I. Yoʻnalish tarmogʻini maqbullashtirish va harakatlanadigan tarkibdan samarali foydalanishni taʼminlash

Yoʻlovchilar tashishni tashkil etish samaradorligini oshirish, avtobus yoʻnalishlarini yanada maqbullashtirish maqsadida Toshkent shahar jamoat transportining barcha turlarida yoʻlovchilar oqimini oʻrganib chiqishni tizimli asosda amalga oshirish, rusumi va sigʻimi boʻyicha harakat tarkibining oqilona sonini va ish rejimini aniqlash, shahar yoʻlovchi tashish yoʻnalishlarining pasportlarini tasdiqlagan holda tashuvlarni tashkil etish samaradorligini oshirish.
Avtomobilda tashuvlarni amalga oshirishga litsenziyalar berilganligi uchun toʻlanadigan davlat boji mablagʻlarining bir qismini Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamentiga hamda Oʻzbekiston avtomobil va daryo transporti agentligiga (yuk tashuvlari boʻyicha) va shaharda yoʻlovchilar tashuvlarini rivojlantirish uchun qonun hujjatlariga muvofiq foydalaniladigan mablagʻlar hisobiga kompleks tekshirishni moliyalashtirish.

Quyidagilarni nazarda tutuvchi harakatlanadigan tarkibdan foydalanishning prinsipial jihatdan yangi tizimini joriy etish:
yoʻnalishli taksilarning 4 ta yoʻnalishini bosqichma-bosqich yopish, 18 ta yoʻnalishning uzunligini qisqartirish va 15 ta yoʻnalishning harakatl�nish sxemasini oʻzgartirish yoʻli bilan liniyadagi avtobuslar va yoʻnalishli taksilar harakati yoʻnalishlarining bir-birini takrorlashini bartaraf etish;
sutkaning turli vaqtida yoʻlovchilar oqimi intensivligiga va shahar koʻchalarining oʻtkazish layoqatiga qarab bir yoʻnalishda katta va oʻrtacha sigʻimli avtobuslardan samarali foydalanish;
boʻsh qatnovlarni kamaytirish, avtobuslar va yoʻnalishli taksilar qatnov yoʻnalishlarining metropoliten stansiyalari va elektr transportining oxirgi punktlari bilan uzviy bogʻliqligini taʼminlash hisobiga yoʻnalishlarning sxemalari va uzunligini maqbullashtirish, shuningdek shaharlar va shahar atrofi yoʻnalishlarini oqilona uygʻunlashtirish;
3 ta yoʻnalishni bosqichma-bosqich yopish, yoʻlovchilar oqimi kam boʻlgan yoʻnalishlarda “Mercedes-Benz” avtobuslarini 17 ta “Isuzu” avtobuslariga almashtirish hisobiga zarar koʻruvchanligi 30 foizdan ortiq boʻlgan avtobus yoʻnalishlarida harakatlanish jadvallarini va harakatlanadigan tarkibdan foydalanishni qayta koʻrib chiqish.

Shahar atrofi yoʻnalishlarining oxirgi toʻxtash joylarini Toshkent halqa avtomobil yoʻli boʻylab joylashtirgan holda shahar va shahar atrofi yoʻnalishlari sxemalarini maqbullashtirish:
8 ta: “Baxt” (Olmaliq yoʻnalishi), “Tuzel” (Tuzel yoʻnalishi), “Agrar universitet” (Unqoʻrgʻon yoʻnalishi), “Uch qahramon” (Chimkent yoʻnalishi), “Keles” (Keles yoʻnalishi), “Beshqayragʻoch” (Nazarbek yoʻnalishi), “Erkin” (Chinoz yoʻnalishi), “Choshtepa” (Yangiyoʻl-Zangiota yoʻnalishi) yangi yoʻlovchilar avtostansiyalarini qurish;
“Qoʻyliq S-1” (Bekobod yoʻnalishi) avtostansiyasini rekonstruksiya qilish va kengaytirish;
3 ta mavjud avtostansiyadan: “TTZ” (Chirchiq yoʻnalishi), “Tibbiyot shaharchasi” (Toshkent mineral suvlar yoʻnalishi) va “Doʻstlik-2” (Yangiyoʻl yoʻnalishi)dan foydalanish;
shahar atrofiga qatnaydigan liniyadagi taksilar fuqarolarning qayta oʻtirishi uchun eng qulay joylarda toʻxtab turishi uchun maydonchalar tashkil etish.

