Quyida “Ahdlashuvchi Tomonlar” deb yuritiluvchi, Oʻzbekiston Respublikasi Hukumati va Indoneziya Respublikasi Hukumati,

har ikki mamlakat va ularning xalqlari oʻrtasidagi mavjud doʻstona aloqalarni yodda tutgan holda,

har ikkala tomonning uzoq muddat asosidagi oʻzaro manfaatlari uchun yanada mustahkam iqtisodiy hamkorlikka xizmat qilishga intilgan holda,

suveren tenglik va oʻzaro manfaatdorlik asosida bir Ahdlashuvchi Tomon investorlarining investitsiyalari uchun qulay sharoit yaratishni koʻzlagan holda, va

bu investitsiyalarni ragʻbatlantirish va himoyalash toʻgʻrisidagi Bitim har ikkala mamlakatda investitsion faoliyatni taqdirlashga olib kelishini eʼtirof etgan holda,

quyidagilar haqida ahdlashib oldilar:

Mazkur Bitim maqsadlari uchun:

1. “Investitsiyalar” atamasi birinchi Ahdlashuvchi Tomon investorlarining boshqa Ahdlashuvchi Tomon hududida uning qonunlari va qoidalariga muvofiq investitsiyalagan barcha koʻrinishdagi mulklarini, shu jumladan quyidagilarni, ammo nafaqat ularni anglatadi:

a. mol-mulk va koʻchmas mulk, shuningdek ipoteka, imtiyozlar, kafolatlar kabi boshqa huquqlar hamda shu singari oʻzga huquqlar;

b. aksiyalar, obligatsiyalardan yoki boshqa Ahdlashuvchi Tomon hududidagi kompaniyalar yoki qoʻshma korxonalardagi ishtirokli ulushning har qanday boshqa shakllaridan kelib chiquvchi huquqlar;

c. pul talabnomalari yoki moliyaviy qiymatga ega boʻlgan har qanday harakat-tadbirlar;

d. intellektual mulk huquqlari, texnik jarayonlar, gudvil va “nou-xau”.

e. investitsiyalarga aloqador boʻlgan, qonun boʻyicha yoki kontraktga binoan beriladigan ishchan konsessiyalar, shu jumladan foydali qazilmalarni tadqiqot qilish yoki ulardan foydalanish uchun konsessiyalar.

2. “Fuqarolar” atamasi istalgan Ahdlashuvchi Tomonlarga nisbatan quyidagilarni anglatadi:

i) ana shu Ahdlashuvchi Tomonning fuqaroligiga ega boʻlgan jismoniy shaxslar;

ii) ana shu Ahdlashuvchi Tomonning qonunchiligiga muvofiq tashkil etilgan yuridik shaxslar.

3. “Investor” atamasi bir Ahdlashuvchi Tomon hududida investitsiyalar kiritgan boshqa Ahdlashuvchi Tomonning jismoniy shaxsini anglatadi.

4. “Kechiktirishsiz” atamasi odatda xalqaro moliya amaliyotida zarur boʻlgan shunday davr mobaynida pul oʻtkazishni bildiradi.

5. “Hudud” atamasi quyidagilarni anglatadi:

a. Oʻzbekiston Respublikasiga nisbatan:

Oʻzbekiston Respublikasi qonunchiligida belgilanganidek uning hududini.

b. Indoneziya Respublikasiga nisbatan:

Indoneziya Respublikasi qonunchiligida belgilanganidek uning hududini.

1. Har bir Ahdlashuvchi Tomon boshqa Ahdlashuvchi Tomon investorlari uchun oʻz hududida qulay sharoitlar yaratadi hamda oʻzining qonunlari va qoidalariga muvofiq bunday sarmoyalarga ruxsat beradi.

2. Har bir Ahdlashuvchi Tomon investorlarining investitsiyalari uchun boshqa Ahdlashuvchi Tomon hududida istalgan vaqtda adolatli va teng huquqli rejim, shuningdek tegishli himoya va xavfsizlik yaratiladi.

1. Har bir Ahdlashuvchi Tomon boshqa Ahdlashuvchi Tomon investorining investitsiyalarini adolatli va teng huquqli rejim bilan taʼminlaydi va ana shu investorlar tomonidan investitsiyalarni amalga oshirish, boshqarish, foydalanish va tasarruf etish borasida asossiz yoki diskriminatsion choralar bilan ziyon yetkazmaydi. Har bir Ahdlashuvchi Tomon bunday investitsiyalar uchun zaruriy jismoniy muhofaza va xavfsizlik yaratadi.

