Surxondaryo viloyatida “Ichimlik suvi taʼminoti va sanitariya” loyihasi boʻyicha Osiyo taraqqiyot banki (OTB) bilan tuzilgan qarz shartnomasi asosida Oʻzbekiston Respublikasi zimmasiga yuklatilgan majburiyatlarni oʻz vaqtida bajarilishini taʼminlash maqsadida Vazirlar Mahkamasi qaror qiladi:

1. Quyidagilar maʼlumot uchun qabul qilinsin: Oʻzbekiston Respublikasi Vazirlar Mahkamasining 2009-yil 20-martdagi 79-son “Osiyo taraqqiyot banki ishtirokida “Surxondaryo viloyatining suv taʼminoti va sanitariyasi” loyihasini amalga oshirish chora-tadbirlari toʻgʻrisida”gi qaroriga muvofiq:

Osiyo taraqqiyot banki (OTB)dan 19,36 million maxsus qarz huquqlari (SDR) miqdorida qarz jalb qilingan, uning qaytarish muddati 32 yilni tashkil etadi, shu jumladan 8 yillik imtiyozli davrni oʻz ichiga oladi;

2009-yildan 2014-yil I choragigacha boʻlgan investitsiya davrida qarz boʻyicha foiz toʻlovlari qarz mablagʻlari hisobidan amalga oshirilgan;

investitsiya davridan keyingi (2014-yil II choragidan boshlab) qarz va foizlarni toʻlash bilan bogʻliq xarajatlar “Suvoqova” ishlab chiqarish birlashmasi (Surxondaryo viloyati) mablagʻlari hisobidan, yetishmayotgan qismi esa Respublika budjeti hisobidan qoplanishi belgilangan;

“Surxondaryo viloyatida ichimlik suvi taʼminoti va sanitariya” loyihasining texnik-iqtisodiy asosnomasida (keyingi oʻrinlarda — loyiha) OTB qarzining asosiy qarz va foiz toʻlovlari boʻyicha xarajatlarni Oʻzbekiston Respublikasi budjeti va “Suvoqova” ishlab chiqarish birlashmasi mablagʻlari hisobiga qoplash ulushlari aniqlab berilgan.

2. Oʻzbekiston Respublikasi Moliya vazirligi loyihaning tasdiqlangan texnik-iqtisodiy asoslari ilovaga* muvofiq “Suvoqova” ishlab chiqarish birlashmasi mablagʻlariga qoʻshimcha tarzda Oʻzbekiston Respublikasi Respublika budjeti hisobidan OTB qarzini xizmat qilish uchun zarur mablagʻlarni ajratishni taʼminlasin.

3. Quyidagilar Oʻzbekiston Respublikasi “Oʻzkommunxizmat” agentligi, Surxondaryo viloyati hokimligi, “Suvoqova” ishlab chiqarish birlashmasi zimmasiga javobgarlik yuklansin:

Ular loyihaning texnik-iqtisodiy asosnomasida nazarda tutilgan parametrlarga rioya etilishini;

Surxondaryo viloyati “Suvoqova” ishlab chiqarish birlashmasi faoliyati samaradorligini oshirish, jumladan, isteʼmolchilarni toʻliq inventarizatsiya qilish, roʻyxatga olinmagan suv isteʼmolchilarini aniqlash, avtomatlashtirilgan billing tizimini joriy etgan holda abonentlar hisobini zarur darajada tashkil etish, suv yoʻqotilishini kamaytirish, toʻlovlarni yigʻish darajasini oshirish, debitor qarzlarni undirish va kreditor qarzlarni kamaytirish, shuningdek, ishlab chiqarish va moliyaviy hisob-kitobni yoʻlga qoʻyish choralarini koʻrish taʼminlansin hamda qoʻllanilayotgan chora-tadbirlarning samaradorligi toʻgʻrisida Oʻzbekiston Respublikasi Vazirlar Mahkamasiga har yili 1-aprel va 1-oktabrga qadar hisobot taqdim etilsin.

Shuningdek, OTB qarzini va unga hisoblangan foizlarni belgilangan toʻlov jadvali asosida oʻz vaqtida toʻlanishini taʼminlasinlar.

4. Ushbu qaror ijrosi yuzasidan nazorat Oʻzbekiston Respublikasi Bosh vaziri oʻrinbosari B.I. Zakirov zimmasiga yuklatilsin.