Eksport salohiyatini kengaytirish, tashqi bozorlarda talab yuqori boʻlgan meva-sabzavot, uzum va poliz mahsulotlarini eksportga yetkazib berish hajmlarini koʻpaytirish va turlarini kengaytirish maqsadida:

3. 2016-yil 20-sentabrdan boshlab Oʻzbekiston Respublikasi Prezidentining ilovaga muvofiq ayrim hujjatlariga oʻzgartirishlar kiritilsin.

4. “Oʻzbekoziqovqatxolding” xolding kompaniyasi Oʻzbekiston Respublikasi Adliya vazirligi, tegishli vazirliklar va idoralar bilan birgalikda qonun hujjatlariga ushbu qarordan kelib chiquvchi oʻzgartirishlar va qoʻshimchalar toʻgʻrisida Vazirlar Mahkamasiga bir oy muddatda takliflar kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Oʻzbekiston Respublikasi Prezidentining “Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “Oʻzagroeksport” tashqi savdo kompaniyasini tashkil etish toʻgʻrisida” 2016-yil 7-apreldagi PQ-2515-son qarorining 6-bandi oʻz kuchini yoʻqotgan deb hisoblansin.

2. Oʻzbekiston Respublikasi Prezidentining “Meva-sabzavot, kartoshka va poliz mahsulotlarini xarid qilish va ulardan foydalanish tizimini takomillashtirish chora-tadbirlari toʻgʻrisida” 2016-yil 12-apreldagi PQ-2520-son qarorining 3-bandida:

oltinchi xatboshi quyidagi tahrirdagi oltinchi — toʻqqizinchi xatboshilar bilan almashtirilsin:

“yangi, quritilgan va qayta ishlangan meva-sabzavot, uzum va poliz mahsulotlarini eksportga yetkazib berish yuklab joʻnatilayotgan mahsulot qiymatining kamida 30 foizini oldindan toʻlash sharti bilan amalga oshiriladi, qolgan qismiga esa tasdiqlangan bank akkreditivi ochiladi yoxud birinchi klassli xorijiy bank kafolati rasmiylashtiriladi.

Bunda “Oʻzagroeksport” AJ ixtisoslashtirilgan tashqi savdo kompaniyasi yangi, quritilgan va qayta ishlangan meva-sabzavot, uzum va poliz mahsulotlarini toʻgʻridan-toʻgʻri eksport kontraktlari asosida, shuningdek fermer va dehqon xoʻjaliklari, agrofirmalar va qayta ishlovchi korxonalar bilan tuzilgan komissiya shartnomalari boʻyicha, oldindan toʻlovsiz, tasdiqlangan bank akkreditivi ochmasdan yoxud birinchi klassli xorijiy bank kafolatini rasmiylashtirmasdan va hisob-kitoblar toʻgʻrisida maʼlumotnoma taqdim etmasdan:

“Oʻzagroeksport” AJning chet elda ochilgan qoʻshma korxonalari va savdo uylari;

Oʻzbekiston Respublikasi Vazirlar Mahkamasi qarori bilan tasdiqlanadigan roʻyxat boʻyicha ishonchli va uzoq muddatli sheriklar hisoblanadigan yetakchi xorijiy tashkilotlar — import qiluvchilar manziliga chiqarish va sotish huquqiga ega”;

yettinchi — toʻqqizinchi xatboshilar tegishli ravishda oʻninchi — oʻn ikkinchi xatboshilar deb hisoblansin.