1. O‘zbekiston Respublikasi Prezidentining ba’zi farmonlariga 2011-yilning 1-yanvaridan boshlab 1-ilovaga muvofiq o‘zgartishlar kiritilsin.

2. O‘zbekiston Respublikasi Prezidentining ayrim farmonlari 2011-yilning 1-yanvaridan boshlab 2-ilovaga muvofiq o‘z kuchini yo‘qotgan deb hisoblansin.

3. Mazkur Farmonning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.

2. O‘zbekiston Respublikasi Prezidentining “2003-yilning 1-aprelidan boshlab uy-joy-kommunal xizmatlar haqini to‘lash bo‘yicha beriladigan imtiyozlar o‘rniga kompensatsiya pul to‘lovlarini joriy etish to‘g‘risida” 2003-yil 27-martdagi PF-3227-son Farmoni 2-bandidagi “mehnat haqi fondiga” so‘zlari “jismoniy shaxslarning jami daromadiga” so‘zlari bilan almashtirilsin.

3. O‘zbekiston Respublikasi Prezidentining “To‘g‘ridan-to‘g‘ri xususiy xorijiy investitsiyalarni jalb etishni rag‘batlantirish borasidagi qo‘shimcha chora-tadbirlar to‘g‘risida” 2005-yil 11-apreldagi PF-3594-son Farmonining 1-bandi birinchi xatboshi quyidagi tahrirda bayon etilsin:

“1. 2005-yilning 1-iyulidan boshlab to‘g‘ridan-to‘g‘ri xususiy xorijiy investitsiyalarni jalb etadigan va ilovaga muvofiq ro‘yxat bo‘yicha iqtisodiyot tarmoqlarida mahsulotlarni ishlab chiqarishga ixtisoslashtirilgan korxonalar yuridik shaxslarning foydasidan olinadigan soliq, mulk solig‘i, ijtimoiy infratuzilmani rivojlantirish va obodonlashtirish solig‘i, mikrofirma va kichik korxonalar uchun belgilangan yagona soliq to‘lashdan, shuningdek Respublika yo‘l jamg‘armasiga majburiy ajratmalar to‘lashdan ozod qilinsin.”.

4. O‘zbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar o‘rtasida kooperatsiyani kengaytirishni rag‘batlantirish chora-tadbirlari to‘g‘risida” 2006-yil 5-yanvardagi PF-3706-son Farmoni 3-bandidagi “besh yil muddatga” so‘zlari “2014-yilning 1-yanvarigacha” so‘zlari bilan almashtirilsin.

1. O‘zbekiston Respublikasi Prezidentining “Savdo va umumiy ovqatlanish sohasida soliqqa tortish tizimini yanada takomillashtirish to‘g‘risida” 2002-yil 20-maydagi PF-3076-son Farmoni.

2. O‘zbekiston Respublikasi Prezidentining “Jismoniy shaxslarning jami daromadini deklaratsiyalash tizimini bosqichma-bosqich joriy etish chora-tadbirlari to‘g‘risida” 2002-yil 5-sentabrdagi PF-3127-son Farmonining 4-bandi.

3. O‘zbekiston Respublikasi Prezidentining “Ulgurji savdo korxonalarini soliqqa tortishni takomillashtirish to‘g‘risida” 2003-yil 4-fevraldagi PF-3205-son Farmoni.