Shanxay hamkorlik tashkilotiga aʼzo davlatlar xalqaro tinchlik va xavfsizlik, davlatlarning hududiy yaxlitligi, davlatlar oʻrtasidagi doʻstona aloqalarning rivojlanishi, shuningdek asosiy inson huquqlari va erkinligini taʼminlashga tahdid solayotgan terrorizmning kuchayishidan chuqur xavotirda boʻlgan holda,

2002-yil 7-iyundagi Shanxay hamkorlik tashkiloti Xartiyasi va Birlashgan Millatlar Tashkiloti Nizomining maqsad va tamoyillariga amal qilgan holda,

2001-yil 15-iyundagi terrorizm, separatizm va ekstremizm bilan kurashish toʻgʻrisidagi Shanxay konvensiyasining, 2005-yil 5-iyuldagi Shanxay hamkorlik tashkilotiga aʼzo davlatlarning terrorizm, separatizm va ekstremizm bilan kurashishda Hamkorlik konsepsiyasining qoidalarini rivojlantirgan holda,

mazkur Konvensiya oʻz ichiga qamrab olgan jinoyatlar hech qanday holatlarda oqlab boʻlmasligini, shunday qilmishlarni sodir etgan va (yoki) ular sodir etilishiga aloqador boʻlgan aybdor jismoniy va yuridik shaxslar javobgarlikka tortilishi lozimligini eʼtirof etgan holda,

terrorizm tarkibida, koʻlamida va terroristik aktlarning xususiyatida sodir boʻlgan oʻzgarishlar va hamkorlikni faollashtirish muhimligini inobatga olgan holda,

terrorizmga qarshi harakatlarni kuchaytirish zarurligini tushunib va terrorizmni oldini olish va ular bilan kurash boʻyicha barcha chora-tadbirlar huquq ustuvorligi va demokratik qadriyatlar, insonning asosiy huquq va erkinliklariga, shuningdek xalqaro huquq meʼyorlariga rioya qilgan holda qabul qilinishi lozimligini yana bir bor taʼkidlagan holda,

faqat birgalikdagi harakatlar bilan terrorizmning samarali oldini olish va ular bilan kurashishga erishish mumkinligini anglab yetgan holda,

quyidagilar toʻgʻrisida kelishib olindi:

Mazkur Konvensiya terrorizmga qarshi hamkorlikning samaradorligini oshirish maqsadida tuzilmoqda.

1. Mazkur Konvensiya maqsadlari uchun, unda foydalaniladigan atamalar va tushunchalar quyidagilarni bildiradi:

1) “Tomon” — mazkur Konvensiya ishtirokchi davlati;

2) “terrorizm” — aholini qoʻrqitish bilan bogʻliq hamda shaxsga, jamiyatga va davlatga zarar yetkazishga yoʻnaltirilgan, zoʻravonlik va (yoki) boshqa jinoiy harakatlarni sodir etish yoki sodir etish bilan tahdid qilish yoʻli bilan hukumat organlari yoki xalqaro tashkilotlar tomonidan qaror qabul qilinishiga taʼsir oʻtkazish zoʻravonlik mafkurasi va amaliyoti;

3) “terroristik akt” — siyosiy, diniy, mafkuraviy va boshqa maqsadlarga erishish uchun hukumat organlari yoki xalqaro tashkilotlar tomonidan qaror qabul qilinishiga taʼsir oʻtkazish, shuningdek koʻrsatilgan harakatlarni sodir etish bilan tahdid qilish yoʻli bilan katta miqdorda boyliklarga zarar yetkazish yoki ekologik fojia yuz berishi yoki boshqa ogʻir oqibatlar keltirib chiqarishga qaratilgan, aholini qoʻrqitish bilan bogʻliq hamda inson hayoti va sogʻligiga xavf tugʻdiruvchi qilmish;

4) “terroristik tashkilot”:

a) mazkur Konvensiya qamrab olgan jinoyatlarni sodir etish va (yoki) sodir etilayotgan jinoyatlar uchun tashkil etiladigan jinoiy guruh, noqonuniy qurolli tuzilma, banda, jinoiy uyushma;

b) mazkur Konvensiya qamrab olgan jinoyatlardan bittasini boʻlsa ham uning nomidan, koʻrsatmasiga koʻra yoki rejalashtirish, tashkillashtirish, tayyorlash va sodir etishni amalga oshirishda manfaatdor boʻlgan yuridik shaxs;

5) “yuridik shaxs” — Tomonlarning milliy qonunchiligida oʻrnatilgan tartibda tashkil etilgan va faoliyat yurituvchi tashkilot.

2. Mazkur modda hech qaysi xalqaro shartnoma yoki mazkur moddada foydalaniladigan atama va tushunchalarni keng maʼnoda qoʻllash toʻgʻrisidagi qoidalarni oʻz ichiga oladi yoki olishi mumkin boʻlgan Tomonlarning milliy qonunchiligiga zarar yetkazmaydi.

Ushbu Konvensiya qamrab olgan jinoyatlarni aniqlash, oldini olish va tergov qilish bittadan ortiq Tomonning yurisdiksiyasiga aloqador boʻlganda, mazkur Konvensiya qoʻllaniladi.

Tomonlar oʻzlarining huquq va majburiyatlarini mazkur Konvensiyaga koʻra davlatlarning suveren tengligi, hududiy yaxlitligi va boshqa davlatlarning ichki ishlariga aralashmaslik tamoyillariga muvofiq amalga oshiradilar.

1. Tomonlar mazkur Konvensiya qamrab olgan jinoyatlarga nisbatan oʻzining yurisdiksiyasini oʻrnatish uchun, zarur chora-tadbirlarni qabul qiladi, agar:

1) jinoyat ushbu Tomon hududida sodir etilgan boʻlsa;

2) jinoyat ushbu Tomon bayrogʻi ostidagi kema bortida yoki ushbu Tomon qonunlariga muvofiq roʻyxatga olingan havo kemasi bortida sodir etilgan boʻlsa;

3) jinoyat ushbu Tomon fuqarosi tomonidan sodir etilgan boʻlsa.

2. Har bir Tomon mazkur Konvensiya qamrab olgan jinoyatlarga nisbatan oʻzining yurisdiksiyasini oʻrnatishi ham mumkin, agar:

1) jinoyat ushbu Tomon hududida yoki fuqarosiga nisbatan terroristik akt sodir etishga qaratilgan yoki olib kelgan boʻlsa;

2) jinoyat ushbu Tomonning xorijdagi obyektiga, shuningdek diplomatik vakolatxona binolari va konsullik muassasalariga nisbatan terroristik akt sodir etishga qaratilgan yoki olib kelgan boʻlsa;

3) jinoyat ushbu Tomonni qandaydir harakatlarni sodir etish yoki etmaslikka majburlash maqsadida terroristik akt sodir etishga qaratilgan yoki olib kelgan boʻlsa;

4) jinoyat ushbu Tomon hududida doimiy yashovchi, fuqaroligi boʻlmagan shaxs tomonidan sodir etilgan boʻlsa;

5) jinoyat ushbu Tomon foydalanayotgan kema bortida sodir etilgan boʻlsa.

