Yadro poligonlarida va boshqa radiatsiya-yadro obyektlarida harbiy xizmatni o‘tagan pensiya yoshidagi shaxslarni ijtimoiy muhofaza qilishni yanada takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Yadro poligonlarida va boshqa radiatsiya-yadro obyektlarida harbiy xizmatni o‘tagan pensiya yoshidagi shaxslarni ijtimoiy qo‘llab-quvvatlashni ta’minlash chora-tadbirlari to‘g‘risida” 2002-yil 31-maydagi 188-son qaroriga (O‘zbekiston Respublikasi QT, 2002-y., 5-son, 27-modda) ilovaga* muvofiq qo‘shimcha va o‘zgartirish kiritilsin.

2. O‘zbekiston Respublikasi Mudofaa vazirligi, Ichki ishlar vazirligi va Moliya vazirligiga Yadro poligonlarida va boshqa radiatsiya-yadro obyektlarida harbiy xizmatni o‘tagan, O‘zbekiston Respublikasi hududida yashayotgan O‘zbekiston Respublikasi fuqarolari ro‘yxatiga, zaruriyat bo‘lganda, tasdiqlovchi hujjatlar mavjud bo‘lganda o‘zgartirish va qo‘shimcha kiritish huquqi berilsin.

3. O‘zbekiston Respublikasi Mudofaa vazirligi, Ichki ishlar vazirligi Moliya vazirligi va Adliya vazirligi bilan birgalikda Yadro poligonlarida va boshqa radiatsiya-yadro obyektlarida harbiy xizmatni o‘tagan, O‘zbekiston Respublikasi hududida yashayotgan fuqarolar ro‘yxatini shakllantirish tartibi to‘g‘risidagi nizomni ikki oy muddatda belgilangan tartibda ishlab chiqsinlar.

4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.