“Oʻzbekiston havo yoʻllari” milliy aviakompaniyasining xalqaro aviatashuvlar bozoridagi faoliyatini tezkor va samarali taʼminlash uchun zarur shart-sharoitlar yaratish maqsadida Vazirlar Mahkamasi qaror qiladi:

1. “Oʻzbekiston havo yoʻllari” Milliy aviakompaniyasiga Oʻzbekiston Respublikasi Markaziy bankining ruxsati bilan chet eldagi vakolatxonalarining bank hisob raqamlariga ega boʻlishiga ruxsat berilsin.

2. “Oʻzbekiston havo yoʻllari” Milliy aviakompaniyasi vakolatxonalarining hisobraqamlari faoliyat yuritish tartibi ilovaga muvofiq tasdiqlansin.

3. Belgilansinki:

“Oʻzbekiston havo yoʻllari” milliy aviakompaniyasining valyuta mablagʻlaridan maqsadli foydalanilishi ustidan nazoratni Oʻzbekiston Respublikasi Moliya vazirligi va Tashqi iqtisodiy faoliyat milliy banki amalga oshiradi;

“Oʻzbekiston havo yoʻllari” milliy aviakompaniyasi har oyda hisobot davridan keyingi oyning 25-sanasigacha Oʻzbekiston Respublikasining Moliya vazirligi va Tashqi iqtisodiy faoliyat milliy bankiga xorijiy hisobvaraqlar boʻyicha mablagʻlar harakati va qoldiqlari toʻgʻrisidagi maʼlumotni taqdim etib boradi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S. Hamidov va L.L. Axmetovga yuklatilsin.

Shu bilan “Oʻzbekiston havo yoʻllari” Milliy aviakompaniyasining chet eldagi vakolatxonalari hisobvaraqlarining quyidagi amal qilish tartibi oʻrnatiladi. Mazkur tartib mavjud va yangi ochilayotgan hisobvaraqlarga ular ochilgan vaqtdan boshlab tatbiq etiladi.

1. Hisob-kitoblar xorijiy davlatlarning milliy valyutalarida hamda erkin ayirboshlanadigan valyutada amalga oshirilishi mumkin.

2. Vakolatxonalarning hisobvaraqlariga quyidagi mablagʻlar kiritilishi mumkin:

aviatashuvlarni sotishdan tushgan mablagʻlar;

“Oʻzbekiston havo yoʻllari” Milliy aviakompaniyasining havo kemalarini ijaraga berishdan olingan mablagʻlar;

xizmat koʻrsatuvchi banklarning foizlari;

“Oʻzbekiston havo yoʻllari” milliy aviakompaniyasi tomonidan Oʻzbekiston Respublikasi hududidagi aeroportlarda koʻrsatiladigan xizmatlar uchun xorijiy kompaniyalardan tushadigan mablagʻlar;

“Oʻzbekiston havo yoʻllari” milliy aviakompaniyasining Oʻzbekiston Respublikasi Tashqi iqtisodiy faoliyat milliy bankidagi hisob raqamidan oʻtkazilgan mablagʻlar;

“Oʻzbekiston havo yoʻllari” milliy aviakompaniyasi koʻrsatmasiga koʻra, vakolatxonaning faoliyatini moliyalashtirish uchun boshqa vakolatxonadan keladigan mablagʻlar;

Tovarlar, ishlar va xizmatlar yetkazib berilganligi uchun ilgari toʻlangan mablagʻlarni, shu jumladan sugʻurta tovonlarini, qaytarish sifatida xorijiy kompaniyalardan keladigan mablagʻlar;

ilgari toʻlangan soliqlarning qaytarilishi shaklida keladigan;

“Oʻzbekiston havo yoʻllari” MAK balansidan asosiy vositalarni (shu jumladan, havo kemalari va aviatsiya dvigatellarini) hisobdan chiqarish masalalarini koʻrib chiqish va xulosalar tayyorlash boʻyicha Idoralararo komissiyaning qaroriga muvofiq vakolatxona mol-mulkini sotishdan keladigan mablagʻlar.

