hujjat va maʼlumotlarni tekshirish natijalari;

2 — qonun hujjatlarida belgilangan tartibda oʻtkazilgan tekshiruv natijalari;

3 — qonuniy kuchga kirgan sud organlarining qarorlari;

Uchinchi element tovarning miqdori va (yoki) vazniga nisbatan BYuDda koʻrsatilgan maʼlumotlarga oʻzgartirishlar kiritilishini koʻrsatadi:

0 — oʻzgartirishlar mavjud boʻlmaganda;

1 — texnik xatoliklar (oʻlchov birliklari notoʻgʻri koʻrsatilganligi, maʼlumotlarni kodlashdagi xatoliklar va h.k.);

2 — tovarning miqdori va (yoki) vazni BYuDda va (yoki) tashqi savdo kontrakti (shartnomasi, kelishuvi) shartlarida nazarda tutilgan tovarning miqdori va (yoki) vazniga nisbatan nomuvofiqliklar, shu jumladan bir vaqtning oʻzida texnik xatoliklar aniqlanganda;

Toʻrtinchi element BYuDda koʻrsatilgan tovarning kelib chiqish mamlakati va (yoki) tarif preferensiyalar toʻgʻrisidagi maʼlumotlarga oʻzgartirishlar kiritilishini koʻrsatadi:

0 — oʻzgartirishlar mavjud boʻlmaganda;

1 — tovarning kelib chiqish mamlakati toʻgʻrisidagi maʼlumotlar notoʻgʻriligi aniqlanganda;

2 — tarif preferensiyalarini berish shartlariga rioya etilmaganligi aniqlanganda;

3 — tovarlar chiqarib yuborilganidan keyin bojxona organlari va ularning mansabdor shaxslarining qarorlari xatti-harakati (harakatsizligi) ustidan shikoyatlarni koʻrib chiqilishi natijalari yuzasidan yoki qonuniy kuchga kirgan sud organlarining qarorlari asosida tarif pereferensiyalari berilganda;

4 — tovarlar chiqarib yuborilganidan keyin bojxona toʻlovlarini toʻlovchining arizasi boʻyicha tarif preferensiyalari tiklanganda;

Beshinchi element BYuDda koʻrsatilgan tovarning TIF TN boʻyicha kodiga oʻzgartirish kiritilishini koʻrsatadi:

0 — oʻzgartirish mavjud boʻlmaganda;

1 — tovarning TIF TN boʻyicha notoʻgʻri tasniflanganligi aniqlanganda;

Oltinchi element BYuDda koʻrsatilgan tovarning bojxona qiymatiga nisbatan maʼlumotlarga oʻzgartirishlar kiritilishini koʻrsatadi:

0 — oʻzgartirishlar mavjud boʻlmaganda;

1 — texnik xatoliklar (chop etishdagi xatoliklar, arifmetik xatoliklar, shu jumladan valyuta kursining notoʻgʻri qoʻllanilishi);

2 — qoʻshimcha hisoblash (chegirish) natijasidagi xatoliklar, shu jumladan, bir vaqtning oʻzida texnik xatoliklar aniqlanganda;

3 — tovarning bojxona qiymatini hisoblash uchun asos va (yoki) bojxona qiymatini aniqlashning usulini tanlashdagi xatoliklar, shu jumladan bir vaqtning oʻzida texnik xatoliklar yoki qoʻshimcha hisoblash (chegirish) natijasidagi xatoliklar aniqlanganda;

4 — tovarning bojxona qiymatini aniqlash imkoniyati boʻlmaganligi natijasida shartli chiqarib yuborilgan tovarning bojxona qiymatiga oʻzgartirishlar kiritilganda;

Ettinchi element BYuDda koʻrsatilgan hisoblangan (toʻlangan) bojxona toʻlovlariga nisbatan maʼlumotlarga oʻzgartirishlar kiritilishini koʻrsatadi:

0 — oʻzgartirishlar mavjud boʻlmaganda;

1 — bojxona yigʻimlari, soliqlarni toʻlash boʻyicha beriladigan imtiyozlar, bojxona bojlarini toʻlash boʻyicha beriladigan imtiyozlar shartlariga rioya qilinmaganligi aniqlanganda;

2 — deklarant tomonidan bojxona toʻlovlarini toʻlash boʻyicha imtiyozlardan foydalanishdan voz kechganda;

3 — kechiktirib yoki boʻlib-boʻlib toʻlash boʻyicha taqdim etilgan bojxona toʻlovlari toʻlanganda;

4 — bojxona toʻlovlarini, foizlarni va (yoki) penyalarni toʻlash muddati kelganda;

5 — BYuDda koʻrsatilgan undirilgan boshqa toʻlovlar toʻgʻrisidagi maʼlumotlar oʻzgartirilganda;

Sakkizinchi element BYuDda koʻrsatilgan boshqa maʼlumotlarga oʻzgartirishlarni koʻrsatadi:

0 — oʻzgartirishlar mavjud boʻlmaganda;

1 — tovarlardan foydalanish va (yoki) tasarruf etish boʻyicha cheklovlar va (yoki) maʼlum qilingan bojxona protseduralari shartlariga rioya etilmaganligi, shuningdek belgilangan muddatlarda bojxona protseduralari tugatilmaganligi aniqlanganda;

2 — bojxona protsedurasi muddatlari uzaytirilganda;

3 — BYuDda koʻrsatilgan taqdim etilgan bojxona toʻlovlarini toʻlashni taʼminlash toʻgʻrisidagi maʼlumotlar oʻzgartirilganda.