2. Xususan, har bir Ahdlashuvchi Tomon bunday investitsiyalarga har qanday uchinchi davlat investorining investitsiyalari uchun yaratilganidan kam boʻlmagan qulay rejim yaratadi.

3. Agar Ahdlashuvchi Tomon bojxona, iqtisodiy va valyuta uyushmalari va shu singari boshqa institutlarni tashkil etuvchi bitimlarga asoslangan holda yoki shunday uyushmalarni tashkil etishga olib boruvchi oraliq bitimlar asosida istalgan uchinchi davlat investorlariga alohida imtiyozlar bergan boʻlsa, ana shu Ahdlashuvchi Tomon boshqa Ahdlashuvchi Tomon investorlariga bunday imtiyozlarni berishi shart emas.

Hech qaysi Ahdlashuvchi Tomon, quyidagi sharoitlarda qabul qilingan choralardan tashqari, boshqa Ahdlashuvchi Tomon investorlarining investitsiyalariga nisbatan ekspropriatsiya va natsionalizatsiya qilish boʻyicha yoki mohiyati ekspropriatsiya va natsionalizatsiya qilishga oʻxshash yoʻl bilan mulkka egalik huquqidan mahrum qilish boʻyicha biror-bir chora qoʻllamaydi:

a) qonuniy yoki jamoat maqsadlarida qonuniy tartibda qabul qilingan choralar;

d) diskriminatsion boʻlmagan choralar;

s) choralar tezda, aynan bir xil va foydali kompensatsiya toʻlovlari bilan birgalikda amalga oshiriladi. Bunday kompensatsiya adolatli bozor qiymatiga teng boʻlishi va bu choralar jamiyatga maʼlum boʻlgunga qadar kechiktirilmasdan toʻlanishi lozim. Bu bozor qiymati xalqaro eʼtirof etilgan amaliyot va uslublarga muvofiq belgilanishi yoki bunday bozor qiymati belgilanmagan holda, u Ahdlashuvchi Tomonlar bu xususda kelishgan maqbul summani tashkil etishi, Ahdlashuvchi Tomon davlatidan erkin muomaladagi valyutada erkin tarzda oʻtkazilishi lozim. Kompensatsiya, ekspropriatsiya sanasidan maqbul tijorat kursi boʻyicha toʻlovlar sanasigacha boʻlgan foizlarni oʻz ichiga olgan boʻlishi lozim.

1. Ahdlashuvchi Tomonlardan birining hududidagi urush, yoki boshqa qurolli toʻqnashuv, inqilob, favqulodda holat, qoʻzgʻolon yoki isyon oqibatida investitsiyalari zarar koʻrgan boshqa Ahdlashuvchi Tomon investorlari uchun, birinchi Ahdlashuvchi Tomon, yetkazilgan zararlar evaziga restitutsiya, tovon toʻlovi, kompensatsiya yoki boshqa tovon toʻlovlarini nazarda tutuvchi rejim yaratadi.

2. Manfaatdor investor uchun qaysi biri yanada qulayroq ekanligiga bogʻliq ravishda, rejim, birinchi Ahdlashuvchi Tomon oʻz investorlari yoki istalgan uchinchi davlat investorlariga yaratgan qulay rejimdan kam boʻlmasligi lozim.

1. Istalgan Ahdlashuvchi Tomon oʻz qonunchiligiga muvofiq boshqa Ahdlashuvchi Tomon investorlarining investitsiyalariga nisbatan quyidagi pul oʻtkazishlarning kechiktirmasdan amalga oshirilishini taʼminlaydi:

a. daromadlar, foizlar, dividendlar va boshqa joriy daromadlar;

b. zaruriy fondlar;

(i) xomashyo yoki yordamchi materiallar, yarim tayyor yoki tayyor mahsulotlarni sotib olish uchun, yoxud

(ii) investitsiyalashning uzluksizligini kafolatlash maqsadida mulkni almashtirish uchun;

c. investitsiyalarni rivojlantirish uchun zarur boʻlgan qoʻshimcha fondlar;

d. zayomlarni toʻlash uchun fondlar;

e. royalti va boshqa toʻlovlar;

f. jismoniy shaxslarning ish haqlari;

g. investitsiyalarni sotish yoki toʻxtatishdan kelgan daromadlar;

h. zarar uchun kompensatsiya;

i. ekspropriatsiya uchun kompensatsiya.

2. Bunday pul oʻtkazish ular amalga oshirilayotgan kunda mavjud boʻlgan, oʻtkazilayotgan valyutadagi joriy bitishuvga nisbatan ustun almashtirish kursi boʻyicha amalga oshiriladi.

