LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 10-avgustdagi 472-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “Valyutani tartibga solish to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2019-yil 22-oktabrdagi O‘RQ-573-son va “Banklar va bank faoliyati to‘g‘risida” O‘zbekiston Respublikasi Qonuniga o‘zgartish va qo‘shimchalar kiritish haqida” 2019-yil 5-noyabrdagi O‘RQ-580-son qonunlari)”gi qaroriga asosan 2020-yil 1-sentabrdan o‘z kuchini yo‘qotadi.
O‘zbekiston Respublikasi Prezidentining “Kichik biznes va xususiy tadbirkorlik subyektlari eksportini qo‘llab-quvvatlash borasidagi qo‘shimcha chora-tadbirlar to‘g‘risida” 2013-yil 8-avgustdagi PQ–2022-son qarorini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari to‘g‘risida” 2000-yil 29-iyundagi 245-son qaroriga (O‘zbekiston Respublikasi QT, 2000-y., 6-son, 33-modda) ilovaga muvofiq o‘zgartirishlar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.
“4. Belgilab qo‘yilsinki, tashqi savdo operatsiyalarini amalga oshirishda quyidagi talablar bajarilishi majburiydir:
markazlashtirilgan eksportni amalga oshiruvchi “O‘zmarkazimpeks” DATSK, “O‘zsanoatmashimpeks” DATSK, “Markazsanoateksport” DATSK, “O‘zinterimpeks” DATSK, “O‘ztashqitrans” DAK, O‘zbekiston Respublikasi “O‘rta Osiyo Trans” xalqaro avtotransport yuk tashish DAK uchun tovarlar, ishlar va xizmatlar amalda eksport qilingan kundan boshlab 90 kundan;
muassislar tomonidan chet eldagi korxonalarga (savdo uylari, savdo vakolatxonalari, shu’ba korxonalar, firma do‘konlar, dilerlik shoxobchalari va konsignatsiya omborlari), shuningdek — O‘zbekiston Respublikasi Savdo-sanoat palatasi a’zolari — xo‘jalik yurituvchi subyektlar tomonidan Palataning savdo-investitsiya uylari nomiga olib chiqilayotgan tovarlar amalda eksport qilingan kundan boshlab 180 kundan;
belgilangan tartibda berilgan eksport kontraktini sug‘urta qilish bo‘yicha polis mavjud bo‘lganda oldindan to‘lamasdan, akkreditiv ochilmasdan yoki bank kafolatisiz tovarlar, ishlar va xizmatlarni xorijiy valyutaga eksport qiladigan kichik biznes va xususiy tadbirkorlik subyektlari uchun tovarlar, ishlar va xizmatlar amalda eksport qilingan kundan boshlab 180 kundan;
markazlashtirilmagan eksportni amalga oshiruvchi qolgan eksport qiluvchilar uchun tovarlar, ishlar va xizmatlar amalda eksport qilingan kundan boshlab 60 kundan oshib ketmasligi kerak;
b) belgilangan muddatlar o‘tgandan keyin xorijiy valyuta tushumi tushishi 30 bank kunidan ko‘proqqa (kichik biznes va xususiy tadbirkorlik subyektlari uchun - 60 bank kuni) kechikishiga yo‘l qo‘ygan yuridik shaxslar-rezidentlar:
valyuta tushumi tushishi belgilangan muddatlardan 180 kungacha kechikkanda — tushmagan valyuta mablag‘lari summasining 10 foiziga teng miqdorda;
valyuta tushumi tushishi belgilangan muddatlardan 180 kundan 365 kungacha kechikkanda — qo‘shimcha ravishda tushmagan valyuta mablag‘lari summasining 20 foiziga teng miqdorda;
valyuta tushumi tushishi belgilangan muddatdan 365 kundan ortiq muddatga kechikkanda — qo‘shimcha ravishda tushmagan valyuta mablag‘lari summasining 70 foiziga teng miqdorda respublika budjeti daromadiga jarima to‘laydilar;
v) ushbu qarorda belgilangan jarima sanksiyalari qo‘llangan taqdirda tashqi savdo operatsiyalari bo‘yicha to‘lov muddati o‘tkazib yuborilgan debitorlik qarzlarni undirish muddatlaridan qat’i nazar, aynan o‘sha kontraktlar bo‘yicha yuridik shaxslar — rezidentlarga takroriy sanksiyalar qo‘llanilmaydi”.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2018-yil 8-yanvardagi 16-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.01.2018-y., 09/18/16/0549-son)