Barcha elementlar “/” boʻlish belgisi orqali koʻrsatiladi, elementlar oʻrtasida probel boʻlishiga yoʻl qoʻyilmaydi.

Grafaning ikkinchi boʻlmasida BYuDning 1-grafasi birinchi boʻlmasidagi tovarlarni olib oʻtilishining yoʻnalishi koʻrsatiladi.

Grafaning uchinchi boʻlmasida BYuDning 1-grafasi ikkinchi boʻlmasidagi bojxona rejimining raqamli kodi koʻrsatiladi;

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BQBTT varaqlarining umumiy soni, shu jumladan asosiy va barcha qoʻshimchalari koʻrsatiladi.

BQBTT elektron shaklda taqdim etilganda, grafada elektron BQBTT qogʻozga chop etilgandagi kabi varaqning tartib raqami va BQBTT varaqlarining umumiy soni mazkur kichik bandda belgilangan tartibda koʻrsatiladi;

Grafada tovarlar nomlarining umumiy soni (raqamlar bilan) koʻrsatiladi. Bu son BQBTTning 31-grafalarida toʻldirilgan miqdorga muvofiq boʻlishi lozim;

Grafada savdo qiluvchi mamlakatga aniqlik kiritilishi bilan bogʻliq holatlar boʻlsa, savdo qiluvchi mamlakatning aniqlik kiritilgan nomi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafaning chap boʻlmasida tovarning tuzatish kiritilgan bojxona qiymati BQBTTning 45-grafasi chap boʻlmasida koʻrsatilgan, tovarning tuzatish kiritilgan bojxona qiymati va BYuDning 45-grafasidagi qolgan tovarlar boʻyicha (tovarning bojxona qiymatiga tuzatish kiritilmaganlari uchun) aniqlanadigan summa sifatida koʻrsatiladi.

Oʻng boʻlmasida:

BYuDning 12-grafasidagi maʼlumot, agar birinchi marotaba tuzatish kiritilayotgan boʻlsa;

bundan oldingi BQBTTning chap boʻlmasidagi maʼlumot, agar ilgari tovarning bojxona qiymatiga tuzatishlar kiritilgan boʻlsa;

Grafada AQSh dollari kursiga aniqlik kiritilishi bilan bogʻliq holatlar boʻlsa, Oʻzbekiston Respublikasi Markaziy banki tomonidan belgilangan, BYuD bojxona rasmiylashtiruviga qabul qilingan kundagi AQSh dollarining Oʻzbekiston Respublikasi milliy valyutasiga nisbatan aniqlik kiritilgan kursi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada BQBTTni toʻldirgan va bojxona organiga taqdim etayotgan shtatida mutaxassisi boʻlgan bojxona brokeri yoki deklarant toʻgʻrisidagi maʼlumotlar koʻrsatiladi;

Grafada tovarlarni joʻnatuvchi mamlakatga aniqlik kiritilishi bilan bogʻliq holatlar boʻlsa, joʻnatuvchi mamlakatning aniqlik kiritilgan nomi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

15-grafa oʻzgargan holatlarda, joʻnatuvchi mamlakatning aniqlik kiritilgan kodi qoʻyiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada tovarlarni kelib tushadigan mamlakatga aniqlik kiritilishi bilan bogʻliq holatlar boʻlsa, kelib tushadigan mamlakatning aniqlik kiritilgan nomi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

17-grafa oʻzgargan holatlarda, kelib tushadigan mamlakatning aniqlik kiritilgan kodi qoʻyiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada yetkazib berish shartlariga aniqlik kiritilishi bilan bogʻliq holatlar boʻlsa, aniqlik kiritilgan yetkazib berish shartlari koʻrsatiladi. Bunda grafaning birinchi boʻlmasida Etkazib berish shartlari tasniflagichiga muvofiq yetkazib berish shartining raqamli, ikkinchi boʻlmasida geografik punkt koʻrsatilgan holda yetkazib berish shartining qisqacha harfli kodi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada tovarning faktura qiymatiga aniqlik kiritilishi (oʻzgartirilishi) bilan bogʻliq holatlar boʻlsa, tovarning faktura qiymatiga aniqlik kiritilgan miqdori koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada 22-grafaning chap boʻlmasida koʻrsatilgan valyuta kursiga aniqlik kiritilishi bilan bogʻliq holatlar boʻlsa, Oʻzbekiston Respublikasi Markaziy banki tomonidan belgilangan, BYuD bojxona rasmiylashtiruviga qabul qilingan kundagi tovarning faktura qiymati maʼlum qilingan valyuta kursining Oʻzbekiston Respublikasi milliy valyutasiga nisbatan aniqlik kiritilgan kursi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

