Qat’iy belgilangan va boshqariladigan narxlar (tariflar) hamda ustama narxlarning shakllantirilishi va qo‘llanilishi ustidan davlat nazoratini takomillashtirish maqsadida Vazirlar Mahkamasi qaror qiladi:

O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

1. O‘zbekiston Respublikasi Vazirlar Mahkamasining “Tovar bozorlarida monopolistik faoliyatni cheklash va raqobat to‘g‘risida”gi O‘zbekiston Respublikasi Qonunini amalga oshirish chora-tadbirlari haqida” 1997-yil 31-martdagi 165-son qarori bilan tasdiqlangan Narxlar (tariflar)ni shakllantirish va ularning qo‘llanilishini nazorat qilish tartibida:

1) 11-bandning ikkinchi xatboshida “xo‘jalik yurituvchi subyektga” so‘zlaridan keyin “va davlat monopoliyaga qarshi organiga” so‘zlari qo‘shilsin;

2) 20-bandning ikkinchi xatboshida “ustamalarni” so‘zidan keyin “hamda rentabellikning cheklangan darajasini” so‘zlari qo‘shilsin;

3) 21-bandning beshinchi xatboshi “choraklik hisob-kitoblar asosida” so‘zlaridan keyin “ishlarning mavsumiy xususiyatiga ega bo‘lgan korxonalar uchun esa yillik hisob-kitoblar asosida” so‘zlari qo‘shilsin;

4) 22-band quyidagi tahrirda bayon qilinsin:

“Mazkur Tartib buzilishi natijasida olingan mablag‘lar (mahsulotlar (tovarlar va xizmatlar)ning deklaratsiyada ko‘rsatilmagan narxlari qo‘llanilishi natijasida olingan tafovutdan tashqari) Moliya vazirligining budjetdan tashqari “Narxlarni boshqarish jamg‘armasi hisob raqamiga olib qo‘yiladi. Bunda qishloq xo‘jaligi ishlab chiqaruvchilariga sotilgan mahsulotlar va ko‘rsatilgan xizmatlar uchun ular bilan hisob-kitob qilish bo‘yicha mazkur Tartib buzilishi natijasida olingan mablag‘lar qishloq xo‘jaligi ishlab chiqaruvchilariga qaytarilishi kerak.

Mahsulotlar (tovarlar va xizmatlar)ning deklaratsiyada ko‘rsatilmagan narxlarini qo‘llashdan olingan tafovut tegishli budjetga olib qo‘yiladi.

Narxlar (tariflar) shakllantirilishi va ular qo‘llanilishi ustidan nazorat qilish tartibi buzilganligi uchun mazkur bandning birinchi va ikkinchi xatboshilariga muvofiq olib qo‘yilishi kerak bo‘lgan summa miqdorida jarima undiriladi. Jarima summasi Moliya vazirligining budjetdan tashqari “Narxlarni boshqarish jamg‘armasi” hisob raqamiga o‘tkaziladi.

Davlat monopoliyaga qarshi kurash organining qaroriga muvofiq olib qo‘yilishi kerak bo‘lgan summa belgilangan o‘ttiz kun muddatda o‘tkazilmagan taqdirda xo‘jalik yurituvchi subyekt kechiktirilgan har bir kun uchun olib qo‘yilishi kerak bo‘lgan mablag‘ning 0,15 foizi miqdorida penya to‘laydi. Agar kechiktirish bankning aybi bilan yuz bergan bo‘lsa (xo‘jalik yurituvchi subyektning to‘lov topshirig‘i tushgan kundan boshlab uch kundan ortiq) 0,15 foiz miqdoridagi penya bank tomonidan to‘lanadi”;

5) 23-bandda “Iqtisodiy sanksiyalar” so‘zlari “Jarima” so‘zi bilan almashtirilsin;

6) 24-band quyidagi tahrirda bayon qilinsin:

“Qonunsiz olingan mablag‘lar olib qo‘yilishi va xo‘jalik yurituvchi subyektlarga jarima solinishi ularning mazkur Tartib buzilishida aybdor bo‘lgan mansabdor shaxslarini amaldagi qonun hujjatlarida nazarda tutilgan javobgarlikdan ozod qilmaydi”;

7) 25-band quyidagi tahrirda bayon qilinsin:

“Moliya vazirligining budjetdan tashqari “Narxlarni boshqarish jamg‘armasi” hisob raqamiga olib qo‘yilishi kerak bo‘lgan summani hisoblab chiqishda soliqlarning oshirilishiga olib kelgan mazkur Tartib buzilishiga yo‘l qo‘ygan korxonalarda soliqlarning va boshqa to‘lovlarning ortiqcha to‘langan summasi korxonadan olib qo‘yiladigan summa pasaytirilishi hisobiga o‘tkazilmaydi”;

8) 26-bandning ikkinchi xatboshi quyidagi tahrirda bayon qilinsin:

“davlat monopoliyaga qarshi organining qonunsiz olingan mablag‘larni olib qo‘yish va mazkur Tartib buzilganligi uchun jarima solish to‘g‘risidagi qarori olingandan keyin bir oy muddatda ushbu mablag‘larni Moliya vazirligining budjetdan tashqari “Narxlarni boshqarish jamg‘armasi” hisob raqamiga yoki tegishli budjetga so‘zsiz undirib oladi”;

9) 27-band quyidagi tahrirda bayon qilinsin:

“Nazorat organlari mazkur Tartib buzilganligi aniqlangan taqdirda tekshirish materiallarini qonunsiz olingan mablag‘lar olib qo‘yilishi va jarima solish to‘g‘risida qaror qabul qilish uchun tegishli monopoliyaga qarshi davlat organiga yuboradilar”;

10) 28-band quyidagi tahrirda bayon qilinsin:

“Mazkur Tartib buzilganligini mustaqil ravishda aniqlagan va buning natijasida ortiqcha summa olgan xo‘jalik yurituvchi subyekt ushbu summani Moliya vazirligining budjetdan tashqari “Narxlarni boshqarish jamg‘armasi” hisob raqamiga yoki tegishli budjetga o‘tkazadi. Ushbu holda jarima qo‘llanilmaydi”;

11) 31-band quyidagi tahrirda bayon qilinsin:

“Moliya vazirligining budjetdan tashqari “Narxlarni boshqarish jamg‘armasi” hisob raqamiga noto‘g‘ri undirilgan mablag‘lar va jarimalarni qaytarish O‘zbekiston Respublikasi Markaziy bankining qayta moliyalashtirish stavkasi bo‘yicha foizlar qo‘shilgan holda monopoliyaga qarshi davlat organining yoki sudning qaroriga ko‘ra amalga oshiriladi”.