“Oʻzbekiston havo yoʻllari” Milliy aviakompaniyasining chet eldagi vakolatxonalari hisob raqamlariga kelib tushgan chet el valyutasidagi mablagʻlar, qonun hujjatlarida belgilangan tartibda majburiy sotuvni hisoblash va amalga oshirish maqsadida, “Oʻzbekiston havo yoʻllari” Milliy aviakompaniyasining umumiy valyuta tushumi hajmida hisobga olinadi.

3. Vakolatxonalarning hisobvaraqlaridagi mablagʻlar quyidagilar uchun ishlatilishi mumkin:

“Oʻzbekiston havo yoʻllari” Milliy aviakompaniyasi samolyotlariga yonilgʻi quyish va maxsus suyuqliklar xarid qilish, bron qilish va SITA tizimlaridan foydalanish, samolyotlarga, yoʻlovchilarga, yuklarga, pochta va bagajga (vositachilik faoliyatidan tashqari) yerda xizmat koʻrsatish va tijorat xizmati koʻrsatish hamda “Oʻzbekiston havo yoʻllari” Milliy aviakompaniyasi samolyotlariga texnik xizmat koʻrsatish, shu jumladan ehtiyot qismlarni almashtirish, aeroportlarda “Oʻzbekiston havo yoʻllari” Milliy aviakompaniyasi havo kemalarining qismlari, agregatlari va detallarini taʼmirlash, chet davlatlar hududlari ustidan uchish, bortda ovqatlanish, ekipajlarni taʼminlash va havo kemalarini ijaraga olish bilan bogʻliq xarajatlarni qoplash uchun toʻlovlar;

“Oʻzbekiston havo yoʻllari” milliy aviakompaniyasining aviatsiya texnik mulkiga toʻlov;

Tasdiqlangan smetalar doirasida ish haqi va unga tenglashtirilgan toʻlovlarni, shu jumladan vakolatxonalar xodimlariga xizmat safari xarajatlari uchun mablagʻlarni (belgilangan meʼyorlarga muvofiq), hamda “Oʻzbekiston havo yoʻllari” milliy aviakompaniyasining tashishlarni sotish boʻyicha agentlari va yoʻlovchilari bilan hisob-kitoblarni toʻlash;

Vakolatxonaning shtatdagi xodimlariga (shu jumladan shtatdagi va mahalliy xodimlarning tibbiy sugʻurtasi boʻyicha) hamda “Oʻzbekiston havo yoʻllari” milliy aviakompaniyasining estafeta (tranzit) ekipajlariga tibbiy xarajatlarni qoplash;

“Oʻzbekiston havo yoʻllari” Milliy aviakompaniyasining xizmat safariga yuborilgan xodimlariga safar xarajatlarini, shu jumladan ularning malaka oshirish kurslarida taʼlim olishi va seminarlarda ishtirok etishi bilan bogʻliq xarajatlarni, shuningdek boshqa koʻzda tutilmagan xarajatlarni qoplash;

“Oʻzbekiston havo yoʻllari” milliy aviakompaniyasi havo kemalariga texnik xizmat koʻrsatish va ularni sugʻurtalash uchun toʻlovlar;

