Oʻzbekiston Respublikasining “Qishloq va suv xoʻjaligida iqtisodiy islohotlar chuqurlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2009-yil 25-dekabrdagi OʻRQ-240-son Qonuniga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining “Oʻzbekiston Respublikasi Qishloq va suv xoʻjaligi vazirligini tashkil etish toʻgʻrisida” 1996-yil 1-noyabrdagi PF-1617-son Farmonining:

2-bandi oʻninchi xatboshidagi “er va suvdan foydalanuvchilarning” soʻzlari “er, suvdan foydalanuvchilar va suv isteʼmolchilarining” soʻzlari bilan almashtirilsin;

4-bandidagi “er va suvdan foydalanish” soʻzlari “er, suvdan foydalanish va suv isteʼmol qilish” soʻzlari bilan almashtirilsin;

2. Oʻzbekiston Respublikasi Prezidentining “Meva-sabzavotchilik va uzumchilik sohasida iqtisodiy islohotlarni chuqurlashtirish chora-tadbirlari toʻgʻrisida” 2006-yil 9-yanvardagi PF-3709-son Farmoni 1-bandining “g” kichik bandidagi “suvdan foydalanuvchilar uyushmalari” soʻzlari “suv isteʼmolchilari uyushmalari” soʻzlari bilan almashtirilsin.

3. Oʻzbekiston Respublikasi Prezidentining “Yerlarning meliorativ holatini yaxshilash tizimini tubdan takomillashtirish chora-tadbirlari toʻgʻrisida” 2007-yil 29-oktabrdagi PF-3932-son Farmoni 1-bandining beshinchi xatboshi va 4-bandining toʻrtinchi xatboshidagi “suvdan foydalanuvchilar” soʻzlari “suv isteʼmolchilari” soʻzlari bilan almashtirilsin.

4. Oʻzbekiston Respublikasi Prezidentining 2005-yil 16-maydagi PQ-77-son qarori bilan tasdiqlangan “Amu-Zang mashina kanali tizimini tiklash” loyihasining “Agroservis markazlari tashkil etish” hamda “Tajriba xoʻjaliklaridagi sugʻorish va kollektor-drenaj tarmoqlarini qisman rekonstruksiya qilish” komponentlari boʻyicha Osiyo taraqqiyot bankining qarz mablagʻlarini berish, ulardan foydalanish va ularni qaytarish tartibi toʻgʻrisidagi nizom 1 va 2-ilovalari 2-bandining oltinchi xatboshi, 11-bandining ikkinchi va sakkizinchi xatboshi, 12-bandi birinchi, beshinchi, yettinchi va sakkizinchi xatboshi, 15-bandining toʻrtinchi xatboshilaridagi “suvdan foydalanuvchilar” soʻzlari tegishli ravishda “suv isteʼmolchilari” soʻzlari bilan almashtirilsin.

5. Oʻzbekiston Respublikasi Prezidentining “Osiyo taraqqiyot banki ishtirokida “Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini amalga oshirish chora-tadbirlari toʻgʻrisida” 2007-yil 26-sentabrdagi PQ-698-son qarori 1-bandining uchinchi xatboshidagi “suv resurslaridan foydalanuvchilar” soʻzlari “suv isteʼmolchilari uyushmalari” soʻzlari bilan almashtirilsin.

6. Oʻzbekiston Respublikasi Prezidentining “Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasi faoliyatini tashkil etish toʻgʻrisida” 2007-yil 31-oktabrdagi PQ-718-son qarori 3-ilovasining 5-bandi uchinchi xatboshidagi “suvdan foydalanuvchilar” soʻzlari “suv isteʼmolchilari” soʻzlari bilan almashtirilsin.