O‘zbekiston Respublikasi Prezidentining “O‘zbekiston Respublikasida pasport tizimini yanada takomillashtirish chora-tadbirlari to‘g‘risida” 2009-yil 23-iyundagi PF-4117-son Farmonini, shuningdek O‘zbekiston Respublikasi Vazirlar Mahkamasining “O‘zbekiston Respublikasida biometrik pasport tizimini joriy etish loyihasini amalga oshirish bo‘yicha 2011-yilga mo‘ljallangan chora-tadbirlar dasturini tasdiqlash to‘g‘risida” 2011-yil 6-martdagi 66-son qarorini bajarish yuzasidan Vazirlar Mahkamasi qaror qiladi:

1. O‘zbekiston Respublikasida biometrik pasport tizimi doirasida yig‘ish punktlari (ichki ishlar organlarining migratsiya va fuqarolikni rasmiylashtirish bo‘linmalari, O‘zbekiston Respublikasi Tashqi ishlar vazirligining Konsullik-huquqiy departamenti, O‘zbekiston Respublikasining xorijdagi konsullik muassasalari) tomonidan amalga oshiriladigan tartib-taomillar (harakatlar) ro‘yxati 1-ilovaga muvofiq tasdiqlansin.

3. Belgilansinki, O‘zbekiston Respublikasida biometrik pasport tizimi doirasida vazirlik va idoralar biometrik pasport tizimi bilan o‘zaro hamkorlik qiluvchi ichki idoraviy apparat-dasturiy komplekslarning uzluksiz ishlashini ta’minlashi, shuningdek, ularni rivojlantirish va takomillashtirish bo‘yicha o‘z vaqtida chora-tadbirlar ko‘rishi shart.

4. Belgilansinki, mazkur qarorni amalga oshirish bilan bog‘liq xarajatlar 2012-yilda biometrik pasport tizimi qatnashchilariga — vazirliklar va idoralarga ajratilgan budjet mablag‘lari doirasida amalga oshiriladi.

5. O‘zbekiston Respublikasi Moliya vazirligi 2013-yildan boshlab har yili O‘zbekiston Respublikasi Davlat budjeti parametrlarini shakllantirishda biometrik pasport tizimi ishtirokchilari bo‘lgan vazirliklar va idoralarning asoslangan hisob-kitoblari bo‘yicha ushbu qarorni amalga oshirish bilan bog‘liq xarajatlarni qoplash uchun zarur mablag‘lar ajratilishini nazarda tutsin.

6. Vazirliklar va idoralar ikki oy muddatda idoraviy normativ-huquqiy hujjatlarni ushbu qarorga muvofiqlashtirsinlar.

7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.

biometrik pasport tizimi (keyingi o‘rinlarda BPT deb ataladi) foydalanuvchilarini ro‘yxatdan o‘tkazish uchun Davlat personallashtirish markaziga (DPM) buyurtmanomani rasmiylashtirish;

biometrik hujjatlarni rasmiylashtirish uchun fuqarolarni statsionar va mobil ma’lumotlarni yig‘ish stansiyalari orqali qabul qilish ishlarini tashkil etish;

DPMning markazlashtirilgan ma’lumot tizimiga ilgari kiritilgan ma’lumotlarni o‘z vaqtida yangilash;

haqiqiy va haqiqiy bo‘lmagan (bekor qilingan) hujjatlarning hisobini yuritish uchun biometrik hujjatni bekor qilish to‘g‘risidagi ma’lumotlarni DPMga kiritish;

biometrik hujjatlarni va jismoniy shaxsning shaxsiy identifikatsiya raqamini olish uchun ariza beruvchi tomonidan taqdim etiladigan hujjatlarning haqiqiyligini tekshirish (bundan buyon matnda — JSHSHIR);

ariza beruvchilardan biografik va biometrik ma’lumotlarni yig‘ish;

biometrik hujjatlarni va JSHSHIR ni olish uchun elektron buyurtmanomalarni shakllantirish;

biometrik hujjatlarni va JSHSHIR ni olish uchun shakllantirilgan elektron buyurtmanomalarni elektron-raqamli imzo bilan tasdiqlash;

biometrik hujjatlarni va JSHSHIR ni olish uchun DPMga belgilangan shaklda elektron talabnomalarni yuborish;

BPTga kiritilgan elektron talabnomalarning holatini kuzatib borish;

tegishli axborotni BPTga kiritish orqali shaxsiylashtirilgan biometrik hujjatlarni qabul qilish;

biometrik hujjatlarni tekshirish va ularning egalariga berish;

ariza beruvchiga JSHSHIR to‘g‘risidagi ma’lumotlarni berish;

muddati o‘tkazib yuborilgan va belgilangan tartibda haqiqiy emas deb topilgan biometrik hujjatlarni yo‘q qilish;

O‘zbekiston Respublikasi fuqarolari va fuqaroligi bo‘lmagan shaxslarga chet elga chiqish uchun ruxsat yozuvini rasmiylashtirish to‘g‘risida BPTga axborot taqdim etish;

elektron axborot tashuvchisi (chip) mavjud bo‘lmagan pasportlar bo‘yicha DPMdan ma’lumotlarni olish;

BPTga murojaat qilish orqali qidiruv tadbirlari;

server, kompyuter va kommunikatsiya uskunalarining reglament-profilaktika tadbirlari.

biometrik hujjatlarni rasmiylashtirish uchun fuqarolarni statsionar va mobil ma’lumotlarni yig‘ish stansiyalari orqali qabul qilish ishlarini tashkil etish;

O‘zbekiston Respublikasi Tashqi ishlar vazirligi Konsullik-huquqiy departamentining Ma’lumotlarni qayta ishlash markazi (keyingi o‘rinlarda MKIM deb ataladi) bilan biometrik yo‘l hujjatlari, xorijga chiqish uchun ruxsat yozuvi va JSHSHIR olish uchun buyurtmanomalarni rasmiylashtirish masalalari bo‘yicha hamkorlik qilish;

biometrik hujjatlar va JSHSHIR ni olish uchun ariza beruvchi tomonidan taqdim etiladigan hujjatlarning haqiqiyligini tekshirish;

ariza beruvchilardan biografik va biometrik ma’lumotlarni yig‘ish;

biometrik hujjatlarni va JSHSHIR ni olish uchun elektron buyurtmanomalarni shakllantirish;

biometrik hujjatlarni va JSHSHIR ni olish uchun shakllantirilgan elektron buyurtmanomalarni elektron-raqamli imzo bilan tasdiqlash;

biometrik hujjatlarni tekshirish* va egalariga berish;

ariza beruvchiga DPMda hosil qilingan JSHSHIR to‘g‘risidagi ma’lumotlarni berish;

muddati o‘tkazib yuborilgan va belgilangan tartibda haqiqiy emas deb topilgan biometrik hujjatlarni yo‘q qilish;

server, kompyuter va kommunikatsiya uskunalarining reglament-profilaktika tadbirlari.

O‘zbekiston Respublikasining biometrik diplomatik pasportini rasmiylashtirish, berish va almashtirish ishlarini tashkil etish.