3. Agar gumon qilinayotgan jinoyatchi uning hududida joylashgan va bir Tomon uni u yoki boshqa Tomonga bermayotgan boʻlsa, har bir Tomon mazkur Konvensiya qamrab olgan jinoyatlarga nisbatan oʻzining yurisdiksiyasini oʻrnatish uchun kerak boʻladigan chora-tadbirlarni qabul qiladi.

4. Mazkur Konvensiya bir Tomonning milliy qonunchiligiga muvofiq istalgan jinoiy yurisdiksiyani amalga oshirishni inkor qilmaydi.

5. Agar mazkur Konvensiya qamrab olgan jinoyatga nisbatan yurisdiksiyaga bittadan ortiq Tomon talabgorlik qilsa, tegishli Tomonlar zarurat tugʻilganda maslahatlashuvlar oʻtkazadi.

1. Mazkur Konvensiyada nazarda tutilgan hamkorlik har bir Tomon vakolatli organlari tomonidan belgilangan holda amalga oshiriladi.

2. Mazkur Konvensiyani ratifikatsiya qilish toʻgʻrisidagi hujjatni topshirishda yoki unga qoʻshilish toʻgʻrisidagi xabarni Tomon mazkur Konvensiyani bajarish uchun javobgar boʻlgan oʻzining vakolatli organlari roʻyxatini depozitariyga taqdim qiladi, u depozitariy hujjatni boshqa Tomonlarga joʻnatadi. Tomonlar oʻzlarining vakolatli organlarining roʻyxatidagi barcha oʻzgarishlar toʻgʻrisida darhol depozitariyga xabar beradi, depozitariy bu haqida boshqa Tomonlarni xabardor qiladi.

3. Mazkur Konvensiyada nazarda tutilgan masalalar boʻyicha Tomonlarning vakolatli organlari oʻzlarining vakolatlari doirasida bevosita bir biri bilan hamkorlik qiladi. Tomonlarning vakolatli organlarining hududiy va boshqa boʻlinmalari mazkur Konvensiyani bajarish maqsadida, Tomonlarning vakolatli organlari tomonidan belgilangan tartibda bevosita aloqalar oʻrnatishlari mumkin.

4. Tomonlarning vakolatli organlari oʻrtasida hamkorlik yordam berish toʻgʻrisidagi soʻrovnoma asosida ikki tomonlama va koʻp tomonlama hajmda, shuningdek Tomonlardan birining vakolatli organi tashabbusi boʻyicha axborot berish yoʻli bilan amalga oshiriladi.

5. Hamkorlik jarayonida diplomatik kanallar, Jinoiy politsiya xalqaro tashkilotining kanallari yoki Shanxay hamkorlik tashkilotining Mintaqaviy aksilterror tuzilmasi Ijroiya qoʻmitasining kanallaridan foydalanish mumkin.

1. Tomonlar, zarur joylarda nohukumat tashkilotlar va boshqa fuqarolik jamiyati institutlarni oʻz ichiga oladigan, mazkur Konvensiya qamrab olgan jinoyatlarni sodir etishga olib keladigan, vaziyatlar keskinlashishining oldini olish maqsadida milliy qonunchilikka rioya qilish sharti bilan dinlararo va madaniyatlararo muloqotni ragʻbatlantirishadi.

2. Har bir Tomon uning huquqiy tizimining asosiy tamoyillariga muvofiq terrorizmga qarshi kurashish boʻyicha milliy miqyosdagi chora-tadbirlarni ishlab chiqish va amalga oshirish quyidagilarni oʻz ichiga olishi mumkin:

1) terrorizmga qarshi kurashishni tartibga soluvchi huquqiy hujjatlarni va ularning samaradorligi nuqtai nazaridan amaliy chora-tadbirlarni davriy baholash;

2) terrorizmga qarshi kurashish boʻyicha chora-tadbirlarni ishlab chiqish va amalga oshirishda tegishli xalqaro va mintaqaviy tashkilotlar bilan hamkorlik qilish, shuningdek terroristik aktlarga toʻsqinlik qilish boʻyicha mashgʻulotlar oʻtkazish;

3) terrorizmga qarshi kurashish boʻyicha Tomonning tegishli organlari faoliyatini muvofiqlashtirishni amalga oshiruvchi organ yoki organlarni tashkil etish;

4) terrorizmga qarshi kurashishni amalga oshiruvchi huquqni muhofaza qilish va boshqa organ xodimlarining kasbiy darajasini oshirish, shuningdek ushbu organlar va ular xodimlarining faoliyatini yetarlicha moliyaviy, moddiy va boshqalar bilan taʼminlash;

5) mazkur Konvensiya qamrab olgan jinoyatlar haqida ogohlantirish va toʻsqinlik qilishda va shunday jinoyatlarga tayyorgarlik koʻrayotgan yoki sodir etgan shaxslarni aniqlashda davlat organlariga koʻmak beruvchi shaxslarga tegishli mukofot pullarni toʻlash;

6) terroristik aktlar haqida ogohlantirish maqsadida kiritishga yoʻl qoʻyiladigan qonuniy cheklovlarni belgilash;

7) tegishli yuridik shaxslar bilan huquqni muhofaza qiluvchi organlarning hamkorlik samaradorligini oshirish, jismoniy shaxslar va obyektlarning himoyalanganligini oshirish uchun moʻljallangan standartlarni joriy etishni oʻz ichiga oladigan, jismoniy shaxslar va obyektlarning himoyasini yaxshilash;

8) jinoyat ishlari boʻyicha sud ishlarini yuritish jarayonida jabrlanuvchi, guvoh va boshqa ishtirokchilarini, shuningdek, zarurat tugʻilganda, terrorizmga qarshi kurashish masalalari boʻyicha boshqa shaxslarni himoya qilish;

9) mazkur Konvensiya qamrab olgan jinoyatlarni sodir etishga aloqador jismoniy va yuridik shaxslarni identifikatsiyalash mezonlarini yaratish va joriy etish;

10) mazkur Konvensiya qamrab olgan, sodir etishga tayyorlanayotgan yoki sodir etilgan jinoyatlarni oldini olish va aniqlashda davlatga va ularning obyektlarida yordam berish boʻyicha yuridik shaxslarni yetarlicha imkoniyatlar bilan taʼminlash;

11) terrorizmga qarshi kurashda va jamiyatda terrorizmni rad qilishni shakllantirishda nohukumat tashkilotlar, alohida guruhlar va shaxslarning ishtirokiga koʻmak berish;

12) terrorizmning xavfliligi va uning salbiy oqibatlari, shuningdek mazkur Konvensiya qamrab olgan jinoyatlarni sodir etganlik uchun javobgarlik toʻgʻrisida jamoatchilikning bilimini oshirish;

13) mazkur Konvensiya qamrab olgan jinoyatlar sifatida qaralishi mumkin boʻlgan istalgan qilmishlar toʻgʻrisida davlat organlarini xabardor etish uchun, shu jumladan anonim tarzda, imkoniyatlar yaratish.

