Oʻzbekiston Respublikasi Vazirlar Mahkamasining 2013-yil 27-dekabrdagi 344-sonli “Monopoliyaga qarshi kurashni tartibga solish sohasidagi ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida”gi qarorining (Oʻzbekiston Respublikasi qonun hujjatlari toʻplami, 2014-yil, 1-son, 2-modda) 2-bandiga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi qaror qiladi:

1. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining 2012-yil 28-martdagi 6-son “Tovar bozorida xoʻjalik yurituvchi subyektlar birlashmalarini tashkil etish, xoʻjalik yurituvchi subyektlarni qoʻshib yuborish va qoʻshib olish ustidan nazorat qilish tartibi toʻgʻrisidagi nizomni tasdiqlash haqida”gi qarori (roʻyxat raqami 2351, 2012-yil 5-aprel) (Oʻzbekiston Respublikasi qonun hujjatlari toʻplami, 2012-yil, 14-son, 162-modda) oʻz kuchini yoʻqotgan deb hisoblansin.

2. Ushbu qaror rasmiy eʼlon qilingan kundan eʼtiboran kuchga kiradi.