LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 12-sentabrdagi 714-sonli “O‘zbekiston Respublikasi Sog‘liqni saqlash vazirligi faoliyatini tashkil etish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Sog‘liqni saqlash tizimini isloh qilish davlat dasturi to‘g‘risida” 1998-yil 10-noyabrdagi PF-2107-son Farmonini bajarish yuzasidan hamda aholi sog‘lig‘i ustidan davlat nazoratini ta’minlash maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Prezidentining 2007-yil 2-oktabrdagi PQ-700-sonli qarori bilan o‘z kuchini yo‘qotgan — O‘R QHT, 2007-y., 40-son, 413-modda)
2. Belgilab qo‘yilsinki, quyidagilar O‘zbekiston Respublikasi Sog‘liqni saqlash vazirligi va uning joylardagi organlarining asosiy vazifalari hisoblanadi:
Sog‘liqni saqlash tizimini isloh qilish davlat dasturiga muvofiq sog‘liqni saqlash sohasida davlat siyosatini amalga oshirish;
aholiga bepul tibbiy-sanitariya yordami ko‘rsatishning davlat tomonidan kafolatlangan darajasi va sifatini ta’minlash;
boshqarishning barcha darajalarida aholiga shoshilinch tibbiy yordam ko‘rsatish tizimini tashkil etish va mustahkamlash;
sog‘liqni saqlash tizimini mablag‘ bilan ta’minlash mexanizmini takomillashtirish, shu jumladan davolash-profilaktika muassasalarining bosqichma-bosqich pulli xizmatlar ko‘rsatishga o‘tkazilishini ta’minlash;
jahon standartlariga javob beradigan zamonaviy klinikalarni, shu jumladan xorijiy investitsiyalarni jalb etgan holda, barpo etish.
3. O‘zbekiston Respublikasi Sog‘liqni saqlash vazirligi tizimida xodimlari soni 43 nafardan iborat, hududiy tarkibiy bo‘linmalariga ega bo‘lgan Nazorat inspeksiyasi tashkil etilsin, unga quyidagi funksiyalar yuklansin:
sog‘liqni saqlash organlari, mulkchilik shakllari va mablag‘ bilan ta’minlash manbalaridan qat’i nazar, davolash-profilaktika, sanitariya muassasalari va tibbiy-ijtimoiy muassasalar tomonidan aholi salomatligini muhofaza qilishni ta’minlash masalalariga doir qonunchilik va me’yoriy hujjatlarga rioya etilishi ustidan nazoratni amalga oshirish;
(3-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-son qarori tahririda — O‘R QHT, 2017-y., 15-son, 249-modda)
boshqaruv organlarining mansabdor shaxslari va davolash-profilaktika muassasalari va tibbiy-ijtimoiy muassasalar xodimlari tomonidan korrupsiya va suiiste’molchiliklarning oldini olish chora-tadbirlarini ko‘rish;
(3-bandning uchinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-son qarori tahririda — O‘R QHT, 2017-y., 15-son, 249-modda)
O‘zbekiston Respublikasi Davlat budjeti mablag‘larini jalb etgan holda mablag‘ bilan ta’minlanadigan davolash-profilaktika muassasalarida dori vositalarini xarid qilish, sotish va ulardan belgilangan maqsadda foydalanish jarayoni ustidan nazoratni tashkil etish;
(3-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
3-bandning to‘rtinchi xatboshisiga kiritilgan o‘zgartirish O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
LexUZ sharhi
3-bandning to‘rtinchi xatboshisiga O‘zbekiston Respublikasi Vazirlar Mahkamasining 2017-yil 13-martdagi 130-son qarori bilan o‘zgartirish kiritilgan.
sog‘liqni saqlash tizimi xodimlarining noqonuniy xatti-harakatlari yuzasidan shikoyatlar va arizalarni ko‘rib chiqish, qoida buzishlar va suiiste’molchiliklar hollari bo‘yicha xizmat tekshiruvlari o‘tkazish;
amaldagi qonunchilikni buzishayotgan sog‘liqni saqlash tizimi xodimlarini moddiy, ma’muriy va jinoiy javobgarlikka tortish to‘g‘risida belgilangan tartibda takliflar kiritish.
Oldingi tahrirga qarang.
(4-bandning uchinchi xatboshi O‘zbekiston Respublikasi Vazirlar Mahkamasining 2006-yil 2-oktabrdagi 207-sonli qarori bilan o‘z kuchini yo‘qotgan — O‘R QHT, 2006-y., 40-son, 396-modda)
O‘zbekiston Respublikasi Sog‘liqni saqlash vazirligining Nazorat inspeksiyasi to‘g‘risida Nizom 4-ilovaga muvofiq;
O‘zbekiston Respublikasi Sog‘liqni saqlash vazirligining Nazorat inspeksiyasi shtatlarining hududiy taqsimlanishi 5-ilovaga muvofiq tasdiqlansin.
5. O‘zbekiston Respublikasi Sog‘liqni saqlash vazirining to‘rt nafar o‘rinbosari, shu jumladan bir nafar birinchi o‘rinbosari bo‘lishiga ruxsat etilsin.
(5-bandning birinchi xatboshisi O‘zbekiston Respublikasi Vazirlar Mahkamasining 2010-yil 5-iyundagi 108-son qarori tahririda — O‘R QHT, 2010-y., 23-son, 183-modda)
O‘zbekiston Respublikasi Sog‘liqni saqlash vaziriga vazirlik markaziy apparatining tasdiqlangan tuzilmasiga belgilangan xodimlar soni, mehnatga haq to‘lash fondi doirasida o‘zgartirishlar kiritish huquqi berilsin.
(5-band O‘zbekiston Respublikasi Vazirlar Mahkamasining 2006-yil 2-oktabrdagi 207-sonli qarori tahririda — O‘R QHT, 2006-y., 40-son, 396-modda)
6. Sog‘liqni saqlashni boshqarish hududiy organining Namunaviy nizomi hamda tuzilmasi 6 va 7-ilovalarga muvofiq ma’qullansin.
viloyatlar va Toshkent shahar hokimliklari — sog‘liqni saqlashni boshqarish hududiy organlari tuzilmasini va ular to‘g‘risida nizomni ishlab chiqsinlar;
O‘zbekiston Respublikasi Sog‘liqni saqlash vazirligi — tuman (shahar) markaziy kasalxonasi to‘g‘risida Nizomni ishlab chiqsin, bunda markaziy tuman kasalxonasi (markaziy shahar kasalxonasi) o‘ziga biriktirilgan hudud aholisiga shoshilinch tibbiy yordam berish hamda dastlabki tibbiy-sanitariya xizmati ko‘rsatish vazifalarini bevosita hal qilishini nazarda tutsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari H.S. Karomatov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2007-yil 2-oktabrdagi PQ-700-sonli qarori bilan o‘z kuchini yo‘qotgan — O‘R QHT, 2007-y., 40-son, 413-modda)
1. Mazkur Nizom “Fuqarolar sog‘lig‘ini saqlash to‘g‘risida” O‘zbekiston Respublikasining Qonuniga, O‘zbekiston Respublikasi Prezidentining “O‘zbekiston Respublikasi Sog‘liqni saqlash tizimini isloh qilish davlat dasturi to‘g‘risida” 1998-yil 10-noyabrdagi PF-2107-son Farmoniga muvofiq ishlab chiqilgan hamda O‘zbekiston Respublikasi Sog‘liqni saqlash vazirligining maqomini, vazifalarini, funksiyalarini, vakolatlarini va uning faoliyatining tashkiliy asoslarini belgilab beradi.
2. O‘zbekiston Respublikasi Sog‘liqni saqlash vazirligi (keyingi o‘rinlarda Vazirlik deb ataladi) sog‘liqni saqlash davlat boshqaruvi markaziy organi hisoblanadi va u o‘z faoliyatida O‘zbekiston Respublikasi Vazirlar Mahkamasiga bo‘ysunadi.
Sog‘liqni saqlash vazirligi o‘z ishini respublikaning davlat boshqaruvi boshqa organlari, Qoraqalpog‘iston Respublikasi, viloyatlar, Toshkent shahar ijro etuvchi hokimiyat organlari va jamoat tashkilotlari bilan birgalikda amalga oshiradi.
Oldingi tahrirga qarang.
