LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 7-iyuldagi 472-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Yo‘l xo‘jaligini boshqarish tizimini yanada takomillashtirish chora-tadbirlari to‘g‘risida” 2017-yil 14-fevraldagi PF-4954-son Farmoni)”gi qaroriga asosan o‘z kuchini yo‘qotgan.
Umumiy foydalaniladigan avtomobil yo‘llarini rekonstruksiya qilish va qurish ishlari sur’atlarini jadallashtirish, shuningdek yo‘l-qurilish texnikasidan foydalanish samaradorligini yanada oshirish maqsadida Vazirlar Mahkamasi qaror qiladi:
1. O‘zbekiston Respublikasi Davlat arxitektura va qurilish qo‘mitasi, “O‘zavtoyo‘l” aksiyadorlik kompaniyasi, O‘zbekiston Respublikasi Moliya vazirligi huzuridagi Respublika yo‘l jamg‘armasi va “Transyo‘lqurilish kompaniyasi” davlat unitar korxonasining (keyingi o‘rinlarda kompaniya deb ataladi) umumiy foydalaniladigan avtomobil yo‘llarini va sun’iy inshootlarni qurish, rekonstruksiya qilish, ta’mirlash bo‘yicha pudrat faoliyatini yuritish uchun mas’uliyati cheklangan jamiyat shaklida pudrat qurilish tashkilotlari (keyingi o‘rinlarda pudrat qurilish tashkilotlari deb ataladi) tashkil etish to‘g‘risidagi taklifiga rozilik berilsin.
“Transyo‘lqurilish kompaniyasi” davlat unitar korxonasi ijro etuvchi apparatining tuzilmasi 1-ilovaga muvofiq;
3. Kompaniya direktoriga, zaruriyat bo‘lganda, boshqaruv xodimlarining belgilangan cheklangan soni doirasida kompaniyaning ijro etuvchi apparati tuzilmasiga o‘zgartirishlar kiritishiga ruxsat berilsin.
kompaniya tomonidan tashkil etilgan pudrat qurilish tashkilotlari o‘z faoliyatini umumiy foydalaniladigan avtomobil yo‘llarini rivojlantirishning tasdiqlangan dasturlari hisobga olingan holda belgilangan tartibda tuziladigan umumiy foydalaniladigan avtomobil yo‘llarini va sun’iy inshootlarni qurish, rekonstruksiya qilish va ta’mirlash ishlarini bajarish yuzasidan shartnomalarga muvofiq amalga oshiradilar.
5. Qoraqalpog‘iston Respublikasi Vazirlar Kengashi, viloyatlar hokimliklari va “O‘zavtoyo‘l” aksiyadorlik kompaniyasi kompaniyaning murojaatiga binoan kompaniyaning yangidan tashkil etiladigan pudrat qurilish tashkilotlarining haq undirmasdan tegishli ishlab chiqarish bazalarida (zarur muhandislik kommunikatsiyalariga, shuningdek temir yo‘l tarmog‘iga ulagan holda) joylashtirilishini ta’minlasinlar.
6. Vazirlar Mahkamasining “Transyo‘lqurilish” davlat kompaniyasining ijro etuvchi apparati tuzilmasini tasdiqlash to‘g‘risida” 2008-yil 31-martdagi 55-son qarori o‘z kuchini yo‘qotgan deb hisoblansin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.
1. Ushbu Ustav O‘zbekiston Respublikasi Prezidentining “Osiyo taraqqiyot banki ishtirokida “Mintaqaviy avtomobil yo‘llarini rivojlantirish” loyihasini amalga oshirish chora-tadbirlari to‘g‘risida” 2008-yil 28-fevraldagi PQ-804-son qarori bilan tashkil etilgan “Transyo‘lqurilish kompaniyasi” davlat unitar korxonasi (keyingi o‘rinlarda Kompaniya deb ataladi) faoliyatini tashkil etish va amalga oshirish tartibini belgilaydi.
2. Kompaniya o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga va ushbu Ustavga amal qiladi.
3. Kompaniya avtomobil yo‘llarini qurish, rekonstruksiya qilish va ta’mirlash yuzasidan tendyerlar g‘oliblari bo‘lgan pudrat tashkilotlari bilan tuziladigan shartnomalar asosida, maxsus yo‘l-qurilish texnikasidan, asbob-uskunalaridan, shuningdek ularni ishlatish bo‘yicha malakali xodimlardan foydalangan holda mexanizatsiyalashtirilgan yo‘l-qurilish va ta’mirlash ishlarini amalga oshiradi.
