Oziq-ovqat sanoatining yanada barqaror rivojlanishini taʼminlash, respublika korxonalari, ijtimoiy soha muassasalari va aholisining ehtiyojlarini qondirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat bojxona qoʻmitasiga, istisno tariqasida, Oʻzbekiston Respublikasi Vazirlar Mahkamasining 2012-yil 8-iyundagi 167-son “Mamlakatimizda shakar ishlab chiqarishni kengaytirish chora-tadbirlari toʻgʻrisida”gi qaroriga muvofiq, “Angren shakar” MCHJ XK tomonidan olib kirilayotgan tovarlarni bojxona toʻlovlari boʻyicha imtiyozlarni qoʻllagan holda, eksport bojxona yuk deklaratsiyasini majburiy taqdim etmasdan bojxona rasmiylashtiruvi oʻtkazishga ruxsat berilsin.

2. Ushbu qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.