Agar Ahdlashuvchi Tomonlardan birining investorlari investitsiyalari qonunda belgilangan tizimga muvofiq notijorat tavakkalchiligidan sugʻurtalangan boʻlsa, bunday sugʻurta shartlariga muvofiq, sugʻurtachi yoki ikkinchi sugʻurtachi investor amalga oshirishga haqli boʻlganlardan tashqari boshqa har qanday huquqlarni amalga oshirish huquqiga ega emasligi sharti bilan, boshqa Ahdlashuvchi Tomon, sugʻurtachi yoki ikkinchi sugʻurtachining biror-bir subrogatsiyasi ana shu investorlarning huquqlariga oʻtishini tan oladi.

1. Ahdlashuvchi Tomon va boshqa Ahdlashuvchi Tomon investori oʻrtasidagi birinchi Ahdlashuvchi Tomon hududidagi boshqa Ahdlashuvchi Tomonning investitsiyalariga oid har qanday nizo konsultatsiyalar va muzokaralar vositasida tinchlik yoʻli bilan hal etiladi.

2. Agar bunday nizo, istalgan tomonning nizoni tinchlik yoʻli bilan hal etish toʻgʻrisidagi iltimosi yozma ravishda maʼlum qilingan kundan boshlab olti oy mobaynida hal etilmasa, manfaatdor investorning iltimosiga binoan, u, koʻrib chiqish uchun manfaatdor Ahdlashuvchi Tomon taʼminlaydigan sudga, yoxud xalqaro arbitraj yoki yarashtirish tartibotlariga koʻrib chiqish uchun topshirilishi lozim.

3. Har bir Ahdlashuvchi Tomon, ushbu bilan ana shu Ahdlashuvchi Tomon va boshqa Ahdlashuvchi Tomon investori oʻrtasida ana shu investorning birinchi Ahdlashuvchi Tomon hududidagi investitsiyalari borasida yuzaga keladigan har qanday nizo 1965-yil 18-martda Vashingtonda ochilgan Davlatlar va boshqa davlatlar fuqarolari oʻrtasidagi investitsion nizolarni tartibga soluvchi Konvensiyaga muvofiq yarashtirish yoʻli bilan hal etish yoki sudda koʻrib chiqish uchun Investitsion nizolarni hal etuvchi Xalqaro markazga topshirishga rozilik beradi.

1. Ahdlashuvchi Tomonlar oʻrtasidagi mazkur Bitimni talqin qilish va qoʻllashga taalluqli boʻlgan nizolar imkon qadar diplomatik vositalar orqali hal etilishi lozim.

2. Agar Ahdlashuvchi Tomonlar nizo toʻgʻrisida yozma tarzda xabarnoma yuborilgan kundan boshlab olti oy mobaynida murosaga kelaolmasalar, Ahdlashuvchi Tomonlardan birining talabiga koʻra, nizo, uch aʼzodan tarkib topuvchi arbitraj sudiga topshirilishi lozim. Ahdlashuvchi Tomonlarning har biri bittadan sud aʼzosini tayinlaydi, tayinlangan sud aʼzolari esa uchinchi davlat fuqarosi boʻlgan, har ikkala Ahdlashuvchi Tomon bilan ham diplomatik munosabatda boʻluvchi Rais saylaydilar.

3. Agar Ahdlashuvchi Tomonlardan biri oʻzining sud aʼzosini tayinlamasa va Ahdlashuvchi Tomonning ikki oy muddat mobaynida ikkinchi sud aʼzosi tayinlash toʻgʻrisidagi taklifiga rozi boʻlmasa, ikkinchi Ahdlashuvchi Tomon zaruriy tayinlovni amalga oshirish xususida Xalqaro sud Prezidentiga murojaat qilishi mumkin.

4. Basharti, tayinlangan har ikkala sud aʼzosi Rais saylash xususida murosaga kelolmasa, istalgan Ahdlashuvchi Tomon zaruriy tayinlovni amalga oshirish uchun Xalqaro sud Prezidentiga murojaat qilishi mumkin.

5. Agar mazkur moddaning 3 va 4-bandlarida koʻzda tutilgan holatlarda Xalqaro sud Prezidenti qayd etilgan vazifani bajarolmasa yoki basharti, u Ahdlashuvchi Tomonlardan birining fuqarosi boʻlsa, zaruriy tayinlov uning muovini tomonidan amalga oshiriladi. Bordi-yu, u ham tegishli vazifani bajarolmasa, u holda tayinlov Ahdlashuvchi Tomonlardan hech qaysisining fuqarosi boʻlmagan, Xalqaro sudning lavozimi yuqoriroq boʻlgan aʼzosi tomonidan amalga oshiriladi.