4. Kompaniya Davlat unitar korxonasi shaklidagi yuridik shaxs hisoblanadi, bank muassasalarida hisob raqamlariga, shu jumladan valyuta hisob raqamlariga, O‘zbekiston Respublikasining gerbi tasviri tushirilgan, o‘zining to‘liq firma nomi davlat tilida ko‘rsatilgan muhrga ega bo‘ladi va o‘z faoliyatini to‘liq xo‘jalik hisobi va o‘zini o‘zi moliyalashtirish prinsiplarida amalga oshiradi, ishlab chiqarish-xo‘jalik va moliyaviy faoliyat masalalarini mustaqil hal etadi.
5. Kompaniyaning yuridik manzili: O‘zbekiston Respublikasi, 100052, Toshkent shahri, Mirzo Ulug‘bek tumani, Katta Darhon ko‘chasi, 15-uy.
8. O‘zbekiston Respublikasi Vazirlar Mahkamasi Kompaniyaning muassisi (keyingi o‘rinlarda muassis deb ataladi) hisoblanadi.
9. Kompaniya qonun hujjatlarida belgilangan tartibda o‘z nomidan mulkiy va shaxsiy nomulkiy huquqlarni sotib olishi va amalga oshirishi, majburiyatlar olishi, sudda da’vogar va javobgar bo‘lishi, nizolarni hal etishda boshqa organlarda vakillik qilishi mumkin.
10. Kompaniya muassisning roziligi bilan qonun hujjatlariga muvofiq ularda yuridik shaxslarning ishtirokiga yo‘l qo‘yiladigan tijorat tashkilotlarining, shuningdek notijorat tashkilotlarining qatnashchisi (a’zosi) bo‘lishi mumkin.
12. Mexanizatsiyalashtirilgan yo‘l-qurilish va ta’mirlash ishlarini bajarish Kompaniya faoliyatining predmeti hisoblanadi.
avtomobil yo‘llarini qurish, rekonstruksiya qilish va ta’mirlash bo‘yicha tendyerlar g‘oliblari bo‘lgan pudrat tashkilotlari bilan tuziladigan shartnomalar asosida maxsus yo‘l-qurilish texnikasidan, asbob-uskunalaridan, shuningdek ularni ishlatish bo‘yicha malakali xodimlardan foydalangan holda mexanizatsiyalashtirilgan yo‘l-qurilish va ta’mirlash ishlarini o‘z vaqtida bajarish;
Respublikaning umumiy foydalaniladigan avtomobil yo‘llarini qurish va rekonstruksiya qilish dasturiga kiritilgan loyihalarni amalga oshirishda ishtirok etish;
Osiyo taraqqiyot banki bilan loyiha doirasida olinadigan yo‘l-qurilish texnikasi va asbob-uskunalaridan maqsadli va samarali foydalanilishini, ularning saqlanishini, ularga o‘z vaqtida texnik va profilaktik xizmat ko‘rsatilishini va ularning zarur ish holatida saqlanishini ta’minlash;
Osiyo taraqqiyot bankining jalb etilgan qarziga o‘z vaqtida xizmat ko‘rsatish va uning belgilangan qismini o‘z mablag‘lari hisobiga qaytarish.
