“Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisida”gi Oʻzbekiston Respublikasining Qonuni (Oʻzbekiston Respublikasi qonun hujjatlari toʻplami, 2004-y., 43-son, 451-modda), Oʻzbekiston Respublikasi Prezidentining 2006-yil 21-apreldagi PQ–331-son “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2006-y., 18-son, 147-modda) va Oʻzbekiston Respublikasi Vazirlar Mahkamasining 2012-yil 19-dekabrdagi 355-son “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi hamda Aloqa, axborotlashtirish va telekommunikatsiya texnologiyalari sohasida nazorat boʻyicha davlat inspeksiyasi toʻgʻrisidagi nizomlarni tasdiqlash haqida”gi qaroriga (Oʻzbekiston Respublikasi qonun hujjatlari toʻplami, 2012-y., 52-son, 589-modda) muvofiq Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti qaror qiladi:

1. Oʻzbekiston aloqa va axborotlashtirish agentligi hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2009-yil 13-oktabrdagi 10-8/4270, 33-09-son qarori (roʻyxat raqami 2032, 2009-yil 3-noyabr) (Oʻzbekiston Respublikasi qonun hujjatlari toʻplami, 2009-y., 45-son, 490-modda) bilan tasdiqlangan Pochta aloqasi operatorlari, provayderlari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-band quyidagi mazmundagi oʻninchi — oʻn ikkinchi xatboshilar bilan toʻldirilsin:

“jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasidagi xalqaro hamkorlikda ishtirok etmayotgan davlatlar — jinoiy daromadlarni legallashtirishga qarshi kurashish boʻyicha moliyaviy choralarni ishlab chiqish guruhining rasmiy bayonotlarida xalqaro moliyaviy tizimga xavf tugʻdiruvchi hamda jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish tizimlarida strategik kamchiliklari mavjud deb belgilangan davlatlar va hududlar;

pochta aloqasi obyekti — pochta aloqasi operatorlarining alohida boʻlinmalari (pochtamtlar, pochta aloqasi bogʻlamalari, boʻlimlari, punktlari, shuningdek boshqa boʻlinmalar);

offshor hudud — imtiyozli soliq rejimini taqdim qiluvchi va (yoki) moliyaviy operatsiyalarni amalga oshirishda ular haqidagi maʼlumotlarni oshkor etmaslikni va taqdim qilmaslikni koʻzda tutuvchi davlatlar va hududlar.”.

2. Oʻzbek tilidagi matnning 2-bandi toʻrtinchi xatboshisidagi “terrorizmga” degan soʻz “terrorizmni moliyalashtirishga” degan soʻzlar bilan almashtirilsin.

3. 3-bandda:

quyidagi mazmundagi ikkinchi xatboshi bilan toʻldirilsin:

“jinoiy faoliyatdan olingan daromadlarni legallashtirish va terrorizmni moliyalashtirish xavfi darajasini aniqlash va baholash, shuningdek ularni kamaytirish boʻyicha choralar koʻrish;”;

ikkinchi — oʻninchi xatboshilar tegishincha uchinchi — oʻn birinchi xatboshilar deb hisoblansin;

oʻzbek tilidagi matnning uchinchi xatboshisidagi “hujjatlari, ushbu” degan soʻzlar “hujjatlari hamda ushbu” degan soʻzlar bilan almashtirilsin.

4. 4-bandning beshinchi xatboshisi quyidagi tahrirda bayon etilsin:

“pochta aloqasi sohasidagi qonun hujjatlarini, shu jumladan Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi tomonidan qabul qilingan normativ hujjatlar, shuningdek jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisidagi qonun hujjatlarini bilishga;”.

5. 6-bandda:

birinchi xatboshi quyidagi tahrirda bayon etilsin:

“Pochta aloqasi operatorlari, provayderlari har yili 15-yanvargacha mazkur Qoidalarga rioya etilishi uchun masʼul shaxslar roʻyxatini ularning soʻrovnoma maʼlumotlarini ilova qilgan holda Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi hamda Aloqa, axborotlashtirish va telekommunikatsiya texnologiyalari sohasida nazorat boʻyicha davlat inspeksiyasiga (bundan buyon matnda Inspeksiya deb yuritiladi) taqdim etadi.”;

ikkinchi xatboshidagi “Davlat aloqa inspeksiyasiga” degan soʻzlar “Inspeksiyaga” degan soʻz bilan almashtirilsin.

6. 7-bandda:

quyidagi mazmundagi ikkinchi xatboshi bilan toʻldirilsin:

“jinoiy faoliyatdan olingan daromadlarni legallashtirish va terrorizmni moliyalashtirish xavflarini aniqlash, baho berish, nazorat qilish, boshqarish va ularning darajasini pasaytirish tadbirlarini amalga oshiradilar;”;

ikkinchi — oltinchi xatboshilar tegishincha uchinchi — yettinchi xatboshilar deb hisoblansin;

toʻrtinchi xatboshi quyidagi tahrirda bayon etilsin:

“xatarlarni baholash tahlili asosida ichki nazoratni amalga oshirish boʻyicha tadbirlar dasturlarini ishlab chiqadilar va tasdiqlash uchun rahbariyatga kiritadilar (tasdiqlaydilar);”;

yettinchi xatboshi quyidagi tahrirda bayon etilsin:

“mazkur Qoidalar va ichki nazoratni amalga oshirish boʻyicha tadbirlar dasturlarini amalga oshirish jarayonining maxfiyligini taʼminlaydilar;”;

quyidagi mazmundagi xatboshi bilan toʻldirilsin:

“ichki nazoratni tashkil etish, jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisidagi qonun hujjatlari hamda mazkur Qoidalar talablarini buzish holatlarining oldini olish va bartaraf etish boʻyicha Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi, Inspeksiya va Departamentning masʼul shaxslari bilan hamkorlikni amalga oshiradilar.”.

