Oʻzbekiston Respublikasining “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi hamda 2015-yil 29-dekabrdagi OʻRQ-396-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonunlariga muvofiq buyuraman:

1. Alkogol va tamaki mahsulotlari isteʼmol qilinishiga yoʻl qoʻyilmaydigan ogohlantiruvchi hamda tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgilarni tayyorlash hamda ularni joylashtirish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran uch oy oʻtgandan keyin kuchga kiradi.

Mazkur Nizom Oʻzbekiston Respublikasining “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi hamda 2015-yil 29-dekabrdagi OʻRQ-396-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonunlariga muvofiq alkogol va tamaki mahsulotlari isteʼmol qilinishiga yoʻl qoʻyilmaydigan ogohlantiruvchi hamda tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgilarni tayyorlash hamda ularni joylashtirish tartibini belgilaydi.

1. Alkogol va tamaki mahsulotlari isteʼmol qilinishiga yoʻl qoʻyilmaydigan ogohlantiruvchi hamda tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgilarni tayyorlash hamda ularni joylashtirish korxona, muassasa, tashkilot rahbari, ish beruvchi yoki bino yoxud obyektlardan foydalanayotgan yuridik yoki jismoniy shaxslar tomonidan mazkur Nizomga muvofiq tashkil etiladi.

2. Alkogol va tamaki mahsulotlari isteʼmol qilinishiga yoʻl qoʻyilmaydigan ogohlantiruvchi hamda tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgilar ularning aniq ifodalanishi taʼminlangan holda turli usullarda tasvirlanishi yoki turli texnologiyalar yordamida chop etilishi mumkin.

3. Alkogol mahsuloti isteʼmol qilinishiga yoʻl qoʻyilmaydigan ogohlantiruvchi belgilar mazkur Nizomning 1-ilovasida koʻrsatilgan 1 — 5-shakllarga muvofiq tayyorlanadi.

4. Mazkur Nizomning 1-ilovasida koʻrsatilgan 1 — 4-shakllardagi ogohlantiruvchi belgilarning yuqori qismida diametri boʻyicha toʻgʻri chiziq oʻtkazilgan hoshiyali doiraning ichida alkogol shisha idishi va yarim toʻldirilgan ryumkaning tasviri aks ettiriladi. Bunda doiraning hoshiyasi va diametri boʻyicha oʻtkazilgan toʻgʻri chiziq qizil rangda, alkogol shisha idishi va yarim toʻldirilgan ryumkaning tasviri esa, qora rangda boʻlishi lozim.

Doiraning diametri hoshiyasi bilan birga 140 mm dan kichik boʻlmasligi lozim.

5. Mazkur Nizomning 1-ilovasida koʻrsatilgan 1 — 4-shakllardagi ogohlantiruvchi belgilarning pastki qismida davlat tilida (lotincha yoki kirilcha harflarda) ogohlantiruvchi matn koʻrsatiladi.

Matn rus yoki ingliz tillarida yoxud boshqa xorijiy tillarda xam ifodalanishi mumin.

6. Ogohlantiruvchi matnda:

davlat tilida lotincha harflarda — “ALKOGOL MAHSULOTI ISTE`MOL QILINISHIGA YOʻL QOʻYILMAYDI! JARIMA — ENG KAM ISH HAQINING 1/2 QISMI MIQDORIDA! BIR YIL DAVOMIDA TAKRORLANSA — ENG KAM ISH HAQINING 1/2 QISMIDAN IKKI BARAVARIGACHA MIQDORIDA JARIMA YOKI 15 SUTKAGACHA MUDDATGA MA`MURIY QAMOQ! (Asos: MJTKning 187-moddasi)”;