yo‘l-qurilish texnikasidan, asbob-uskunalaridan va ularni ishlatish bo‘yicha malakali xodimlardan foydalangan holda mexanizatsiyalashtirilgan yo‘l-qurilish va ta’mirlash ishlarini bajarishga pudrat tashkilotlarining buyurtmanomalarini qabul qiladi va umumlashtiradi;
avtomobil yo‘llarini qurish, rekonstruksiya qilish va ta’mirlash yuzasidan pudrat tashkilotlari — tendyerlar g‘oliblari bilan tuzilgan shartnomalar asosida yo‘l-qurilish texnikasidan, asbob-uskunalaridan va ularni ishlatish bo‘yicha malakali xodimlardan foydalangan holda mexanizatsiyalashtirilgan yo‘l-qurilish va ta’mirlash ishlarini amalga oshiradi. Bunda pudrat tashkiloti mexanizatsiyalashtirilgan ishlar bajarilganligi uchun belgilangan tariflarga muvofiq “Transyo‘lqurilish” kompaniyasiga haq to‘laydi, avtomobil yo‘llarini qurish, rekonstruksiya qilish va ta’mirlash bo‘yicha bajarilgan ishlarning umumiy hajmi esa — belgilangan tartibda pudratchi hisobiga yoziladi;
“O‘zavtoyo‘l” davlat-aksiyadorlik kompaniyasining hududiy korxonalari bazalari hududida haq undirilmasdan joylashtiriladigan yo‘l-qurilish texnikasi va asbob-uskunalari komplekslari tarkibida harakatchan hududiy bo‘linmalarni shakllantiradi;
yo‘l-qurilish texnikasi va asbob-uskunalaridan, shuningdek Kompaniya balansidagi boshqa mol-mulkdan maqsadli va samarali foydalanilishini, ularning zarur ish holatida saqlanishini ta’minlaydi;
“O‘zavtoyo‘l” davlat-aksiyadorlik kompaniyasining “O‘zyo‘lmashservis” yo‘l-ta’mirlash korxonasining ishlab chiqarish bazasida unga haq undirilmasdan beriladigan yo‘l-qurilish texnikasi va asbob-uskunalariga texnik xizmat ko‘rsatadi va ularni ta’mirlaydi;
xodimlarni yo‘l-qurilish texnikasi va asbob-uskunalaridan foydalanish va ularga texnik xizmat ko‘rsatish qoidalariga o‘qitadi;
yo‘l-qurilish texnikasi va asbob-uskunalaridan foydalanish va ularni saqlash qoidalari talablari bajarilishi yuzasidan qat’iy nazoratni amalga oshiradi;
tuzilgan bitimlarga muvofiq Osiyo taraqqiyot bankining jalb etilgan qarziga o‘z vaqtida xizmat ko‘rsatilishini va qarzning belgilangan qismi qaytarilishini ta’minlaydi;
avtomobil yo‘llarini qurish, rekonstruksiya qilish va ta’mirlash uchun yuklarni avtomobil transportida shaharda, shahar atrofida, shaharlararo tashish ishlarini bajaradi;
Amalga oshirilishi uchun maxsus ruxsatnoma (litsenziya) talab etiladigan faoliyat turlari, ushbu Ustavning 14-bandida ko‘rsatilgan faoliyat turlari bundan mustasno, Kompaniya tomonidan belgilangan tartibda tegishli litsenziya olingandan keyin amalga oshiriladi.
O‘zbekiston Respublikasi Moliya vazirligi bilan kelishgan holda amalga oshiriladigan mexanizatsiyalashtirilgan yo‘l-qurilish va ta’mirlash ishlariga tariflar belgilash;
pudrat tashkilotlarining yo‘l-qurilish texnikasiga bo‘lgan ehtiyojlaridan kelib chiqib bajariladigan ishlar hajmini prognozlashtirish;
yo‘l-qurilish texnikasi va asbob-uskunalaridan samarali foydalanilishini ta’minlashni hisobga olgan holda pudrat tashkilotlari bilan tuzilgan shartnomalarga muvofiq yo‘l-qurilish texnikasi va asbob-uskunalarining joyini o‘zgartirish va ulardan foydalanishning navbatliligi va reja-jadvalini tartibga solish huquqiga ega.
yo‘l-qurilish texnikasi va asbob-uskunalaridan belgilangan normalar va qoidalarga muvofiq foydalanishga va saqlashga;
yo‘l-qurilish texnikasi va asbob-uskunalarini o‘z vaqtida mukammal va joriy ta’mirlashga, ularga texnik xizmat ko‘rsatishga;
yo‘l-qurilish texnikasi va asbob-uskunalaridan foydalanish samaradorligini oshirish tadbirlarini bajarishga;
yo‘l-qurilish texnikasi va asbob-uskunalaridan foydalanish qoidalari buzilishining sabablarini tahlil qilishga, ularning oldini olish yuzasidan zarur chora-tadbirlar ko‘rishga majbur.