3. Sog‘liqni saqlash vazirligi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining hujjatlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonun hujjatlariga, shuningdek O‘zbekiston Respublikasining sog‘liqni saqlash masalalariga doir xalqaro shartnomalariga va mazkur Nizomga amal qiladi.
(3-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
4. O‘zbekiston Respublikasi Sog‘liqni saqlash vazirligi o‘z vakolatlari doirasida chiqaradigan normativ-huquqiy hujjatlar O‘zbekiston Respublikasi hududida davlat organlari, mulkchilik shakllaridan qat’i nazar, korxonalar, muassasalar, tashkilotlar, jamoat birlashmalari va jismoniy shaxslar tomonidan bajarilishi majburiydir.
5. O‘zbekiston Respublikasi Sog‘liqni saqlash vazirligi, Qoraqalpog‘iston Respublikasi Sog‘liqni saqlash vazirligi, viloyatlar, Toshkent shahar sog‘liqni saqlashni boshqarish organlari, ularning shaharlar va tumanlardagi bo‘linmalari respublika sog‘liqni saqlash organlarining yagona tizimini tashkil etadi.
Oldingi tahrirga qarang.
viloyatlar va Toshkent shahar sog‘liqni saqlash boshqarmalari ikki tomonlama — tegishli hokimlik hamda O‘zbekiston Respublikasi Sog‘liqni saqlash vazirligi bo‘ysunuvida bo‘ladi.
(5-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qaroriga asosan xatboshi bilan to‘ldirilgan — O‘R QHT, 2009-y., 25-son, 285-modda)
6. O‘zbekiston Respublikasi Sog‘liqni saqlash vazirligi yuridik shaxs hisoblanadi, tezkor boshqarish huquqi bilan alohida mol-mulkka, mustaqil balansga, bank muassasalarida hisob-kitob schyotlariga va boshqa schyotlarga, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladi.
aholi salomatligini saqlash va yaxshilashni, sog‘lom avlodni tarbiyalash uchun shart-sharoitlarni shakllantirishni, profilaktik sog‘liqni saqlashni rivojlantirishni, sog‘lom turmush tarzini keng ommalashtirishni ta’minlovchi davlat siyosatini amalga oshirish;
fuqarolarning aholiga tibbiy-sanitariya xizmati ko‘rsatishning davlat tomonidan kafolatlangan darajasida va sifatda malakali tibbiy xizmat olishga bo‘lgan konstitutsiyaviy huquqlariga rioya etilishini, aholining ko‘rsatiladigan tibbiy xizmatlarning barcha turlaridan teng bahramand bo‘lishini ta’minlash;
Sog‘liqni saqlash tizimini isloh qilish konsepsiyasini amalga oshirish, sog‘liqni saqlashning nodavlat sektorini, xususiy vrachlik amaliyotini rivojlantirish va tibbiy xizmatlar bozorini tashkil etish;
tarmoqni isloh qilishning me’yoriy-huquqiy negizini yaratish, sog‘liqni saqlashni rivojlantirish bo‘yicha maqsadli dasturlarni ro‘yobga chiqarish uchun shart-sharoitlarni ishlab chiqish va yaratish;
sog‘liqni saqlashni boshqarishning barcha darajalarida aholiga favqulodda shoshilinch tibbiy yordam ko‘rsatish tizimini tashkil etish va mustahkamlash;
nogironlarni, shu jumladan tibbiy-ijtimoiy yordamga muhtoj bo‘lgan nogiron bolalarni va yolg‘iz keksa fuqarolarni tibbiy-ijtimoiy muassasalarga yuborishga ko‘maklashish;
fuqarolarning o‘zini o‘zi boshqarish organlari bilan birgalikda o‘zgalarning parvarishiga muhtoj bo‘lgan yolg‘iz keksa fuqarolarni aniqlash va ularga yakka tartibdagi dasturlar bo‘yicha, shu jumladan uyda parvarish qilish bo‘yicha ijtimoiy xizmatlar ko‘rsatishni tashkil etish;
nogironlar, shu jumladan nogiron bolalar, urush qatnashchilari, faxriylar, yolg‘iz keksalar va aholining boshqa zaif qatlamlari ehtiyojlariga muvofiq tibbiy-ijtimoiy yordam turlarini tanlash va taqdim etish, shu jumladan ortopediya buyumlari, reabilitatsiyaning texnik vositalari va kreslo-aravachalar bilan ta’minlash maqsadida ular hisobini yuritish;
(7-band O‘zbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan yettinchi — o‘ninchi xatboshilar bilan to‘ldirilgan — O‘R QHT, 2017-y., 15-son, 249-modda)
mamlakatimiz tajribasini va eng yaxshi jahon yutuqlarini uyg‘unlashtirish asosida tibbiyot fanini rivojlantirish strategiyasini va prognozlashni ishlab chiqish, ilmiy-tibbiy tadqiqotlar samaradorligini oshirish, fan, texnika va ilg‘or tajriba yutuqlarini sog‘liqni saqlash amaliyotiga joriy qilish;
aholi salomatligini muhofaza qilishga yo‘naltiriladigan budjet mablag‘laridan foydalanish samaradorligini oshirish, sog‘liqni saqlashning maqsadli dasturlarini mablag‘ bilan ta’minlash va uning moddiy-texnika bazasini mustahkamlash uchun budjetdan tashqari mablag‘larni, xorijiy investitsiyalarni va xalqaro tashkilotlar mablag‘larini jalb etish, davolash-profilaktika muassasalarini o‘zini-o‘zi mablag‘ bilan ta’minlashga bosqichma-bosqich o‘tkazishni ta’minlash, tibbiy sug‘urtani ishlab chiqish va joriy etish;
sog‘liqni saqlash, shu jumladan tibbiy yordam sohasida normativlar va standartlar tizimini yaratish, dori vositalari, tibbiy buyumlar ishlab chiqarish va ulardan foydalanish hamda ularga rioya etishni nazorat qilish;
(7-bandning to‘qqizinchi xatboshisi O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
(7-bandning to‘qqizinchi xatboshisiga kiritilgan o‘zgartirish O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
aholini sanitariya-epidemiologiya jihatidan salomatligini hamda manfaatdor organlar bilan birgalikda respublika hududini karantin va o‘ta xavfli infeksiyalardan muhofaza qilishni ta’minlash;
oliy va o‘rta tibbiy ta’lim tizimini, xalqaro aloqalarni rivojlantirish hamda sog‘liqni saqlash sohasida chet el tajribasidan va jahon standartlaridan foydalanish.
Oldingi tahrirga qarang.
(7-bandning o‘n ikkinchi xatboshi O‘zbekiston Respublikasi Vazirlar Mahkamasining 2003-yil 31-yanvardagi 53-sonli qaroriga muvofiq kiritilgan— O‘R QHT, 2003-y., 1-2-son, 16-modda)
manfaatdor vazirliklar, davlat qo‘mitalari va idoralari bilan birgalikda respublika sog‘liqni saqlash tizimini rivojlantirish prognozlarini va maqsadli dasturlarini ishlab chiqadi;
kasalliklarning oldini olish, tibbiy yordam, nogironlik, tibbiy ekspertiza bo‘yicha tadbirlarni amalga oshiradi;
sog‘liqni saqlash tizimi davolash muassasalari, shuningdek xususiy tibbiy amaliyot bilan shug‘ullanuvchi shaxslar tomonidan aholiga o‘z vaqtida malakali va sifatli tibbiy yordam ko‘rsatilishi ustidan nazoratni amalga oshiradi;
Oldingi tahrirga qarang.
tibbiy yordam sifati standartlarini va hajmini belgilaydi, tibbiy va farmatsevtik faoliyatni litsenziyalashni amalga oshiradi.
