Yuqori qo‘shilgan qiymatga ega bo‘lgan raqobatbardosh mahsulot ishlab chiqarishni ta’minlaydigan zamonaviy, yuksak texnologiyali ishlab chiqarishlarni tashkil etish uchun xorijiy va mahalliy investitsiyalarni jalb etish bo‘yicha qulay shart-sharoitlarni shakllantirish, Jizzax va Sirdaryo viloyatlarining ishlab chiqarish va resurs salohiyatidan kompleks hamda samarali foydalanish, shu asosda yangi ish joylarini yaratish va aholi daromadlarini oshirish maqsadida, shuningdek O‘zbekistonda o‘zbek-xitoy sanoat parkini barpo etish loyihasini amalga oshirish bo‘yicha o‘zaro anglashuv to‘g‘risidagi memorandumga muvofiq:

1. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Jizzax va Sirdaryo viloyatlari hokimligining Jizzax viloyatida Sirdaryo viloyatining Sirdaryo tumanida filiali bo‘lgan “Jizzax” erkin iqtisodiy zonasini (keyingi o‘rinlarda — “Jizzax” EIZ) deb yuritiladi) 1-ilovaga muvofiq hududlar chegaralari doirasida barpo etish to‘g‘risidagi taklifi qabul qilinsin.

O‘zbekiston Respublikasi “Yergeodezkadastr” davlat qo‘mitasi Jizzax va Sirdaryo viloyatlari hokimligi bilan birgalikda bir oy muddatda “Jizzax” MIZ tarkibiga kiritiladigan yer maydonlarining chegaralarini aniq belgilasin va yerlarning tegishli ravishda ajratilishini ta’minlasin.

Belgilab qo‘yilsinki:

“Jizzax” EIZ tarkibiga kiritilgan yer maydonlari “Jizzax” EIZ direksiyasining bevosita tasarrufida bo‘ladi;

“Jizzax” EIZga kiruvchi hududlar va uning chegaralari, zarur hollarda, O‘zbekiston Respublikasi Vazirlar Mahkamasining qarori bilan o‘zgartirilishi mumkin.

3. Belgilab qo‘yilsinki:

“Jizzax” EIZning faoliyat yuritish muddati 30 yilni tashkil etadi va bu muddat keyinchalik uzaytirilishi mumkin;

“Jizzax” EIZ faoliyat yuritadigan muddat mobaynida uning hududida maxsus soliq tartibi va bojxona imtiyozlari amal qiladi;

“Jizzax” EIZ qatnashchisi maqomi elektron onlayn-auksion savdo natijasiga ko‘ra “Jizzax” EIZ direksiyasi tomonidan beriladi.

Jizzax” EIZda ro‘yxatdan o‘tgan xo‘jalik subyektlariga nisbatan soliq to‘lovchining holatini yomonlashtiradigan O‘zbekiston Respublikasining soliq qonunchiligi aktlari qo‘llanilmaydi, aksiz solig‘iga tortiladigan tovarlarga soliq solishni tartibga soluvchi aktlar bundan mustasno.

6. Jizzax viloyat hokimligi “Jizzax” EIZda loyihalarni amalga oshiruvchi investorlar uchun belgilangan tartibda quyidagilarni ta’minlasin:

birinchi navbatda, sobiq sanoat zonalarining foydalanilmayotgan hududlarida korxonalar qurish uchun yer maydonlarini o‘z vaqtida elektron onlayn-auksion savdolariga chiqarish;

muhandislik-kommunikatsiya infratuzilmasi tarmoqlariga ulanish uchun barcha zarur ruxsatnomalarni “bir darcha” tamoyili asosida berish.

7. Shunday tartib o‘rnatilsinki, unga muvofiq “Jizzax” EIZda qatnashuvchi xo‘jalik yurituvchi subyektlar uchun “O‘zbekenergo” AJ, “O‘ztransgaz” AK, Jizzax viloyati hokimligi bo‘linmalari va boshqa muhandislik-kommunikatsiya xizmatlarini yetkazib beruvchilar kommunikatsiyalarni ishlab chiqarish maydonchalariga tutashtirgan holda kafolatli ulanishini ta’minlaydilar.

