Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, 2016-yil 13-apreldagi OʻRQ-404-son “Buxgalteriya hisobi toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi va 2016-yil 25-apreldagi OʻRQ-405-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2009-yil 16-martdagi 7/2-son qarori (roʻyxat raqami 1948, 2009-yil 27-aprel) (Oʻzbekiston Respublikasi qonun hujjatlari toʻplami, 2009-y., 18-son, 229-modda) bilan tasdiqlangan Oʻzbekiston Respublikasi banklarida ochiladigan bank hisobvaraqlari toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 8-bandning ikkinchi xatboshisidagi “imzo” degan soʻz “imzolar” degan soʻz bilan almashtirilsin.

2. Quyidagi mazmundagi 8¹-band bilan toʻldirilsin:

“8¹. Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisidagi qonun hujjatlariga muvofiq mijozni lozim darajada tekshirish boʻyicha chora-tadbirlar koʻrish imkoniyati boʻlmagan taqdirda, bank mijozga hisobvaraq ochishni rad etadi.”.

3. 31-bandning “b” kichik bandidagi “imzolar va muhr izi qoʻyilgan varaqcha” degan soʻzlar “imzolar namunalari va muhr izi qoʻyilgan varaqcha” degan soʻzlar bilan almashtirilsin.

4. 33-band quyidagi tahrirda bayon etilsin:

“33. Buxgalteriya hisobi subyektining rahbari imzolash huquqiga ega boʻlgan shaxslarning ikkita roʻyxatini tasdiqlaydi. Birinchi roʻyxatga buxgalteriya hisobi subyektida rahbarlik vazifalarini amalga oshiruvchi shaxslar, ikkinchisiga esa, buxgalteriya hisobi va moliyaviy boshqarish vazifalarini amalga oshiruvchi shaxslar kiradi. Agar buxgalteriya hisobi subyekti rahbari buxgalteriya hisobi va moliyaviy boshqarish vazifalarini oʻz zimmasiga olgan boʻlsa, u holda har ikkala roʻyxatda ham oʻzini koʻrsatadi.

Yuridik shaxs tashkil etmagan holda faoliyat koʻrsatayotgan dehqon xoʻjaligi boshligʻi va yakka tartibdagi tadbirkor dumaloq muhri boʻlmagan hollarda, oʻz imzolari namunalarini taqdim etadi.

Toʻlovga taqdim etiladigan cheklarning raqamlarini tekshirish maqsadida bank mijozlarga bergan pul cheklari raqamlarini bankka topshirilgan imzolar namunalari va muhr izi qoʻyilgan varaqchada qayd etadi.”.

5. 34-bandning ikkinchi xatboshisi quyidagi tahrirda bayon etilsin:

“Birinchi imzo huquqi ikkinchi imzo huquqiga ega boʻlgan bosh buxgalter yoki boshqa shaxslarga berilishi mumkin emas, buxgalteriya hisobi subyekti rahbari buxgalteriya hisobi va moliyaviy boshqarish vazifalarini oʻz zimmasiga olgan hollar bundan mustasno.”.

6. 41-banddagi “imzolari namunalari qoʻyilgan varaqcha” degan soʻzlar “imzolar namunalari va muhr izi qoʻyilgan varaqcha” degan soʻzlar bilan almashtirilsin.

7. 54-banddagi “imzo” degan soʻz “imzolar” degan soʻz bilan almashtirilsin.