davlat tilida kirilcha harflarda — “ALKOGOL MAHSULOTI ISTEʼMOL QILINISHIGA YOʻL QOʻYILMAYDI! JARIMA — ENG KAM ISH HAQINING 1/2 QISMI MIQDORIDA! BIR YIL DAVOMIDA TAKRORLANSA — ENG KAM ISH HAQINING 1/2 QISMIDAN IKKI BARAVARIGACHA MIQDORIDA JARIMA YOKI 15 SUTKAGACHA MUDDATGA MAʼMURIY QAMOQ! (Asos: MJTKning 187-moddasi)”;

rus tilida — “NE DOPUSKAYETSYA UPOTREBLENIYE ALKOGOLNOY PRODUKSII! SHTRAF — V SUMME 1/2 MINIMALNOGO RAZMERA ZARABOTNOY PLATI! PRI POVTORNOM SLUCHAYE V TECHENIYE GODA — SHTRAF OT 1/2 DO DVUX MINIMALNIX RAZMEROV ZARABOTNOY PLATI ILI ADMINISTRATIVNIY AREST DO 15 SUTOK! (Osnovaniye: statya 187 KoAO)”;

ingliz tilida — “USE OF ALCOHOL PRODUCTS IS NOT ALLOWED! FINE — IN THE AMOUNT OF 1/2 OF MINIMUM SALARY! IN CASE OF REPEATED USE WITHIN A YEAR — FINE FROM 1/2 TO TWO MINIMUM SALARIES OR ADMINISTRATIVE ARREST FOR UP TO 15 DAYS! (Ground: Article 187, Administrative Liability Code)” degan soʻzlar aks ettiriladi.

7. Ogohlantiruvchi matndagi soʻzlar quyidagicha rasmiylashtiriladi:

“ALKOGOL MAHSULOTI ISTE`MOL QILINISHIGA YOʻL QOʻYILMAYDI!”, “ALKOGOL MAHSULOTI ISTEʼMOL QILINISHIGA YOʻL QOʻYILMAYDI!”, “NE DOPUSKAYETSYA UPOTREBLENIYE ALKOGOLNOY PRODUKSII!” va “USE OF ALCOHOL PRODUCTS IS NOT ALLOWED!” degan soʻzlar — kamida 28 oʻlchamli “polujirniy” shriftida qizil rangda;

“JARIMA — ENG KAM ISH HAQINING 1/2 QISMI MIQDORIDA! BIR YIL DAVOMIDA TAKRORLANSA — ENG KAM ISH HAQINING 1/2 QISMIDAN IKKI BARAVARIGACNA MIQDORIDA JARIMA YOKI 15 SUTKAGACHA MUDDATGA MA`MURIY QAMOQ!”, “JARIMA — ENG KAM ISH HAQINING 1/2 QISMI MIQDORIDA! BIR YIL DAVOMIDA TAKRORLANSA — ENG KAM ISH HAQINING 1/2 QISMIDAN IKKI BARAVARIGACHA MIQDORIDA JARIMA YOKI 15 SUTKAGACHA MUDDATGA MAʼMURIY QAMOQ!”, “SHTRAF — V SUMME 1/2 MINIMALNOGO RAZMERA ZARABOTNOY PLATI! PRI POVTORNOM SLUCHAYE V TECHENIYE GODA — SHTRAF OT 1/2 DO DVUX MINIMALNIX RAZMEROV ZARABOTNOY PLATI ILI ADMINISTRATIVNIY AREST DO 15 SUTOK!” va “FINE — IN THE AMOUNT OF 1/2 OF MINIMUM SALARY! IN CASE OF REPEATED USE WITHIN A YEAR — FINE FROM 1/2 TO TWO MINIMUM SALARIES OR ADMINISTRATIVE ARREST FOR UP TO 15 DAYS!” degan soʻzlar — kamida 22 oʻlchamli “polujirniy” shrifti bilan qora rangda;

“(Asos: MJTKning 187-moddasi)”, “(Asos: MJTKning 187-moddasi)”, “(Osnovaniye: statya 187 KoAO)” va “(Ground: Article 187, Administrative Liability Code)” degan soʻzlar — kamida 14 oʻlchamli “polujirniy” shrifti bilan qora rangda ifodalanadi.