3. Tomonlar mazkur Konvensiyada nazarda tutilgangan chora-tadbirlarga nisbatan qatʼiy chora-tadbirlar qabul qilishlari mumkin.

Tomonlar oʻzining huquqiy tizimlarining asosiy tamoyillaridan kelib chiqib terrorizmni moliyalashtirishga qarshi kurash boʻyicha zaruriy qonuniy va boshqa chora-tadbirlarni qabul qilishadi, xususan, ular quyidagilarni oʻzi ichiga oladi:

1) mijozlar toʻgʻrisidagi maʼlumotlarni, moliyaviy operatsiyalarni roʻyxatga olish va ushbu maʼlumotlarni saqlash;

2) Tomonlar orqali vakolatli organlarga shubhali va iqtisodiy jihatdan nomaqbul operatsiyalar va bitimlar toʻgʻrisida maʼlumotlarni taqdim qilish;

1) Huquqni muhofaza qilish yoki boshqa maʼlum organlarning koʻrsatmasi boʻyicha Tomonlar orqali noqonuniy, shubhali yoki iqtisodiy jihatdan nomaqbul xususiyatga ega moliyaviy operatsiyalarni toʻxtatib qoʻyish;

2) Tomonlarning sud, prokuratura organlari, dastlabki tergov va boshqa vakolatli organlarning soʻrovnomasiga koʻra maʼlumotlar va hujjatlarni taqdim qilish.

1. Tomonlar quyidagilarni qasddan qilingan jinoiy jazolanadigan qilmishlar sifatida eʼtirof etish uchun zarur qonuniy chora-tadbirlar qabul qiladi:

1) terroristik akt;

2) barcha Tomonlar ishtirokchilari tomonidan terrorizmga qarshi kurashish sohasida xalqaro shartnomalardan birida jinoyat sifatida tan olingan qilmish;

3) mazkur bandning 1, 2 va 4 — 10 kichik bandlarida koʻrsatilgan jinoyatlardan birini rejalashtirish, tashkil etish, tayyorlash va sodir etish maqsadida yuridik shaxs tashkil etish va undan foydalanish yoki shunday maqsadlar uchun jinoiy guruh, noqonuniy qurollangan tuzilma, banda va jinoiy uyushma tashkil etish;

4) terrorizmga ochiqdan-ochiq daʼvat qilish yoki terrorizmni ommaviy oqlash, yaʼni mazkur bandning 1 — 3 va 5 — 10 kichik bandlarida koʻrsatilgan jinoyatlardan birini sodir etishga undash maqsadida jamoatchilikka qandaydir murojaatni tarqatish yoki terrorizmni qoʻllab-quvvatlash va taqlid qilishda ehtiyoj borligini eʼtirof etish toʻgʻrisida ommaviy bayonotlar berish;

5) mazkur bandning 1 — 4 va 6 — 10 kichik bandlarida koʻrsatilgan jinoyatlardan birini sodir etishga tayyorgarlik koʻrishda yoki sodir etishda ishtirok etish uchun yollash yoki shaxslarni jalb qilishning boshqa usullarini qoʻllash;

6) mazkur bandning 1 — 5 va 7 — 10 kichik bandlarida koʻrsatilgan jinoyatlardan birini sodir etish uchun shaxslarni tayyorlash yoki sodir etishda koʻmaklashish;

7) terroristik tashkilotda ishtirok etish;

8) terrorizmni moliyalashtirish, yaʼni mazkur bandning 1 — 7, 9 va 10 kichik bandlarida koʻrsatilgan jinoyatlardan birini boʻlsa ham tashkillashtirish, tayyorlash va sodir etish boʻyicha faoliyatni moliyalashtirish uchun oldindan moʻljallangan mablagʻlarni yigʻish yoki moliyaviy xizmatlarni taqdim qilish;

9) mazkur bandning 1 — 8 va 10 kichik bandlarida koʻrsatilgan jinoyatlarni sodir etish uchun shaxslarni qurol-yaroq, portlovchi moddalar va boshqa vositalar bilan taʼminlash;

10) mazkur bandning 1 — 9 kichik bandlarida koʻrsatilgan jinoyatlardan birini sodir etishda gumon qilinayotgan yoki ayblanayotgan shaxslarga boshpana, moliyaviy yordam berish hamda qochishida koʻmak berish, shuningdek ularga nisbatan yolgʻon koʻrsatuvlar berish.

2. Tomonlar oʻzlarining milliy qonunchiligiga muvofiq mazkur moddaning 1-bandida koʻrsatilgan jinoyatlardan birini sodir etishda gumon qilinayotgan yoki ayblanayotgan shaxslarga tegishli mol-mulkni qasddan yashirish, tashish, sotib olish yoki sotishda vositachilik qilishni ham jinoiy jazolanadigan qilmish sifatida eʼtirof etishi mumkin.

3) Mazkur moddaning 1-bandi 3 — 10 kichik bandlarida koʻrsatilgan qilmishlar haqiqatda terroristik akt sodir etilishi yoki yollanuvchi va (yoki) oʻqitilayotgan shaxs tomonidan oʻzining terroristik xususiyatdagi harakatlarini anglashidan qatʼiy nazar jinoyat hisoblanadi.

4) Tomonlar mazkur moddaning 1-bandida nazarda tutilgan biror bir jinoyatni sodir etishda ishtirok etish, jinoyatga tayyorgarlik koʻrish va jinoyat sodir etishga suiqasd qilish bilan bogʻliq jinoiy jazolanadigan qilmishlar sifatida belgilash uchun zarur qonuniy chora-tadbirlarni qabul qilishlari shart.

1. Tomonlar mazkur Konvensiya qamrab olgan jinoyatlardan biri boʻlib hisoblanadigan qilmishlarga yuridik shaxslarning aloqador boʻlib qolishlariga oʻzining hududida yoʻl qoʻymaslik uchun oʻzlarining huquqiy tamoyillaridan kelib chiqib, zarur qonuniy va boshqa chora-tadbirlarni koʻrishadi.

2. Har bir Tomon mazkur Konvensiya qamrab olgan jinoyatlardan biriga yuridik shaxslarning aloqadorligi uchun ularning javobgarligini belgilash uchun kerak boʻladigan barcha chora-tadbirlarni qabul qilishlari lozim.

3. Tomonlarning huquqiy tamoyillariga rioya qilgan holda yuridik shaxslarning javobgarligi jinoiy, fuqarolik-huquqiy yoki maʼmuriy boʻlishi mumkin.

