Ichimlik suv ta’minoti va kanalizatsiya tizimini takomillashtirish loyihalarini amalga oshirish uchun Hukumat tomonidan yoki O‘zbekiston Respublikasi kafolati ostida jalb etilgan xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘larini qaytarish va ularga xizmat ko‘rsatish bo‘yicha suv ta’minoti (kanalizatsiya) korxonalari majburiyatlarining o‘z vaqtida bajarilishini ta’minlash maqsadida Vazirlar Mahkamasi qaror qiladi:
1. O‘zbekiston “O‘zkommunxizmat” agentligining bosh direktoriga, Qoraqalpog‘iston Respublikasi Vazirlar Kengashi Raisiga, viloyatlar va Toshkent shahar hokimlariga ichimlik suv ta’minoti va kanalizatsiya bo‘yicha amalga oshirilgan va amalga oshirilayotgan investitsiya loyihalari doirasida qarz va kredit mablag‘larini qaytarish ishlarining samarasiz tashkil etilganligi ko‘rsatib o‘tilsin.
2. Ichimlik suv ta’minoti va kanalizatsiya tizimini takomillashtirish loyihalarini amalga oshirish uchun xalqaro moliyaviy iqtisodiy institutlar va xorijiy hukumat moliya tashkilotlari tomonidan berilayotgan qarz va kredit mablag‘larini jamlash, qaytarish va ularga xizmat ko‘rsatish tartibi to‘g‘risidagi nizom ilovaga muvofiq tasdiqlansin.
3. Qarz va kredit mablag‘laridan maqsadli va samarali foydalanish uchun mas’ul bo‘lgan ijro etuvchi agentliklar, mahalliy davlat hokimiyati organlari va suv ta’minoti (kanalizatsiya) korxonalari ichimlik suv ta’minoti va kanalizatsiya tizimini takomillashtirish loyihalari amalga oshirilishi, xalqaro moliyaviy va iqtisodiy institutlar hamda xorijiy hukumat moliya tashkilotlari qarz mablag‘larining o‘z vaqtida qaytarilishi va ularga xizmat ko‘rsatilishi yuzasidan nazoratni amalga oshirsinlar.
Oldingi tahrirga qarang.
a) O‘zbekiston Respublikasi Uy-joy-kommunal xizmat ko‘rsatish vaziriga, “O‘zsuvta’minot” AJ boshqaruv raisiga, tegishliligi bo‘yicha Qoraqalpog‘iston Respublikasi Vazirlar Kengashi Raisiga, viloyatlar va Toshkent shahar hokimlariga:
(4-band “a” kichik bandining birinchi xatboshisi O‘zbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik ma’lumotlari milliy bazasi, 29.12.2021-y., 09/21/786/1216-son)
suv ta’minoti va kanalizatsiya xizmatlariga tariflar loyihalarini deklaratsiya qilish uchun, shuningdek xalqaro moliyaviy va iqtisodiy institutlar hamda xorijiy hukumat moliya tashkilotlarining qarz va kredit mablag‘larini jalb etgan holda amalga oshirilayotgan ichimlik suv va kanalizatsiya tizimini takomillashtirish bo‘yicha investitsiya loyihalarining tasdiqlangan texnik-iqtisodiy asoslanishida nazarda tutilgan parametrlarga erishishni hisobga olgan holda ularga asoslovchi va hisob-kitob materiallarining narxni tartibga solish organiga o‘z vaqtida taqdim etilishi;
xalqaro moliyaviy va iqtisodiy institutlar hamda xorijiy hukumat moliya tashkilotlarining qarz va kredit mablag‘larini qaytarish uchun zarur moliyaviy resurslarning belgilangan muddatlarda o‘z vaqtida jamlanishi;
suv ta’minoti (kanalizatsiya) korxonalarini, shu jumladan abonentlarni hisobga olishni oqilona tashkil etish, sotilgan suv hajmlari va berilgan suv uchun belgilangan tartibda mablag‘larni to‘plash hisobiga moliyaviy sog‘lomlashtirish bo‘yicha kompleks chora-tadbirlarni har yili ishlab chiqish va bajarish yo‘li bilan ular faoliyati samaradorligini oshirish bo‘yicha tegishli chora-tadbirlar amalga oshirilishi;