8. Mazkur Nizomning 1-ilovasida koʻrsatilgan 5-shakldagi ogohlantiruvchi belgida diametri boʻyicha toʻgʻri chiziq oʻtkazilgan hoshiyali doiraning ichida alkogol shisha idishi va yarim toʻldirilgan ryumka tasvirining oʻzi aks ettiriladi. Bunda doiraning hoshiyasi va diametri boʻyicha oʻtkazilgan toʻgʻri chiziq qizil rangda, alkogol shisha idishi va yarim toʻldirilgan ryumkaning tasviri esa, qora rangda boʻlishi lozim.

Doiraning diametri hoshiyasi bilan birga 50 mm dan kichik boʻlmasligi lozim.

9. Mazkur Nizomning 1-ilovasida koʻrsatilgan 1 yoki 2-shakldagi ogohlantiruvchi belgi ish joylarida, koʻchalar, stadionlar, xiyobonlar, istirohat bogʻlarida va boshqa jamoat joylarida, shuningdek alkogol mahsulotini quyib realizatsiya qilishga ruxsat etilmagan savdo va umumiy ovqatlanish obyektlarida (toʻylar, yubileylar va boshqa tantanalar hamda marosimlar oʻtkaziladigan joylar, shuningdek alkogol mahsulotini quyib realizatsiya qilishga ruxsat etilgan savdo va umumiy ovqatlanish obyektlari bundan mustasno) barcha uchun koʻrinadigan joylarda joylashtirilishi lozim. Ushbu joylarda zaruratga koʻra mazkur Nizomning 1-ilovasida koʻrsatilgan 3 va 4-shakldagi ogohlantiruvchi belgilar ham qoʻshimcha ravishda joylashtirilishi mumkin.

10. Mazkur Nizomning 1-ilovasida koʻrsatilgan 5-shakldagi ogohlantiruvchi belgi jamoat transportining barcha turlarida (fuqaro havo kemasi bundan mustasno) hamma uchun koʻrinadigan joylarda joylashtiriladi.

11. Tamaki mahsuloti isteʼmol qilinishiga yoʻl qoʻyilmaydigan ogohlantiruvchi belgilar mazkur Nizomning 2-ilovasida koʻrsatilgan 1 — 5-shakllarga muvofiq tayyorlanadi.

12. Mazkur Nizomning 2-ilovasida koʻrsatilgan 1 — 4-shakldagi ogohlantiruvchi belgilarning yuqori qismida diametri boʻyicha toʻgʻri chiziq oʻtkazilgan hoshiyali doiraning ichida yonayotgan sigaretaning tasviri aks ettiriladi. Bunda doiraning hoshiyasi va diametri boʻyicha oʻtkazilgan toʻgʻri chiziq qizil rangda, sigaretaning tasviri esa, qora rangda boʻlishi lozim.

Doiraning diametri hoshiyasi bilan birga 140 mm dan kichik boʻlmasligi lozim.

13. Mazkur Nizomning 1-ilovasida koʻrsatilgan 1 — 4-shakldagi ogohlantiruvchi belgilarning pastki qismida davlat tilida (lotincha yoki kirilcha harflarda) ogohlantiruvchi matn koʻrsatiladi.

Matn rus yoki ingliz tillarida yoxud boshqa xorijiy tillarda ham ifodalanishi mumkin.