(8-bandning oltinchi xatboshisi O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
dori vositalari va dezinfeksiya, sanitariya-gigiyena va parfyumeriya-kosmetika vositalarini hamda tibbiy buyumlarni, kuchli ta’sir qiluvchi va zaharli moddalarni, giyohvandlik vositalari, psixotrop moddalarni standartlashtirish va sertifikatsiyalashni, ularni ishlab chiqarishni va ulardan foydalanish tartibini nazorat qilishni amalga oshiradi;
dori vositalari, dezinfeksiya vositalariga va boshqa tibbiy buyumlarga bo‘lgan ehtiyojni o‘rganadi, talab va takliflar balansini ishlab chiqadi;
favqulodda tusdagi avariya vaziyatlari va halokatlarni bartaraf etish respublika dasturlarini ishlab chiqishda va amalga oshirishda qatnashadi, favqulodda vaziyatlarni bartaraf etishda foydalanish uchun belgilangan tartibda tibbiy buyumlar, dori vositalari, dezinfeksiya vositalari va zaxiralarini tashkil qiladi;
(8-bandning yettinchi — o‘ninchi xatboshilari O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
(8-bandning yettinchi — o‘ninchi xatboshilariga kiritilgan o‘zgartirishlar O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
yuqumli va yuqumsiz, parazit kasalliklarning, shuningdek insonning yashashi va mehnat faoliyatiga noqulay ta’sir ko‘rsatuvchi muhit omillari bilan bog‘liq bo‘lgan kasb kasalliklarining oldini olishga doir ishlarni amalga oshiradi;
manfaatdor organlar bilan birgalikda boshqa davlatlar hududidan yuqumli va karantin kasalliklarning kirib kelishining oldini olish ishlarini tashkil etadi va nazorat qiladi;
profilaktika yordami yo‘nalishlari va hajmlari, profilaktik emlash muddatlari va usullari to‘g‘risida qarorlar qabul qiladi, aholi o‘rtasida sog‘lom turmush tarzini targ‘ib qilishni amalga oshiradi;
Oldingi tahrirga qarang.
tibbiy tashxis tizimini takomillashtiradi, respublika hududi bo‘yicha tashxis xizmatlari tarmog‘ini rivojlantiradi, ixtisoslashtirilgan tibbiy markazlar tarmoqlarining faoliyat ko‘rsatishini ta’minlaydi;
(8-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qaroriga asosan 14-xatboshi bilan to‘ldirilgan — O‘R QHT, 2009-y., 25-son, 285-modda)
oila, ona, ota va bolaga, shuningdek muhtoj shaxslarga tibbiy-ijtimoiy yordam ko‘rsatish dasturini amalga oshirishda qatnashadi;
sanitariya normalarini, qoidalarini, gigiyena normativlarini ishlab chiqadi va tasdiqlaydi, ularga rioya qilinishi ustidan davlat sanitariya nazoratini, shuningdek, idoraviy mansubligidan qat’i nazar, sanitariya-epidemiologiya xizmatlari ishiga uslubiy rahbarlikni amalga oshiradi;
davolash-profilaktika muassasalarida dori vositalarini tayinlash, qabul qilish, saqlash va qo‘llash tartibini belgilaydi;
(8-band O‘zbekiston Respublikasi Vazirlar Mahkamasining 2010-yil 5-iyundagi 108-son qaroriga asosan o‘n yettinchi xatboshi bilan to‘ldirilgan — O‘R QHT, 2010-y., 23-son, 183-modda)
iste’molchilarning huquqlarini himoya qilish, sanitariyaga oid qonun hujjatlari, davlat standartlari va sertifikatlash qoidalari talablarini tekshirish ishlariga iste’molchilar jamoat tashkilotlari vakillarini jalb etadi;
iste’molchilarning jamoat tashkilotlari taqdimnomalariga ko‘ra o‘ziga qarashli laboratoriyalarda tovarlarning (ishlar, xizmatlarning) xavfsizlik talablariga muvofiqligini shartnoma asosida sinovdan o‘tkazadi.
(8-bandning o‘n yettinchi va o‘n sakkizinchi xatboshilari O‘zbekiston Respublikasi Vazirlar Mahkamasining 2003-yil 31-yanvardagi 53-sonli qaroriga muvofiq kiritilgan— O‘R QHT, 2003-y., 1-2-son, 16-modda)
nogironlar, shu jumladan nogiron bolalar, urush qatnashchilari, faxriylar, yolg‘iz keksalar va aholining boshqa zaif qatlamlariga ko‘rsatiladigan tibbiy-ijtimoiy yordamning tabaqalashtirilishi va manzilligini kuchaytirishga yo‘naltirilgan ijtimoiy siyosatni amalga oshirishning mexanizmlarini takomillashtirish bo‘yicha takliflar tayyorlashda ishtirok etadi;
nogironlar, shu jumladan nogiron bolalar, urush qatnashchilari, faxriylar, yolg‘iz keksalar va aholining boshqa zaif qatlamlariga tibbiy-ijtimoiy yordam berish davlat ijtimoiy siyosatini va bunday yordam mexanizmining ishlashi bo‘yicha normativ-huquqiy hujjatlar loyihalarini ishlab chiqishda qatnashadi;
manfaatdor vazirliklar, idoralar va boshqa tashkilotlar bilan birgalikda pensionerlar, nogironlar va yolg‘iz keksa fuqarolarga qonun hujjatlarida belgilangan imtiyozlar, jumladan sanatoriy-kurortda davolanishga yo‘llanmalar va harakatlanishning maxsus vositalari berilishida qatnashadi;
manfaatdor vazirliklar va idoralar bilan birgalikda muhim ijtimoiy normalar va normativlar ro‘yxatini aniqlaydi va ularning ishlab chiqilishini muvofiqlashtiradi;
manfaatdor vazirliklar va idoralar, mahalliy davlat hokimiyati organlari ishtirokida nogironlar, shu jumladan nogiron bolalar, urush qatnashchilari, faxriylar, yolg‘iz keksalar va davlatning qo‘llab-quvvatlashiga muhtoj bo‘lgan aholining boshqa zaif qatlamlariga tibbiy-ijtimoiy yordamni tashkil etish bo‘yicha takliflarni ishlab chiqadi;
respublika, viloyat, tuman, shahar ijroiya hokimiyat organlari ishtirokida yolg‘iz keksa fuqarolar, nogironlar va davlatning qo‘llab-quvvatlashiga muhtoj bo‘lgan aholining boshqa zaif guruhlariga ijtimoiy-maishiy yordamni tashkil etadi;
tibbiy-ijtimoiy muassasalarda yashovchi keksa fuqarolarga va nogironlarga maishiy, tibbiy va madaniy xizmat ko‘rsatishni tashkil etadi, ushbu muassasalarning moddiy-texnika bazasi mustahkamlanishini ta’minlaydi;
yolg‘iz keksa fuqarolarga tibbiy-ijtimoiy yordam ko‘rsatish xizmatlarining kompleks tarmoqlarini tashkil etadi va ular ishi ustidan nazorat qiladi;
nogironlarga, shu jumladan nogiron bolalar, urush qatnashchilari, faxriylar, yolg‘iz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish uchun mablag‘larni jalb etish ishida nodavlat notijorat tashkilotlari va boshqa tashkilotlarning o‘zaro hamkorlik qilishini tashkil etadi;
yolg‘iz keksa fuqarolarga, pensionerlarga va nogironlarga tibbiy-ijtimoiy yordam berish nodavlat xizmatlari tashkil etilishiga ko‘maklashadi va ular ishi ustidan nazorat qilinishini ta’minlaydi;
nogironlar, shu jumladan nogiron bolalar, urush qatnashchilari, faxriylar, yolg‘iz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish ehtiyojidan kelib chiqib amalga oshiriladigan idoraviy mansub tashkilotlar ishini, shu jumladan ularning tijorat faoliyatini muvofiqlashtiradi;
nogironlarni tibbiy-ijtimoiy reabilitatsiya qilish bosqichi sifatida nogironlarning jismoniy tarbiya va sport harakati rivojlanishiga ko‘maklashadi;
ehtiyojmand shaxslarni protez-ortopediya buyumlari va reabilitatsiyaning texnik vositalari bilan ta’minlashni tashkil etadi;
nogironlarni va pensiya yoshidagi shaxslarni protez-ortopediya buyumlari va reabilitatsiyaning texnik vositalari bilan ta’minlash tartibini belgilaydi.