4. Yuridik shaxslarning javobgarligini belgilash, ushbu Konvensiya qamrab olgan jinoyatni sodir etgan, shu faoliyatda ishtirok etgan jismoniy shaxslarning jinoiy javobgarligini istisno qilmaydi.

5. Tomonlar mazkur Konvensiya qamrab olgan jinoyatlarga aloqadorlik uchun javobgarlikka tortiladigan yuridik shaxslarga nisbatan quyidagi choralarni qoʻllashni taʼminlaydi, xususan:

1) ogohlantirish;

2) jarima;

3) yuridik shaxsning mol-mulkini musodara qilish;

4) yuridik shaxsning faoliyatini toʻxtatish;

5) yuridik shaxsning alohida turdagi faoliyatiga taqiq qoʻyish;

6) yuridik shaxsni tugatish.

6. Mazkur Konvensiya qamrab olgan jinoyatlardan biri bilan bogʻlik qilmishlarni yuridik shaxs tomonidan rejalashtirilishi, tashkil etilishi, tayyorgarlik koʻrilishi va sodir etilishi amalga oshirilsa, Tomonlar uni sud yoki Tomonning boshqa vakolatli milliy qonunchilik organi qaroriga koʻra yuridik shaxsni terroristik tashkilot deb tan olinishiga va uni tugatishga imkon beruvchi qonuniy choralar qabul qiladi. Agar mazkur Konvensiya qamrab olgan jinoyatlarni rejalashtirish, tayyorgarlik koʻrish va sodir etish yuridik shaxs tomonidan uning huquq va majburiyatlarini bajarilishini nazorat qiladigan shaxs tomonidan amalga oshirilsa, shu kabi choralar qabul qilinishi mumkin.

7. Tomon hududida faoliyat yurituvchi, mazkur Konvensiya qamrab olgan jinoyatlarga aloqador boʻlgan, xorijiy yuridik shaxslarining tuzilmaviy boʻlinmalariga (vakolatxona, filiallariga) nisbatan mazkur modda qoidalari tatbiq qilinadi.

1. Tomonlar mazkur Konvensiya qamrab olgan jinoyatlar sifatida topshirishni nazarda tutadigan qilmishlarni, shuningdek sudlanganlarni topshirish va huquqiy yordam koʻrsatishni koʻrib chiqadilar.

2. Istalgan Tomonlar oʻrtasida amal qiluvchi, mazkur Konvensiya qamrab olgan jinoyatlarni topshirish toʻgʻrisidagi har qanday shartnomada topshirish talab etiladigan jinoyat sifatida koʻrib chiqiladi. Tomonlar bunday jinoyatlarni topshirish toʻgʻrisidagi shartnomalarda topshirilishi talab etiladigan jinoyatlar sifatida ular oʻrtasida keyinchalik tuziladigan barcha shartnomalarda tan olinishi lozim.

3. Agar bir Tomon mavjud shartnomasida topshirish shart qilib qoʻyilgan boʻlsa va topshirish toʻgʻrisida shartnomasi boʻlmagan boshqa Tomondan topshirish toʻgʻrisida soʻrovnoma olsa, soʻrovnoma olgan Tomon mazkur Konvensiya qamrab olgan jinoyatlarni topshirish uchun huquqiy asos sifatida mazkur Konvensiyaga tayanadi. Topshirish toʻgʻrisida soʻrovnoma olgan Tomonning qonunchiligida nazarda tutilgan boshqa shartlarga rioya qilgan holda amalga oshiriladi.

4. Mavjud shartnomada topshirish shart qilinmagan Tomonlar mazkur Konvensiya qamrab olgan jinoyatlarni oʻzaro munosabatlarda topshirish talab etiladigan jinoyatlar sifatida soʻrovnoma olgan Tomon qonunchiligida nazarda tutilgan shartlarga rioya qilgan holda koʻrib chiqiladi.

5. Topshirish va huquqiy yordamga aloqador masalalarda tegishli qilmishlarni jinoyat sifatida ikki tomonlama tan olish tamoyiliga rioya qilish talab etiladi, soʻrovnoma olgan Tomon qonunchiligiga tegishli qilmishni oʻsha jinoyat toifasiga kiritilgani yoki soʻrovnoma yuboruvchi Tomon singari jinoyatni shunday atamalar yordamida tavsiflanganligi yoki yuqligidan qatʼiy nazar, agar mazkur qilmish huquqiy yordam va topshirish talab etilgani tufayli, Tomonlar milliy qonunchiligiga muvofiq jinoiy jazolanishi lozim deb tan olinsa, bu tamoyilga rioya qilingan hisoblanadi.

6. Mazkur Konvensiya qamrab olgan jinoyatlar, tegishli Tomonning hududida sodir etilgan deb ushbu jinoyatlarning haqiqiy sodir etilgan joyidan qatʼiy nazar mazkur Tomonning yurisdiksiyasi doirasida, mazkur Konvensiyaning 5-moddasiga muvofiq topshirish maqsadida qoʻrib chiqiladi.

7. Mazkur Konvensiya qamrab olgan jinoyatlarni va ularni sodir etishga aloqador yuridik shaxslar javobgarligi asoslarini aniqlash Tomonlar milliy qonunchiligi sohasiga kiradi.

8. Hukm chiqargan Tomon talabiga koʻra yoki mazkur Konvensiya qamrab olgan jinoyatlardan biri uchun sudlangan Tomon fuqaroligi boʻlgan shaxs — oʻsha Tomon roziligi bilan amaldagi shartnomalar yoki oʻzaro kelishuv asosida uni jazoni oʻtash uchun fuqaroligi boʻlgan Tomonga joʻnatilishi mumkin boʻlgan shaxsdir.

9. Agar mazkur Konvensiya qamrab olgan jinoyatlardan birini sodir etgan shaxs soʻrovnoma olgan Tomon joylashgan hududda boʻlsa va shu Tomon fuqarosi hisoblansa, oʻsha shaxsni topshirmaslik huquqiga ega, bunda u Tomon unda bor materiallar, shu jumladan soʻrovnoma olgan Tomonga yuborilgan jinoyat ishi materiallari asosida mazkur shaxsga nisbatan oʻz qonunchiligiga muvofiq jinoiy taʼqibni amalga oshiradi.

1. Terrorizmning oldini olish va u bilan kurashish maqsadida Tomonlarning vakolatli organlari soʻrovnoma boʻyicha yoki oʻzining tashabbusi boʻyicha bir-biriga mazkur Konvensiya qamrab olgan masalalar toʻgʻrisida maʼlumot (hujjatlar, materiallar, boshqa maʼlumotlar) taqdim etadilar.

2. Mazkur moddaning 1-bandida koʻrsatilgan maʼlumot soʻrovnoma yuborgan Tomonning vakolatli organi soʻrovnomasi boʻyicha shu shart bilan taqdim qilinadiki, maʼlumot soʻrovnoma olgan Tomon vakolatli organining oldindan yozma roziligisiz hech kimga berilmasligi lozim.