14. Ogohlantiruvchi matnda:

davlat tilida lotincha harflarda — “TAMAKI MAHSULOTI ISTE`MOL QILINISHIGA YOʻL QOʻYILMAYDI! JARIMA — ENG KAM ISH HAQINING 1/3 QISMI MIQDORIDA! (Asos: MJTKning 56¹-moddasi)”;

davlat tilida kirilcha harflarda — “TAMAKI MAHSULOTI ISTEʼMOL QILINISHIGA YOʻL QOʻYILMAYDI! JARIMA — ENG KAM ISH HAQINING 1/3 QISMI MIQDORIDA! (Asos: MJTKning 56¹-moddasi)”;

rus tilida — “NE DOPUSKAYETSYA UPOTREBLENIYE TABACHNOY PRODUKSII! SHTRAF — V SUMME 1/3 MINIMALNOGO RAZMERA ZARABOTNOY PLATI! (Osnovaniye: statya 56¹ KoAO)”;

ingliz tilida — “USE OF TOBACCO PRODUCTS IS NOT ALLOWED! FINE — IN THE AMOUNT OF 1/3 OF MINIMUM SALARY! (Ground: Article 56¹, Administrative Liability Code)” degan soʻzlar aks ettiriladi.

15. Ogohlantiruvchi matndagi soʻzlar quyidagicha rasmiylashtiriladi:

“TAMAKI MAHSULOTI ISTE`MOL QILINISHIGA YOʻL QOʻYILMAYDI!”, “TAMAKI MAHSULOTI ISTEʼMOL QILINISHIGA YOʻL QOʻYILMAYDI!”, “NE DOPUSKAYETSYA UPOTREBLENIYE TABACHNOY PRODUKSII!” va “USE OF TOBACCO PRODUCTS IS NOT ALLOWED!” degan soʻzlar — kamida 30 oʻlchamli “polujirniy” shrifti bilan qizil rangda;

“JARIMA — ENG KAM ISH HAQINING 1/3 QISMI MIQDORIDA!”, “JARIMA — ENG KAM ISH HAQINING 1/3 QISMI MIQDORIDA!”, “SHTRAF — V SUMME 1/3 MINIMALNOGO RAZMERA ZARABOTNOY PLATI!” va “FINE — IN TNE AMOUNT OF 1/3 OF MINIMUM SALARY!” degan soʻzlar — kamida 28 oʻlchamli “polujirniy” shrifti bilan qora rangda;

“(Asos: MJTKning 56¹-moddasi)”, “(Asos: MJTKning 56¹-moddasi)”, “(Osnovaniye: statya 56¹ KoAO)” yoxud “(Ground: Article 56¹, Administrative Liability Code)” degan soʻzlar — kamida 14 oʻlchamli “polujirniy” shrifti bilan qora rangda ifodalanadi.

16. Mazkur Nizomning 2-ilovasida koʻrsatilgan 5-shakldagi ogohlantiruvchi belgida diametri boʻyicha toʻgʻri chiziq oʻtkazilgan hoshiyali doiraning ichida yonayotgan sigareta tasvirining oʻzi aks ettiriladi. Bunda doiraning hoshiyasi va diametri boʻyicha oʻtkazilgan toʻgʻri chiziq qizil rangda, sigaretaning tasviri esa, qora rangda boʻlishi lozim.

Doiraning diametri hoshiyasi bilan birga 50 mm dan kichik boʻlmasligi lozim.

17. Mazkur Nizomning 2-ilovasida koʻrsatilgan 1 yoki 2-shakldagi ogohlantiruvchi belgi ish joylarida, sogʻliqni saqlash, taʼlim, sport-sogʻlomlashtirish muassasalarida, yongʻin chiqish xavfi boʻlgan joylarda, shu jumladan avtomobillarga yonilgʻi quyish shoxobchalarida va boshqa jamoat joylarida (tamaki mahsulotini isteʼmol qilish uchun maxsus ajratilgan joylar va (yoki) xonalar bundan mustasno) barcha uchun koʻrinadigan joylarda joylashtirilishi lozim. Ushbu joylarda zaruratga koʻra mazkur Nizomning 2-ilovasida koʻrsatilgan 3 va 4-shakldagi ogohlantiruvchi belgilar ham qoʻshimcha ravishda joylashtirilishi mumkin.

