O‘zbekiston Respublikasi Vazirlar Mahkamasining 2012-yil 16-martdagi 73-sonli “Chet elda ko‘rgazma-yarmarka faoliyatini yanada rivojlantirish chora-tadbirlari to‘g‘risida”gi qarorining (O‘zbekiston Respublikasi qonun hujjatlari to‘plami, 2012-yil, 12-son, 131-modda) 4-bandiga muvofiq O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Iqtisodiyot vazirligi qaror qiladilar:

1. Chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida qatnashishni tashkil etish va eksport kontraktlar tuzish ishlari natijalari bo‘yicha mahalliy xo‘jalik yurituvchi subyektlarning mutaxassislarini rag‘batlantirish tartibi to‘g‘risidagi nizom ilovaga muvofiq tasdiqlansin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

Mazkur Nizom O‘zbekiston Respublikasi Vazirlar Mahkamasining 2012-yil 16-martdagi 73-sonli “Chet elda ko‘rgazma-yarmarka faoliyatini yanada rivojlantirish chora-tadbirlari to‘g‘risida”gi qaroriga (O‘zbekiston Respublikasi qonun hujjatlari to‘plami, 2012-yil, 12-son, 131-modda) muvofiq, chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma yarmarkalar doirasida qatnashishni tashkil etish va eksport kontraktlar tuzish ishlari natijalari bo‘yicha mahalliy xo‘jalik yurituvchi subyektlarning mutaxassislarini rag‘batlantirish tartibini belgilaydi.

1. Chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida qatnashishni tashkil etish va eksport kontraktlar tuzish ishlari natijalari bo‘yicha mahalliy xo‘jalik yurituvchi subyektlarning mutaxassislarini rag‘batlantirish pul mukofoti shaklida amalga oshiriladi.

2. Mahalliy xo‘jalik yurituvchi subyektlar tomonidan chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida qatnashishni tashkil etish va eksport kontraktlar tuzish ishlari natijalari bo‘yicha tuzilgan eksport kontraktlaridan tushgan mablag‘lar mukofotlash manbalari hisoblanadi.

3. Rag‘batlantirish mahalliy xo‘jalik yurituvchi subyektlarning mutaxassislariga chet elda o‘tkazilgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida qatnashishni tashkil etish va eksport kontraktlar tuzish ishlari jarayonida faol ishtirok etganlik uchun belgilanadi.

4. Mahalliy xo‘jalik yurituvchi subyektlarning mutaxassislari chet elda o‘tkazilgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida qatnashishni tashkil etish va eksport kontraktlar tuzish ishlari natijalari bo‘yicha eng kam oylik ish haqining 20 baravarigacha bo‘lgan miqdorda rag‘batlantiriladi va rag‘batlantirish bir moliyaviy yil uchun faqat bir marta qo‘llaniladi. Rag‘batlantirish uchun sarflangan xarajatlar mehnatga haq to‘lash xarajatlariga kiritiladi.

5. Quyidagilar mahalliy xo‘jalik yurituvchi subyektlarning mutaxassislarni rag‘batlantirishning asosiy mezonlari hisoblanadi:

samarali reklama kampaniyasini ishlab chiqish va ko‘rgazma stendini tashkil etish;

mahalliy mahsulotlarni eksport qilishda tashabbuskorlik, uyushqoqlik va qat’iyatlilik bilan ishtirok etish;

chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma yarmarkalarda qatnashishga yuqori darajada tayyorgarlik ko‘rish;

eksport kontraktlari loyihalarini tayyorlash va amalda tuzish hamda mahsulotlar eksportini amalga oshirish jarayonida qo‘shgan hissasi.

6. Mukofotlarning aniq miqdori va chet elda o‘tkazilayotgan O‘zbekistonning milliy ko‘rgazma-yarmarkalari va xalqaro ko‘rgazma-yarmarkalar doirasida imzolangan har bir eksport kontrakti bo‘yicha rag‘batlantiriladigan mutaxassislar xo‘jalik yurituvchi subyekt rahbarining buyrug‘i bilan rasmiylashtiriladi.

7. Mazkur Nizom O‘zbekiston Respublikasi Savdo-sanoat palatasi bilan kelishilgan.