3. Agar soʻrovnoma yuborgan vakolatli organlar oldindan kelishgan boʻlishsa, Tomonlarning vakolatli organlari soʻrovnomani va uning mazmunini oshkor qilishmaydi hamda undan faqat soʻrovnomani bajarish maqsadida foydalanishadi, shuningdek soʻrovnoma olgan Tomonga yuborilgan maʼlumotlarning maxfiyligini taʼminlaydi va ulardan faqat soʻrovnomada nazarda tutilgan tergovni amalga oshirish, sudda ishni koʻrib chiqish yoki harakatlarni bajarish uchun zarur darajada foydalaniladi.

1. Soʻrovnomani ijro etish mazkur Konvensiya va soʻrovnoma olgan Tomon qonunchiligi asosida amalga oshiriladi.

2. Agar soʻrovnoma olgan Tomon qonunchiligida boshqa qoidalar oʻrnatilmagan boʻlsa, soʻrovnoma yuborgan Tomon vakolatli organining soʻrovnomasini ijro etishda ushbu Tomon qonunchiligi qoʻllanishi mumkin. Soʻrovnoma yuborgan Tomon qonunchiligini qoʻllash soʻrovnoma olgan Tomon suverenitetiga va milliy xavfsizligiga zarar yetkazmasligi lozim.

1. Soʻrovnoma yozma ravishda tuziladi va quyidagilardan iborat boʻladi:

1) soʻrovnoma yuborgan va olgan Tomonlar vakolatli organlarining nomi;

2) soʻrovnoma sababi va asosi;

3) ish mohiyati, shuningdek tezkor-qidiruv tadbirlari boʻyicha oʻtkaziladigan, tergov yoki sudda koʻrib chiqishga doir faktlar (sanasi, joyi va jinoyat holati);

4) tegishli normativ-huquqiy hujjatlar matnlari yoki, agar buning imkoni boʻlmasa, ularning qoidalarini bayon qilish, shuningdek bir xil natijalarga olib boradigan talab qilinayotgan chora-tadbir yoki boshqa istalgan chora-tadbir toʻgʻrisidagi bayonot soʻrovnoma yuborgan Tomon hududida uning qonunchiligiga muvofiq qabul qilinishi mumkin;

5) agar zarurat boʻlsa, undan foydalanishni cheklash darajasini koʻrsatish.

2. Mazkur moddaning 1-bandida koʻrsatilgan maʼlumotdan tashqari yuridik shaxslarga nisbatan javobgarlik choralarini qoʻllash toʻgʻrisida soʻrovnoma quyidagilardan iborat boʻlishi lozim:

1) yuridik shaxs nomi, uning joylashgan oʻrni toʻgʻrisida maʼlumot, yuridik manzili, rahbarlar toʻgʻrisida maʼlumotlar;

2) javobgarlik choralari;

3) soʻrovnoma yuborgan Tomon soʻrovnomasi boʻyicha amal qilish maʼqul boʻlgan aniq protsedura toʻgʻrisidagi maʼlumotlar;

4) xatlash yoki musodara qilinishi mumkin boʻlgan mol-mulk toʻgʻrisidagi maʼlumot (uning joylashgan oʻrni, tegishli jinoyatga daxldorligi, shuningdek ushbu mol-mulkka boshqa shaxslarning huquqlari toʻgʻrisidagi har qanday mavjud maʼlumotlar);

5) sud yoki soʻrovnoma yuborgan Tomon boshqa vakolatli organi qarorining tasdiqlangan nusxasi va ushbu qaror uchun asoslarni bayon qilish;

6) soʻrovnoma yuborgan Tomon asos qilib olgan va soʻrovnoma olgan Tomon oʻz qonunchiligi asosida ijro etish uchun qaror qabul qilish toʻgʻrisidagi masalani koʻtara olishi uchun yetarli boʻlishi lozim boʻlgan faktlarni bayon qilish.

3. Shubha ostidagi yoki aybdor shaxslarni soʻroqdan oʻtkazish toʻgʻrisida soʻrovnoma yuborilgan taqdirda unga jinoyat ishi zarur materiallarining tasdiqlangan nusxalari ilova qilinishi lozim.

4. Soʻrovnoma olgan Tomon soʻrovnoma yuborgan Tomonni, agar har bir aniq holatda boshqa narsaga kelishilmasa, soʻrovnoma kelib tushgan sanadan 30 kundan kechiktirmasdan quyidagilar toʻgʻrisida axborot beradi:

1) soʻrovnoma boʻyicha bajarilgan ishlar va ularning natijalari toʻgʻrisida;

2) soʻrovnomani ijro etishga toʻsqinlik qiluvchi yoki uning bajarilishini sezilarli kechiktiradigan har qanday holatlar toʻgʻrisida.

5. Soʻrovnoma yuborgan Tomon quyidagilar toʻgʻrisida kechiktirmasdan soʻrovnoma olgan Tomonga xabar beradi:

1) yuridik shaxslarga nisbatan javobgarlik choralarini qoʻllash toʻgʻrisidagi qaror tufayli toʻliq yoki qisman oʻz kuchini yoʻqotadigan qarorni qayta koʻrib chiqish yoki boshqa holatlar toʻgʻrisida;

2) mazkur Konvensiyaga muvofiq harakatlar oʻzini oqlamaydigan boʻlib qolgani uchun oʻzgarishlar toʻgʻrisida.

6. Bir xil qaror asosida bir qancha Tomonlar oldida yuridik shaxsga nisbatan javobgarlik choralarini qoʻllash toʻgʻrisida ariza bergan Tomon bu haqida ushbu qaror ijro etilishida manfaatdor boʻlgan barcha Tomonlarni xabardor qiladi.

1. Tomonlarning vakolatli organlari quyidagi soʻrovnomalarni ijro etishadi:

1) jinoiy javobgarlikka tortish yoki sud hukmini ijro etish uchun shaxslarni topshirish toʻgʻrisida;

2) tezkor-qidiruv tadbirlarni oʻtkazish toʻgʻrisida;

3) ayrim protsessual harakatlarni amalga oshirish toʻgʻrisida, xususan:

a) ekspertizalar;

b) gumon qilinuvchi, ayblanuvchi, guvoh, jabrlanuvchi va boshqa shaxslarni soʻroq qilish;

v) tintuv, olib qoʻyish;

g) ashyoviy dalillarni berish;

d) mol-mulkni xatlash;

e) hujjatlarni topshirish va joʻnatish;

j) ularning vakolatlariga oid boshqa harakatlar;

4) dalillar bilan taʼminlash toʻgʻrisida;

5) yuridik shaxslarga nisbatan javobgarlik choralarini qoʻllash toʻgʻrisida;

6) mazkur Konvensiya qamrab olgan jinoyatlardan birini sodir etishda gumon qilinayotgan jismoniy shaxslarning joylashgan joyi aniqlanganligi toʻgʻrisida;

7) musodara qilinishi kerak boʻlgan mol-mulkning joylashgan oʻrnini aniqlash toʻgʻrisida;

8) mazkur Konvensiyani qoʻllash sohasiga kiruvchi boshqa holatlar va masalalar boʻyicha.

