“O‘zekspomarkaz” milliy ko‘rgazma kompleksi” ochiq aksiyadorlik jamiyatini yanada rivojlantirishni va uning tomonidan ko‘rsatilayotgan ko‘rgazma-yarmarka xizmatlari samaradorligini oshirishni ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining “O‘zekspomarkaz” milliy ko‘rgazma kompleksi” ochiq aksiyadorlik jamiyati obyektlarini qurish va rekonstruksiya qilishni davom ettirish chora-tadbirlari to‘g‘risida” 2007-yil 27-iyuldagi 152-son qaroriga ilovaga muvofiq o‘zgartirishlar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.

1. Qarorning nomidagi “milliy ko‘rgazma kompleksi” so‘zlari “milliy ko‘rgazma kompaniyasi” so‘zlari bilan almashtirilsin.

2. 4-band quyidagi tahrirda bayon qilinsin:

“4. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi Tashqi iqtisodiy aloqalar, investitsiyalar va savdo vazirligi bilan birgalikda, aksiyalarning qo‘shimcha emissiyasini bozor qiymati bo‘yicha O‘zbekiston Respublikasi Tashqi iqtisodiy aloqalar, investitsiyalar va savdo vazirligining tashqi savdo kompaniyalari o‘rtasida ularning investitsiya majburiyatlariga mutanosib ravishda joylashtirgan holda, “O‘zekspomarkaz” milliy ko‘rgazma kompaniyasi” ochiq aksiyadorlik jamiyatining ustav fondini ko‘paytirishni belgilangan tartibda ta’minlasin”.