2014-yil oxirigacha iste’molchilarni va sotilgan suv hajmlarini avtomatlashtirilgan tarzda hisobga olishni ta’minlaydigan billing tizimini joriy etish yuzasidan shaxsiy javobgarlik yuklansin;
O‘zbekiston Respublikasi Hukumati bilan xalqaro moliyaviy va iqtisodiy institutlar hamda xorijiy hukumat moliya tashkilotlari o‘rtasida suv ta’minoti va kanalizatsiya loyihalarini moliyalashtirish Bitimlari shartlari va muddatlariga rioya qilinishi yuzasidan nazoratni ta’minlash;
xalqaro moliyaviy va iqtisodiy institutlar hamda xorijiy hukumat moliya tashkilotlarining jalb qilingan qarz va kredit mablag‘lari suv ta’minoti (kanalizatsiya) korxonalari tomonidan o‘z vaqtida qaytarilishi va to‘lanishi bo‘yicha puxta tahlilning tizimli asosda o‘tkazilishini ta’minlash yuklansin.
Amalga oshirilgan ishlarning natijalari bo‘yicha yilning har choragida O‘zbekiston Respublikasi Vazirlar Mahkamasiga axborot kiritilsin.
Oldingi tahrirga qarang.
5. Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal xo‘jaligi masalalari kotibiyati taqdim etilgan materiallarni puxta tahlil qilish asosida yilning har choragida Vazirlar Mahkamasining Makroiqtisodiy tahlil, tarkibiy o‘zgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qo‘llab-quvvatlash va kambag‘allikni qisqartirish masalalari kotibiyatiga jalb etilgan qarz va kredit mablag‘larini qaytarish va to‘lash yuzasidan ko‘rilayotgan chora-tadbirlar to‘g‘risidagi axborotni keyinchalik O‘zbekiston Respublikasining Bosh vaziriga axborot berish uchun kiritsin.
(5-band O‘zbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari ma’lumotlari milliy bazasi, 27.06.2020-y., 09/20/411/1000-son)
6. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.
1. Ushbu Nizom ichimlik suv ta’minoti va kanalizatsiya tizimini takomillashtirish loyihalarini amalga oshirish uchun O‘zbekiston Respublikasi Hukumati tomonidan yoki O‘zbekiston Respublikasining kafolati ostida jalb etilgan xalqaro moliyaviy va iqtisodiy institutlar hamda xorijiy hukumat moliya tashkilotlarining qarz va kredit mablag‘larini (keyingi o‘rinlarda qarz mablag‘lari deb ataladi) o‘z vaqtida qaytarish va ularga xizmat ko‘rsatishni (keyingi o‘rinlarda qaytarish deb ataladi) ta’minlash maqsadida suv ta’minoti (kanalizatsiya) korxonalari tomonidan mablag‘larni jamlash tartibini belgilaydi.
Ushbu Nizomning amal qilishi Hukumat tomonidan yoki O‘zbekiston Respublikasining kafolati ostida jalb etilgan xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘lari hisobiga amalga oshiriladigan ichimlik suv ta’minoti va kanalizatsiya tizimini takomillashtirish bo‘yicha amaldagi va yangidan jalb etilayotgan loyihalarga (keyingi o‘rinlarda loyihalar deb ataladi) tatbiq etiladi.
Ushbu Nizomning amal qilishi Germaniya moliya institutlarining tijorat va notijorat kreditlari bo‘yicha qarz mablag‘lariga xizmat ko‘rsatishga va ularni qaytarishga tatbiq etilmaydi.
Oldingi tahrirga qarang.