BYuDning tegishli grafasidagi tovarning tartib raqami koʻrsatiladi;

Grafada tovarning TIF TN boʻyicha aniqlik kiritilgan kodi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada tovarlarning kelib chiqish mamlakati kodiga aniqlik kiritilishi bilan bogʻliq holatlar boʻlsa, kelib chiqish mamlakatining aniqlik kiritilgan kodi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada maʼlumotlarga aniqlik kiritilishi bilan bogʻliq holatlar boʻlsa, Preferensiyalar, imtiyozlar va bojxona toʻlovlarini toʻlashni boshqa xususiyatlari tasniflagichga muvofiq aniqlik kiritilgan harfli kodlari koʻrsatiladi. Bunday holat boʻlmaganda grafa toʻldirilmaydi;

Grafada protsedura kodining oʻzgartirilishi yoki aniqlik kiritilishi bilan bogʻliq holatlar boʻlsa, protseduraning aniqlik kiritilgan kodi koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada tovarning netto vazniga aniqlik kiritilishi bilan bogʻliq holatlar boʻlsa, tovarning aniqlik kiritilgan va netto massa miqdori koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafada tovarning faktura qiymatiga aniqlik kiritilishi bilan bogʻliq holatlar boʻlsa, mazkur grafada tovarning aniqlik kiritilgan faktura qiymati koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Grafa agar deklarant yoki bojxona brokeri tomonidan qoʻshimcha hujjatlar (tashqi savdo kontraktiga (shartnomasiga, kelishuviga) qoʻshimchalar va h.k.), shuningdek tovarning bojxona qiymatiga va (yoki) bojxona toʻlovlariga tuzatishlar kiritilishiga taʼsir etishi mumkin boʻlgan boshqa hujjatlarni (axborotlar, xulosalar, maʼlumotlar va h.k.) taqdim etilayotgan holatlarda toʻldiriladi;

Mazkur grafaning chap boʻlmasida 31-grafada bayon etilgan, tuzatishlar kiritilgan tovarning bojxona qiymati tashqi savdo kontrakti (shartnomasi, kelishuvi) valyutasida koʻrsatiladi.

Grafaning oʻng boʻlmasida shartnoma tashqi savdo kontrakti (shartnomasi, kelishuvi) valyutasida quyidagilar koʻrsatiladi:

BYuDning tegishli grafasidagi maʼlumot, agar tovarning bojxona qiymatiga birinchi marotaba tuzatishlar kiritilayotgan boʻlsa;

BQBTTning tegishli chap boʻlmasidagi maʼlumot, agar tuzatishlar kiritish qayta amalga oshirilayotgan boʻlsa;

Grafada tovarning aniqlik kiritilgan statistik qiymati koʻrsatiladi. Bunday holat boʻlmaganda BYuDning tegishli grafasidagi maʼlumotlar takrorlanadi;

Bojxona toʻlovlarini hisob-kitob qilishda “Toʻlov turi”, “Hisoblash asosi”, “Stavka”, “Summa” va “TU” ustunlarini toʻldirish tartibi BYuDning 47-grafasi ustunlarini toʻldirish tartibi bilan oʻxshash boʻladi.

“Avvalgi summa” ustunida har bir toʻlov turi boʻyicha ilgari BYuDda maʼlum qilinganining, agar tuzatishlar birinchi marotaba amalga oshirilayotgan boʻlsa yoki tegishli BQBTTda qayd etilganining, agar tuzatishlar kiritish qayta amalga oshirilayotgan boʻlsa summalari koʻrsatiladi.

“Oʻzgartirish” ustunida “Summa” va “Avvalgi summa” ustunlarida koʻrsatilgan tafovut miqdori quyidagi belgi bilan koʻrsatiladi:

“+”, agar bojxona toʻlovlarini qoʻshimcha hisoblanishi amalga oshirilsa;

“–”, agar bojxona toʻlovlarini qaytarilishi amalga oshirilsa.

“Jami” ustunida “Oʻzgartirish” ustunida koʻrsatilgan miqdoriy yigʻindi koʻrsatiladi;

Grafani toʻldirish tartibi BYuDning tegishli grafasini toʻldirish tartibi bilan oʻxshash boʻladi.

20. Bojxona organining mansabdor shaxsi tomonidan 44 va “D” grafalar toʻldiriladi.

21. Bojxona organining mansabdor shaxsi tomonidan grafalarni toʻldirish:

Grafada 904 tartib raqami ostida tovarning bojxona qiymatini aniqlash usuli koʻrsatiladi.

Grafada bojxona organining tarkibiy tuzilmalari rahbarlarining shaxsiy muhri (agar boʻlsa) va sanasi bilan tasdiqlangan imzosi qoʻyiladi.

BQBTT elektron shaklda taqdim etilganda, grafada bojxona organining tarkibiy tuzilmalari rahbarlari tomonidan BQBTTni rasmiylashtirishi toʻgʻrisida belgi qoʻyiladi.