7. 9-bandda:

quyidagi mazmundagi ikkinchi xatboshi bilan toʻldirilsin:

“jinoiy faoliyatdan olingan daromadlarni legallashtirishga va terrorizmni moliyalashtirishga oid xatarlarni aniqlash va baholash, ularni rasmiylashtirish va kamaytirish boʻyicha tegishli choralarni koʻrish;”;

ikkinchi — oʻninchi xatboshilar tegishincha uchinchi — oʻn birinchi xatboshilar deb hisoblansin;

quyidagi mazmundagi oʻn birinchi va oʻn ikkinchi xatboshilar bilan toʻldirilsin:

“mazkur Qoidalarning 22-bandida qayd etilgan alohida hollarda Departamentga xabar berilishi lozim boʻlgan operatsiyalarni toʻxtatish;

foydalanuvchilar toʻgʻrisidagi maʼlumotlarni boshqa pochta aloqasi operatorlari, provayderlarining mazkur Qoidalarga rioya qilish uchun masʼul boʻlgan shaxslari bilan almashish;”;

oʻn birinchi xatboshi oʻn uchinchi xatboshi deb hisoblansin.

8. 10-banddagi “Oʻzbekiston aloqa va axborotlashtirish agentligi” degan soʻzlar “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi” degan soʻzlar bilan almashtirilsin.

9. 11-bandda:

toʻrtinchi xatboshi quyidagi tahrirda bayon etilsin:

“jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasidagi xalqaro hamkorlikda ishtirok etmayotgan davlatlarda yoxud offshor hududlarda doimiy yashayotgan, turgan yoki roʻyxatga olingan shaxslar;”;

oʻn ikkinchi xatboshi quyidagi tahrirda bayon etilsin:

“Foydalanuvchi tomonidan amalga oshirilayotgan operatsiyalarning xususiyati oʻzgarishiga qarab, pochta aloqasi operatorlari, provayderlari foydalanuvchini tegishlicha tekshirish natijalari boʻyicha toʻplangan maʼlumotlarni hisobga olgan holda tavakkalchilik xavfi darajasini qayta koʻrib chiqishi lozim.”.

10. Quyidagi mazmundagi 11¹-band bilan toʻldirilsin:

“11¹. Foydalanuvchini tegishlicha tekshiruvdan oʻtkazilishining kuchaytirilgan choralariga quyidagilar kiradi:

foydalanuvchi haqida qoʻshimcha maʼlumotlar (faoliyat turi, aktivlarining miqdori, ochiq maʼlumotlar bazalari, jumladan Internet tarmogʻi yoki boshqa manbaalar orqali olinishi mumkin boʻlgan boshqa maʼlumot) olish va foydalanuvchi yoki benefitsiar mulkdor haqidagi maʼlumotlarni tez-tez yangilab borish;

yuboruvchidan pul mablagʻlari manbalari yoki foydalanuvchining moliyaviy holati haqida maʼlumot olish;

pul oʻtkazmalari boʻyicha rejalashtirilgan yoki oʻtkazilgan operatsiyalar boʻyicha maʼlumotlar olish;

pul oʻtkazmasi operatsiyasini amalga oshirish uchun pochta aloqasi obyekti rahbaridan ruxsat olish;

pochta oʻtkazmalarining kuchaytirilgan monitoringini amalga oshirish.”.

11. 14-bandda:

oʻzbek tilidagi matnning birinchi xatboshisidagi “Foydalanuvchining” degan soʻz “Foydalanuvchi” degan soʻz bilan almashtirilsin;

quyidagi mazmundagi xatboshi bilan toʻldirilsin:

“xalqaro pul oʻtkazmalari bilan bogʻliq boʻlgan operatsiyalarda yuboruvchi toʻgʻrisidagi maʼlumotlar (jismoniy shaxslarning familiyasi, ismi, otasining ismi, yuridik shaxslarning toʻliq nomi, joylashgan yeri (pochta manzili) va yuboruvchining bank hisobvaragʻi) taqdim etilmaganda yoki toʻliq hajmda taqdim etilmaganda, ularga alohida eʼtibor berish va sinchiklab tahlil qilish.”.

12. 23-bandning uchinchi xatboshisi quyidagi tahrirda bayon etilsin:

“tegishlicha tekshirish boʻyicha kuchaytirilgan choralarni koʻrish;”.

13. 29-banddagi “Oʻzbekiston aloqa va axborotlashtirish agentligi va Davlat aloqa inspeksiyasi” degan soʻzlar “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Inspeksiya” degan soʻzlar bilan almashtirilsin.