1. Soʻrovnoma uni soʻragan Tomon vakolatli organining rahbari yoki ularni oʻrnini bosuvchi shaxslar tomonidan imzolanadi va (yoki) gerbli muhr bilan tasdiqlanadi.

2. Kechiktirib boʻlmaydigan holatlarda soʻrovnoma ogʻzaki ravishda berilishi mumkin, lekin 72 soatdan kechiktirmasdan soʻrovnoma va unga ilova qilinadigan hujjatlar yozma ravishda tasdiqlanishi, zarurat tugʻilganda matnni texnik vositalardan foydalangan holda joʻnatish lozim.

3. Soʻrovnomaning haqiqiyligiga shubhalar yuzaga kelganda, uning mazmunini qoʻshimcha tasdiqlash yoki tushuntirish soʻralishi mumkin.

4. Mazkur Konvensiyaga muvofiq kelib tushgan soʻrovnomalar koʻp boʻlganda va bir xil holatlarni qamrab olsa, soʻrovnoma olgan Tomon soʻrovnomalar ichidan qaysi biri birinchi navbatda bajarilishi kerakligini mustaqil ravishda belgilaydi.

5. Agar soʻrovnomani bajarish soʻrovnoma olgan Tomon vakolatli organining vakolatiga kirmasa, u kechiktirmasdan soʻrovnomani oʻz davlatining boshqa vakolatli organiga bajarish uchun joʻnatadi va bu haqda soʻrovnoma yuborgan Tomonning vakolatli organi tezda xabardor qilinadi.

6. Soʻrovnoma olgan Tomon vakolatli organi soʻrovnomani bajarish uchun, uning fikriga koʻra zarur boʻlgan qoʻshimcha maʼlumotlarni soʻrashi mumkin.

1. Agar chora-tadbirlar soʻrovnoma olgan Tomon vakolatli organlari amalga oshiradigan tezkor-qidiruv tadbirlarini oʻtkazishga, tergov yoki sudda ishni koʻrib chiqishga zarar yetkazishi mumkin boʻlsa, soʻrovnoma olgan Tomon vakolatli organi soʻrovnoma boʻyicha chora-tadbirlarni qabul qilishni kechiktirishi mumkin.

2. Agar soʻrovnoma olgan Tomonning suvereniteti, milliy xavfsizligiga zarar yetkazishi mumkin boʻlsa yoki qonunchiligiga zid boʻlsa, soʻrovnoma olgan Tomon vakolatli organi soʻrovnomani bajarishni rad qilishi mumkin.

3. Soʻrovnomani bajarishni rad qilish yoki kechiktirishdan oldin, soʻrovnoma olgan Tomonning vakolatli organi zarur hollarda soʻrovnoma joʻnatgan Tomonning vakolatli organi bilan maslahatlashadi.

4. Soʻrovnomani bajarish kechiktirilgan yoki rad qilingan taqdirda, soʻrovnoma olgan Tomonning vakolatli organi bu toʻgʻrisida soʻrovnoma tashabbuskorini shunday qarorga kelishining sabablarini koʻrsatgan holda tezda xabardor qiladi.

1. Mazkur Konvensiya qamrab olgan jinoyatlarni sodir etishda gumon qilinayotgan yoki ayblanuvchilarni jinoiy taqib qilishni amalga oshiradigan va ushbu shaxslar boshqa Tomon hududida joylashganini aniqlagan Tomon oʻsha Tomon vakolatli organlarining ruxsatini olgandan soʻng oʻzlarining xodimlarini soʻrovnoma olgan Tomon hududiga tegishli tezkor-qidiruv tadbirlari va tergov harakatlarida ishtirok etish uchun yuborishi mumkin.

2. Soʻrovnoma yuborgan Tomon vakolatli organlarining joʻnatilgan xodimlari soʻrovnoma olgan Tomon hududida uning qonunchiligiga va Tomonlar ishtirokchi boʻlgan xalqaro shartnomalarga muvofiq tezkor-qidiruv tadbirlari va tergov harakatlarida qatnashishlari mumkin.

3. Soʻrovnoma olgan Tomon soʻrovnoma yuborgan Tomon xodimlarining mazkur Konvensiyaning 14 — 18 moddalariga muvofiq rasmiylashtirilgan soʻrovnoma asosida tezkor-qidiruv tadbirlari va tergov harakatlarida ishtirok etish uchun ruxsatnomalar berish tartibini belgilaydi.

4. Vakolatli organlarning xodimlarini tezkor-qidiruv tadbirlari va tergov harakatlarida ishtirok etish uchun yuborilgan taqdirda, joʻnatish toʻgʻrisidagi soʻrovnomada qoʻshimcha ravishda quyidagi maʼlumotlar koʻrsatilishi lozim:

1) joʻnatilgan xodimlar toʻgʻrisida maʼlumot;

2) safarga joʻnatish maqsadi, tezkor-qidiruv tadbirlari va tergov harakatlarining roʻyxati, tartibi va ularni bajarish muddatlari;

3) transportdan foydalanilganda, u haqida maʼlumotlar, shuningdek transport vositalarining turi, ularning soni va roʻyxatga olingan raqami;

4) boshqa zarur maʼlumotlar.

5. Soʻrovnoma boʻyicha qaror soʻrovnoma olgan Tomon vakolatli organi tomonidan soʻrovnoma kelib tushgan vaqtdan 5 kundan kechiktirmasdan qabul qilinadi, bu toʻgʻrisida soʻrovnoma yuborgan Tomon vakolatli organi darhol xabardor qilinadi. Bunday qaror soʻrovnoma olgan Tomonning maʼlum vakolatli organlari tomonidan oldindan kelishib olinishi mumkin.

6. Agar ruxsatnoma olish uchun soʻrovnoma mazkur moddaning 4-bandida koʻrsatilgan talablarni hisobga olmasdan tuzilgan yoki maʼlumot toʻliq hajmda taqdim qilinmagan boʻlsa, unda soʻrovnoma olgan Tomon vakolatli organi qoʻshimcha maʼlumotlarni soʻrashga haqli.

7. Soʻrovnoma olgan Tomon hududiga oʻrnatilgan tartibda kelgan soʻrovnoma yuborgan Tomon vakolatli organlarining xodimlari oʻsha Tomonda boʻlish qonunchiligiga va ularning shu erda boʻlishi va topshiriqni bajarishini tartibga soladigan shartlarga muvofiq oʻzlarining funksiyalarini bajarishadi.

