Respublika aholisi, ayniqsa yoshlar oʻrtasida Oʻzbekiston Respublikasi Prezidenti I.A.Karimovning Oʻzbekiston Respublikasi Oliy Majlisi Qonunchilik palatasi va Senatining 2010-yil 28-yanvardagi qoʻshma majlisidagi “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimiz” hamda Vazirlar Mahkamasining 2010-yil 29-yanvardagi majlisidagi “Asosiy vazifamiz — Vatanimiz taraqqiyoti va xalqimiz farovonligini yanada yuksaltirishdir” maʼruzalarining mazmuni va ulardagi xulosalarni chuqur oʻrganishni tashkil etish maqsadida:

1. Oliy taʼlim muassasalarida, kasb-hunar kollejlari va akademik litseylarda, oʻqituvchilar malakasini oshirish tizimida, respublika ilmiy muassasalarida Oʻzbekiston Respublikasi Prezidenti I.A.Karimovning Oʻzbekiston Respublikasi Oliy Majlisi Qonunchilik palatasi va Senatining 2010-yil 28-yanvardagi qoʻshma majlisidagi “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimiz” hamda Vazirlar Mahkamasining 2010-yil 29-yanvardagi majlisidagi “Asosiy vazifamiz — Vatanimiz taraqqiyoti va xalqimiz farovonligini yanada yuksaltirishdir” maʼruzalarining mazmuni va ulardagi xulosalarni chuqur oʻrganish boʻyicha Chora-tadbirlar kompleksi (keyingi oʻrinlarda Chora-tadbirlar kompleksi deb ataladi) 1-ilovaga muvofiq tasdiqlansin.

2. Chora-tadbirlar kompleksini amalga oshirish boʻyicha 2-ilovaga muvofiq tarkibda ishchi guruh tashkil etilsin.

Quyidagilar ishchi guruhning asosiy vazifalari etib belgilansin:

oliy taʼlim muassasalarida, kasb-hunar kollejlari va akademik litseylarda, oʻqituvchilar malakasini oshirish tizimida, respublika ilmiy muassasalarida, taʼlim va mutaxassisliklarning iqtisodiyot va boshqa yoʻnalishlari xususiyatlarini hisobga olgan holda, Oʻzbekiston Respublikasi Prezidenti I.A.Karimovning “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimiz” hamda “Asosiy vazifamiz — Vatanimiz taraqqiyoti va xalqimiz farovonligini yanada yuksaltirishdir” maʼruzalarini oʻrganishni metodik taʼminlash;

zarur oʻquv va metodik adabiyotlarni, koʻrgazmali qoʻllanmalar va didaktik materiallarni, ushbu maqsadlar uchun yetakchi olimlar va amaliyotchi-iqtisodchilarni jalb etgan holda, tayyorlash va nashr etish ishlarini muvofiqlashtirish;

barcha taʼlim muassasalarida maʼruzalarni oʻrganish boʻyicha mashgʻulotlarning muntazam oʻtkazilishini taʼminlash.

3. Ishchi guruh (S.Bekenov) Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazi, Fanlar akademiyasi, Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi bilan birgalikda:

Chora-tadbirlar kompleksi asosida besh kun muddatda, muddatlar va masʼul shaxslarni belgilagan holda, tashkiliy tadbirlarni tayyorlasin va tasdiqlasin;

Chora-tadbirlar kompleksining sifatli va oʻz vaqtida amalga oshirilishini hamda uni amalga oshirish samaradorligining doimiy monitoringi olib borilishini taʼminlasin;

har chorakda Vazirlar Mahkamasiga Chora-tadbirlar kompleksi amalga oshirilishi toʻgʻrisida axborot taqdim etsin.

4. Oʻzbekiston Respublikasi Tashqi ishlar vazirligi, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi Oʻzbekiston Respublikasining chet ellardagi elchixonalari va vakolatxonalarida maʼruzalarning taqdimotlari oʻtkazilishini taʼminlasinlar, bunda respublikaning Inqirozga qarshi choralar dasturini 2009-yilda Oʻzbekiston Respublikasi Prezidenti I.A.Karimov tomonidan jahon moliyaviy-iqtisodiy inqirozi oqibatlarini bartaraf etish yuzasidan belgilab berilgan vazifalarni amalda roʻyobga chiqarish asosida erishilgan natijalar yorqin namoyish etilishini nazarda tutsinlar.

5. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Markaziy bankining 2010-yil aprel oyida Toshkent shahrida “Inqirozga qarshi choralar dasturining samaradorligi hamda inqirozdan keyingi rivojlantirishning ustuvor vazifalari (Oʻzbekiston misolida)” mavzusida Xalqaro ilmiy-amaliy konferensiya (keyingi oʻrinlarda Xalqaro konferensiya deb ataladi) oʻtkazish toʻgʻrisidagi taklifi qabul qilinsin.

6. Quyidagilar:

Xalqaro konferensiyani tayyorlash va oʻtkazish boʻyicha tashkiliy chora-tadbirlar dasturi 3-ilovaga muvofiq;

Xalqaro konferensiyani oʻtkazish boʻyicha tashkiliy qoʻmita tarkibi 4-ilovaga muvofiq tasdiqlansin.

7. Oʻzbekiston milliy teleradiokompaniyasi, “Oʻzbekkino” milliy agentligi, Oʻzbekiston Respublikasi Iqtisodiyot vazirligi Oʻzbekiston Respublikasi Prezidenti I.A.Karimovning “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimiz” hamda “Asosiy vazifamiz — Vatanimiz taraqqiyoti va xalqimiz farovonligini yanada yuksaltirishdir” maʼruzalari asosida mamlakatimizda va Oʻzbekiston Respublikasining xorijdagi diplomatik vakolatxonalarida, shuningdek Xalqaro konferensiyada, oliy taʼlim muassasalarida, akademik litseylar va kasb-hunar kollejlarida, oʻqituvchilar malakasini oshirish institutlari va kurslarida namoyish etish uchun “Oʻzbekistonning inqirozga qarshi dasturi: dastlabki natijalar, tendensiyalar va istiqbollar” ilmiy-ommabop filmini yaratsinlar.

8. Oʻzbekiston Respublikasi Moliya vazirligi Xalqaro konferensiyani oʻtkazish hamda maʼruzalar materiallari boʻyicha ilmiy- ommabop filmni yaratish uchun asoslangan hisob-kitoblarga binoan zarur mablagʻlar ajratilishini taʼminlasin.

9. Mazkur Farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.