2. O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlariga muvofiq loyihalarni amalga oshirish uchun xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘laridan maqsadli va samarali foydalanish, shuningdek loyihalar bo‘yicha tugallangan obyektlarni foydalanuvchi tashkilotlar bilan birgalikda qabul qilish uchun mas’ul ijro etuvchi organlar (O‘zbekiston Respublikasi Uy-joy-kommunal xizmat ko‘rsatish vazirligi, “O‘zsuvta’minot” AJ, mahalliy davlat hokimiyati organlari va boshqa tashkilotlar) belgilanadi.
(2-band O‘zbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik ma’lumotlari milliy bazasi, 29.12.2021-y., 09/21/786/1216-son)
Oldingi tahrirga qarang.
3. Qarz mablag‘larini qaytarish bo‘yicha majburiyatlarni bajarishga zarur pul mablag‘larini jamlash maqsadida ijro etuvchi agentliklar, shuningdek ichimlik suv ta’minoti (kanalizatsiya) korxonalari yoki ularning yuqori tashkilotlari xizmat ko‘rsatuvchi banklarda hisobvarag‘ini ochadilar.
(3-band O‘zbekiston Respublikasi Vazirlar Mahkamasining 2022-yil 21-dekabrdagi 717-sonli qarori tahririda — Qonunchilik ma’lumotlari milliy bazasi, 23.12.2022-y., 09/22/717/1112-son)
4. Xo‘jalik yurituvchi subyektlarga qo‘yilgan talablarni qondirish uchun pul mablag‘lari yetarli bo‘lmaganda ularning bank hisob raqamlaridan pul mablag‘larini hisobdan chiqarish to‘g‘risidagi qonunchilik ijro etuvchi agentliklar, suv ta’minoti (kanalizatsiya) korxonalari yoki ularning yuqori tashkilotlarining jamg‘ariladigan hisob raqamiga tatbiq etilmaydi.
Xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘lari suv ta’minoti (kanalizatsiya) korxonalari tomonidan o‘z vaqtida qaytarilmagan taqdirda O‘zbekiston Respublikasi Moliya vazirligi jamg‘ariladigan hisob raqamidan zarur mablag‘larni kreditni qaytarish hisobiga akseptsiz tartibda undirish huquqiga ega.
Oldingi tahrirga qarang.
5. Suv ta’minoti (kanalizatsiya) korxonalari har kuni oldingi ish kuni uchun suv ta’minoti (kanalizatsiya) bo‘yicha ko‘rsatilgan xizmatlar uchun ularning asosiy talab qilib olinadigan depozit hisobvaraqlariga tushgan umumiy summadan foizlarda mablag‘larni (o‘zining yoki yuqori tashkiloti) hisobvarag‘iga o‘tkazadilar. Hisobvarag‘idagi maqsadli mablag‘lar qarz mablag‘lari to‘liq qaytarilishi paytigacha jamlanadi.
(5-band O‘zbekiston Respublikasi Vazirlar Mahkamasining 2022-yil 21-dekabrdagi 717-sonli qarori tahririda — Qonunchilik ma’lumotlari milliy bazasi, 23.12.2022-y., 09/22/717/1112-son)
Oldingi tahrirga qarang.
6. Hisob raqamiga o‘tkazilishi kerak bo‘lgan mablag‘larning foizli ulushi Qoraqalpog‘iston Respublikasi Moliya vazirligi, viloyatlar va Toshkent shahar hokimliklarining moliya boshqarmalari bilan kelishilgan holda, har yili dekabr oyida keyingi yil uchun suv ta’minoti (kanalizatsiya) korxonalarining qarz mablag‘larini qaytarish jadvali asosida aniqlanadi va tasdiqlanadi.
Hisob raqamiga o‘tkazilishi kerak bo‘lgan mablag‘larning tasdiqlangan foizli ulushi to‘g‘risidagi ma’lumot suv ta’minoti (kanalizatsiya) korxonalari tomonidan hisob raqami ochilgan xizmat ko‘rsatuvchi bankka yuboriladi.
