Oʻzbekiston Respublikasi Hukumati va Bolgariya Respublikasi Hukumati, keyinchalik “Tomonlar” deb ataluvchilar,

Sofiya shahrida 1998-yil 24-iyunda imzolangan Oʻzbekiston Respublikasi bilan Bolgariya Respublikasi oʻrtasida doʻstona munosabatlar va hamkorlik toʻgʻrisida Shartnomaga muvofiq,

Oʻzbekiston Respublikasi va Bolgariya Respublikasi oʻrtasida ikki tomonlama munosabatlarni rivojlantirishni istab,

kommunikatsiyalar va axborot texnologiyalari sohasidagi samarali munosabatlar, bu munosabatlarni ilgari surish va shuningdek ikki mamlakat xalqlarining farovonligi uchun iqtisodiy va ijtimoiy taraqqiyot va muhim omil boʻlishini tan olib,

kommunikatsiyalar va axborot jamiyati sohasida oʻzaro foydali, teng huquqli va anʼanaviy yaxshi munosabatlarga asoslangan uzviy hamkorlik oʻrnatishdan oʻzaro manfaatdor ekanliklarini taʼkidlab,

quyidagilar toʻgʻrisida kelishib oldilar:

Oʻzbekiston Respublikasi bilan Bolgariya Respublikasi oʻrtasida kommunikatsiyalar va axborot texnologiyalari sohasidagi aloqalar oʻz milliy qonunchiligi, Xalqaro elektroaloqa ittifoqi (XEI)ning amaldagi aktlari va tavsiyanomalari hamda ushbu Bitim shartlariga muvofiq olib borilishi kerak.

Tomonlar oʻz vakolatlari doirasida ikki mamlakat oʻrtasida kommunikatsiyalar va axborot texnologiyalari xizmatlarini davomli rivojlantirish va xizmatlar sifatini yaxshilash uchun tegishli choralar koʻradilar va ularning ishonchli boʻlishini kafolatlaydilar.

Tabiiy ofat yoki favqulodda holat yuzaga kelganda Tomonlardan har biri boshqa Tomonga oʻz milliy kommunikatsiya tarmoqlari va vositalari orqali aloqa taʼminlash uchun tegishli ustuvorlik beradilar.

4.1 Tomonlar hamkorlikni quyidagi yoʻllar orqali amalga oshirishlari lozim:

yangi texnologiyalar, loyihalar, xalqaro tenderlar va h.k.ga oid axborot va hujjatlar almashinuvi;

ikki tomonlama maslahatlashuvlar;

ekspertlar missiyalari almashinuvi va ishchi guruhlar tuzish;

mutaxassislar almashinuvi;

taʼlim dasturlari;

hamkorlikning boshqa shakllari.

4.2 Tomonlar ushbu Bitim doirasida muayyan masalalar boʻyicha yaqinroq hamkorlik qilishni boshlashlari mumkin. Bu maqsadda, zarurat boʻlganda va oʻzaro kelishuvga muvofiq, tegishli kommunikatsiya idoralari oʻrtasida maqsadlarni, harakatlar dasturlarini, muddatlarni, kontraktlarni bajarish va muvaffaqiyatli yakunlash uchun masʼul departament va shaxslarni koʻzda tutuvchi kontraktlar tuzilishi mumkin.

Tomonlar, har safar amaliy mumkin boʻlganda va Tomonlardan har birining milliy manfaatlariga zid boʻlmaganda, axborot texnologiyalari va kommunikatsiyalar sohasida ixtisoslashtirilgan xalqaro tashkilotlar faoliyatida ishtirok etishda, oʻzaro qoʻllab-quvvatlash va/yoki pozitsiyalarni tayyorlashda hamkorlik qilishga rozilik beradilar.

