Oʻzbekiston Respublikasining “Davlat bojxona xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 230-modda) 6-moddasiga muvofiq Davlat bojxona qoʻmitasi qaror qiladi:

1. Quyidagilar:

Oʻzbekiston Respublikasi Davlat bojxona qoʻmitasi tomonidan 2000-yil 7-dekabrda 02-20-64-son bilan tasdiqlangan Bojxona brokerlari va deklarantlari faoliyati toʻgʻrisidagi nizomga 1-son oʻzgartish va qoʻshimchalar (roʻyxat raqami 495-1, 2000-yil 16-dekabr);

Oʻzbekiston Respublikasi Davlat bojxona qoʻmitasining 2001-yil 19-martdagi 02/20-7-son “Bojxona brokerlari va deklarantlari faoliyati toʻgʻrisidagi nizomga oʻzgartish va qoʻshimchalar kiritish haqida”gi qarori (roʻyxat raqami 495-2, 2001-yil 29-mart) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2001-yil 6-son) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.