(6-band O‘zbekiston Respublikasi Vazirlar Mahkamasining 2022-yil 21-dekabrdagi 717-sonli qarori tahririda — Qonunchilik ma’lumotlari milliy bazasi, 23.12.2022-y., 09/22/717/1112-son)
7. O‘tkazilishi kerak bo‘lgan foizli ulushni qayta hisoblab chiqish suv ta’minoti (kanalizatsiya) xizmatlari uchun tariflar o‘zgarganda amalga oshiriladi.
8. Xalqaro moliyaviy va iqtisodiy institutlar hamda xorijiy hukumat moliya tashkilotlaridan to‘lov talablari (invoys) tushishiga ko‘ra O‘zbekiston Respublikasi Moliya vazirligi tegishli ijro etuvchi agentliklarga va suv ta’minoti (kanalizatsiya) korxonalariga, to‘lanishi kerak bo‘lgan summaning hisob-kitobi bilan birgalikda, yozma bildirishnoma yuboradi.
Biror-bir sabablarga ko‘ra ijro etuvchi agentliklar va suv ta’minoti (kanalizatsiya) korxonalari tomonidan bunday bildirishnomaning olinmay qolishi ularni qarz mablag‘larini qaytarish bo‘yicha to‘lov majburiyatlaridan ozod etmaydi.
9. Suv ta’minoti (kanalizatsiya) korxonalari xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘larini qayta kreditlash to‘g‘risidagi bitim shartlariga bog‘liq ravishda milliy valyutadagi mablag‘larni jamg‘ariladigan hisob raqamidan ijro etuvchi agentliklarga yoki O‘zbekiston Respublikasi Moliya vazirligiga o‘tkazish yo‘li bilan qaytariladigan summaga teng miqdorlarda va qarz mablag‘larini qaytarish jadvalida belgilangan muddatlarda qaytaradi.
10. Ijro etuvchi agentliklar yoki suv ta’minoti (kanalizatsiya) korxonalari milliy valyutadagi mablag‘larni qarz mablag‘larini qaytarish jadvali va O‘zbekiston Respublikasi Moliya vazirligi tomonidan yuboriladigan bildirishnoma asosida O‘zbekiston Respublikasi Moliya vazirligining maxsus hisob raqamiga o‘tkazadilar.
11. O‘zbekiston Respublikasi Moliya vazirligi xalqaro moliyaviy va iqtisodiy institutlar hamda xorijiy hukumat moliya tashkilotlarining qarz mablag‘larini qaytarish bo‘yicha sarf-xarajatlarni qisman qoplash uchun ajratiladigan budjet mablag‘larini O‘zbekiston Respublikasi Moliya vazirligining maxsus hisob raqamiga o‘tkazish chora-tadbirlarini ko‘radi.
12. O‘zbekiston Respublikasi Moliya vazirligi milliy valyutada jamlangan mablag‘lar hisobiga banklararo savdo sessiyalarida xorijiy valyutadagi mablag‘larni belgilangan tartibda sotib oladi, keyinchalik ushbu mablag‘larni tegishli qarz bitimi bo‘yicha O‘zbekiston Respublikasining tashqi majburiyatlarini qaytarishga yo‘naltiradi.
13. Qarz mablag‘lari to‘liq qaytarilgandan keyin jamg‘ariladigan hisob raqamida qolgan maqsadli mablag‘lar suv ta’minoti (kanalizatsiya) korxonalarining asosiy talab qilib olinadigan depozit hisob raqamlariga o‘tkaziladi va ulardan umumiy belgilangan tartibda foydalaniladi.
14. Suv ta’minoti (kanalizatsiya) korxonalari tomonidan mablag‘larni jamlash va xalqaro moliyaviy va iqtisodiy institutlar (xorijiy hukumat moliya tashkilotlari)ning qarz mablag‘larini qaytarish sxemasi ushbu Nizomga ilovada keltirilgan.