8. O‘zbekiston Respublikasi Vazirlar Mahkamasi “Jizzax” EIZga ajratiladigan hududlarga budjet mablag‘lari va boshqa ichki moliyalash manbalari hisobidan tashqi muhandislik-kommunikatsiya tarmoqlarini qurish, rekonstruksiya qilish, modernizatsiyalash va yanada rivojlantirishni ta’minlasin.

O‘zbekiston Respublikasi Iqtisodiyot vazirligi, Moliya vazirligi hamda Davlat arxitektura va qurilish qo‘mitasi “O‘zbekenergo” DAK, “O‘ztransgaz” AK, “O‘zkommunxizmat” agentligi, “O‘zavtoyo‘l” AK, “O‘zbekiston temir yo‘llari” DAK, Jizzax va Sirdaryo viloyatlari hokimligi bilan birgalikda uch oy muddatda “Jizzax” maxsus industrial zonasi hududida transport, ishlab chiqarish va muhandislik-kommunikatsiya infratuzilmasini jadal rivojlantirish dasturini ishlab chiqsin va O‘zbekiston Respublikasi Vazirlar Mahkamasiga kiritsin.

9. O‘zbekiston Respublikasi Vazirlar Mahkamasi bir oy muddatda “Jizzax” MIZ Direksiyasini tashkil etsin va “Jizzax” maxsus industrial zonasi faoliyatini tashkil etish bo‘yicha qaror qabul qilsin, unda “Jizzax” maxsus industrial zonasi to‘g‘risidagi Nizom hamda “Jizzax” maxsus industrial zonasi Ma’muriy kengashi haqidagi Nizomni tasdiqlash nazarda tutilsin.

10. O‘zbekiston Respublikasi Tashqi iqtisodiy aloqalar, investitsiyalar va savdo vazirligining Vazirlik tarkibidagi Xorijiy investitsiyalarni jalb etish boshqarmasining Erkin iqtisodiy zonalar faoliyatini muvofiqlashtirish bo‘limi xodimlari sonini 2 nafar shtat birligiga oshirish to‘g‘risidagi taklifiga rozilik berilsin.

11. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi Moliya vazirligi, Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.

12. Mazkur Farmonning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.

sharq tarafdan — “Jizzax — Do‘stlik” temir yo‘lining 8 — 11 km uchastkasi;

g‘arb tarafdan — inspektorlik avtomobil yo‘lining 0-km.dan boshlab uning “Obod” ko‘chasi bilan kesishmasigacha.

shimol tarafdan — xo‘jaliklararo avtomobil yo‘lining “Jizzax-Do‘stlik” temir yo‘li bilan kesishgan joyidan (sharqiy tomondan) “Obod” ko‘chasi bilan kesishgan joyiga qadar (g‘arbiy yo‘nalishda);

janub tarafdan — 4R-35 avtomobil yo‘lining inspektorlik avtomobil yo‘li bilan kesishgan joyidan (sharqiy yo‘nalishda) “Jizzax-Do‘stlik” temir yo‘li bilan kesishgan joyigacha (g‘arbiy yo‘nalishda).

sharqiy tomondan — “Toshkent—Samarqand” temir yo‘li;

janubi-sharqiy tomondan — M-39 avtomobil yo‘li;

janubiy tomondan — “Sirdaryo sh. — Navbahor p.” avtomobil yo‘lining M-39 avtomobil yo‘li bilan kesishgan joyidan shimoliy yo‘nalishdagi “O‘runboy” kanalining g‘arbiy o‘ng qirg‘oq tarmog‘igacha;

g‘arbiy tomondan — shimoliy yo‘nalishdagi “O‘runboy” kanalining o‘ng qirg‘oq tarmog‘i;

shimoliy va shimoli-g‘arbiy tomondan — “O‘runboy” kanalining o‘ng qirg‘oq tarmog‘i bo‘ylab “Toshkent-Samarqand” temir yo‘ligacha.