Oʻzbekiston Respublikasi Prezidentining “2014 — 2018-yillarda Oʻzbekistonda aholining reproduktiv salomatligini yanada mustahkamlash, onalar, bolalar va oʻsmirlar sogʻligʻini muhofaza qilish borasidagi davlat dasturi toʻgʻrisida” 2014-yil 1-avgustdagi PQ-2221-son qarorini bajarish yuzasidan, shuningdek ayollar, bolalar va oʻsmirlar oʻrtasida mikronutriyent yetishmovchiligining oldini olish maqsadida Vazirlar Mahkamasi qaror qiladi:

1. Vazirlar Mahkamasining “Respublikaning qishloq tumanlarida onalar va bolalarning reproduktiv salomatligini mustahkamlashga doir qoʻshimcha chora-tadbirlar toʻgʻrisida” 2010-yil 22-iyuldagi 156-son qaroriga (Oʻzbekiston Respublikasi QT, 2010-y., 7-son, 39-modda) ilovaga muvofiq oʻzgartirishlar kiritilsin.

2. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

1. 1-banddagi “2010 — 2015” raqamlari “2010 — 2016” raqamlari bilan almashtirilsin.

2. 2-bandning ikkinchi xatboshidagi “2010 — 2014” raqamlari “2010 — 2016” raqamlari bilan almashtirilsin.

3. 3-bandning uchinchi xatboshidagi “2011 — 2014” raqamlari “2011 — 2016” raqamlari bilan almashtirilsin.

4. 4-band quyidagi tahrirda bayon qilinsin:

“4. Oʻzbekiston Respublikasi Sogʻliqni saqlash vazirligi uchun olib kiriladigan, tarkibida, shu jumladan, foli kislotasi ham mavjud boʻlgan 1-ilovaga kiritilgan umumiy quvvatlantiruvchi polivitaminlar maxsus komplekslari 2017-yil 1-yanvargacha bojxona toʻlovlari (bojxona yigʻimlari bundan mustasno) toʻlashdan ozod qilinsin”.

5. Qarorga 1-ilovaning nomidagi “2010 — 2014” raqamlari “2010 — 2016” raqamlari bilan almashtirilsin.

6. Qarorga 2-ilovaning 5-bandidagi “2010 — 2015” raqamlari “2010 — 2016” raqamlari bilan almashtirilsin.