(8-band O‘zbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan yigirma birinchi — o‘ttiz oltinchi xatboshilar bilan to‘ldirilgan — O‘R QHT, 2017-y., 15-son, 249-modda)
tarmoqni axborotlashtirish tizimini shakllantirishni ta’minlaydi, sog‘liqni saqlashda statistikani yuritish ishlarini tashkil qiladi, sog‘liqni saqlash tizimida statistik hisobga olish va hisobot tartibiga uslubiy rahbarlikni amalga oshiradi, statistik axborotlarning ishonchliligini nazorat qiladi;
Vazirlik tizimida iqtisodiyot va moliya ishlarini tashkil qiladi, tibbiyot muassasalari va tibbiy-ijtimoiy muassasalarning O‘zbekiston Respublikasi Davlat budjeti hisobiga amalga oshiriladigan xarajatlarini mablag‘ bilan ta’minlaydi, tizim xodimlari mehnatini normalash va unga haq to‘lashni tashkil qilishni takomillashtirish tadbirlarini ro‘yobga chiqaradi;
(8-bandning qirqinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
tasarrufidagi muassasa va tashkilotlarda faoliyatni tahlil qiladi hamda buxgalteriya hisobi va hisobotni yuritishga uslubiy rahbarlikni amalga oshiradi, budjet mablag‘laridan belgilangan maqsadda va samarali foydalanishni nazorat qiladi;
sog‘liqni saqlash bo‘yicha maqsadli dasturlarni mablag‘ bilan ta’minlash uchun mablag‘larni jalb etish ishlarida davlat, jamoat, xayriya tashkilotlari va jamg‘armalarining, muassasa va korxonalarning o‘zaro hamkorligini ta’minlaydi;
davolash-profilaktika muassasalarining xizmat ko‘rsatishning pulli shakllariga bosqichma-bosqich o‘tishini va tibbiy sug‘urtani joriy qilgan holda, sog‘liqni saqlashni mablag‘ bilan ta’minlash tizimini takomillashtiradi;
sog‘liqni saqlash tizimini rivojlantirish uchun xorijiy investitsiyalarni, xalqaro tashkilotlar, jamg‘armalar mablag‘larini jalb etish ishlarini amalga oshiradi;
sog‘liqni saqlash korxonalari, muassasalari va tashkilotlarini davlat tasarrufidan chiqarish va xususiylashtirish bo‘yicha takliflar ishlab chiqadi hamda ularni amalga oshirishda qatnashadi;
tarmoqni kadrlar bilan ta’minlash dasturini ishlab chiqadi va ro‘yobga chiqaradi, sog‘liqni saqlashda tegishli yo‘nalishlar va ixtisosliklar bo‘yicha tibbiyot kadrlariga bo‘lgan ehtiyojni aniqlaydi hamda ularni tayyorlashni amalga oshiradi;
Oldingi tahrirga qarang.
qonun hujjatlarida belgilangan tartibda Vazirlik va uning hududiy organlari kadrlar tarkibini yuqori malakali mutaxassislar bilan mustahkamlaydi, vrach xodimlarning, shu jumladan klinik ordinatura orqali malakasini oshirish va kasbiy darajasini takomillashtirishni amalga oshiradi, shuningdek rahbar xodimlarning malakaviy tarkibi hamda kasbiy darajasi yuzasidan nazoratni amalga oshiradi, kasbiy tayyorgarligi va malakasi bo‘yicha egallab turgan lavozimiga muvofiqligi yuzasidan ularni attestatsiyadan o‘tkazadi, sog‘liqni saqlash boshqarmalari birlamchi bo‘g‘ini va hududiy organlari rahbarlarining doimiy ravishda malakasini oshirish hamda kasbiy darajasini oshirish tizimini yaratadi, vrachlar, farmatsevtlar va boshqa tibbiyot xodimlarining kasbiy malakasini oshirishni nazorat qiladi hamda malaka toifalari berish uchun ularni attestatsiyadan o‘tkazadi.
(8-bandning 31 xatboshisi O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
oliy va o‘rta maxsus, kasb-hunar tibbiyot va farmatsevtika ta’lim muassasalari faoliyatiga rahbarlik qiladi, ular faoliyatini mablag‘ bilan ta’minlaydi va nazorat qiladi;
(8-bandning qirq to‘qqizinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
sog‘liqni saqlash tizimida ixtisosliklar nomenklaturasini belgilaydi, Vazirlik nomenklaturasidagi lavozimlarga kadrlar tanlaydi;
Vazirlik tasarrufidagi muassasalar, tashkilotlar va korxonalar tuzilmasini takomillashtirishga doir tadbirlarni ishlab chiqadi va amalga oshiradi;
joylardagi sog‘liqni saqlash boshqaruv organlari faoliyatiga uslubiy rahbarlikni, uni nazorat qilishni amalga oshiradi;
tasarrufidagi korxonalar, muassasalar, tashkilotlarni qonunda belgilangan tartibda tashkil qiladi, qayta tashkil etadi va tugatadi, ular to‘g‘risidagi nizomlar va ustavlarni tasdiqlaydi;
sog‘liqni saqlashning moddiy-texnika bazasini rivojlantirish, tarmoqning yangi tashkilotlari va muassasalarini qurish, ishlab turganlarini rekonstruksiya qilish va texnika bilan qayta jihozlash dasturlarini ishlab chiqishni tashkil qiladi;
ilmiy-tibbiy tadqiqotlarni rivojlantirishni va ularning samaradorligini oshirishni, fan, texnika va ilg‘or tajriba yutuqlarini tibbiyot amaliyotiga joriy etishni ta’minlaydi;
ilmiy tadqiqotlar natijalarini ekspertizadan o‘tkazadi, muassasalarga, tashkilotlarga, shu jumladan O‘zbekiston Respublikasi Fanlar akademiyasiga sog‘liqni saqlashning dolzarb muammolari bo‘yicha ilmiy tadqiqotlar yuzasidan buyurtmalar beradi;
tarmoqni rivojlantirishning muhim muammolarini hal etishda xorijiy mamlakatlar bilan iqtisodiy aloqalarni rivojlantiradi va kengaytiradi;
respublikada xalqaro tadbirlar (simpoziumlar, konferensiyalar, ko‘rgazmalar va shu kabilar) o‘tkazishni tashkil qiladi;
belgilangan tartibda ilmiy, uslubiy adabiyotlar va axborotlarni nashr etadi va Vazirlik bo‘linmalarini ular bilan ta’minlaydi.
Oldingi tahrirga qarang.
qonun hujjatlariga muvofiq xavfli yuklar, qurol-yarog‘lar, harbiy texnika, harbiy mol-mulklar, portlovchi moddalar va buyumlar, shuningdek harbiy tarkiblar tranziti chog‘ida xulosalar beradi va nazoratni amalga oshiradi.
(8-bandning qirq oltinchi xatboshisi O‘zbekiston Respublikasi Vazirlar Mahkamasining 2002-yil 1 maydagi 150-sonli qaroriga muvofiq kiritilgan — O‘R QHT, 2002-y., 9-son, 66-modda)
O‘zbekiston Respublikasi Vazirlar Mahkamasining respublikada sog‘liqni saqlashni rivojlantirish, isloh qilish va uni boshqarishni takomillashtirish, tibbiyot muassasalari va tibbiy-ijtimoiy muassasalar moddiy-texnika bazasini mustahkamlash, malakali tibbiyot kadrlari tayyorlash, sog‘liqni saqlash xodimlarini ijtimoiy muhofaza qilishni ta’minlash bo‘yicha takliflar kiritish;
(9-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
joylardagi boshqaruv va davlat hokimiyati organlaridan, mulkchilik shakllaridan qat’i nazar, korxonalar, muassasalar va tashkilotlardan Vazirlikka yuklangan vazifalarni bajarish uchun zarur bo‘lgan axborotlarni belgilangan tartibda so‘rash va olish;
hay’at majlislarida, tashkiliy-huquqiy shakllaridan va idoraviy bo‘ysunishidan qat’i nazar, sog‘liqni saqlash tizimi korxonalari, muassasalari va tashkilotlari rahbarlarining Vazirlik vakolatiga taalluqli masalalar bo‘yicha axborotlarini eshitish;
O‘zbekiston Respublikasi hududidagi va yondash davlatlardagi sanitariya-epidemiologik vaziyat bilan bog‘liq masalalarni ko‘rib chiqish uchun O‘zbekiston Respublikasi Vazirlar Mahkamasi huzuridagi Respublika favqulodda epidemiyaga qarshi kurash komissiyasiga kiritish;
o‘ziga tegishli muammolarni hal qilishga ilmiy muassasalarni, olimlar va mutaxassislarni, shu jumladan xorijiy olimlar va mutaxassislarni shartnoma asosida jalb etish;
xususiy sog‘liqni saqlash tuzilmalarining, shu jumladan qo‘shma korxonalarning faoliyatini, ular tomonidan tibbiy-sanitariya standartlari talablarining hamda aholiga ko‘rsatilayotgan tibbiy, tibbiy-ijtimoiy xizmatlar sifatining ta’minlanishini o‘rganish va ularga baho berish;
(9-bandning to‘qqizinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
tashqi iqtisodiy faoliyatni amalga oshirish va bank hamda boshqa kredit muassasalarida qonunchilikda belgilangan tartibda valyuta schyotlariga ega bo‘lish;
tasarrufidagi muassasalarning amaldagi qonunchilikka xilof ravishda chiqarilgan buyruqlarini bekor qilish.
