Oʻzbekiston Respublikasi Vazirlar Mahkamasining 2014-yil 20-oktabrdagi 290-son “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida”gi qaroriga muvofiq Oʻzbekiston Respublikasi Tabiatni muhofaza qilish davlat qoʻmitasi qaror qiladi:

1. Oʻzbekiston Respublikasi Tabiatni muhofaza qilish davlat qoʻmitasi raisining 2007-yil 15-maydagi 01-705-son “Oʻsimlik dunyosi obyektlaridan maxsus foydalanish toʻgʻrisidagi ruxsatnoma blankalari namunalarini hamda Davlat oʻrmon fondiga kirmaydigan daraxtlar va butalarni kesish, shuningdek davlat oʻrmon fondi yerlariga kirmaydigan zaxira yerlarida pichan oʻrish va chorva mollarini oʻtlatish uchun beriladigan ruxsatnomalar blankalarini toʻldirish va hisobini yuritish tartibi toʻgʻrisida yoʻriqnomani tasdiqlash haqida”gi buyrugʻi (roʻyxat raqami 1686, 2007-yil 4-iyun) (Oʻzbekiston Respublikasi qonun hujjatlari toʻplami, 2007-y., 23-son, 244-modda) oʻz kuchini yoʻqotgan deb topilsin.

2. Mazkur qaror rasmiy eʼlon qilingan kundan eʼtiboran kuchga kiradi.