Oxirgi yoʻnalishlarda transport vositalari kelishi va ketishi vaqtini qayd etadigan elektron terminallar, shuningdek har bir toʻxtash punktida avtobus yoʻnalishlarining ish rejimini, aniq jadvalini va harakatlanish oraliqlarini aks ettiruvchi maʼlumot beruvchi tablo oʻrnatgan holda jadvalga va harakatlanish oraliqlariga rioya qilish intizomini kuchaytirish.

Tashuvchilar tomonidan litsenziya bitimlari shartlari va talablariga, yoʻlovchilar va bagaj tashish qoidalariga rioya etilishi, shuningdek tashuvlarni ruxsat beruvchi hujjatlarsiz amalga oshirish holatlarini aniqlash yuzasidan muntazam ravishda qoʻshma reydlar oʻtkazish.

1994 —1998-yillarda sotib olingan, 100 foiz eskirgan, foydalanish muddati 15 yildan ortiq va yoʻl bosish masofasi 1,25 mln km boʻlgan “Mercedes-Benz O405” rusumli 78 ta avtobusni belgilangan tartibda hisobdan chiqarish.

Avtobus saroylari tarkibida yoʻlovchilarni yoʻnalishli taksilarda tashish boʻyicha ixtisoslashtirilgan avtokolonnalar tashkil etish, ularni malakali haydovchilar va yoʻlovchilar tashish xavfsizligi talablariga javob beradigan zamonaviy harakatlanadigan tarkib bilan butlash.

Toshkent shahar yoʻlovchi tashish transporti korxonalarida tovar-moddiy boyliklarni hisobga olishning avtomatlashtirilgan tizimini tashkil etish yoʻli bilan xarajatlarni hisobga olish va tahlil qilishni takomillashtirish.

Belgilangan tartibda tender savdolari oʻtkazish yoʻli bilan “Toshavtotaʼmirxizmat” UK orqali harakatlanadigan tarkib uchun ehtiyot qismlar va materiallarni markazlashtirilgan tartibda xarid qilish mexanizmini joriy etish yoʻli bilan shahar yoʻlovchi tashish transporti korxonalarining ishlab chiqarish xarajatlarini qisqartirish.

Yoʻlovchilar tashish xarajatlarini qisqartirish va tannarxini pasaytirish maqsadida avtobus saroylari, tramvay deposi va tegishli xizmatlarning boshqaruv xodimlari sonini maqbullashtirish.

Aholiga va tashkilotlarga, shu jumladan xususiy tashuvchilarga pulli xizmatlar koʻrsatishni kengaytirish yoʻli bilan (harakatlanadigan tarkibni saqlash uchun ishlab chiqarish binolari va hududlar ijarasi, avtotransportni qatnovdan oldin texnika koʻrigidan va haydovchilarni tibbiy koʻrikdan oʻtkazish, tantanali tadbirlarga va boshqa tadbirlarga xizmat koʻrsatish, reklama va boshqa xizmatlar) shahar jamoat transporti korxonalarining moliya-xoʻjalik faoliyati rentabelligini oshi�ish, foydani shaharda yoʻlovchilar tashishdan koʻrilgan zararlarni qisman qoplashga yoʻnaltirish.

Liniyadan pul tushumi tushishining real prognozini aniqlash maqsadida shahar yoʻlovchi tashish transportining har bir yoʻnalishi boʻyicha xronometrajni tizimli asosda oʻtkazish.