10. Vazirlikka O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan vazir boshchilik qiladi;
Vazir Vazirlikka yuklangan vazifalarning bajarilishi va funksiyalarning amalga oshirilishi uchun shaxsan javob beradi.
Vazirning O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan to‘rt nafar o‘rinbosari, shu jumladan bir nafar birinchi o‘rinbosari bo‘ladi.
(10-band O‘zbekiston Respublikasi Vazirlar Mahkamasining 2010-yil 5-iyundagi 108-son qarori tahririda — O‘R QHT, 2010-y., 23-son, 183-modda)
Vazirlik va unga qarashli muassasalar, tashkilotlar, ta’lim muassasalari va korxonalar faoliyatiga rahbarlik qiladi;
(11-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
o‘z vakolati doirasida buyruqlar, yo‘riqnomalar chiqaradi hamda o‘ziga qarashli barcha tashkilotlar, muassasalar, korxonalar, shuningdek sog‘liqni saqlashning hududiy organlari tomonidan bajarilishi majburiy bo‘lgan ko‘rsatmalar beradi va ularning ijrosini tekshiradi;
Vazirlik tasarrufiga kiritilgan masalalar bo‘yicha normativ hujjatlar loyihalarini belgilangan tartibda O‘zbekiston Respublikasi Vazirlar Mahkamasiga ko‘rib chiqish uchun kiritadi;
Vazir o‘rinbosarlari va Vazirlik tarkibiy bo‘linmalari rahbarlarining ular zimmasiga yuklatilgan vazifalar bajarilishi uchun javobgarligi darajasini belgilaydi;
respublika Vazirlar Mahkamasi tomonidan belgilangan xodimlar soni va mehnatga haq to‘lash fondi doirasida markaziy apparat tuzilmasini va shtat jadvalini, Vazirlik tarkibiy bo‘linmalari to‘g‘risidagi nizomlarni, Vazirlikka qarashli muassasalar, tashkilotlar va korxonalarning nizomlari va ustavlarini tasdiqlaydi;
Vazirlik markaziy apparati xodimlarini va Vazirlikka qarashli muassasalar, tashkilotlar va korxonalarning rahbarlarini belgilangan nomenklaturaga muvofiq, viloyatlar va Toshkent shahar sog‘liqni saqlash boshqarmalari boshliqlarini, viloyat ko‘p tarmoqli tibbiyot markazi, viloyat ko‘p tarmoqli bolalar tibbiyot markazi bosh vrachini, shuningdek viloyatlar tibbiy tashxis markazlari, tibbiy-ijtimoiy muassasalar tumanlar (shaharlar) tibbiyot birlashmalari rahbarlarini tegishli hudud hokimining tavsiyasiga ko‘ra lavozimga tayinlaydi va lavozimdan ozod qiladi.
(11-bandning sakkizinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
alohida o‘rnak ko‘rsatgan xodimlarni faxriy unvonlar va mukofotlar berishga belgilangan tartibda taqdim etadi;
12. Vazirlikda Vazir (hay’at raisi), uning o‘rinbosarlari (lavozimiga ko‘ra), shuningdek Vazirlik faoliyatining asosiy yo‘nalishlarini muvofiqlashtiruvchi tarkibiy bo‘linmalari rahbarlaridan iborat tarkibda hay’at tashkil etiladi.
Hay’atning a’zolari soni va shaxsiy tarkibi Vazirning taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
Vazirlik faoliyatining aholi salomatligini saqlash va yaxshilashni, sog‘lom avlodni tarbiyalash uchun shart-sharoitlarni shakllantirishni, profilaktik sog‘liqni saqlashni rivojlantirishni, sog‘lom turmush tarzini keng ommalashtirishni ta’minlovchi davlat siyosatini amalga oshirishni davom ettirish, fuqarolarning aholiga tibbiy-sanitariya xizmati ko‘rsatishning davlat tomonidan kafolatlangan darajasida va sifatida malakali tibbiy xizmat olishga bo‘lgan konstitutsiyaviy huquqlariga rioya etilishini, aholining ko‘rsatiladigan tibbiy xizmatlarning barcha turlaridan teng bahramand bo‘lishini ta’minlash bo‘yicha ushbu Nizomda belgilangan asosiy yo‘nalishlarni tayyorlash va amalga oshirish;
O‘zbekiston Respublikasi Sog‘liqni saqlash vazirligi nomenklaturasiga kiradigan lavozimlarga kadrlarni tanlash, joy-joyiga qo‘yish, tayyorlash va qayta tayyorlash;
O‘zbekiston Respublikasi Prezidentining farmonlari, qarorlari va farmoyishlarida, O‘zbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli amalga oshirilishini ta’minlash uchun Vazirlik rahbarlari va xodimlarining shaxsiy javobgarligini oshirish.
Hay’at majlisiga Vazirlik vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.
Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
Hay’at qarorlari Vazirning buyruqlari bilan amalga oshiriladi. Vazir va hay’at a’zolari o‘rtasida kelishmovchiliklar paydo bo‘lgan taqdirda Vazir paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Vazirlar Mahkamasiga xabar qilishlari mumkin.
(12-band O‘zbekiston Respublikasi Vazirlar Mahkamasining 2010-yil 5-iyundagi 108-son qarori tahririda — O‘R QHT, 2010-y., 23-son, 183-modda)
Oldingi tahrirga qarang.
13. Sog‘liqni saqlash muammolarini ilmiy tahlil qilish uchun Vazirlikda konsultativ-ekspert kengashi tashkil etiladi. Kengash tarkibiga yetakchi olimlar va yuqori malakali mutaxassislar kiradi. Konsultativ-ekspert kengashi tarkibi va uning to‘g‘risidagi nizom Vazir tomonidan tasdiqlanadi.
(13-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2006-yil 2-oktabrdagi 207-sonli qarori bilan o‘z kuchini yo‘qotgan — O‘R QHT, 2006-y., 40-son, 396-modda)
1. Nazorat inspeksiyasi O‘zbekiston Respublikasi Sog‘liqni saqlash vazirligida tashkil etiladi va bevosita O‘zbekiston Respublikasi Sog‘liqni saqlash vaziriga bo‘ysunadi.
O‘zbekiston Respublikasi Sog‘liqni saqlash vazirligi Nazorat inspeksiyasining Qoraqalpog‘iston Respublikasida, barcha viloyatlarda va Toshkent shahrida hududiy bo‘linmalari bo‘ladi, ular boshqaruvning vertikal tizimiga ega bo‘ladilar va o‘z faoliyatida bevosita Nazorat inspeksiyasi boshlig‘iga bo‘ysunadilar.
2. O‘zbekiston Respublikasi Sog‘liqni saqlash vazirligining Nazorat inspeksiyasi o‘z faoliyatida O‘zbekiston Respublikasi Konstitutsiyasiga, “Fuqarolar sog‘lig‘ini saqlash to‘g‘risida”gi O‘zbekiston Respublikasi Qonuniga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi Sog‘liqni saqlash vazirligining normativ hujjatlariga, shuningdek boshqa qonunchilik hujjatlariga amal qiladi.
sog‘liqni saqlash organlari, mulkchilik shakllaridan va mablag‘ bilan ta’minlanish manbalaridan qat’i nazar, profilaktika va sanitariya muassasalari tomonidan aholi salomatligini muhofaza qilishni ta’minlash masalalari bo‘yicha qonunchilik va normativ hujjatlarga rioya qilinishi ustidan nazoratni amalga oshirish;
davolash-profilaktika muassasalari va tibbiy-ijtimoiy muassasalar boshqaruv organlarining mansabdor shaxslari va xodimlari tomonidan korrupsiya hamda suiiste’molchiliklarning oldini olish chora-tadbirlarini ko‘rish;
(3-bandning uchinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
budjetdan jalb etilgan mablag‘lar bilan ta’minlanadigan davolash-profilaktika muassasalarida dori vositalari va tibbiy buyumlarni xarid qilish, sotish hamda ulardan belgilangan maqsadda foydalanish ustidan nazoratni tashkil qilish;
(3-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
(3-bandning to‘rtinchi xatboshisiga kiritilgan o‘zgartirish O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
amaldagi qonunchilikni buzishayotgan sog‘liqni saqlash tizimi xodimlarini ma’muriy va jinoiy javobgarlikka tortish to‘g‘risida belgilangan tartibda takliflar kiritish.
