Yoshlarni ma’naviy-axloqiy tarbiyalash ishlarini kuchaytirish, ta’lim muassasalarining o‘quvchi va talabalarini kamol topishi uchun shart-sharoitlar yaratish, shuningdek talaba yoshlarning dam olishini mazmunli tashkil etish maqsadida Vazirlar Mahkamasi qaror qiladi:
1. O‘zbekiston Respublikasi Oliy va o‘rta maxsus ta’lim vazirligi, Respublika ma’naviyat targ‘ibot markazi hamda O‘zbekiston yoshlarining “Kamolot” ijtimoiy harakati Markaziy Kengashining Toshkent shahridagi “Yoshlik” talabalar shaharchasining “Ma’naviyat va ma’rifat” markazini O‘zbekiston Respublikasi Oliy va o‘rta maxsus ta’lim vazirligi huzuridagi “Ma’naviyat va ma’rifat” markaziga (keyingi o‘rinlarda Markaz deb ataladi) aylantirish yo‘li bilan uni qayta tashkil etish to‘g‘risidagi taklifi qabul qilinsin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2018-yil 17-sentabrdagi 736-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.09.2018-y., 09/18/736/1886-son)
Oldingi tahrirga qarang.
(3-band O‘zbekiston Respublikasi Vazirlar Mahkamasining 2018-yil 17-sentabrdagi 736-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.09.2018-y., 09/18/736/1886-son)
4. O‘zbekiston Respublikasi Oliy va o‘rta maxsus ta’lim vazirligi huzuridagi “Ma’naviyat va ma’rifat” markazining 2-ilovaga* muvofiq tarkibdagi Jamoatchilik kengashi tashkil etilsin.
Respublika Ma’naviyat targ‘ibot markazi yordamida bir oy muddatda Markazning ustavini ishlab chiqsin va belgilangan tartibda tasdiqlasin;
O‘zbekiston Respublikasi Davlat mulki qo‘mitasi bilan birgalikda Toshkent shahar, Talabalar ko‘chasi, 70-uyda joylashgan binoning Toshkent davlat texnika universiteti balansidan, shuningdek Toshkent shahridagi “Yoshlik” talabalar shaharchasining qayta tashkil etilayotgan “Ma’naviyat va ma’rifat” markazi mol-mulki Markaz balansiga bepul berilishini belgilangan tartibda ta’minlasin;
O‘zbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi bilan kelishgan holda ikki hafta muddatda Markaz xodimlari mehnatiga haq to‘lash razryadlari va shartlarini belgilangan tartibda ishlab chiqsin va tasdiqlasin;
Markazni zarur ixtisoslikka ega bo‘lgan malakali kadrlar bilan ta’minlash, shuningdek uning moddiy-texnika bazasini mustahkamlash chora-tadbirlarini ko‘rsin.
Oldingi tahrirga qarang.
6. Belgilansinki, Markaz faoliyatini moliyalashtirish O‘zbekiston Respublikasi respublika budjeti mablag‘lari, yuridik va jismoniy shaxslarning ixtiyoriy badallari va hadyalari, xo‘jalik faoliyatidan va pulli xizmatlar ko‘rsatishdan olingan mablag‘lar, shuningdek qonun hujjatlarida taqiqlanmagan boshqa manbalar mablag‘lari hisobiga amalga oshiriladi.
(6-band O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
Oldingi tahrirga qarang.
2018-yilda O‘zbekiston Respublikasi Davlat budjeti parametrlarida “Ijtimoiy soha” uchun nazarda tutilgan mablag‘lar doirasida Markazni saqlash va uning faoliyatini moliyalashtirish uchun zarur mablag‘lar ajratsin, 2019-yildan boshlab esa har yili O‘zbekiston Respublikasi Davlat budjetidan “Maorif” sohasiga ajratiladigan xarajatlar parametrlarida nazarda tutsin.
(7-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 17-sentabrdagi 736-sonli qarori tahririda — Qonun hujjatlari ma’lumotlari milliy bazasi, 19.09.2018-y., 09/18/736/1886-son)
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2018-yil 17-sentabrdagi 736-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.09.2018-y., 09/18/736/1886-son)