8. Soʻrovnoma olgan Tomon hududida, Soʻrovnoma olgan Tomon vakolatli organlarining xodimlari tomonidan oʻtkaziladigan tezkor-qidiruv tadbirlari va tergov harakatlarida ishtirok etuvchi soʻrovnoma yuborgan Tomon vakolatli organlarining xodimlari quyidagilarga majbur:

1) ular oʻzlari joylashgan hududdagi Tomonning qonunchiligiga rioya qilishlari, shuningdek vaqtincha yashaydigan Tomon organlarining qonuniy talablariga boʻysunishga;

2) soʻrovnoma olgan Tomonga ular tomonidan olingan maʼlumotni taqdim qilish.

9. Hududida tezkor-qidiruv tadbirlari va tergov harakatlari oʻtkazilayotgan Tomon vakolatli organi barcha harakatlarni toʻxtatishni talab qilgan zahoti toʻxtatiladi.

10. Mazkur moddada nazarda tutilgan qoidalar boʻyicha Tomonlar oʻzaro alohida kelishuvlar tuzishlari mumkin.

Soʻrovnoma olgan Tomon vakolatli organlari tomonidan uning qonunchiligiga muvofiq soʻrovnomani bajarish natijasida olingan dalillar soʻrovnoma yuborgan Tomonda ham shunday dalil boʻlib xizmat qiladi.

1. Mazkur Konvensiya qamrab olgan jinoyatlarni sodir etishga aloqador boʻlgan jismoniy va yuridik shaxslarning mol-mulkini musodara qilish toʻgʻrisida qarorni ijro etishda uchinchi shaxslarning huquqlariga nisbatan soʻrovnoma yuborgan Tomon orqali chiqarilgan sud qarorini soʻrovnoma olgan Tomon tan oladi.

2. Bunday tan olinish quyidagi holatlardan birida rad qilinishi mumkin:

1) agar uchinchi shaxslar oʻzlarining huquqlari toʻgʻrisida bildirish uchun yetarlicha imkoniyatlar boʻlmasa;

2) agar uchinchi shaxs oʻzlarining huquqlari toʻgʻrisida aniq va asosli daʼvo qilsa;

3) agar ushbu masala boʻyicha qaror soʻrovnoma olgan Tomon oldin chiqargan qarorga zid kelsa;

4) agar qaror soʻrovnoma olgan Tomon qonunchiligiga zid kelsa;

5) agar qaror soʻrovnoma olgan Tomon qonunchiligida nazarda tutilgan alohida yurisdiksiyaga oid qoidalarga qarshi chiqarilgan boʻlsa.

1. Mazkur Konvensiyaga muvofiq yuboriladigan hujjatlar ularni qonuniylashtirish boʻyicha barcha rasmiyatchiliklardan ozod qilinadi.

2. Tomonlardan birining hududida berilgan yoki vakolatli organ tomonidan yoki shunga maxsus vakolati boʻlgan shaxsning vakolati doirasida va oʻrnatilgan shaklda tasdiqlangan, shuningdek gerbli muhr bilan tasdiqlangan hujjatlar boshqa barcha Tomonlarning hududlarida hech qanday maxsus guvohnomasiz qabul qilinadi.

3. Tomonlardan birining hududida rasmiy hujjat sifatida koʻrib chiqiluvchi hujjatlar boshqa Tomonlarning hududlarida ham rasmiy hujjatlar kuchiga ega.

1. Mazkur Konvensiya qamrab oladigan sohaga kiradigan masalalar boʻyicha Tomonlarning vakolatli organlari boshqa Tomon hududida joylashgan jismoniy va yuridik shaxslar boʻyicha rasmiy hujjatlarni diplomatik kanallar yoki boshqa usul bilan, shuningdek boshqa Tomon vakolatli organi orqali yuborishi mumkin.

2. Mazkur Konvensiya qamrab oladigan sohaga kiradigan masalalar boʻyicha Tomonlarning vakolatli organlari rasmiy hujjatlarni jismoniy va yuridik shaxslarga topshirishda bir-biriga yordam berishadi.

Tomonlar mazkur Konvensiya qamrab olgan jinoyatlarga aloqador shaxslarga qochoq maqomi va uni tasdiqlovchi hujjatlarni taqdim qilishga yoʻl qoʻymaslik boʻyicha zarur choralar qabul qiladi.

1. Bir Tomon boshqa Tomon soʻrovnomasi boʻyicha mazkur Konvensiya qamrab olgan jinoyatlarga aloqador yuridik shaxslar javobgarligini taʼminlashning zaruriy chora-tadbirlarni qabul qiladi, xususan:

1) keyinchalik musodara obyekti boʻlishi mumkin boʻlgan mol-mulkni xatlash;

2) moliyaviy operatsiyalarni toʻxtatish (muzlatish);

3) yuridik shaxsning alohida turdagi faoliyatini toʻxtatish (radio va telekoʻrsatuvlar, ommaviy axborot vositalarini nashr etish, shu jumladan elektron shaklda).

2. Mazkur moddaning 1-bandida nazarda tutilgan chora-tadbirlar soʻrovnoma olgan Tomon qonunchiligiga va mazkur Konvensiyaga muvofiq amalga oshiriladi.

3. Mazkur Konvensiyada nazarda tutilgan choralarni bekor qilishdan oldin soʻrovnoma olgan Tomon soʻrovnoma yuborgan Tomonga ushbu choralarni bajarish foydasiga oʻzlarining vajlarini bayon qilish huquqini taqdim qiladi.

1. Mazkur Konvensiya qamrab olgan jinoyatlardan birini sodir etishda aloqador boʻlgan va uning hududida boʻlgan yoki mol-mulki boʻlgan yoki uning hududida faoliyatini amalga oshiruvchi yuridik shaxsga (uning tuzilmaviy boʻlinmasiga) nisbatan javobgarlik choralarini qoʻllash bilan bogʻliq soʻrovnoma olgan Tomon:

1) sud yoki soʻrovnoma yuborgan Tomonning boshqa vakolatli organining soʻralgan javobgarlik choralarini qoʻllash toʻgʻrisida qarorini ijro etadi;

2) soʻrovnoma olgan Tomon qarorida keltirilgan faktlar va xulosalar asosida soʻralgan javobgarlik choralarini qoʻllash toʻgʻrisida oʻzining qonunchiligiga muvofiq sud muhokamasini amalga oshiradi.

2. Javobgarlik choralari yuridik shaxsga nisbatan soʻrovnoma olgan Tomon qonunchiligiga muvofiq qoʻllanadi.

Tomonlar milliy qonunchiligiga muvofiq musodara qilishni taʼminlash maqsadida quyidagi choralarni qabul qilishadi:

1) mazkur Konvensiya qamrab olgan jinoyatlarni sodir etish quroli sifatida foydalanish uchun yoki jinoyatlardan birini moliyalashtirish uchun moʻljallangan pul mablagʻlari, qimmatli qogʻozlar, boyliklar, qurol-yarogʻ, uning tarkibiy (zaxira) qismlari, oʻq-dorilar, portlovchi moddalar va boshqa mol-mulkni xatlaydi;

2) agar mazkur moddada koʻrsatilgan mulkni xatlashning imkoni boʻlmasa, unda bunday mulkning qiymatiga mos pul mablagʻini olib qoʻyilishini taʼminlash.