sog‘liqni saqlash, davolash-profilaktika muassasalari va tibbiy-ijtimoiy muassasalar boshqaruv organlarining aholining malakali tibbiy xizmat olish bo‘yicha konstitutsion huquqlariga hamda fuqarolarning salomatligini muhofaza qilish to‘g‘risidagi qonunchilikka rioya etilishi masalalari yuzasidan o‘zlariga yuklangan vazifalarni bajarishga doir faoliyatini nazorat qilish va tekshirishni amalga oshiradi;
(4-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
sog‘liqni saqlash xodimlarining noqonuniy xatti-harakatlari bo‘yicha murojaatlarni ko‘rib chiqadi va o‘rganadi, jismoniy va yuridik shaxslarning huquqlari buzilishi hollari bo‘yicha xizmat tekshirishlarini o‘tkazadi;
(4-bandning uchinchi xatboshisi O‘zbekiston Respublikasi Vazirlar Mahkamasining 2015-yil 31-martdagi 74-sonli qarori tahririda — O‘R QHT, 2015-y., 13-son, 155-modda)
dorixona, davolash-profilaktika muassasalari va tibbiy-ijtimoiy muassasalarda budjet mablag‘laridan foydalangan holda dori vositalari va tibbiy buyumlarni sotib olishda, sotishda hamda ulardan belgilangan maqsadlarda foydalanishda belgilangan tartibga rioya qilinishi ustidan, shu jumladan favqulodda taftishlar o‘tkazish yo‘li bilan, nazoratni amalga oshiradi;
(4-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
4-bandning to‘rtinchi xatboshisiga kiritilgan o‘zgartirish O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
tekshirishlar chog‘ida fuqarolar salomatligini muhofaza qilish to‘g‘risidagi qonunchilik talablariga rioya qilish masalalaridagi buzilishlardan, jismoniy va yuridik shaxslarning murojaatlarini xizmat yuzasidan tekshirishlar natijalaridan O‘zbekiston Respublikasi Sog‘liqni saqlash vazirini xabardor qiladi;
(4-bandning beshinchi xatboshisi O‘zbekiston Respublikasi Vazirlar Mahkamasining 2015-yil 31-martdagi 74-sonli qarori tahririda — O‘R QHT, 2015-y., 13-son, 155-modda)
buyruqlar loyihalarini tayyorlaydi, O‘zbekiston Respublikasi Sog‘liqni saqlash vazirligi hay’atiga qonunchilik talablari borasida aniqlangan buzilishlarni bartaraf etish, salomatlikni muhofaza qilish to‘g‘risidagi qonunchilik talablariga rioya qilishmagan sog‘liqni saqlash xodimlarini moddiy, ma’muriy va qonunchilikda nazarda tutilgan boshqa turdagi javobgarlikka tortish to‘g‘risidagi takliflarni ko‘rib chiqish uchun kiritadi;
sog‘liqni saqlash, davolash-profilaktika muassasalari va tibbiy-ijtimoiy muassasalarni boshqarish organlarida moliya-xo‘jalik faoliyatini birgalikda taftish qilish uchun o‘z ishlarini O‘zbekiston Respublikasi Moliya vazirligi Nazorat-taftish bosh boshqarmasi bilan muvofiqlashtirib boradi.
(4-bandning yettinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
O‘zbekiston Respublikasi Sog‘liqni saqlash vazirining topshirig‘iga binoan yoki tasdiqlangan ish rejasiga muvofiq inspeksiya guruhlarini sog‘liqni saqlash to‘g‘risidagi qonunchilikka rioya qilinishi masalalari bo‘yicha tekshirish va taftishlar o‘tkazish uchun yuborish;
barcha darajalardagi sog‘liqni saqlash organlarida, davolash-profilaktika muassasalari va tibbiy-ijtimoiy muassasalarda ularning faoliyatiga taalluqli hujjatlarni tekshirish;
(5-bandning uchinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
o‘zlariga yuklangan vazifalarni bajarish chog‘ida davolash-profilaktika muassasalari va tibbiy-ijtimoiy muassasalarning barcha binolariga, belgilangan kirish tartibiga rioya qilgan holda, qarshiliksiz kirish;
(5-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
dori vositalarini, tibbiy buyumlarni xarid qilish va sotish, shuningdek cheklangan savdo ustamalari qo‘llanishi yuzasidan nazorat va taftishlarni amalga oshirish;
(5-bandning beshinchi xatboshisi O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — O‘R QHT, 2017-y., 14-son, 228-modda)
LexUZ sharhi
(5-bandning beshinchi xatboshisiga kiritilgan o‘zgartirish O‘zbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan e’tiboran kuchga kiradi.
sog‘liqni saqlash organlari va davolash-profilaktika muassasalari rahbarlari hamda boshqa mansabdor shaxslardan qonunchilik talablarining buzilishi faktlari bo‘yicha yozma tushuntirishlar olish;
zarurat bo‘lganda, Sog‘liqni saqlash vazirligi rahbariyati bilan kelishgan holda, boshqa tarkibiy bo‘linmalar mutaxassislarini tekshirishlarda, shuningdek O‘zbekiston Respublikasi Sog‘liqni saqlash vazirligi hay’ati materiallarini va vazirlik buyruqlarini tayyorlashda qatnashish uchun jalb etish.
“Fuqarolar sog‘lig‘ini saqlash to‘g‘risida”gi O‘zbekiston Respublikasi Qonuni, boshqa qonunchilik va normativ hujjatlar talablarini bajarish;
davlat siriga va amalga oshirilayotgan ishlarning maxfiylik rejimiga, o‘tkazilayotgan tekshirish va taftishlarning oshkor qilinmasligiga qat’iyan rioya etish;
sog‘liqni saqlash boshqaruv organlari, tekshirilayotgan davolash-profilaktika, tibbiy-ijtimoiy muassasalar va dorixona muassasalari faoliyatining malakali, xolisona, asosli baholanishini ta’minlash.
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
7. O‘zbekiston Respublikasi Sog‘liqni saqlash vazirligining Nazorat inspeksiyasi tarkibi belgilab qo‘yiladi hamda oliy yuridik, tibbiy, farmatsevtik va iqtisodiy ma’lumotga ega bo‘lgan yuqori malakali mutaxassislar bilan butlanadi.
8. Nazorat inspeksiyasini O‘zbekiston Respublikasi Sog‘liqni saqlash vaziri tayinlaydigan boshliq boshqaradi.
9. Nazorat inspeksiyasi xodimlari inspeksiya boshlig‘ining taqdimnomasiga binoan O‘zbekiston Respublikasi Sog‘liqni saqlash vaziri tomonidan lavozimga tayinlanadi va lavozimdan ozod qilinadi.
10. O‘zbekiston Respublikasi Sog‘liqni saqlash vazirligining Nazorat inspeksiyasi ishlarni O‘zbekiston Respublikasi Sog‘liqni saqlash vaziri tasdiqlaydigan yillik rejalar bo‘yicha amalga oshiradi.
11. Nazorat inspeksiyasi xodimlarini attestatsiyadan o‘tkazish 2 yilda kamida bir marta amalga oshiriladi. Attestatsiyani o‘tkazish tartibini O‘zbekiston Respublikasi Sog‘liqni saqlash vaziri belgilaydi.
12. Nazorat inspeksiyasi xodimlari lavozimi bo‘yicha qoida buzilishlari uchun amaldagi qonunchilik bilan belgilangan tartibda javob beradilar.
1. Mazkur Nizom “Fuqarolar sog‘lig‘ini saqlash to‘g‘risida” O‘zbekiston Respublikasining Qonuniga, O‘zbekiston Respublikasi Prezidentining “O‘zbekiston Respublikasi Sog‘liqni saqlash tizimini isloh qilish davlat dasturi to‘g‘risida” 1998-yil 10-noyabrdagi PF-2107-son Farmoniga muvofiq ishlab chiqilgan hamda Sog‘liqni saqlashni boshqarish hududiy organi maqomini, vazifalarini, funksiyalarini, vakolatlarini va uning faoliyatining tashkiliy asoslarini belgilab beradi.