Axborot texnologiyalari va kommunikatsiyalar sohasi xususida Tomonlar quyidagi masalalar boʻyicha hamkorlikni qoʻllab-quvvatlaydilar:

6.1 monitoring, nazorat, chastotalar taqsimoti va h.k. kabi faoliyatni amalga oshirish uchun protsedura va qoidalarni yaratish;

6.2 axborot texnologiyalari va kommunikatsiyalar sektorlarida iqtisodiy va tijorat bozor tamoyillarini amalga oshirish;

6.3 standartlashtirish;

6.4 axborot jamiyatini rivojlantirish;

6.5 elektron hukumatni amalga oshirish va uning texnik jihatlari, va shuningdek kommunikatsiya infratuzilmasini rivojlantirish;

6.6 axborot texnologiyalari va kommunikatsiyalar sohasida qoʻshma tadqiqot loyihalari;

6.7 global axborot va kommunikatsiya texnologiyalarining oxirgi yutuqlarini ilgari surish;

6.8 inson resurslarini rivojlantirish va potensialini mustahkamlash;

6.9 oʻzaro kelishuvga binoan boshqa masalalar.

Axborot texnologiyalari va kommunikatsiyalar vositalarini ilmiy tadqiq etish va mutaxassislarni oʻqitish borasida Tomonlar oʻz mamlakatlarining ixtisoslashtirilgan organlari oʻrtasida toʻgʻridan toʻgʻri hamkorlikni qoʻllab-quvvatlaydilar.

Ushbu Bitim Tomonlarning uchinchi mamlakatlar bilan tuzgan xalqaro shartnomalaridan chiqadigan huquq va majburiyatlariga daxl qilmaydi.

9.1 Ushbu Bitimning bajarilishi uchun masʼul vakolatli organlar quyidagilar hisoblanadi:

Oʻzbekiston Respublikasida: Oʻzbekiston Axborotlashtirish va aloqa agentligi;

Bolgariya Respublikasida: Axborot texnologiyalari va aloqa davlat agentligi.

9.2 Tomonlar masʼul vakolatli organlar bilan bogʻliq har qanday oʻzgarishlar yuz bergan hollarda har bir Tomonni oʻrnatilgan tartibda xabardor qiladilar.

Ushbu Bitim doirasida olingan har qanday maʼlumot ikkala Tomonning yozma roziligisiz uchinchi tomonlarga oshkor qilinmaydi.

Ushbu Bitim qoidalarini qoʻllash va talqin qilishda vujudga keladigan har qanday bahs va kelishmovchiliklar Tomonlar oʻrtasida muzokaralar va maslahatlashuvlar yoʻli bilan hal qilinadi.

Ushbu Bitimni amalga oshirishi bilan bogʻliq boʻlgan yozishmalarda ikkala Tomon ham rus va ingliz tillaridan foydalanadi.

Boshqa tashkilotlar va organlar oʻrtasidagi yozishmalar tili oʻzaro kelishuvga asosan tanlanishi mumkin.

13.1 Ushbu Bitimga oʻzgartish va/yoki qoʻshimchalar Tomonlarning biridan yozma ravishda taklif olingandan soʻnggina, ularning oʻzaro kelishuvlariga koʻra kiritiladi.

13.2 Avvalgi bandga muvofiq oʻzgartishlar va/yoki qoʻshimchalar, ushbu Bitimning 14-moddasi 1-bandiga muvofiq holda kuchga kiradi.

14.1 Ushbu Bitim Tomonlar uning kuchga kirishi uchun zarur boʻlgan davlat ichki protseduralarini bajarganliklari toʻgʻrisida oxirgi yozma xabarnoma olingan sanadan boshlab kuchga kiradi.

14.2 Ushbu Bitim 5 yil muddatga tuziladi va Tomonlardan hech biri ushbu Bitimning navbatdagi besh yillik muddati tugashidan olti oy oldin Bitimning amal qilishini toʻxtatish niyati toʻgʻrisida yozma ravishda diplomatik kanallar orqali boshqa Tomonga xabar bermasa, keyingi besh yillik muddatga choʻziladi.

14.3 Ushbu Bitim amalining toʻxtatilishi, agar Tomonlar boshqacha kelishib olmasalar, uning amali davridagi tadbir va loyihalarning bajarilishiga daxl qilmaydi.

Toshkent shahrida 2008-yil 6-noyabrda ikkita asl nusxada, har biri oʻzbek, bolgar va ingliz tillarida tuzildi, bunda barcha matnlar bir xil yuridik kuchga ega.

Ushbu Bitim qoidalarini talqin qilishda kelishmovchiliklar yuzaga kelsa, Tomonlar ingliz tilidagi matnga amal qiladilar.