Oʻzbekiston Respublikasi Prezidentining “Davlat va xoʻjalik boshqaruvi organlari tuzilmasini yanada takomillashtirish va xodimlari sonini maqbullashtirish chora-tadbirlari toʻgʻrisida” 2010-yil 20-dekabrdagi PQ-1444-son qaroriga muvofiq Vazirlar Mahkamasi qaror qiladi:

1. “Oʻzbekiston tashqi iqtisodiy axborot-tijorat markazi” ochiq aksiyadorlik jamiyati (keyingi oʻrinlarda “Oʻzaxborottijoratmarkaz” ochiq aksiyadorlik jamiyati deb ataladi) aksiyadorlarining umumiy yigʻilishi tomonidan, qonun hujjatlarida belgilangan tartibda:

“Oʻzaxborottijoratmarkaz” ochiq aksiyadorlik jamiyatini tugatish;

“Oʻzaxborottijoratmarkaz” ochiq aksiyadorlik jamiyatini tugatish komissiyasini tashkil etish toʻgʻrisida qaror qabul qilinganligi maʼlumot uchun qabul qilinsin.

2. “Oʻzaxborottijoratmarkaz” ochiq aksiyadorlik jamiyatini tugatish bilan bogʻliq ishlarni muvofiqlashtirish uchun 1-ilovaga* muvofiq tarkibda ishchi komissiya tashkil etilsin.

Ishchi komissiya “Oʻzaxborottijoratmarkaz” ochiq aksiyadorlik jamiyatini qonun hujjatlarida belgilangan tartibda tugatish bilan bogʻliq chora-tadbirlar kompleksi amalga oshirilishini taʼminlasin.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

1. Vazirlar Mahkamasining “Xalqaro savdo obyektlari respublika kompleksini tashkil etish toʻgʻrisida” 1992-yil 16-sentabrdagi 433-son qarorida:

a) 1-bandda:

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin;

b) 5-band oʻz kuchini yoʻqotgan deb hisoblansin.

2. Vazirlar Mahkamasining “Toshkent shahridagi Xalqaro savdo-koʻrgazma kompleksi hududida jamoat tartibi saqlanishini va xavfsizlikni taʼminlashga doir qoʻshimcha chora-tadbirlar toʻgʻrisida” 1999-yil 10-maydagi 231-son qarori 4-bandining ikkinchi xatboshidagi “va Tashqi iqtisodiy aloqalar vazirligining “Oʻzaxborottijoratmarkaz” respublika tijorat markazi” soʻzlari “Tashqi iqtisodiy aloqalar, investitsiyalar va savdo vazirligi” soʻzlari bilan almashtirilsin.