2. Sog‘liqni saqlashni boshqarish organi (keyingi o‘rinlarda Boshqarma deb ataladi) respublika sog‘liqni saqlashni boshqarish organlari yagona tizimidagi hududiy bo‘g‘in hisoblanadi va u o‘z faoliyatida tegishli hokimlikka va O‘zbekiston Respublikasi Sog‘liqni saqlash vazirligiga bo‘ysunadi.
Boshqarma o‘z ishini davlat boshqaruvi boshqa organlari va jamoat tashkilotlari bilan birgalikda amalga oshiradi.
Oldingi tahrirga qarang.
3. Boshqarma o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, Sog‘liqni saqlash vazirligining normativ hujjatlariga, Qoraqalpog‘iston Respublikasi Vazirlar Kengashining, viloyatlar va Toshkent shahar hokimliklarining hujjatlariga, boshqa normativ hujjatlarga va mazkur Nizomga amal qiladi.
(3-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
4. Boshqarma, mulkchilik shakllaridan qat’i nazar, tasarrufidagi hududda joylashgan sog‘liqni saqlash muassasalarining o‘z vakolatiga kiruvchi masalalarni hal qilishga doir faoliyatini muvofiqlashtirib boradi va nazorat qiladi, sog‘liqni saqlash sohasida davlat boshqaruvini hamda tartibga solishni amalga oshiradi.
5. Boshqarma budjetdan mablag‘ bilan ta’minlanadi, yuridik shaxs hisoblanadi, tezkor boshqarish huquqi bilan alohida mol-mulkka, mustaqil balansga, bank muassasalarida hisob-kitob schyotlariga va boshqa schyotlarga, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladi.
aholiga tibbiy va tibbiy-ijtimoiy yordam ko‘rsatishni tashkil qilish, tasarrufidagi hududda onalik va bolalikni muhofaza qilishning samarali tizimini tashkil etish;
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
tasarrufidagi davolash-profilaktika muassasalari va tibbiy-ijtimoiy muassasalar faoliyatini muvofiqlashtirib borish, ular tomonidan ko‘rsatiladigan tibbiy va tibbiy-ijtimoiy xizmatlar sifati, budjet mablag‘laridan belgilangan maqsadda va samarali foydalanish ustidan nazoratni amalga oshirish;
(6-bandning beshinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
tasarrufidagi hududda sog‘liqni saqlashni boshqarishning barcha darajalarida aholiga shoshilinch tibbiy yordam ko‘rsatish tizimini tashkil qilish va mustahkamlash;
bozor tamoyillari va mexanizmlarini joriy etish, maqsadli dasturlarni amalga oshirish asosida sog‘liqni saqlash tizimini isloh qilishni ta’minlash;
sog‘liqni saqlashni texnika bilan qayta jihozlash va uning moddiy bazasini rivojlantirish chora-tadbirlarini amalga oshirish, tashxis qo‘yishga, bemorlarni davolash va sog‘lomlashtirishga zamonaviy texnologiyalar va texnika vositalarini joriy etish; fan, texnika va ilg‘or tajriba yutuqlarini tibbiyot amaliyotiga joriy qilish;
tibbiyot va farmatsevtika xodimlarini tayyorlash hamda ularning kasbiy darajasini oshirish chora-tadbirlarini amalga oshirish;
xususiy sog‘liqni saqlash tuzilmalari faoliyatini rivojlantirishga va tashkil qilishga ko‘maklashish;
xorijiy investitsiyalarni, xalqaro tashkilotlar, jamg‘armalar va jamoat tashkilotlari mablag‘larini sog‘liqni saqlash tizimiga jalb etish uchun shart-sharoitlar yaratish.
tibbiy xizmatlar ko‘rsatishda diagnostika va davolashda yagona standartlarni joriy etish, shuningdek ularga tibbiyot muassasalari va tibbiy-ijtimoiy muassasalarda rioya etilishi ustidan nazoratni amalga oshirish;
(6-bandning o‘n uchinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
tegishli hududlarda joylashgan tibbiyot muassasalari tibbiy-ijtimoiy muassasalar faoliyatiga tashkiliy-metodik rahbarlikni amalga oshirish;
(6-bandning o‘n to‘rtinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
samarali sanitariya-epidemiologiya nazoratini ta’minlash, yuqumli va o‘ta xavfli kasalliklar tarqalishining oldini olish bo‘yicha ta’sirchan chora-tadbirlarni amalga oshirish;
oilada tibbiy madaniyatni oshirish bo‘yicha aholi o‘rtasida profilaktika ishlarini amalga oshirishni tashkil qilish”;
(6-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qaroriga asosan xatboshilar bilan to‘ldirilgan — O‘R QHT, 2009-y., 25-son, 285-modda)
yolg‘iz keksalar, nogironlarni va aholining boshqa zaif qatlamlarini ijtimoiy muhofaza qilish bo‘yicha amaliy va manzilli chora-tadbirlarni amalga oshirish, ijtimoiy xizmat ko‘rsatish mexanizmlarini takomillashtirish, tibbiy-ijtimoiy muassasalarning moddiy bazasini mustahkamlash.
(6-band O‘zbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan xatboshi bilan to‘ldirilgan — O‘R QHT, 2017-y., 15-son, 249-modda)
7. Sog‘liqni saqlash boshqarmasi o‘z zimmasiga yuklangan vazifalarga muvofiq quyidagi asosiy funksiyalarni amalga oshiradi:
tasarrufidagi hududda sog‘liqni saqlashni rivojlantirishning asosiy yo‘nalishlarini belgilaydi, ularni amalga oshirishda davlat, jamoat tuzilmalarining va boshqa tuzilmalarning o‘zaro hamkorligini ta’minlaydi;
aholiga dastlabki tibbiy va tibbiy-ijtimoiy yordam ko‘rsatishni tashkil qiladi, undan barchaning bahramand bo‘lishini ta’minlaydi, tibbiy va tibbiy-ijtimoiy xizmatlar ko‘rsatish sifatining tibbiy-sanitariya standartlariga rioya etilishini nazorat qiladi;
(7-bandning uchinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
kasallanish profilaktikasini takomillashtirish va aholiga malakali tibbiy xizmat ko‘rsatish tadbirlarini ishlab chiqadi va amalga oshiradi, tibbiy xizmat ko‘rsatish darajasi va sifatini oshirish chora-tadbirlarini ko‘radi;
yuqumli, parazit kasalliklarning, shuningdek insonning yashashiga noqulay ta’sir ko‘rsatuvchi muhit omillari bilan bog‘liq bo‘lgan kasalliklar va boshqa kasalliklarning oldini olishga doir ishlarni amalga oshiradi;
onalik va bolalikni muhofaza qilish xizmatini rivojlantiradi, sud-tibbiy ekspertizani va sud-ruhiy ekspertizani ta’minlaydi;
rahbar xodimlarning malakaviy tarkibi va kasbiy saviyasi ustidan nazoratni amalga oshiradi, tibbiyot muassasalari va tibbiy-ijtimoiy muassasalarni yuqori malakali kadrlar bilan butlashni va vrachlar, farmatsevtlar va tibbiyot xodimlarining kasbiy malakasini oshirishni ta’minlaydi;
(7-bandning to‘qqizinchi xatboshisi O‘zbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — O‘R QHT, 2017-y., 15-son, 249-modda)
Boshqarma nomenklaturasidagi lavozimlarga kadrlar tanlashni amalga oshiradi va Boshqarmani yuqori malakali kadrlar bilan butlashni ta’minlaydi;
iqtisodiy va moliyaviy ishlarni tashkil qiladi, tasarrufidagi muassasalar faoliyatini tahlil qiladi, shuningdek budjet mablag‘laridan samarali va belgilangan maqsadda foydalanish ustidan nazoratni amalga oshiradi;
sog‘liqni saqlashda statistikani yuritish ishlarini tashkil qiladi, tasarrufidagi tashkilotlar va muassasalarda statistik hisobga olish va hisobot tartibotiga uslubiy rahbarlikni amalga oshiradi, statistik axborotlarning ishonchliligini nazorat qiladi;