17. Kompaniya tuzilgan shartnomalarga muvofiq mexanizatsiyalashtirilgan yo‘l-qurilish va ta’mirlash ishlarining o‘z vaqtida va sifatli bajarilishi, shuningdek yo‘l-qurilish texnikasi profilaktikasining o‘z vaqtida va sifatli o‘tkazilishi, ularning zarur tarzda saqlanishi va ulardan foydalanish uchun javob beradi.
Kompaniyaning mol-mulki bilan tuzilgan bitimlarning haqiqiy emasligini e’tirof etish to‘g‘risidagi da’vo bilan sudga murojaat qilish;
Kompaniyani rivojlantirishning o‘rtacha muddatli va uzoq muddatli dasturlari ishlab chiqilishini tashkil etish;
mexanizatsiyalashtirish, texnik va texnologik jihatdan yangilash dasturlari va loyihalarini ishlab chiqish va ularning amalga oshirilishini nazorat qilish, zamonaviy ilmiy-texnika yutuqlariga muvofiq ishlab chiqarishga yangi texnologiyalarni joriy etish;
20. Kompaniyaga tezkor rahbarlik qilish Kompaniya direksiyasi tomonidan amalga oshiriladi. Kompaniya direksiyasiga direktor boshchilik qiladi.
21. Direktorning ikki nafar o‘rinbosari bo‘ladi, ulardan biri lavozimiga ko‘ra Kompaniyaning bosh muhandisi hisoblanadi.
23. Kompaniyaning ustav fondi Kompaniya tomonidan ishlab chiqarish — xo‘jalik faoliyatini amalga oshirish uchun belgilangan tartibda muassis tomonidan o‘ziga berilgan mablag‘lar, mol-mulk va boshqa aktivlar yig‘indisidan iborat bo‘ladi.
pul mablag‘lari, qimmatli qog‘ozlar, asosiy vositalar va muassis tomonidan yoki uning nomidan kiritiladigan boshqa mulkiy huquqlar.
26. Kompaniyaning ustav fondi miqdorini ko‘paytirish yoki kamaytirish Kompaniya Ustaviga tegishli o‘zgartirishlar kiritish yo‘li bilan, muassisning qaroriga ko‘ra, qonun hujjatlarida belgilangan tartibda amalga oshiriladi.
binolar, inshootlar va “O‘zavtoyo‘l” aksiyadorlik kompaniyasining “O‘zyo‘lmashservis” yo‘l-ta’mirlash korxonasidan beriladigan boshqa mol-mulk;
Osiyo taraqqiyot banki va O‘zbekiston Respublikasi Tiklanish va taraqqiyot jamg‘armasi qarzining qayta kreditlanadigan mablag‘lari;
28. Muassis tomonidan Kompaniyaga tezkor boshqarish huquqi bilan biriktirilgan asosiy fondlar va aylanma mablag‘lar Kompaniyaning mol-mulkini tashkil etadi.
29. Kompaniyaning asosiy fondlari va aylanma mablag‘lari bo‘linmas hisoblanadi va omonatlar (ulushlar, paylar) bo‘yicha taqsimlanishi mumkin emas.
30. Muassis Kompaniyaga berilgan davlat mol-mulkining maqsadli foydalanilishi va saqlanishi, shuningdek o‘zgaga berilishini nazorat qiladi.
31. Kompaniya direktori muassis bilan kelishgan holda quyidagi hollarda Kompaniya mol-mulkini tasarruf etishi mumkin:
32. Olingan daromadlar bilan amalga oshirilgan sarf-xarajatlar o‘rtasidagi tafovut sifatida aniqlanadigan foyda Kompaniya moliya-xo‘jalik faoliyatining asosiy umumlashtiruvchi ko‘rsatkichi hisoblanadi.
Foydadan jalb etilgan qarzlarning belgilangan qismini qaytarishda va Kompaniyani rivojlantirishni moliyalashtirishda foydalaniladi.
Qarzning belgilangan qismini qaytarishda foyda soliqlar va boshqa majburiy to‘lovlar qonun hujjatlarida belgilangan tartibda to‘langandan keyin Kompaniya tasarrufida qoladi va Kompaniyani rivojlantirishni moliyalashtirishga yo‘naltiriladi.