Axborot-telekommunikatsiya texnologiyalarini qoʻllagan holda aholi uchun koʻrsatiladigan xizmatlar sifatini oshirish, transport vositalari harakati oraliqlariga va yoʻnalishlar harakati jadvallariga rioya qilinishi ustidan nazoratni taʼminlaydigan harakatlanadigan tarkibni uzoqdan nazorat qilish tizimini (GPS) joriy etish yoʻli bilan shahar yoʻlovchi tashish transporti ishi ustidan jamoatchilik nazoratini kuchaytirish, fuqarolarning shahar yoʻlovchilar tashish transporti ishlari bilan bogʻliq boʻlgan murojaatlari, shikoyatlari va takliflari boʻyicha tezkor chora-tadbirlar koʻrish uchun SMS xabarlarini qabul qilish xizmatini tashkil etish.

Keyinchalik belgilangan tartibda realizatsiya qilish uchun “3-son tramvay-trolleybus deposi” DUK (sobiq trolleybus kompleksi) va “Shahar elektr transportlariga xizmat koʻrsatish shuʼbasi”ning mulkiy komplekslarini xatlovdan oʻtkazish va konservatsiyalash.

Quyidagilarni kuchaytirishga yoʻnaltirilgan “Toshshahartransxizmat” AK tizimi xodimlari mehnatiga haq toʻlash va moddiy ragʻbatlantirish boʻyicha Nizomni tasdiqlash:
haydovchilar tarkibining yoʻlovchilarga xizmat koʻrsatish sifatini yaxshilashdan, harakatlanish xavfsizligi va maromiga rioya etishdan, faoliyatining prognoz koʻrsatkichlarini bajarishdan, avtotransport vositalaridan ehtiyotlab va samarali foydalanishdan manfaatdorligini oshirish uchun mehnatga haq toʻlash fondi tarkibidagi ragʻbatlantiruvchi toʻlovlarning rolini kuchaytirish;
rahbarlarning va ijro etuvchi apparat boshqaruv xodimlarining idoraviy mansub tashkilotlar xoʻjalik faoliyatining pirovard natijalari hamda shahar transportining barqaror ishlashini tashkil etish yuzasidan masʼuliyatini kuchaytirish.

“Toshshahartransxizmat” aksiyadorlik kompaniyasi, uning tarkibiy boʻlinmalari va tashkilotlarining boshqaruv va ishlab chiqarish xodimlarini malakali, kasbiy tayyorlangan kadrlar bilan toʻliq butlashni taʼminlash.

Shtatlarni malakali haydovchilar bilan butlashni taʼminlash uchun Toshkent shahar yoʻlovchi tashish transporti avtobuslari haydovchilarini maxsus tayyorlash dasturini ishlab chiqish.

Avtotransport vositalarini qatnovdan oldin texnik koʻrikdan hamda yoʻlovchilar, bagaj va yuklarni avtomobilda tashiydigan haydovchilarni tibbiy koʻrikdan oʻtkazish tartibi toʻgʻrisidagi nizomni ishlab chiqish va belgilangan tartibda tasdiqlash.

Ishdan tashqari vaqtda transport vositalarini saqlash joylari, haydovchilarni qatnovdan oldin tibbiy koʻrikdan va avtotransport vositalarini texnik koʻrikdan oʻtkazish punktlari mavjudligi shartligini nazarda tutuvchi yoʻlovchilar tashish turlari boʻyicha namunaviy litsenziya bitimini ishlab chiqish va belgilangan tartibda tasdiqlash.

Shahar yoʻlovchi tashish transportida chiptasiz yurganlik uchun javobgarlikni kuchaytirish, shu jumladan chiptasiz yurganlik uchun jarima summasini ikki baravar koʻpaytirish boʻyicha takliflar kiritish.

