Oʻzbekiston Respublikasi Prezidentining “Toshkent metropolitenini yanada rivojlantirish va faoliyati samaradorligini oshirishga doir chora-tadbirlar toʻgʻrisida” 2016-yil 21-oktabrdagi PQ-2638-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga qoʻshimcha va oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.

1. Vazirlar Mahkamasining 2006-yil 31-yanvardagi 11-son qarori (Oʻzbekiston Respublikasi QT, 2006-y., 1-son, 6-modda) bilan tasdiqlangan Toshkent shahrida yoʻlovchilar tashish yoʻnalishlarini joylashtirish uchun ochiq tenderlarni tashkil etish va oʻtkazish toʻgʻrisidagi Nizomning 12-bandiga “Toshkent shahar hokimligi” soʻzlaridan keyin “Oʻzbekiston temir yoʻllari” AJ” soʻzlari qoʻshilsin.

2. Vazirlar Mahkamasining “2016 — 2019-yillar davrida “Toshkent metropoliteni” DUK poyezdlarining harakat xavfsizligini taʼminlash uchun moddiy-texnik bazani mustahkamlash, harakatdagi tarkibni modernizatsiyalash va zamonaviy muhandislik-texnik vositalar bilan jihozlash chora-tadbirlari kompleksi toʻgʻrisida” 2016-yil 3-fevraldagi 24-son qarorining nomidagi, muqaddimasidagi, 1-bandning toʻrtinchi xatboshidagi, 2-bandning birinchi va toʻrtinchi xatboshidagi, 3-bandning beshinchi xatboshidagi, 5-banddagi, 6-bandning uchinchi xatboshidagi va 7-banddagi, shuningdek qarorga 1 va 2-ilovalardagi “DUK” qisqartmasi “UK” qisqartmasi bilan almashtirilsin.