Oʻzbekiston Respublikasi Hukumati bir tomon boʻlib va Ozarboyjon Respublikasi Hukumati ikkinchi tomon boʻlib, keyingi oʻrinlarda “Tomonlar” deb ataladi, mazkur Bitimni quyidagilar toʻgʻrisida tuzdilar.

Tomonlar ikki davlat hududida, aynan Oʻzbekiston Respublikasi va Ozarboyjon Respublikasi hududida aloqa korxonalari va boʻlimlari tarmoqlari orqali faqat ish haqi, pensiyalar , alimentlar boʻyicha pul joʻnatmalarini cheklanmagan summada pochta orqali joʻnatishni tashkil qilishga va oʻtkazishga qaror qildilar.

Boshqa joʻnatmalar summasi davlatlar valyutasi mavjudligi bilan tartibga solinadi.

Pochta joʻnatmalari Tomonlarning milliy valyutalarida Tomonlarning Markaziy va Milliy banklari tomonidan belgilangan kross-kurs boʻyicha qabul qilinadi va toʻlanadi. Mazkur Bitimning 1-moddasida nazarda tutilgan operatsiyalar Oʻzbekiston Respublikasi Vakolatli bankining Ozarboyjon Respublikasining vakil qilingan bankida Ozarboyjon Respublikasining milliy valyutasida ochiladigan korrespondentlik schyoti orqali amalga oshiriladi.

Tomonlardan har biri pul joʻnatmalari yuborilishi, shuningdek joʻnatmalarni qabul qilishda yoki toʻlashda oʻz davlati mijozlariga koʻrsatiladigan qoʻshimcha xizmatlar uchun oʻz tariflarini belgilaydilar.

Joʻnatmalarga ishlov berish va ularni davlatlar oʻrtasida ayirboshlash uchun har bir Tomon pul joʻnatmalariga ishlov berish boʻyicha markazlashtirilgan “Punkt” tashkil etadi.

Tomonlar oʻrtasida pochta orqali pul joʻnatmalari tegishli summa oldindan oʻtkazilgan holda faqat koʻrsatib oʻtilgan “Punktlar” orqali joʻnatiladi.

Pochta joʻnatmasini toʻlash muddati pochta orqali joʻnatilgan pul Tomonlar aloqa korxonasiga kelib tushgan kundan boshlab bir oydan oshmasligi kerak.

Ayrim hollarda oluvchining arizasiga koʻra pochta joʻnatmasini toʻlash muddati ikki oygacha uzaytirilishi mumkin.

Pochta joʻnatmasi Butun jahon pochta Ittifoqining pochta joʻnatmalari toʻgʻrisidagi Bitimining ijroiya reglamentining IR 608-moddasida koʻrsatilgan sabablarga koʻra nazarda tutilgan muddat davomida toʻlanmasa, u ilgari oʻtkazilgan pul summalari tegishlicha qaytarilgan hamda pochta joʻnatmasining har bir blankida qaytarish sabablari albatta koʻrsatilgan holda pulni joʻnatgan aloqa Maʼmuriyatiga qaytariladi.

Zarurat boʻlganda Tomonlar qabul qilingan qaror toʻgʻrisida ikkinchi Tomonni yozma ravishda oldindan xabardor qilgan holda chiqib ketuvchi pochta orqali pul joʻnatmalarini ham miqdoriga koʻra, ham summasiga koʻra bir tomonlama cheklashga haqli boʻladilar.

Mazkur Bitim shartlari Tomonlardan biri tomonidan bajarilmagan taqdirda ikkinchi Tomon bu haqda maʼlum qiladi hamda 30 kun davomida javob olmagan taqdirida pochta joʻnatmalari ayirboshlashni bir tomonlama tartibda toʻxtatish huquqiga ega boʻladi.

Soxta joʻnatma toʻlangan taqdirda bunga yoʻl qoʻyishda aybdor boʻlgan Tomonga moddiy javobgarlik yuklatiladi.

Qabul qilish texnologiyasi yoki joʻnatmani toʻlash buzilishi munosabati bilan joʻnatma notoʻgʻri toʻlangan taqdirda aloqa korxonasi ushbu tartibni buzgan Tomon moddiy javobgar boʻladi.

Tomonlarning pochta joʻnatmalariga ishlov berishga doir xarajatlari Tomonlar tomonidan har bir joʻnatma uchun 0,3 qarz olishning maxsus huquqi tarifi boʻyicha undiriladi.

Tomonlar yangi tariflarni nazarda tutishlari va umumiy rozilikka koʻra ularni qabul qilishlari mumkin.

Bitim shartlarini oʻzgartirish va toʻldirish Tomonlarning oʻzaro roziligi bilan bajariladi.

Joʻnatma operatsiyalar boʻyicha oʻzaro hisob-kitoblar Oʻzbekiston Respublikasi Aloqa vazirligining Xalqaro hisob-kitoblar va shartnomalar markazi va Ozarboyjon Respublikasi Aloqa vazirligining Respublika hisob-kitoblar markazi tomonidan amalga oshiriladi.

Pochta joʻnatmalari blanklarini toʻldirish va xizmat yozishmalari rus tilida olib boriladi.

Mazkur Bitim imzolangan kundan boshlab kuchga kiradi va Tomonlardan biri Bitimning amal qilishini toʻxtatish toʻgʻrisida ikkinchi Tomonni kamida bir oy oldin yozma ravishda xabardor qilguniga qadar amal qiladi.

Bitim toʻlangan pochta joʻnatmalari summalari boʻyicha oʻzaro hisob-kitoblar Tomonlar tomonidan toʻliq bajarilgandan keyin oʻz kuchini yoʻqotgan deb hisoblanadi.

1996-yil 27-mayda Baku shahrida ozarboyjon, oʻzbek va rus tillarida ikki nusxada tuzildi, barcha matnlar bir xil kuchga egadir.