“Oʻzbekiston havo yoʻllari” milliy aviakompaniyasi vakolatxonalarining tasdiqlangan smetalar boʻyicha kanselyariya va xoʻjalik xarajatlarini toʻlash (shu jumladan, turar joy va noturar joy binolarini ijaraga olish va saqlash uchun toʻlovlar, vakolatxonaning shtatdagi xodimlari uchun kvartiralarni tanlash boʻyicha rieltorlik xizmatlari, inventar va jihozlarni sotib olish, ijaraga olish, ularga xizmat koʻrsatish va taʼmirlash xarajatlari, vakolatxonalar xodimlarining 18 yoshgacha boʻlgan farzandlarini vakolatxona joylashgan mamlakatdagi umumiy oʻrta taʼlim muassasasida oʻqitish xarajatlari, auditorlik, buxgalteriya va maslahat xizmatlari koʻrsatish bilan bogʻliq xarajatlar, vakolatxona joylashgan mamlakat hududida daʼvo-talabnoma ishlarini yuritish xarajatlari, transport xarajatlari, shu jumladan vakolatxona avtotransportini ijaraga olish va saqlash xarajatlari, reklama va reklama-esdalik mahsulotlarini sotib olish xarajatlari, davriy nashrlarni xarid qilish xarajatlari, aloqa xarajatlari, shu jumladan internet, pochta-telegraf xarajatlari, vakolatxonalar, vakolatxonalarning shtatdagi xodimlari va ularning oila aʼzolari faoliyatini qonuniylashtirish xarajatlari, axborot xizmatlari uchun toʻlovlar, shu jumladan maʼlumotnomalar, texnik hujjatlar, huquqiy adabiyotlar xarid qilish, vakillik xarajatlarini toʻlash, vakolatxona xodimlarining vakolatxona joylashgan mamlakat qonunchiligida koʻzda tutilgan kurslarda oʻqishi uchun xarajatlarni toʻlash, vakolatxona xodimlarini vakolatxona joylashgan mamlakat qonunchiligiga muvofiq sugʻurtalash xarajatlari);

xizmat koʻrsatuvchi banklarning vositachilik haqini toʻlash;

hukumatlararo bitimlarda qayd etilmagan soliqlar va yigʻimlarni toʻlash;

Oʻzbekiston Respublikasi Tashqi iqtisodiy faoliyat milliy bankidagi “Oʻzbekiston havo yoʻllari” Milliy aviakompaniyasi hisobvaraqlariga pul oʻtkazmalari;

“Oʻzbekiston havo yoʻllari” Milliy aviakompaniyasining kelayotgan va ketayotgan yoʻlovchilarga xizmat koʻrsatish hamda favqulodda vaziyatlarda yuklar, pochta va bagajni qayta ishlash xarajatlarini qoplash;

Vakolatxona joylashgan mamlakatdan yoʻlovchilarni deportatsiya qilish bilan bogʻliq xarajatlarni toʻlash;

“Oʻzbekiston havo yoʻllari” milliy aviakompaniyasi yoʻlovchilariga yetkazilgan zararni qoplash toʻlovlari;

“Oʻzbekiston havo yoʻllari” milliy aviakompaniyasi koʻrsatmasiga muvofiq, boshqa vakolatxona faoliyatini moliyalashtirish maqsadida uning hisob raqamiga mablagʻlarni oʻtkazish;

vakolatxonaning hisob raqamlaridagi pul mablagʻlarini konvertatsiya qilish;

“Oʻzbekiston havo yoʻllari” Milliy aviakompaniyasining uchuvchi-texnik tarkibi va aviatsiya oʻquv yurtlari talabalari uchun oʻquv xarajatlari, trenajyor tayyorgarligi boʻyicha sarflanadigan mablagʻlar;

“Oʻzbekiston havo yoʻllari” milliy aviakompaniyasining xalqaro koʻrgazmalar va yarmarkalarda ishtirok etishi bilan bogʻliq xarajatlarni qoplash;

Xalqaro tashkilotlarga, shu jumladan Oʻzbekiston Respublikasi nomidan, aʼzolik badallari, yigʻimlar va boshqa toʻlovlarni amalga oshirish;

Xalqaro vakolatli agentliklar va tashkilotlar tomonidan sertifikatlashtirish oʻtkazilishi uchun toʻlovlar, shuningdek, aviatashuvlarni taʼminlash maqsadida maʼlumotnomalar va axborot maʼlumotlar bazalarini sotib olish xarajatlari;

Oʻzbekiston Respublikasi Hukumatining koʻrsatmalariga binoan yoki Oʻzbekiston Respublikasi vazirliklari va idoralari bilan tuzilgan yozma kelishuvlarga muvofiq boshqa xarajatlarni qoplash.