Boshqarma tasarrufidagi muassasalar va tashkilotlar tuzilmasini takomillashtirish tadbirlarini amalga oshiradi, tasarrufidagi korxonalar, muassasalar, tashkilotlarni belgilangan tartibda tashkil qiladi, qayta tashkil etadi va tugatadi, ular to‘g‘risidagi nizomlar va ustavlarni tasdiqlaydi;
tasarrufidagi hududda sog‘liqni saqlash muassasalari va tashkilotlarini davlat tasarrufidan chiqarish va xususiylashtirish bo‘yicha takliflar ishlab chiqadi, sog‘liqni saqlashning nodavlat (xususiy) sektorini rivojlantirishni rag‘batlantiruvchi shart-sharoitlar yaratadi;
turli favqulodda vaziyatlar va halokatlarni bartaraf etish bo‘yicha dasturlarni ishlab chiqish va amalga oshirishda qatnashadi, odamlarning hayotini saqlash va salomatligini muhofaza qilishga, fuqarolarni favqulodda vaziyat hududidagi vaziyat va ko‘rilayotgan chora-tadbirlar to‘g‘risida xabardor qilishga doir chora-tadbirlarni amalga oshiradi;
jismoniy va yuridik shaxslarning murojaatlarini ko‘rib chiqadi, Boshqarma tasarrufidagi tashkilotlar va muassasalar faoliyatidagi qonunchilik buzilishlarini, kamchiliklarni bartaraf etishga doir zarur chora-tadbirlarni ko‘radi;
(7-bandning o‘n yettinchi xatboshisi O‘zbekiston Respublikasi Vazirlar Mahkamasining 2015-yil 31-martdagi 74-sonli qarori tahririda — O‘R QHT, 2015-y., 13-son, 155-modda)
belgilangan tartibda xalqaro aloqalarni, sog‘liqni saqlash sohasidagi chet el tajribasini o‘rganishni va undan foydalanishni amalga oshiradi;
viloyat, tuman, shahar ijroiya hokimiyat organlari ishtirokida yolg‘iz keksa fuqarolarga, nogironlarga va davlatning qo‘llab-quvvatlashiga muhtoj bo‘lgan aholining boshqa guruhlariga ijtimoiy-maishiy xizmat ko‘rsatishni tashkil etadi;
ijtimoiy ta’minlash muassasalarida (“Muruvvat” va “Saxovat” uylarida, pansionatlar, sanatoriylarda) yashovchi keksa fuqarolar va nogironlarga maishiy, tibbiy va madaniy xizmat ko‘rsatishni tashkil etadi;
aholiga tibbiy-ijtimoiy yordam berish dasturlarini moliyalashtirish uchun mablag‘larni jalb etish ishida nodavlat notijorat tashkilotlari va boshqa tashkilotlarning o‘zaro hamkorlik qilishini ta’minlaydi;
idoraviy mansub tashkilotlar ishini, shu jumladan ularning aholiga tibbiy-ijtimoiy yordam berishni moliyalashtirish ehtiyojidan kelib chiqib amalga oshiriladigan tijorat faoliyatini muvofiqlashtiradi;
nogironlarni tibbiy-ijtimoiy reabilitatsiya qilish bosqichi sifatida ularning jismoniy tarbiya va sport harakati rivojlanishiga ko‘maklashadi;
taqdim etilgan buyurtmalarga muvofiq maxsus harakatlanish vositalari, ishlab chiqarish va maishiy tusdagi moslamalar, nogironlarni reabilitatsiya qilish va ularni parvarish qilishning boshqa texnik vositalarini ishlab chiqarishga buyurtmalarni amalga oshiradi;
(7-band O‘zbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan o‘n to‘qqizinchi — yigirma beshinchi xatboshilar bilan to‘ldirilgan — O‘R QHT, 2017-y., 15-son, 249-modda)
tasarrufidagi muassasalarda sog‘liqni saqlashni rivojlantirish, ishlarni takomillashtirish, ularning moddiy-texnika bazasini mustahkamlash, malakali tibbiyot kadrlari tayyorlash masalalari bo‘yicha takliflarni ko‘rib chiqish uchun vakolatli organlarga belgilangan tartibda kiritish;
o‘z vakolatiga kiruvchi sog‘liqni saqlash masalalari bo‘yicha konferensiyalar, seminarlar, kengashlar, uchrashuvlar o‘tkazish, ko‘rgazmalar va boshqa tadbirlarni tashkil qilish;
mulkchilik shakllaridan qat’i nazar, organlar, korxonalar, muassasalar va tashkilotlardan Boshqarmaga yuklangan vazifalarni bajarish uchun zarur bo‘lgan axborotlarni so‘rash va olish;
tibbiy kengash majlislarida, mulkchilik shakllaridan qat’i nazar, sog‘liqni saqlash muassasalari va tashkilotlari rahbarlarining Boshqarma vakolatiga taalluqli masalalar bo‘yicha axborotlarini eshitish;
hududdagi sanitariya-epidemiologik vaziyat bilan bog‘liq masalalarni ko‘rib chiqish uchun hokimlik huzuridagi Favqulodda epidemiyaga qarshi kurash komissiyasiga kiritish;
o‘ziga tegishli muammolarni hal qilishga ilmiy muassasalarni, olimlar va mutaxassislarni, shu jumladan xorijiy olimlar va mutaxassislarni shartnoma asosida jalb etish;
tashqi iqtisodiy faoliyatni amalga oshirish va bank hamda boshqa kredit muassasalarida qonunchilikda belgilangan tartibda valyuta schyotlariga ega bo‘lish;
tasarrufidagi muassasalarning amaldagi qonunchilikka xilof ravishda chiqarilgan buyruqlarini bekor qilish.
9. Sog‘liqni saqlash boshqarmasiga tegishli hudud hokimi tavsiyasiga ko‘ra O‘zbekiston Respublikasi Sog‘liqni saqlash vaziri tomonidan lavozimga tayinlanadigan va lavozimdan ozod etiladigan boshliq boshchilik qiladi.
Boshliq Boshqarmaga yuklangan vazifalar bajarilishi va uning o‘z funksiyalarini amalga oshirishi uchun shaxsan javob beradi.
(9-band O‘zbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — O‘R QHT, 2009-y., 25-son, 285-modda)
o‘z vakolati doirasida buyruqlar, yo‘riqnomalar chiqaradi hamda o‘ziga qarashli barcha muassasalar va tashkilotlar tomonidan bajarilishi majburiy bo‘lgan ko‘rsatmalar beradi va ularning ijrosini tekshiradi;
Boshqarmaning tarkibiy bo‘linmalari to‘g‘risidagi nizomlarni, Boshqarmaga qarashli tashkilotlar va muassasalar nizomlari va ustavlarini tasdiqlaydi;
Boshqarma apparati xodimlarini va o‘ziga qarashli tashkilotlar va muassasalar rahbarlarini belgilangan nomenklaturaga muvofiq lavozimga tayinlaydi va lavozimdan ozod qiladi;
alohida o‘rnak ko‘rsatgan xodimlarni faxriy unvonlar va mukofotlar berishga belgilangan tartibda taqdim etadi;
11. Boshqarmada boshliq — tibbiy kengash raisi, lavozimiga ko‘ra uning o‘rinbosarlari, shuningdek sog‘liqni saqlash muassasalarining boshqa rahbarlari — kengash a’zolari bo‘lgan tibbiy kengash tashkil etiladi. A’zolarning shaxsiy tarkibi tegishli hokimlik tomonidan tasdiqlanadi.
12. Tibbiy kengash maslahat organi hisoblanadi hamda o‘z majlislarida tasarrufidagi hududda sog‘liqni saqlashni rivojlantirishning va Boshqarma, shuningdek uning tasarrufidagi tashkilotlar va muassasalar faoliyatining, kadrlar tanlash va ularni joy-joyiga qo‘yish, qabul qilingan qarorlar bajarilishini tekshirishning asosiy masalalarini ko‘rib chiqadi, Boshqarma tarkibiy bo‘linmalari rahbarlarining, tasarrufidagi tashkilotlar va muassasalar rahbarlarining axborotlarini eshitadi.
Oldingi tahrirga qarang.
(7-ilova O‘zbekiston Respublikasi Prezidentining 2007-yil 2-oktabrdagi PQ-700-sonli qarori bilan o‘z kuchini yo‘qotgan — O‘R QHT, 2007-y., 40-son, 413-modda)