Masʼul bajaruvchilar

Markaziy apparatda va tarkibiy boʻlinmalarda kompyuter texnikasini yangilash

Markaziy apparat va tarkibiy boʻlinmalarning oʻzaro hamkorligi zarur darajasini taʼminlash maqsadida korporativ tarmoqni, shuningdek texnik va dasturiy infratuzilmani yaratish

“Toshshahartransxizmat” AK, Aloqa, axborotlashtirish va telekommunikatsiya texnologiyalari davlat qoʻmitasi

Markaziy apparat va tarkibiy boʻlinmalarda elektron hujjatlar aylanishi tizimini joriy etish

“Toshshahartransxizmat” AK, Aloqa, axborotlashtirish va telekommunikatsiya texnologiyalari davlat qoʻmitasi

Moliya resurslarini boshqarish boʻyicha yagona avtomatlashtirilgan dasturiy taʼminotni joriy etish

“Toshshahartransxizmat” AK, Aloqa, axborotlashtirish va telekommunikatsiya texnologiyalari davlat qoʻmitasi

Texnik vositalarni, shu jumladan transport vositalari soni, ularning holati, zaxira qismlar va boshqa moddiy boyliklar toʻgʻrisidagi maʼlumotlarni hisobga olish boʻyicha avtomatlashtirilgan tizimni yaratish va joriy etish

Navigatsiya tizimlarini joriy etishni va transport vositalari haydovchilarini aloqa vositalari bilan taʼminlashni hisobga olgan holda harakatlanadigan tarkibning harakatini uzoqdan nazorat qilish tizimini (GPS) joriy etish

Toshkent shahri hokimligining Yoʻlovchi tashish
transporti barcha turlari harakatini litsenziyalash
va muvofiqlashtirish departamenti, Oʻzbekiston avtomobil va daryo transporti agentligi, “Toshshahartransxizmat” AK, Axborot texnologiyalari va kommunikatsiyalarini rivojlantirish vazirligi

Yoʻl varaqalarini hisobga olish va avtomatik qayta ishlash boʻyicha dasturiy taʼminot joriy etilishini hisobga olgan holda Toshkent shahrida yoʻlovchi tashuvlarini boshqarishning avtomatlashtirilgan tizimini joriy etish

Tijorat
banklari
kreditlari

Yoʻlovchilarga interaktiv xizmatlar koʻrsatishni hisobga olgan holda veb-saytni takomillashtirish

Yozib olish funksiyasiga ega boʻlgan “ishonch telefoni”ga qoʻngʻiroqlarni hisobga olish xizmatlarini joriy etish

Shahar transporti yoʻlovchilari uchun tegishli yoʻnalishlar transport vositalarining qayerdaligini kuzatib borish funksiyasiga ega boʻlgan mobil aloqani tashkil etish

Jami

Axborot xavfsizligining zarur darajasini taʼminlash boʻyicha ichki normativ hujjatlarni (axborot xavfsizligining korporativ siyosati, axborot xavfsizligi tavakkalchiliklarini boshqarish toʻgʻrisidagi, axborot xavfsizligining noxush hodisalarini boshqarish toʻgʻrisidagi nizomlar va boshqalarni) ishlab chiqish va tasdiqlash

Ichki normativ hujjatlarni (korporativ tarmoqdan va kompyuter texnikasidan foydalanish qoidalari, elektron shakllar va hisobot berish muddatlari boʻyicha nizomlar va boshqalarni) takomillashtirish

Jami

mln soʻm
mln AQSh dollari

mln soʻm

mln soʻm
mln AQSh dollari

Oʻzbekiston Respublikasining Xususiylashtirilgan korxonalarga koʻmaklashish va raqobatni
rivojlantirish davlat qoʻmitasi raisining birinchi oʻrinbosari

Tashkilotning nomi

Qayta tashkil etilayotgan “Toshavtobustrans” aksiyadorlik kompaniyasining mol-mulki

Qayta tashkil etilayotgan “Toshyoʻlovchitaʼmirservis” aksiyadorlik kompaniyasining mol-mulki

“3-son tramvay-trolleybus
deposi” DUK

“Shahar elektr transportiga xizmat
koʻrsatish shuʼbasi” DUK