4. “Oʻzbekiston havo yoʻllari” milliy aviakompaniyasining import shartnomalari boʻyicha vakolatxonalar hisob raqamlaridan toʻlovlar amalga oshirilishiga va “Oʻzbekiston havo yoʻllari” milliy aviakompaniyasining eksport shartnomalari boʻyicha valyuta tushumini ushbu hisob raqamlariga oʻtkazilishiga faqat mazkur Tartibning 2 va 3-bandlarida koʻrsatilgan operatsiyalar doirasida ruxsat beriladi.

5. “Oʻzbekiston havo yoʻllari” milliy aviakompaniyasi oy oxirida vakolatxonalarning hisob raqamlari va kassalarida xorijiy valyuta qoldiqlari limitlarini belgilaydi. Bu limitlar ushbu Tartibning 3-bandida koʻrsatilgan oʻrtacha oylik xarajatlardan kelib chiqqan holda va “Oʻzbekiston havo yoʻllari” milliy aviakompaniyasi uchun belgilangan valyuta tushumining bir qismini majburiy sotish topshirigʻini hisobga olgan holda oʻrnatiladi.

Bunda belgilangan limitlardan oshgan summalar erkin ayirboshlanadigan valyutaga konvertatsiya qilinib, keyinchalik “Oʻzbekiston havo yoʻllari” milliy aviakompaniyasining Oʻzbekiston Respublikasi Tashqi iqtisodiy faoliyat milliy bankidagi hisobvaragʻiga oʻtkaziladi.

6. “Oʻzbekiston havo yoʻllari” milliy aviakompaniyasi qonun hujjatlarida belgilangan tartibga muvofiq Oʻzbekiston Respublikasi Markaziy bankining ruxsati bilan chet elda bank hisobvaraqlarini ochish huquqiga ega.

7. “Oʻzbekiston havo yoʻllari” milliy aviakompaniyasi chet eldagi banklarda ochilgan oʻz hisob raqamlaridagi mablagʻlar harakati toʻgʻrisidagi maʼlumotni Oʻzbekiston Respublikasi Tashqi iqtisodiy faoliyat milliy bankiga qonun hujjatlarida belgilangan tartibda taqdim etadi.

8. “Oʻzbekiston havo yoʻllari” milliy aviakompaniyasi oʻz vakolatxonalarini moliyaviy-xoʻjalik faoliyatini toʻgʻri yuritish, chet el valyutasi qoldiqlari uchun belgilangan limitlarga rioya qilish, shuningdek, valyuta tushumining bir qismini majburiy sotish maqsadida mablagʻlarni Oʻzbekiston Respublikasi Tashqi iqtisodiy faoliyat milliy bankidagi kompaniya hisobraqamiga oʻz vaqtida va toʻliq oʻtkazish boʻyicha tekshiruvdan oʻtkazadi.

9. “Oʻzbekiston havo yoʻllari” milliy aviakompaniyasi har oyning 25-sanasigacha boʻlgan muddatda Oʻzbekiston Respublikasi Moliya vazirligiga va Tashqi iqtisodiy faoliyat milliy bankiga xorijiy hisobvaraqlar boʻyicha mablagʻlarning harakati va qoldiqlari toʻgʻrisidagi maʼlumotni taqdim etishi shart. Bu maʼlumot oʻtgan oyga tegishli boʻlishi kerak.

10. Chet el banklaridagi hisobvaraqlar boʻyicha vakolatxonalar tomonidan amalga oshiriladigan operatsiyalarning toʻgʻri bajarilishi uchun javobgarlik “Oʻzbekiston havo yoʻllari” milliy aviakompaniyasi zimmasiga yuklatiladi.