O‘zbekiston Respublikasi Prezidentining
Qarori
Respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlashni ta’minlash chora-tadbirlari to‘g‘risida
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika tarmoqlari, korxonalari va muassasalarini 2006-2007-yillar kuz-qish davrida barqaror ishlashga o‘z vaqtida tayyorlashni ta’minlash maqsadida:
1. Quyidagilar:
respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlash bo‘yicha tadbirlar 1-ilovaga* muvofiq;
asosiy yoqilg‘i-energetika resurslarini va texnik tuzni hududlar bo‘yicha 2006-2007-yillar kuz-qish davri uchun tayyorlash topshirig‘i 4-ilovaga* muvofiq;
Respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlashni muvofiqlashtirish bo‘yicha Respublika komissiyasi tarkibi 5-ilovaga* muvofiq tasdiqlansin.
* 1—5-ilovalar berilmaydi.
2. Qoraqalpog‘iston Respublikasi Vazirlar Kengashi, viloyatlar Toshkent shahar hokimliklari Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining kommunal xizmat ko‘rsatish masalalariga mutasaddi o‘rinbosarlari rahbarligida huddi shunday hududiy komissiyalar tuzsinlar.
3. Respublika komissiyasi respublika iqtisodiyot tarmoqlari va ijtimoiy soha muassasalarini 2006-2007-yillar kuz-qish davriga tayyorlash va ularning barqaror ishlashini ta’minlash bo‘yicha zarur tashkiliy chora-tadbirlar kompleksini ta’minlasin.
4. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
Ushbu qarorning bajarilishi har chorakda Vazirlar Mahkamasi majlislarida ko‘rib chiqilsin.
O‘zbekiston Respublikasi Prezidenti I. KARIMOV
Toshkent sh.,
2006-yil 20-aprel,
PQ-329-son
(O‘zbekiston Respublikasi Oliy Majlisi palatalarining Axborotnomasi, 2006-y., 4-son, 207-modda)