6. Sud qonunga hurmat asosida qaror qabul qiladi. Sud qaror qabul qilishning istalgan bosqichida doʻstona tarzda kelishishni taklif etishi mumkin. Bundan avvalgi qoidalar nizoni bunday yoʻl bilan hal etishga toʻsqinlik qilmasligi lozim.

7. Sud Ahdlashuvchi Tomonlar oʻrtasidagi boshqa bitimlarni buzmagan holda oʻz tartib-qoidalarini belgilaydi. Sud qarorlari koʻpchilik ovoz bilan qabul qilinadi.

8. Har bir Ahdlashuvchi Tomon oʻzining Arbitraj tartibotlardagi ishtirokiga muvofiq oʻzining sud aʼzosi bilan bogʻliq xarajatlarini toʻlaydi. Rais bilan bogʻliq xarajatlarni va oʻzga chiqimlarni esa Ahdlashuvchi Tomonlar teng tarzda toʻlaydilar. Sud Ahdlashuvchi Tomonlardan biri uchun koʻproq xarajat belgilashi mumkin va uning qarori har bir Ahdlashuvchi Tomon uchun majburiy hisoblanadi.

9. Sudning qarorlari Ahdlashuvchi Tomonlar uchun tugal va majburiy hisoblanadi.

Mazkur Bitim chet el investitsiyalariga doir 1967-yildagi 1-sonli Qonunga va uni toʻldiruvchi yoki uning oʻrnini bosuvchi har qanday qonunga muvofiq avval ruxsatnoma berilgan Oʻzbekiston Respublikasi investorlarining Indoneziya Respublikasi hududidagi investitsiyalariga hamda investitsiyalar amalga oshirilgan sanada amalda boʻlgan investitsiyalar toʻgʻrisidagi qonunchilikka muvofiq Indoneziya Respublikasi investorlarining Oʻzbekiston Respublikasi hududidagi investitsiyalariga nisbatan qoʻllaniladi.

Agar istalgan Ahdlashuvchi Tomonning qonunchiligidagi qoidalar yoxud bugungi kunda mavjud boʻlgan yoki Ahdlashuvchi Tomonlar oʻrtasida keyinchalik mazkur Bitimga qoʻshimcha ravishda yuzaga kelgan xalqaro-huquqiy majburiyatlar boshqa Ahdlashuvchi Tomon davlati investorlarining investitsiyalari uchun ushbu Bitimga koʻra yaratilgandan koʻra qulayroq rejim yaratish toʻgʻrisidagi umumiy yoki maxsus xarakterdagi qoidalarni oʻz ichiga oladigan boʻlsa, bu qoidalar, ular qanday hajmda qulayroq boʻlsa, oʻsha hajmida mazkur Bitimga nisbatan ustun hisoblanadi.

1. Har bir Ahdlashuvchi Tomon mazkur Bitimga taalluqli boʻlgan har qanday masala boʻyicha konsultatsiyalar oʻtkazish xususidagi iltimos bilan murojaat qilishi mumkin. Boshqa Ahdlashuvchi Tomon bunday taklifga lozim darajada eʼtibor bilan qaraydi va shunday konsultatsiyalar oʻtkazish uchun imkoniyat yaratadi.

2. Zarurat tugʻilgan hollarda oʻzaro kelishuvga binoan istalgan vaqtda mazkur Bitimga qoʻshimchalar kiritilishi mumkin.

1. Ushbu Bitim Ahdlashuvchi Tomonlarning mazkur Bitimning kuchga kirishi uchun zarur boʻlgan barcha huquqiy talablar bajarilganligi toʻgʻrisidagi oxirgi xabarnomasi sanasidan soʻng uch oy muddat oʻtgach qonuniy kuchga kiradi.

2. Mazkur Bitimning 1 — 12-moddalaridagi qoidalar uning joriy muddati toʻxtatilgan sanaga qadar amalga oshirilgan investitsiyalarga nisbatan ushbu Bitim harakatdan toʻxtatilgan sanadan boshlab keyingi oʻn yillik davr mobaynida oʻz kuchini saqlab qoladi.

Ushbuni tasdiqlagan holda, oʻz Hukumatlari tomonidan lozim tarzda vakolatli etib tayinlangan quyida imzo chekuvchilar mazkur Bitimni imzoladik.

Mazkur Bitim Jakarta shahrida 1996-yil 27-avgustda, oʻzbek, indoneziya va ingliz tillarida tuzilgan.

Barcha matnlar bir xil kuchga ega. Talqin qilishda tafovutlar yuzaga kelgan holda ingliz tilidagi matn asos hisoblanadi.