1. Mazkur Konvensiyaga muvofiq joʻnatilgan jismoniy yoki yuridik shaxslarning mulkini musodara qilish bilan bogʻliq soʻrovnoma ushbu jismoniy va yuridik shaxslarning mulkiga nisbatan musodara qilish toʻgʻrisidagi soʻrovnoma olgan Tomonning oʻz qarorini ijro etish huquqiga daxli yoʻq.

2. Soʻrovnoma boʻyicha musodara etilayotgan mulkning umumiy qiymati musodara qilish toʻgʻrisidagi qarorda koʻrsatilgan summadan ortiq boʻlmasligi lozim. Agar u yoki bu Tomon bu sodir boʻlishi mumkin degan xulosaga kelsa, unda Tomonlar bunday oqibatlarga yoʻl qoʻymaslik maqsadida maslahatlashuv oʻtkazadi.

3. Kreditorlarning talablari qondirilganidan soʻng, mazkur Konvensiyada nazarda tutilgan asoslarga koʻra tugatilgan yuridik shaxsning qolgan mol-mulki ham musodara qilinishi kerak.

4. Soʻrovnoma boʻyicha mol-mulkni musodara qilgan Tomon uning saqlanishini taʼminlaydi va oʻz qonunchiligiga muvofiq musodara qilingan mol-mulkni tasarruf etadi.

5. Shunday mol-mulkning qiymatiga mos boʻlgan musodara qilingan mol-mulk yoki pul mablagʻi tegishli Tomonlarning kelishuviga koʻra, musodara qilish toʻgʻrisida qaror chiqargan Tomonga toʻliq yoki qisman berilishi mumkin.

Agar oldindan boshqacha kelishilmagan boʻlsa, mazkur Konvensiyani bajarilishi bilan bogʻliq xarajatlarni Tomonlar mustaqil ravishda qoplaydi.

1. Agar, mazkur Konvensiyaga muvofiq hamkorlik tufayli, gʻayriqonuniy harakatlar yoki harakatsizlik oqibatida yetkazilgan zararni qoplash toʻgʻrisida daʼvo qilinsa, unda Tomonlar ushbu zararni qoplash uchun toʻlanishi lozim boʻlgan summani taqsimlash toʻgʻrisida kelishib olish maqsadida bir-birlari bilan maslahatlashuv oʻtkazish imkoniyatini koʻrib chiqishadi.

2. Zararni qoplash toʻgʻrisida daʼvo qilingan Tomon bu toʻgʻrisida boshqa manfaatdor Tomonni xabardor qiladi.

Mazkur Konvensiya Tomonlarning mazkur Konvensiya predmeti hamda uning maqsadlariga va obyektiga zid boʻlmagan, shuningdek ular ishtirokchilari boʻlgan boshqa xalqaro shartnomalardan kelib chiqadigan Tomonlarning huquq va majburiyatlariga aloqasi boʻlmagan masalalar boʻyicha boshqa xalqaro shartnomalar tuzish huquqlarini cheklamaydi.

1. Mazkur Konvensiya nomuayyan muddatga tuziladi.

2. Mazkur Konvensiya uni imzolagan davlatlar tomonidan tasdiqlanishi lozim. Ratifikatsiya yorligʻi depozitariyga saqlashga topshiriladi. Konvensiya toʻrtinchi ratifikatsiya yorligʻini depozitariyga saqlashga topshirilgan sanadan oʻttizinchi kuni kuchga kiradi.

3. Mazkur Konvensiyani tasdiqlagan Tomon uchun toʻrtinchi ratifikatsiya yorligʻini depozitariyga saqlashga topshirish sanasidan soʻng, u oʻzining ratifikatsiya yorligʻini depozitariyga saqlashga topshirgan sanadan oʻttizinchi kuni kuchga kiradi.

4. Mazkur Konvensiya depozitariysi Shanxay hamkorlik tashkiloti Kotibiyati hisoblanadi.

1. Mazkur Konvensiya uning qoidalariga rozi boʻlgan barcha davlatlar qoʻshilishi uchun ochiq. Shunday qoʻshilish toʻgʻrisida depozitariyga xabar berish yoʻli bilan Shanxay hamkorlik tashkilotining barcha aʼzo davlatlarning roziligi bilan amalga oshiriladi.

2. Mazkur Konvensiya qoʻshiluvchi davlatlar uchun qoʻshilish toʻgʻrisida xabar depozitariyga saqlashga topshirilgan sanadan oʻttizinchi kuni kuchga kiradi.

Mazkur Konvensiya Birlashgan Millatlar Tashkiloti Nizomining 102-moddasiga muvofiq Birlashgan Millatlar Tashkilotining Kotibiyatida roʻyxatga qoʻyilishi lozim.

Mazkur Konvensiyaga alohida bayonnomalar bilan rasmiylashtiriladigan uning ajralmas qismi hisoblanadigan oʻzgartirish va qoʻshimchalar kiritilishi mumkin. Oʻzgartirish va qoʻshimchalar tegishli xabarni depozitariyga joʻnatish yoʻli bilan istalgan Tomonlardan biri orqali taklif etilishi mumkin, bu takliflar depozitariy tomonidan darhol boshqa Tomonlarga koʻrib chiqishga yuboriladi.

Har bir Tomon mazkur Konvensiyadan chiqishi mumkin, buning uchun ular depozitariyga bu haqida taxminiy chiqish sanasigacha olti oydan kam boʻlmagan vaqtda yozma xabar yuboradi. Chiqish toʻgʻrisida xabar olingan sanadan 30 kun davomida depozitariy boshqa Tomonlarni bu haqida xabardor qiladi.

Tomonlar oʻrtasida mazkur Konvensiya qoidalarini qoʻllash yoki izohlash bilan bogʻliq bahslar va tushunmovchiliklar yuzaga kelganda, manfaatdor Tomonlar ularni konsultatsiya va muzokaralar yoʻli bilan hal qilishadi.

1. Mazkur Konvensiya doirasida Tomonlar hamkorlikni oshirishda rus va xitoy tillari ishchi til hisoblanadi.

2. Mazkur Konvensiyaning asl nusxasi depozitariyga saqlashga topshiriladi, depozitariy mazkur Kovensiyani imzolagan barcha davlatlarga tasdiqlangan nusxalarini tarqatadi.

2009-yil 16-iyunda Ekaterinburg shahrida bitta nusxada rus va xitoy tillarida tuzilgan va ikkalasi ham bir xil kuchga ega.