18. Mazkur Nizomning 2-ilovasida koʻrsatilgan 5-shakldagi ogohlantiruvchi belgi mahalliy va uzoq masofaga qatnaydigan poyezdlarda, daryo kemalarida (tamaki mahsulotini isteʼmol qilish belgilanmagan joylarda), shahar atrofiga qatnaydigan poyezdlarning vagonlarida (shu jumladan tamburlarida), shahar ichida, shahar atrofiga, shaharlararo va xalqaro yoʻnalishlarda qatnaydigan avtobuslarda, shuningdek yoʻnalishli va yoʻnalishsiz taksilarda hamda shahar elektr transportida barcha uchun koʻrinadigan joylarda joylashtiriladi.

19. Tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgi mazkur Nizomning 3-ilovasida koʻrsatilgan shaklga muvofiq tayyorlanadi.

Ushbu belgi qora hoshiyali qirralari yoysimon shaklidagi toʻgʻri toʻrtburchak koʻrinishida boʻlib, uning ichiga yonayotgan sigaretaning qora rangli tasviri aks ettiriladi. Bunda belgi enining oʻlchami hoshiyasi bilan birgalikda 200 mm, boʻyi esa, 140 mm dan katta boʻlmasligi lozim.

20. Mazkur Nizomning 3-ilovasida koʻrsatilgan shakldagi axborot beruvchi belgi tamaki mahsulotini isteʼmol qilish uchun maxsus ajratilgan joyda (xonada) joylashtiriladi.

21. Tamaki mahsulotini isteʼmol qilish uchun maxsus ajratilgan joylar va (yoki) xonalar korxona, muassasa, tashkilot rahbari, ish beruvchi yoki bino yoxud obyektlardan foydalanayotgan yuridik yoki jismoniy shaxslar tomonidan tashkil etilishi mumkin.

22. Mazkur Nizomning 1 va 2-ilovasida koʻrsatilgan 1 — 4-shakllardagi ogohlantiruvchi belgilarning umumiy oʻlchami A4 (eni — 210 mm, boʻyi — 297 mm) formatidan kichik boʻlmasligi lozim.

Mazkur Nizomning 1 va 2-ilovasida koʻrsatilgan 5-shakllardagi ogohlantiruvchi belgilarning umumiy oʻlchami ularda aks ettirilgan tasvir diametriga mutanosib boʻladi.

Belgilarning umumiy oʻlchami kattalashtirilgan taqdirda, ularda aks ettirilgan tasvirning (ogohlantiruvchi matnning) oʻlchamlari mutanosib ravishda kattalashtiriladi.

23. Mazkur Nizomning 1 va 2-ilovasida koʻrsatilgan 1 — 4-shakllardagi ogohlantiruvchi belgilarning matnini kompyuter vositasida bosib chiqarishda “Times New Roman” shriftida yoki shunga oʻxshash shriftni qoʻllagan holda Misrosoft Word matn redaktoridan foydalanish tavsiya etiladi.

24. Alkogol yoki tamaki mahsuloti isteʼmol qilinishiga yoʻl qoʻyilmaydigan ogohlantiruvchi yoxud tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgi yaroqsiz holga kelganda (unda aks ettirilgan tasvirni va (yoki) ogohlantiruvchi matnni aniq koʻrish (oʻqish) imkoni boʻlmaganda) uning oʻrniga yangi belgi joylashtirilishi kerak.

25. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

26. Mazkur Nizom Oʻzbekiston Savdo-sanoat palatasi, Oʻzbekiston Respublikasi Ichki ishlar vazirligi, Moliya vazirligi, Iqtisodiyot vazirligi, Oʻzbekiston avtomobil va daryo transporti agentligi hamda “Oʻzbekiston temir yoʻllari” aksiyadorlik jamiyati bilan kelishilgan.