O‘zbekiston Respublikasining “O‘zbekiston Respublikasining Markaziy banki to‘g‘risida” (O‘zbekiston Respublikasi Oliy Majlisining Axborotnomasi, 1995-y., 12-son, 247-modda), “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi (O‘zbekiston Respublikasi qonun hujjatlari to‘plami, 2013-y., 1-son, 1-modda) qonunlariga muvofiq O‘zbekiston Respublikasi Markaziy banki Boshqaruvi qaror qiladi:

1. O‘zbekiston Respublikasi Markaziy banki Boshqaruvining 2011-yil 5-fevraldagi 4/4-son “O‘zbekiston Respublikasi Markaziy banki tomonidan kredit uyushmalari, mikrokredit tashkilotlari va lombardlar faoliyatini tekshirish tartibi to‘g‘risidagi nizomni tasdiqlash haqida”gi qaroriga (ro‘yxat raqami 2209, 2011-yil 14-mart) (O‘zbekiston Respublikasi qonun hujjatlari to‘plami, 2011-y., 10-11-son, 111-modda) ilovaga muvofiq o‘zgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

1. Qarorda:

a) nomi va 1-banddan “kredit uyushmalari,” degan so‘zlar chiqarib tashlansin;

b) muqaddimadan “Kredit uyushmalari to‘g‘risida” (O‘zbekiston Respublikasi Oliy Majlisining Axborotnomasi, 2002-y., 4-5-son, 65-modda),” degan so‘zlar chiqarib tashlansin.

2. Nizomda:

a) nomidan “kredit uyushmalari,” degan so‘zlar chiqarib tashlansin;

b) muqaddimadan “Kredit uyushmalari to‘g‘risida” (O‘zbekiston Respublikasi Oliy Majlisining Axborotnomasi, 2002-y., 4-5-son, 65-modda),” va “kredit uyushmalari,” degan so‘zlar chiqarib tashlansin;

v) 1-banddan “omonatchilar,” va “kredit uyushmalari,” degan so‘zlar chiqarib tashlansin;

g) 4-bandning ikkinchi xatboshisidan “omonatchilar,” degan so‘z chiqarib tashlansin;

d) 13-bandning to‘rtinchi xatboshisidan “omonatchilar hamda” degan so‘zlar chiqarib tashlansin.