33. Kompaniyaning xo‘jalik faoliyati natijasida ko‘rilgan zararlarni qoplash ushbu maqsadlar uchun tashkil etilgan zaxira jamg‘armasi mablag‘lari hisobiga amalga oshirilishi mumkin.
34. Kompaniya sof foydaning o‘z tasarrufida qoladigan qismi hisobiga zaxira jamg‘armasini, shuningdek miqdori va shakllantirish tartibi muassis tomonidan tasdiqlanadigan boshqa jamg‘armalarni tashkil etishi mumkin.
Zaxira jamg‘armasini to‘ldirishga asosiy vositalarni qayta baholash summasi va bepul olingan mol-mulk qiymati ham yo‘naltiriladi.
Kompaniya nomidan ishonchnomasiz ish ko‘radi, shu jumladan uning manfaatlarini ifodalaydi, belgilangan tartibda bitimlar tuzadi;
o‘z vakolatlari doirasida Kompaniya mablag‘larini belgilangan tartibda ishonchnomasiz tasarruf etadi;
xodimlarni ishga qabul qiladi, ular bilan mehnat shartnomalari tuzadi, ularni o‘zgartiradi va ularning amal qilishini to‘xtatadi;
Kompaniyaning xo‘jalik faoliyatini amalga oshirish uchun zarur bo‘lgan boshqa funksiyalarni amalga oshiradi.
davlat buyurtmasi bajarilishini hisobga olgan holda ishlab chiqilgan dasturlarning bajarilishini tashkil etish;
asosiy faoliyatni istiqbolli rivojlantirish bo‘yicha tadbirlarni o‘z vaqtida va sifatli amalga oshirishga, ishlab chiqarishni boshqarish tizimlarini takomillashtirishga, ilmiy-texnika taraqqiyoti yutuqlarini joriy etishga yo‘naltirilgan chora-tadbirlar ko‘rish.
Direktor o‘z huquqlarini amalga oshirishda va majburiyatlarini bajarishda Kompaniya manfaatlaridan kelib chiqib ish ko‘radi va Kompaniyaga yuklangan vazifalar va funksiyalarning bajarilishi, ushbu Ustavga rioya qilinishi uchun javob beradi.
37. Kompaniya hisobot davri tamom bo‘lgandan keyin vakolatli organlarga moliya hisobotini va boshqa hujjatlarni, shu jumladan elektron shaklda taqdim etadi, ularning ro‘yxati qonun hujjatlarida belgilanadi hamda hujjatlarning saqlanishi va ularning belgilangan tartibda davlat tomonidan saqlanishi uchun javob beradi.
38. Xo‘jalik yurituvchi subyekt sifatida Kompaniya faoliyatini nazorat qilish muassis tomonidan, qonun hujjatlarida belgilangan tartibda amalga oshiriladi.
39. Direktor yilning har choragida ishlab chiqarish-xo‘jalik faoliyati natijalari va Kompaniyani rivojlantirishning tasdiqlangan muhim dasturlari amalga oshirilishi to‘g‘risida muassisga hisobot beradi.
40. Kompaniya muassis bilan kelishib, qonun hujjatlari talablariga rioya qilgan holda ham O‘zbekiston Respublikasi hududida, ham uning tashqarisida filiallar tashkil etishi va vakolatxonalar ochishi mumkin.
41. Kompaniyaning filiallari va vakolatxonalari Kompaniya tomonidan tasdiqlangan Nizom asosida, uning nomidan ish ko‘radi.
42. Kompaniyaning filiali yoki vakolatxonasi rahbari muassis bilan kelishgan holda direktor tomonidan tayinlanadi va o‘ziga berilgan ishonchnoma asosida ish yuritadi, ishonchnoma ushbu xodim bilan mehnat shartnomasi to‘xtatilganda direktor tomonidan bekor qilinishi kerak.
43. Kompaniya qonun hujjatlarida nazarda tutilgan tartibda muassisning qarori bo‘yicha yoki sudning qaroriga ko‘ra tugatilishi yoki qayta tashkil etilishi mumkin.
44. Kompaniyaning tugatilishi, huquq va majburiyatlar huquqiy vorislik tartibida boshqa shaxslarga o‘tkazilmasdan, uning faoliyati to‘xtatilishiga olib keladi. Qayta tashkil etishda huquq va majburiyatlar huquqiy vorisga o‘tadi.