15. Ijro etuvchi agentliklar, mahalliy davlat hokimiyati organlari va suv ta’minoti (kanalizatsiya) korxonalari:
loyihalarni samarali amalga oshirish va ularning mablag‘laridan maqsadli foydalanish hamda loyihalarni amalga oshirish uchun xalqaro moliyaviy va iqtisodiy institutlar hamda xorijiy hukumat moliya tashkilotlarining jalb etilgan qarz mablag‘larini o‘z vaqtida qaytarish;
xalqaro moliyaviy va iqtisodiy institutlar hamda xorijiy hukumat moliya tashkilotlarining qarz va kredit mablag‘larini qaytarish uchun zarur moliyaviy resurslarni belgilangan muddatlarda o‘z vaqtida jamlash;
suv ta’minoti va kanalizatsiya xizmatlari uchun tariflarning loyihalarini deklaratsiya qilishga, shuningdek ularga asoslovchi va hisob-kitob materiallari xalqaro moliyaviy va iqtisodiy institutlar hamda xorijiy hukumat moliya tashkilotlarining qarz va kredit mablag‘lari jalb etilgan holda amalga oshiriladigan ichimlik suv ta’minoti va kanalizatsiya tizimini takomillashtirish bo‘yicha investitsiya loyihalarining tasdiqlangan texnik-iqtisodiy asoslanishida nazarda tutilgan parametrlarga erishish hisobga olingan holda narxlarni boshqarish organiga o‘z vaqtida taqdim etilishi;
suv ta’minoti (kanalizatsiya) korxonalarini shu jumladan abonentlarni, sotilgan suv hajmlarini hisobga olishni va berilgan suv uchun mablag‘larni to‘plashni belgilangan tartibda oqilona tashkil etish hisobiga ularni moliyaviy sog‘lomlashtirish bo‘yicha har yili kompleks chora-tadbirlarni ishlab chiqish va bajarish yo‘li bilan ularning faoliyati samaradorligini oshirishga doir tegishli chora-tadbirlar amalga oshirilishi;
iste’molchilar va sotilgan suv hajmlarining avtomatlashtirilgan tarzda hisobga olinishini ta’minlaydigan billing tizimi joriy etilishi uchun javob beradilar.
O‘zbekiston Respublikasi Hukumati bilan xalqaro moliyaviy va iqtisodiy institutlar hamda xorijiy hukumat moliya tashkilotlari o‘rtasidagi suv ta’minoti va kanalizatsiya loyihalarini moliyalashtirish bo‘yicha Bitim shartlari va muddatlariga rioya qilinishi yuzasidan nazoratni ta’minlaydi;
xalqaro moliyaviy va iqtisodiy institutlar hamda xorijiy hukumat moliya tashkilotlarining jalb etilgan qarz va kredit mablag‘lari suv ta’minoti (kanalizatsiya) korxonalari tomonidan o‘z vaqtida qaytarilishi va to‘lanishini tizimli asosda puxta tahlil qiladi;
amalga oshirilgan ishlarning yakunlari bo‘yicha yilning har choragida O‘zbekiston Respublikasi Vazirlar Mahkamasiga axborot kiritadi.
Oldingi tahrirga qarang.
17. Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal xo‘jaligi masalalari kotibiyati taqdim etilgan materiallarni puxta tahlil qilish asosida yilning har choragida Vazirlar Mahkamasining Makroiqtisodiy tahlil, tarkibiy o‘zgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qo‘llab-quvvatlash va kambag‘allikni qisqartirish masalalari kotibiyatiga, keyinchalik O‘zbekiston Respublikasining Bosh vaziriga axborot berish uchun, jalb etilgan qarz va kredit mablag‘larini qaytarish va to‘lash yuzasidan ko‘rilayotgan chora-tadbirlar to‘g‘risida axborot kiritadi.
(17-band O‘zbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari ma’lumotlari milliy bazasi, 27.06.2020-y., 09/20/411/1000-son)
Oldingi tahrirga qarang.
18. Ushbu Nizom talablari buzilishida aybdor bo‘lgan shaxslar qonunchilikka muvofiq javobgarlikka tortiladi.
(18-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(ilova O‘zbekiston Respublikasi Vazirlar Mahkamasining 2022-yil 21-dekabrdagi 717-sonli qarori tahririda — Qonunchilik ma’lumotlari milliy bazasi, 23.12.2022-y., 09/22/717/1112-son)